Imika 2
2
Ẹnẹyịmavaraa vaa sị ụya rị aza anaa mẹ̀ ẹvaya yị onosiye
1Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ. 2Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ. 3Ẹnẹyịmavara kà oni o reè ro ịrẹyị ọnị ọnị va sị pa ịvaa yị wa. Ọ kà ẹnịnị ẹ yị va zụụ tụ̀ ịrẹsụ hụụnị ịrẹyị ọnọọ. Ọ kà ịrẹyị vee tù wa, dị ahịka vi e kụkụ aa tẹẹ zị nị. 4Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.” 5Ịhị àa sị ẹtẹ ọnọọ vaa yị aza Ẹnẹyịmavara. Ẹwụ nịnị ene eē yị ẹtẹ aanị ẹ yị kụkụ vaa nyị tụ́ ọ.
Ọnịsẹ ireche nịnị
6Dị ọnịsẹ ireche nịnị, ka asị mị rẹ kà ịrẹyị yị ẹnị nị. Ẹ ka asị mị rẹ ka ẹngụ ịrẹyị ẹnẹẹ yị ẹnị Ẹ ka Ohomorihi ọ yị vavọọ vaa mẹ ụhịị nyị ẹnị. Anisirẹrị, ọ́ọ́ vọrọ ka wa maanị kà nịnị 7Áá vọrọ ka ẹwụ Anovwoovu Ijekọvụ ọ̀ maanị kà? Ẹnẹyịmavara wáá vaa sị ẹngụ dọ ebira ọnị wa mẹ̀ aanị? Wàa mẹ̀ ịsa ana vọrọ, ịrẹyị amị yaanị sị ayị awụ nẹtẹ. 8Ama pooro va ngụ ụmẹ ọnọnị, aza amị vana kwẹẹtẹ tu mi anka ọnịvị amị avọọ. Aza ana aa parahu hẹẹ, di è yi pè wu nịnị kụ̀ ịrẹkụ wa za wa, wa dọ wa awuru ozoza eni e chire. 9Ese aza Ohomorihi vị ọnị ụ dụ hụụnị eehi ozoza ẹnịnị. Ịsa oni Ohomorihi sị yị ezi ẹnịnị ana vị ụbanyị ẹnịnị, dị ụ dọ wa, dị ụ tụ wa avosus tinatibe nị. 10Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ. 11Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.
Ohomorihi vaa dọ, aza anị ha
12Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ. 13Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.
Currently Selected:
Imika 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imika 2
2
Ẹnẹyịmavaraa vaa sị ụya rị aza anaa mẹ̀ ẹvaya yị onosiye
1Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ. 2Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ. 3Ẹnẹyịmavara kà oni o reè ro ịrẹyị ọnị ọnị va sị pa ịvaa yị wa. Ọ kà ẹnịnị ẹ yị va zụụ tụ̀ ịrẹsụ hụụnị ịrẹyị ọnọọ. Ọ kà ịrẹyị vee tù wa, dị ahịka vi e kụkụ aa tẹẹ zị nị. 4Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.” 5Ịhị àa sị ẹtẹ ọnọọ vaa yị aza Ẹnẹyịmavara. Ẹwụ nịnị ene eē yị ẹtẹ aanị ẹ yị kụkụ vaa nyị tụ́ ọ.
Ọnịsẹ ireche nịnị
6Dị ọnịsẹ ireche nịnị, ka asị mị rẹ kà ịrẹyị yị ẹnị nị. Ẹ ka asị mị rẹ ka ẹngụ ịrẹyị ẹnẹẹ yị ẹnị Ẹ ka Ohomorihi ọ yị vavọọ vaa mẹ ụhịị nyị ẹnị. Anisirẹrị, ọ́ọ́ vọrọ ka wa maanị kà nịnị 7Áá vọrọ ka ẹwụ Anovwoovu Ijekọvụ ọ̀ maanị kà? Ẹnẹyịmavara wáá vaa sị ẹngụ dọ ebira ọnị wa mẹ̀ aanị? Wàa mẹ̀ ịsa ana vọrọ, ịrẹyị amị yaanị sị ayị awụ nẹtẹ. 8Ama pooro va ngụ ụmẹ ọnọnị, aza amị vana kwẹẹtẹ tu mi anka ọnịvị amị avọọ. Aza ana aa parahu hẹẹ, di è yi pè wu nịnị kụ̀ ịrẹkụ wa za wa, wa dọ wa awuru ozoza eni e chire. 9Ese aza Ohomorihi vị ọnị ụ dụ hụụnị eehi ozoza ẹnịnị. Ịsa oni Ohomorihi sị yị ezi ẹnịnị ana vị ụbanyị ẹnịnị, dị ụ dọ wa, dị ụ tụ wa avosus tinatibe nị. 10Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ. 11Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.
Ohomorihi vaa dọ, aza anị ha
12Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ. 13Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.