Ijoovu 28
28
Ahẹ ana a sị ga ịrẹyọyẹ
1Igooru ọnịrị isiriva vị anaā ba hụụnị ẹtẹ dị a vaa sị ịra nyịna a; 2avọọ a mẹ rẹ mẹ enyusẹ ọnịrị ịkọpa nị. 3Anụkọrọ anaā ba enyusẹ ẹnẹnị vị ana aā sị ịrakotupa ngụ ịnịnẹ ịnị etohozi ruma-ruma nee si wa. 4Dị ẹ chị ụsị ọgọdọ tụ uruvo ẹtẹ ene noze hi ịzị aza ẹ yị ra hi. Dị ẹ vị ẹnị ịnya gẹ ịnị obo aa mẹ̀ ụkọrọ ịzọọ. 5Uruvo ẹtẹ anaā kụ ịrụkụ ịsọyịrị tụ́ a ka ịra tụ́ anaa sị chaka ịrẹta enyusẹ ẹnẹnị nị. 6Ịnị ịrẹta ẹnẹnị a nyị ịsahwaya, di edudu anị nyị igooru, 7nyị ukokoro ana yẹ oze uruvo ẹtẹ ọnọọ. Ẹ yị nyị ụba ene hira nọ ịzọọ da. 8Nyị uye ịnị avị a vị idu ana zị oze ọnọọ re da.
9Dị aza ana ba enyusẹ ẹnẹẹ chị ịrẹta ana katẹngụ hu. Dị ẹ chị ataba na ngụ ụvẹtẹ-ụvẹtẹ uruvo anị. 10Dị ẹ tụ́ oze irenyi-irenyi hi ini akakana ịrẹta, di eyi ẹnịnị e re ogu akàaka. 11Dị ẹ ba ịrẹta ne re iruku ogu ana tẹ ịzọọ, dị ẹ kụ wa tụ́ ẹhẹ. 12Ama ịzị a zụ re ịrẹyọyẹ hụrẹ kẹ? Ịzị ị zụ kọsẹ dị ị yaa yẹ?
13Ẹ́ yị nyị ọza ana yẹ ịrẹyọyẹ mẹmẹ nyị ụbanyị. Ẹ́ yị vị ịsa enee zụ re hụụnị ụvọ ẹyị ọza ọ vị. 14Ọza ẹ yị zụ re e hụụ ịzị ẹ nyịnẹ ini òkū. 15Ọza ẹ yị nẹngụ sị igooru a vị isiriva hị́ ọ. 16Igooru ozoza ọnịrị ọmọ, a vị ịsahwaya ẹ́ yị da ọgụ gụrị uyi ọnị ịrẹyọyẹ nyị. 17Ịrẹyọyẹ ọ nyị ụbanyị huna igooru ọnịrị ịrẹta ẹkẹhị-ẹkẹhị ana vọ nị. 18Ịrẹyọyẹ ọ nyị uyi hụụnị ịrẹta ẹkẹhị-ẹkẹhị ana aā hị́ ikora, ijasipa ọnyọọnyị nị. 19Ọza ẹ yị zụ sị igooru ene zoza hu ọnịrị ẹkẹhị Anetiyopiya mọ̄ ụbanyị ịrẹyọyẹ re.
20Ijoovu ka, ịzị ịrẹyọyẹ hụrẹ ẹ vẹ? Ịzị a zụ ya kọsẹ anị dị à yẹ ẹ? 21Ohomorihi sị ọ tẹ̀ ka asị ọza ọnịrị inomi re e nị. 22Iswọọza ọnịrị ịsị e du ịsa ka ẹnị ệ wụ ọ akaaka ịzị ẹ zụ ya re ịrẹyọyẹ.
23Ohomorihi kẹnẹ ọ yẹ ịzị ọza zụ re e nị. 24Ka ọnị ee re avaba ịsavịsavị ene hi ịrẹsụ ẹtẹ ọnịrị uruvo ihinẹba nị. 25Ohomorihi ọ sị ẹhụ ụkata ahị yọ, dị ọ mẹ ẹhụ ụrụrụ enyi yọ nị. 26Ọnị mẹ a mẹ vọrọ ka orihi ọọ zụ ọnịrị oze ọnị ịnyanya a sị rị nị. 27Ịjị ọ maanị sị wa mẹ, di o re e, dị ọ ka a, dị ọ sị ọ hi ẹtẹ, dị ọ zama re e nị.
28 #
Ahẹ 111.10; Ụhị 1.7; 9.10 Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.
Currently Selected:
Ijoovu 28: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 28
28
Ahẹ ana a sị ga ịrẹyọyẹ
1Igooru ọnịrị isiriva vị anaā ba hụụnị ẹtẹ dị a vaa sị ịra nyịna a; 2avọọ a mẹ rẹ mẹ enyusẹ ọnịrị ịkọpa nị. 3Anụkọrọ anaā ba enyusẹ ẹnẹnị vị ana aā sị ịrakotupa ngụ ịnịnẹ ịnị etohozi ruma-ruma nee si wa. 4Dị ẹ chị ụsị ọgọdọ tụ uruvo ẹtẹ ene noze hi ịzị aza ẹ yị ra hi. Dị ẹ vị ẹnị ịnya gẹ ịnị obo aa mẹ̀ ụkọrọ ịzọọ. 5Uruvo ẹtẹ anaā kụ ịrụkụ ịsọyịrị tụ́ a ka ịra tụ́ anaa sị chaka ịrẹta enyusẹ ẹnẹnị nị. 6Ịnị ịrẹta ẹnẹnị a nyị ịsahwaya, di edudu anị nyị igooru, 7nyị ukokoro ana yẹ oze uruvo ẹtẹ ọnọọ. Ẹ yị nyị ụba ene hira nọ ịzọọ da. 8Nyị uye ịnị avị a vị idu ana zị oze ọnọọ re da.
9Dị aza ana ba enyusẹ ẹnẹẹ chị ịrẹta ana katẹngụ hu. Dị ẹ chị ataba na ngụ ụvẹtẹ-ụvẹtẹ uruvo anị. 10Dị ẹ tụ́ oze irenyi-irenyi hi ini akakana ịrẹta, di eyi ẹnịnị e re ogu akàaka. 11Dị ẹ ba ịrẹta ne re iruku ogu ana tẹ ịzọọ, dị ẹ kụ wa tụ́ ẹhẹ. 12Ama ịzị a zụ re ịrẹyọyẹ hụrẹ kẹ? Ịzị ị zụ kọsẹ dị ị yaa yẹ?
13Ẹ́ yị nyị ọza ana yẹ ịrẹyọyẹ mẹmẹ nyị ụbanyị. Ẹ́ yị vị ịsa enee zụ re hụụnị ụvọ ẹyị ọza ọ vị. 14Ọza ẹ yị zụ re e hụụ ịzị ẹ nyịnẹ ini òkū. 15Ọza ẹ yị nẹngụ sị igooru a vị isiriva hị́ ọ. 16Igooru ozoza ọnịrị ọmọ, a vị ịsahwaya ẹ́ yị da ọgụ gụrị uyi ọnị ịrẹyọyẹ nyị. 17Ịrẹyọyẹ ọ nyị ụbanyị huna igooru ọnịrị ịrẹta ẹkẹhị-ẹkẹhị ana vọ nị. 18Ịrẹyọyẹ ọ nyị uyi hụụnị ịrẹta ẹkẹhị-ẹkẹhị ana aā hị́ ikora, ijasipa ọnyọọnyị nị. 19Ọza ẹ yị zụ sị igooru ene zoza hu ọnịrị ẹkẹhị Anetiyopiya mọ̄ ụbanyị ịrẹyọyẹ re.
20Ijoovu ka, ịzị ịrẹyọyẹ hụrẹ ẹ vẹ? Ịzị a zụ ya kọsẹ anị dị à yẹ ẹ? 21Ohomorihi sị ọ tẹ̀ ka asị ọza ọnịrị inomi re e nị. 22Iswọọza ọnịrị ịsị e du ịsa ka ẹnị ệ wụ ọ akaaka ịzị ẹ zụ ya re ịrẹyọyẹ.
23Ohomorihi kẹnẹ ọ yẹ ịzị ọza zụ re e nị. 24Ka ọnị ee re avaba ịsavịsavị ene hi ịrẹsụ ẹtẹ ọnịrị uruvo ihinẹba nị. 25Ohomorihi ọ sị ẹhụ ụkata ahị yọ, dị ọ mẹ ẹhụ ụrụrụ enyi yọ nị. 26Ọnị mẹ a mẹ vọrọ ka orihi ọọ zụ ọnịrị oze ọnị ịnyanya a sị rị nị. 27Ịjị ọ maanị sị wa mẹ, di o re e, dị ọ ka a, dị ọ sị ọ hi ẹtẹ, dị ọ zama re e nị.
28 #
Ahẹ 111.10; Ụhị 1.7; 9.10 Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.
Ebira First Bible © Bible Society of Nigeria, 2014.