Ijoovu 29
29
Ịrẹyị ọdịrẹma ọnị Ijoovu kà
Ijoovu kà
1Dị Ijoovu rẹ nyima aa ka ịrẹyị, dị ọ ka; 2Aa yẹ Ohomorihi ọ va ọnị na udi anị ịyẹẹyẹ ịnị ọnị ọ sị tẹsị anị. 3Ohomorihi vana ya pe ọnị ịjọnọọ dị ọ vị ẹtohweyi ọnị ọnị a sị zị ụsẹ ịnị ịrahụ nị. 4Ịjọnọọ vị ọnị ọnị jẹẹ, dị ọnịrị Ohomorihi zee, dị ọ vị aha yị irehi anị. 5Ụmẹ ọnọọ Ohomorihi Ochẹtẹẹngụ jẹẹ ọnị ịrẹma, dị avaba anị ezi ya ịzọọ nị. 6Dị ịrẹva imaaru ọnịrị ẹvụ anị aa va hyọrọ-hyọrọ, dị ọchị orivi anị ene hi ini ataba aa mẹ ẹtẹẹrẹ nị. 7Azọkụ ẹkụra ẹ̀ẹ dị ọnị rẹ ya aha anị ịnị akakana ẹnịnị. 8Dị ezwọọmụha sị oze tịtẹ ọnị àa vẹ, dị azọkụ kwẹẹtẹ sị ụbanyị yị ọnị. 9Dị ọdọvịdị ẹkụra nịnị za ịrẹyị ẹnịnị jẹẹ.
10Dị aza ọkọọka sị irenu ku oku ee zi ọnị. 11Ọza tụra ọza ene re ọnị a vị dị ọ wụ́ ịrẹyị anị vị anaa ka ọyịza anị. 12Ọnị ọ gụ onosiye nịnị ene na owu va za ọnị. Avọọ ọnị mẹ rẹ mẹ ọgụvọ yị ezi-oku nịnị ẹnẹ ẹ yị nyị ọnọgụvọ nị. 13Ọgụvọ ọnị ọnị mẹ̀ ọ mẹ ka aza ana yaanị vu ẹ̀ ga ọnị, dị ayị osoku nini è hine. 14Ebira ọyịza vị ọnị ọnị sị mẹ achị ku ẹngụ, dị ọnị sị ịzẹyịza mẹ awuru ọnịrị ubobo anị nị. 15Ijoovu ka ọnị vị eyi yị ogweyi, dị ọnị rẹ vị ahụ yị oswahụ nị. 16Ọnị ọ vị ada yị aza ẹnẹẹ yị nyị, dị ọnị aa dọ ịrẹvụ ọzọga vụ nị. 17Ọnị aa tụ aza edivi ọkụmị agụvị dị ẹ hụrẹ aza ana ngụ wa ụvọ.
18Ọnị o ro ka ọnị vaa ra ẹhẹ anị gọdọ, dị o su ini eehi awụ nị. 19Ọnị sị mẹẹ anka ọchị ọnị ẹpa anị ee re enyi hu, di eguhi ee chire ku ávọ́ anị avọọ nị. 20Aza vị anaa sị ụbanyị yị ọnị pooro, dị ụkata anị aa hịrẹ ụna eyinị-eyinị. 21Aza vị anaā jẹẹ dị ẹ wụ́ ịrẹyị anị, di e ku irenu ka ẹnị ẹ wụ ajuwe anị. 22Nyị ọza ana kụkụ aa ha irenu ọ́ sị ịrẹyị ka. Ịrẹyị anị vị anaa ngụ wa ẹngụ anka ẹtẹ ọyịwụ mee hu eguhi ene chire avọọ. 23E yee zi ọ anka ọza ee zi orihi eyi avọọ nị; E hi ụvọ ee zi ịrẹyị anị anka ọza ene zi orihi ị̀rẹ̀sụ̀ eyi avọọ nị 24O nyinyi hi wa kẹnẹ dị ayị ẹnịnị nẹtẹ. Eyi anị ọ nẹtẹ tu wa dị ẹ nyị ọtụtụrụma jẹẹ. 25Ọnị a ka yị wa ịsị a vọrọ ka ẹ mẹ, dị ọ vị ohinọyị tụra ịrẹsụ nị. Ọnị vị ohi avaba ọkụrẹkụ anị nị. Ọnị aa sị ayị aza ana va ẹngụ hi nẹtẹ nị.
Currently Selected:
Ijoovu 29: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 29
29
Ịrẹyị ọdịrẹma ọnị Ijoovu kà
Ijoovu kà
1Dị Ijoovu rẹ nyima aa ka ịrẹyị, dị ọ ka; 2Aa yẹ Ohomorihi ọ va ọnị na udi anị ịyẹẹyẹ ịnị ọnị ọ sị tẹsị anị. 3Ohomorihi vana ya pe ọnị ịjọnọọ dị ọ vị ẹtohweyi ọnị ọnị a sị zị ụsẹ ịnị ịrahụ nị. 4Ịjọnọọ vị ọnị ọnị jẹẹ, dị ọnịrị Ohomorihi zee, dị ọ vị aha yị irehi anị. 5Ụmẹ ọnọọ Ohomorihi Ochẹtẹẹngụ jẹẹ ọnị ịrẹma, dị avaba anị ezi ya ịzọọ nị. 6Dị ịrẹva imaaru ọnịrị ẹvụ anị aa va hyọrọ-hyọrọ, dị ọchị orivi anị ene hi ini ataba aa mẹ ẹtẹẹrẹ nị. 7Azọkụ ẹkụra ẹ̀ẹ dị ọnị rẹ ya aha anị ịnị akakana ẹnịnị. 8Dị ezwọọmụha sị oze tịtẹ ọnị àa vẹ, dị azọkụ kwẹẹtẹ sị ụbanyị yị ọnị. 9Dị ọdọvịdị ẹkụra nịnị za ịrẹyị ẹnịnị jẹẹ.
10Dị aza ọkọọka sị irenu ku oku ee zi ọnị. 11Ọza tụra ọza ene re ọnị a vị dị ọ wụ́ ịrẹyị anị vị anaa ka ọyịza anị. 12Ọnị ọ gụ onosiye nịnị ene na owu va za ọnị. Avọọ ọnị mẹ rẹ mẹ ọgụvọ yị ezi-oku nịnị ẹnẹ ẹ yị nyị ọnọgụvọ nị. 13Ọgụvọ ọnị ọnị mẹ̀ ọ mẹ ka aza ana yaanị vu ẹ̀ ga ọnị, dị ayị osoku nini è hine. 14Ebira ọyịza vị ọnị ọnị sị mẹ achị ku ẹngụ, dị ọnị sị ịzẹyịza mẹ awuru ọnịrị ubobo anị nị. 15Ijoovu ka ọnị vị eyi yị ogweyi, dị ọnị rẹ vị ahụ yị oswahụ nị. 16Ọnị ọ vị ada yị aza ẹnẹẹ yị nyị, dị ọnị aa dọ ịrẹvụ ọzọga vụ nị. 17Ọnị aa tụ aza edivi ọkụmị agụvị dị ẹ hụrẹ aza ana ngụ wa ụvọ.
18Ọnị o ro ka ọnị vaa ra ẹhẹ anị gọdọ, dị o su ini eehi awụ nị. 19Ọnị sị mẹẹ anka ọchị ọnị ẹpa anị ee re enyi hu, di eguhi ee chire ku ávọ́ anị avọọ nị. 20Aza vị anaa sị ụbanyị yị ọnị pooro, dị ụkata anị aa hịrẹ ụna eyinị-eyinị. 21Aza vị anaā jẹẹ dị ẹ wụ́ ịrẹyị anị, di e ku irenu ka ẹnị ẹ wụ ajuwe anị. 22Nyị ọza ana kụkụ aa ha irenu ọ́ sị ịrẹyị ka. Ịrẹyị anị vị anaa ngụ wa ẹngụ anka ẹtẹ ọyịwụ mee hu eguhi ene chire avọọ. 23E yee zi ọ anka ọza ee zi orihi eyi avọọ nị; E hi ụvọ ee zi ịrẹyị anị anka ọza ene zi orihi ị̀rẹ̀sụ̀ eyi avọọ nị 24O nyinyi hi wa kẹnẹ dị ayị ẹnịnị nẹtẹ. Eyi anị ọ nẹtẹ tu wa dị ẹ nyị ọtụtụrụma jẹẹ. 25Ọnị a ka yị wa ịsị a vọrọ ka ẹ mẹ, dị ọ vị ohinọyị tụra ịrẹsụ nị. Ọnị vị ohi avaba ọkụrẹkụ anị nị. Ọnị aa sị ayị aza ana va ẹngụ hi nẹtẹ nị.
Ebira First Bible © Bible Society of Nigeria, 2014.