Ijoovu 12
12
Ijoovu ộ kà ịrẹyị
1Ijoovu ka: 2Ẹwụnị ọ vị irenu ọkarẹyị aza ene ro ka ẹnị kẹnẹ o yẹ ịrẹyị nị. 3Ẹ yị nyị ịsị ẹ yẹ ọnị ọnịrị aza ana vọ ẹ yị yẹ. 4Ọ kà ẹnịnị ẹ̀ daka ee nyi ọnị unyi booro aanị, ẹ yị nyị ịsị ọnị mẹ. Agụvị avọọ ọnị ọ mẹ̀ aduwa dị Ohomorihi wụ ọnị nị. 5Ọza ọnị ọ rọ ẹngụ vị anaā mẹ̀ ọza anaa rị ụya isiya, dị aa tụ ọza ana gẹnẹ ụvọ. 6Anako nịnị ọnịrị aza edivi enee du Ohomorihi ayị vị ọnị ọ rọ ẹngụ. Ẹnịnị vị ene ro ka ẹnị ẹ hwọ mẹ nị.
7Ẹnịnị èe si ka ẹnị ẹ kọ ịrẹyọyẹ e ne tu ịsụpa ọnịrị inomi ini ahị. 8Ẹnịnị e ne họ̀ use hụụnị ụvọ ịsa ene hi ịrẹsụ ẹtẹ ọnịrị uye ene hi ini enyi. 9Avaba ịsa ẹnẹnị ẹ yẹ ka Ẹnẹyịmavara ọ tụ ẹnị vẹ ẹhẹ nị. 10Ẹhẹ ọzọza vana ya ịnị ụvọ Ohomorihi. 11Ọza mẹẹ̄ sị ịrarẹ da ịsa re avọ̀ọ, avọ́ọ ọza mẹẹ zama ịrẹyị ọnị ọ, wụ re nị, kọ ịrẹyọyẹ hụụnị ụvọ azọkụ nị.
12Ịrẹyọyẹ wàa ya ịnị orubo nị 13Ohomorihi ọ vị uruku ịrẹyọyẹ ọnịrị ụkata ana a sị mẹ̀ ẹ nị. 14Ohomorihi òo du ịsa ene zụ tenyi ọ da? Ẹnẹ hụrẹ ọza ọnị ọ jị ẹngwa? 15Ohomorihi òo ka enyi jẹẹ dị ọyọjị vẹ, ọ̀ọ hụrẹ enyi ụvọ dị ọhaara vẹ.
16Ọnị ọ nyị ụkata tụra ọza ene vene ọza ọnịrị ọza oni o vene ịrẹsụ nị. 17Ọnị ọọ̄ dọ anajuwe nịnị ịrẹyọyẹ dị ọ jị ọmọkarẹyị nịnị ụra eyi aza 18Oni oọ̄ chi ohinọyị nịnị hụrẹ ịrẹsụ ode dị ọ jị wa ẹngwa nị. 19Ohomorihi ọọ̄ ka ohirẹsụ irehi anị nịnị chi, dị ọ mẹ̀ ụhị nyị ọnụkata nịnị nị. 20Ọnị ọọ̄ mẹ̀ ka asị ọyẹrẹyị nịnị nyị irenu ọkarẹyị, dị asị azọkụ yẹ ohi ịrẹyị tụ́ nị. 21Ọnị ọọ̄ dọ ohinọyị nịnị ụkata, dị ọ mẹ̀ ụhị nyị wa nị. 22Ohomorihi ọọ̄ vara etohozi ẹtohweyi nị. 23Ọnị ọọ̄ sị ụkata yị ẹkụra nịnị ọnị ọ rẹẹ tụ́ wa ọkụmị nị. 24Ọnọ ọọ̄ dọ ọdọvịdị nịnị ịrẹyọyẹ dị ọ navọ wa ka ẹ̀ẹ ngụ ụnọmị zị ịzị ẹ yị nyị oze. 25Dị ẹ yaa vanga anka ohweche avọọ nị, dị ẹ̀ yị yẹ ịzị ẹ ya nọ ịnị ịrahụ ruma-ruma.
Currently Selected:
Ijoovu 12: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 12
12
Ijoovu ộ kà ịrẹyị
1Ijoovu ka: 2Ẹwụnị ọ vị irenu ọkarẹyị aza ene ro ka ẹnị kẹnẹ o yẹ ịrẹyị nị. 3Ẹ yị nyị ịsị ẹ yẹ ọnị ọnịrị aza ana vọ ẹ yị yẹ. 4Ọ kà ẹnịnị ẹ̀ daka ee nyi ọnị unyi booro aanị, ẹ yị nyị ịsị ọnị mẹ. Agụvị avọọ ọnị ọ mẹ̀ aduwa dị Ohomorihi wụ ọnị nị. 5Ọza ọnị ọ rọ ẹngụ vị anaā mẹ̀ ọza anaa rị ụya isiya, dị aa tụ ọza ana gẹnẹ ụvọ. 6Anako nịnị ọnịrị aza edivi enee du Ohomorihi ayị vị ọnị ọ rọ ẹngụ. Ẹnịnị vị ene ro ka ẹnị ẹ hwọ mẹ nị.
7Ẹnịnị èe si ka ẹnị ẹ kọ ịrẹyọyẹ e ne tu ịsụpa ọnịrị inomi ini ahị. 8Ẹnịnị e ne họ̀ use hụụnị ụvọ ịsa ene hi ịrẹsụ ẹtẹ ọnịrị uye ene hi ini enyi. 9Avaba ịsa ẹnẹnị ẹ yẹ ka Ẹnẹyịmavara ọ tụ ẹnị vẹ ẹhẹ nị. 10Ẹhẹ ọzọza vana ya ịnị ụvọ Ohomorihi. 11Ọza mẹẹ̄ sị ịrarẹ da ịsa re avọ̀ọ, avọ́ọ ọza mẹẹ zama ịrẹyị ọnị ọ, wụ re nị, kọ ịrẹyọyẹ hụụnị ụvọ azọkụ nị.
12Ịrẹyọyẹ wàa ya ịnị orubo nị 13Ohomorihi ọ vị uruku ịrẹyọyẹ ọnịrị ụkata ana a sị mẹ̀ ẹ nị. 14Ohomorihi òo du ịsa ene zụ tenyi ọ da? Ẹnẹ hụrẹ ọza ọnị ọ jị ẹngwa? 15Ohomorihi òo ka enyi jẹẹ dị ọyọjị vẹ, ọ̀ọ hụrẹ enyi ụvọ dị ọhaara vẹ.
16Ọnị ọ nyị ụkata tụra ọza ene vene ọza ọnịrị ọza oni o vene ịrẹsụ nị. 17Ọnị ọọ̄ dọ anajuwe nịnị ịrẹyọyẹ dị ọ jị ọmọkarẹyị nịnị ụra eyi aza 18Oni oọ̄ chi ohinọyị nịnị hụrẹ ịrẹsụ ode dị ọ jị wa ẹngwa nị. 19Ohomorihi ọọ̄ ka ohirẹsụ irehi anị nịnị chi, dị ọ mẹ̀ ụhị nyị ọnụkata nịnị nị. 20Ọnị ọọ̄ mẹ̀ ka asị ọyẹrẹyị nịnị nyị irenu ọkarẹyị, dị asị azọkụ yẹ ohi ịrẹyị tụ́ nị. 21Ọnị ọọ̄ dọ ohinọyị nịnị ụkata, dị ọ mẹ̀ ụhị nyị wa nị. 22Ohomorihi ọọ̄ vara etohozi ẹtohweyi nị. 23Ọnị ọọ̄ sị ụkata yị ẹkụra nịnị ọnị ọ rẹẹ tụ́ wa ọkụmị nị. 24Ọnọ ọọ̄ dọ ọdọvịdị nịnị ịrẹyọyẹ dị ọ navọ wa ka ẹ̀ẹ ngụ ụnọmị zị ịzị ẹ yị nyị oze. 25Dị ẹ yaa vanga anka ohweche avọọ nị, dị ẹ̀ yị yẹ ịzị ẹ ya nọ ịnị ịrahụ ruma-ruma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.