Ijoovu 13
13
Ijoovu aa yịị kà ịrẹyị naa
1Ijoovu ka ọnị ộ vịdị sị ọ re avaba ịsị ọta anị nịnị aa kà aanị. Ọnị ộ raa wụ ọ, dị ọnị rẹ yẹẹ nị. 2Ọnị ộ yẹ avaba ịsị ẹnịnị yẹ. Ẹ́ yị nyị ịsị ẹ sị huna ọnị. 3Ama Ohomorihi Ochẹtẹẹngụ ọnị ee si ka ọnị ọ̀ kà ịrẹyị ẹngụ anị zụ nị. 4Àa vị ẹwụ nịnị yọ, ireche oni wee che nini, ẹ́ yị zẹẹ ka á yẹ ka ẹ̀ yị nyị ịsị u yẹ nịnị. Vị́ ụ sị mẹẹ nịnị anka ọmahọnọ ẹnẹ ẹ̀ yị zụ mẹ ọza ụkụ avọọ nị.
5Aa yẹ asị ẹnịnị kà ịrẹyị vụrụ-vụrụ. Aza yaanị da ro ka ẹ yẹ ịrẹyị. 6Ijoovu ka, ẹ̀ sị ụtọ pe ẹtẹ dị ọnị ọ̀ kụ irenu anị zụ wa. 7Sị ẹ vị dị ẹ ya hụ agụvị Ohomorihi mẹ̀ apẹ, dị yee cheeche aanị? 8Vị ẹnịnị wáá nyị Ohomorihii iyi nị? Vị ẹ́ẹ́ zụ dọ irenu anịị kụ yọ nị? 9Ohomorihi ọ̀ọ zama wa re ẹtẹẹtẹrẹ, óó vee rẹ́ ka ịsị ẹ yaa mẹ oo zoza? Éé ro ka ẹnị ẹ zụ vene e anka e mee vene aza kẹnẹ avọọ nị? 10Ẹ̀ẹ daka were-were mẹ irikiti Ohomorihi vaa tụ́ wa ohuvọ. 11Aa vọrọ ka ee hí angwa Ohomorihi agụvị ụkata anị ọnịrị ịzị ọ ụbanyị ne tù. 12Ijoovu ka ụhịrẹyị ọnị eyee che vị ana sị mẹẹ anka atịtọ ẹnẹ ẹ̀ yị nyị ịsị ọ wụra mẹ avọọ. Ahankata osusu kẹnẹ ẹyaa nyị nị.
13Ijoovu ka ẹnịnị ẹ sị irenu nini kwoku vị ọnị ọ̀ kà ịrẹyị, dị ịsị ẹẹ ka ọnị aa mẹ, ọ̀ kụkụ mẹ̀ ọnị. 14Ọnị oo tenyi ẹngụ ka ịsị ẹẹ ka ọnị aa mẹ, ọ̀ mẹ. 15Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị. 16Ijoovu ka ayọvị anị ọnọnị ọ́ zụ mẹ ka Ohomorihi ọ dọ ọnị ha, agụvị ka ẹ́ yị nyị ọza ọhịmị ana zụ jẹẹ ọvịdị Ohomorihi. 17Ọ kà a si ụtọ pe ẹtẹ ẹtẹẹrẹ dị wa wụ́ ịrẹyị ọnị ọnị aa kà. 18Ọnị oo tenyi ẹngụ ka ọnị aa kụ irenu, agụvị ka ọnị ộ yẹ ka ọnị ẹ́ yị rị ịvị.
19Ọ kà, Ohomorihi ọ̀ọ zụ ka ịsị ẹ vị ịvị anị nị, vị ọnị aa sị ụvọọ ku irenu anị, dị ọnị ò sú nị. 20Ijoovu ka ọnị aa họ̀ Ohomorihi use ịsa ẹẹva, ọ̀ navọ ọ̀ mẹ yị ọnị; ọ̀ọ mẹẹ yị ọnị, ọnị ẹ́ yị kụkụ vaa tẹ̀ẹ yị ọ. 21Ọ kà Ohomorihi ọ̀ navọ ò kwooze yị ọnị, dị asị ọ́ rẹ́ chire ọnị angwa.
22Ịjọnọọ, ọ̀ọ hị́ ọnị, ọnị vee tụ́ ohi, àvị ọ̀ jẹẹ ọnị ọ̀ kà ịrẹyị, dị ò tu oni ohi. 23Ebira odivi ya ọnị mẹ? Ohomorihi ọ̀ sị zụ ọnị ịvị ọnị ọnị mẹ de. 24Sị ẹ vẹ dị Ohomorihi sị ọnị za ọnịvị anị, dị ộ kụkụ varẹma ka ọnị? 25Ọ kà vị ọnị sị mẹẹ avị ana ahị aa sii zị avọọ nị. Vị Ohomorihi wáá rẹ kụkụ ee vee chire ọnị angwa nị?
26Avaba ịsa ọnị Ohomorihi chẹrẹ ka ọnị ộ mẹ̀ vị ịrẹyị odivi-odivi. Ịsa ọnị ọnị mẹ ịjị ọnị vị ozweyi vị oni Ohomorihi jị ịvị anị yị ọnị. 27#Ijov 33.11Ohomorihi ộ kụ́ ịchẹkẹchẹkẹ hi ọnị ahụ, dị ọ sị eyi pe avaba ahụ ọnị ee hu nị. Ịzị ọnị sị ahụ hị́ vị ọnị ọ́ hyakụ aa zama a re. 28Avọọ ẹhẹ anị ee duu ha anka ịsị ẹ sị vụ̀ avọọ nị. Ọnị ọ kụkụ sị mẹẹ anka awuru ọnị ikere sị rị avọọ nị.
Currently Selected:
Ijoovu 13: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 13
13
Ijoovu aa yịị kà ịrẹyị naa
1Ijoovu ka ọnị ộ vịdị sị ọ re avaba ịsị ọta anị nịnị aa kà aanị. Ọnị ộ raa wụ ọ, dị ọnị rẹ yẹẹ nị. 2Ọnị ộ yẹ avaba ịsị ẹnịnị yẹ. Ẹ́ yị nyị ịsị ẹ sị huna ọnị. 3Ama Ohomorihi Ochẹtẹẹngụ ọnị ee si ka ọnị ọ̀ kà ịrẹyị ẹngụ anị zụ nị. 4Àa vị ẹwụ nịnị yọ, ireche oni wee che nini, ẹ́ yị zẹẹ ka á yẹ ka ẹ̀ yị nyị ịsị u yẹ nịnị. Vị́ ụ sị mẹẹ nịnị anka ọmahọnọ ẹnẹ ẹ̀ yị zụ mẹ ọza ụkụ avọọ nị.
5Aa yẹ asị ẹnịnị kà ịrẹyị vụrụ-vụrụ. Aza yaanị da ro ka ẹ yẹ ịrẹyị. 6Ijoovu ka, ẹ̀ sị ụtọ pe ẹtẹ dị ọnị ọ̀ kụ irenu anị zụ wa. 7Sị ẹ vị dị ẹ ya hụ agụvị Ohomorihi mẹ̀ apẹ, dị yee cheeche aanị? 8Vị ẹnịnị wáá nyị Ohomorihii iyi nị? Vị ẹ́ẹ́ zụ dọ irenu anịị kụ yọ nị? 9Ohomorihi ọ̀ọ zama wa re ẹtẹẹtẹrẹ, óó vee rẹ́ ka ịsị ẹ yaa mẹ oo zoza? Éé ro ka ẹnị ẹ zụ vene e anka e mee vene aza kẹnẹ avọọ nị? 10Ẹ̀ẹ daka were-were mẹ irikiti Ohomorihi vaa tụ́ wa ohuvọ. 11Aa vọrọ ka ee hí angwa Ohomorihi agụvị ụkata anị ọnịrị ịzị ọ ụbanyị ne tù. 12Ijoovu ka ụhịrẹyị ọnị eyee che vị ana sị mẹẹ anka atịtọ ẹnẹ ẹ̀ yị nyị ịsị ọ wụra mẹ avọọ. Ahankata osusu kẹnẹ ẹyaa nyị nị.
13Ijoovu ka ẹnịnị ẹ sị irenu nini kwoku vị ọnị ọ̀ kà ịrẹyị, dị ịsị ẹẹ ka ọnị aa mẹ, ọ̀ kụkụ mẹ̀ ọnị. 14Ọnị oo tenyi ẹngụ ka ịsị ẹẹ ka ọnị aa mẹ, ọ̀ mẹ. 15Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị. 16Ijoovu ka ayọvị anị ọnọnị ọ́ zụ mẹ ka Ohomorihi ọ dọ ọnị ha, agụvị ka ẹ́ yị nyị ọza ọhịmị ana zụ jẹẹ ọvịdị Ohomorihi. 17Ọ kà a si ụtọ pe ẹtẹ ẹtẹẹrẹ dị wa wụ́ ịrẹyị ọnị ọnị aa kà. 18Ọnị oo tenyi ẹngụ ka ọnị aa kụ irenu, agụvị ka ọnị ộ yẹ ka ọnị ẹ́ yị rị ịvị.
19Ọ kà, Ohomorihi ọ̀ọ zụ ka ịsị ẹ vị ịvị anị nị, vị ọnị aa sị ụvọọ ku irenu anị, dị ọnị ò sú nị. 20Ijoovu ka ọnị aa họ̀ Ohomorihi use ịsa ẹẹva, ọ̀ navọ ọ̀ mẹ yị ọnị; ọ̀ọ mẹẹ yị ọnị, ọnị ẹ́ yị kụkụ vaa tẹ̀ẹ yị ọ. 21Ọ kà Ohomorihi ọ̀ navọ ò kwooze yị ọnị, dị asị ọ́ rẹ́ chire ọnị angwa.
22Ịjọnọọ, ọ̀ọ hị́ ọnị, ọnị vee tụ́ ohi, àvị ọ̀ jẹẹ ọnị ọ̀ kà ịrẹyị, dị ò tu oni ohi. 23Ebira odivi ya ọnị mẹ? Ohomorihi ọ̀ sị zụ ọnị ịvị ọnị ọnị mẹ de. 24Sị ẹ vẹ dị Ohomorihi sị ọnị za ọnịvị anị, dị ộ kụkụ varẹma ka ọnị? 25Ọ kà vị ọnị sị mẹẹ avị ana ahị aa sii zị avọọ nị. Vị Ohomorihi wáá rẹ kụkụ ee vee chire ọnị angwa nị?
26Avaba ịsa ọnị Ohomorihi chẹrẹ ka ọnị ộ mẹ̀ vị ịrẹyị odivi-odivi. Ịsa ọnị ọnị mẹ ịjị ọnị vị ozweyi vị oni Ohomorihi jị ịvị anị yị ọnị. 27#Ijov 33.11Ohomorihi ộ kụ́ ịchẹkẹchẹkẹ hi ọnị ahụ, dị ọ sị eyi pe avaba ahụ ọnị ee hu nị. Ịzị ọnị sị ahụ hị́ vị ọnị ọ́ hyakụ aa zama a re. 28Avọọ ẹhẹ anị ee duu ha anka ịsị ẹ sị vụ̀ avọọ nị. Ọnị ọ kụkụ sị mẹẹ anka awuru ọnị ikere sị rị avọọ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.