Ọdọvịdị 20
20
Anisirẹrị nịnị ê pe Anịbẹnjamịnị kụ ịrẹkụ
1Anisirẹrị nịnị hụrị ẹtẹ Ịdaanị na ngụ Ịbẹẹsẹba huu na ngụ Igiriyadi, dị ệ wárá ẹngụ gụ vabẹ ọvịdị Ẹnẹyịmavara ịzị aā hị́ Imizipa. 2Dị ọdọvịdị Anisirẹrị nịnị ya ịzọọ beri wa nị. Avaba isoja ana ya ịzọọ pe wa vị ịrịka akava. 3Anịbẹnjamịnị nịnị ệ wụ́ ka avaba Anisirẹrị nịnị ana vọ ệ kụ ẹngụ gụ Imizipa. Ịjị e tu Imizipa, dị Anisirẹrị nịnị ka, ẹnịnị ẹ kà a zụ ẹnị ebira odivi ana mẹ ịnị akakana ẹnịnị mẹmẹ mẹ. 4Ịjọnọọ dị Anireevi, ana a wụ́ ose anị vaa kà a zụ wa nị. Ọ kà ọnịrị ose anị aa nọ Igibiya ana vị ẹtẹ Ịbẹnjamịnị, dị ẹtẹ ohozi za ẹnị ịhị ọnọọ nị; dị â nyị ka ọnịrị onyeehi anị ệ sụ nẹẹhẹ ịzọọ nị. 5Ịjị ịrahụ sị hi, dị ẹnịnị Anigibiya wárá vẹ dị ẹ jesi kara irehi, di e yee sì ka ẹnị ẹ wụ́ ọnị nị. Dị ẹ za onyeehi anị, dị ẹ ụkata-ụkata pe e sụ̀ pooro di o su nị. 6Ịjị ẹ̀ maanị sị onyeehi anị wụ̀, dị ọnị sị oku anị, dị ọnị che e penu-penu, dị ọnị ga hi avaba ẹtẹ Anisirẹrị agụvị ebira enyisi ẹnị ẹ mẹ̀ ịnị ẹtẹ Isirẹrị. 7Booro aanị, ọzọza ọ sị ajuwe vẹ ịsa vọrọ kà a mẹ ịnị ịrẹyị ọnọnị. 8Ịjọnọọ dị avaba Anisirẹrị kwẹẹtẹ, dị ẹ sị ọngwẹ tụ ọnya, dị ẹ ka ẹ yị nyị ọza ịnị ẹnịnị ana vaa varẹma nọ ịnị ajẹngụ anị, a vị dị ọ nọ ịnị eehi anị. 9Dị ẹ ka ịsị ẹnị vaa mẹ hi Anigibiya ọ vị ka ẹnị a na zama ẹtẹ tụ ọ agụvị dị ẹnị ẹ yẹ ẹnị mẹ vaa mẹ pe Anigibiya kụ ịrẹkụ. 10Ẹ kà ịrẹma ọnọọ ẹnị vee che avaba ịrẹsụ-ịrẹsụ Anisirẹrị hi oze ẹẹwụ dị ẹ sị oze ọnya ịnị ẹẹwụ ẹnịnị ka ẹ̀ jẹẹ yị ịsọyịrị ọyịmẹ̀ yị ẹnị ana vọ ana vị isoja. Ẹnịnị ẹ̀ na sị ụya rị Anigibiya ịnị ẹtẹ Ịbẹnjamịnị agụvị ụnọ̀ ọnịrị ebira ụhị ẹnẹ mẹ hi Anisirẹrị nịnị. 11Avaba Anisirẹrị saka-saka ẹ̀ vabẹ, dị ẹ kụ ịrẹkụ ne tu Anẹkụra ọnọọ. 12Avaba ịrẹsụ ene hi Isirẹrị ẹ tụ ne tu avaba ịrẹsụ Ịbẹnjamịnị saka-saka, dị ẹ na họ̀ wa use ka sị ẹ vẹ dị ẹ maanị mẹ̀ ebira odivi ọnọnị hi ẹnị? 13Dị ọnụtụ ẹnẹ ẹ rẹ kà a yị wa ka ẹ kụ aza edivi ẹnẹẹ hi ẹhẹ dị ẹnị ẹ wụ̀ wa agụvị dị asị kụ ebira odivi ọnọọ hụrẹ ẹtẹ, ama ẹnịnị anẹkụra Ịbẹnjamịnị ẹ yị wụ́ ịrẹyị chire anda ẹnịnị Ansirẹrị irenu. 14Ịjị aza Ịbẹnjamịnị nịnị vavọọ re yi, dị avaba ẹnịnị wárá ẹngụ hụrẹ avaba okokooro ene hi Igibiya na gẹ nị. Dị ẹnịnị tenyi ẹngụ ịrẹkụ a naa gẹrị Anisirẹrị ana vọ nị. 15Ịnị ịhị ọnọọ aza Ịbẹnjamịnị ẹ ụsẹ tọ̀ọ́ aza akahị-akahị oze ohurịhịnọnyị anaa sị ụhwọ kụ ịrẹkụ hụrẹ ẹkụra irenyi-irenyi Igibiya va gẹ ne beri aza akatarẹchẹhị ẹnẹ tọ̀ọ́ hụrẹ ịnị aza ana ra Igibiya. 16Ịnị avaba ẹnịnị isoja, a nyị aza akatarẹchẹhị ana vị ọnị ụvọha; ọza ikonya-ikonya ẹnịnị ọ zụ sị ananta ne ịrẹta hi ẹyị ịnị ịrẹsụ ikonya dị ọ yị jị ọ nye. 17Anisirẹrị nịnị ẹnẹ rẹ tọ̀ọ́ aza akawụ oze ẹchẹhị ẹchẹhị oze ẹẹna. Avaba ẹnịnị vị aza anaa sị ụhwọọ kụ ịrẹkụ. 18Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị. 19Ẹnẹnẹ eyinẹhẹ anị ezi Anisirẹrị nịnị ẹẹ kwẹẹtẹ dị ẹ na jị udi ẹnịnị ve eyi ka Anigibiya nị. 20Ịjọnọọ dị Anisirẹrị nịnị kụ ịrẹkụ ne tu Anịbẹnjamịnị nịnị. Ẹnịnị isoja Anisirẹrị mẹ sị ẹngụ tenyi dị ẹ tara tu Igibiya ụvị ịrẹkụ ọ chị nị. 21Ịjọnọọ dị Anịbẹnjamịnị nịnị jịnẹ hụrẹ Igibiya vẹ tu Anisirẹrị nịnị, dị ẹ wụ Anisirẹrị akahị-akahị oze ohurẹẹva ịnị ịhị ọnọọ nị. 22Ama Anisirẹrị ẹẹ hụ ẹngụ ẹnịnị ayị vị, dị ẹ rẹ varẹma na jẹẹ ịzị ẹ vịdị jẹẹ kụ̀ ịrẹkụ ẹkụhị ịpaapa nị. 23Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị. 24Ịzẹyịza dị Anisirẹrị rẹ kụ ịrẹkụ ne tu Anịbẹnjamịnị nịnị eyinẹhẹ anị nị. 25Ịhyọnọọ, dị Anịbẹnjamịnị nịnị hụrị Igibiya ve tu wa nị, dị ẹnịnị vu aza akahị-akahị oze ẹwụrịhịnta ẹtẹ ịnị isoja Isirẹrị nịnị ana kụ̀ ẹnya ịrẹkụ hi ẹngụ. 26Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị. 27Ẹnịnị Anisirẹrị ẹ rẹ ne họ̀ use ịnị ụvọ Ẹnẹyịmavara (ịnị ụmẹ avọọ apoti ivenu Ẹnẹyịmavara ya ịzọọ, 28Ihwinihasi ozi Eriyaza ana vị ozi Eerọnị ọ sị eyi pe apoti ọnọọ nị). E họ̀ use ka ẹnị ẹ rẹ varẹma na gẹrị Anịbẹnjamịnị, ẹyịnyara ẹnịnị ịnị eyi ịrẹkụ avị ka asị ẹnị nọ. Ẹnẹyịmavara o tu wa ohi ka ẹ na agụvị ka ẹ va na gẹ ọnị va sị wa nyị ẹbẹẹba ẹnịnị. 29Ịzẹyịza dị ezi Anisirẹrị na dị ẹ tẹ chire avị kara avaba ẹkụra Igibiya nị. 30Ịhyẹgwẹta anị ẹẹ ne tu Anịbẹnjamịnị dị ọzọza tura ẹnya ịrẹkụ anị jẹ ee zi Anigibiya anka ẹ mẹ vịdị rẹ mẹ ịhyọọ nị. 31Ịjọnọọ dị Anịbẹnjamịnị ẹnị rẹ jịnẹ a na gẹrị ọkụrẹkụ Isirẹrị nị. Ịjị aza Ịbẹnjamịnị nyima dị ẹ yaa dị waa na dị Anisirẹrị a sị ọbọọbọ tura waa jịnẹ hụrị ẹkụra ẹnịnị nị. Dị Anịbẹnjamịnị re nyima dị ẹ ya wụ Anisirẹrị anka ịyẹẹyẹ nị. Ẹnịnị ẹ wụ̀ aza ohurẹẹwụ ịnị ọkụrẹkụ Isirẹrị ịnị oze ọbanyị ana ha hi ẹẹva ọnya ọ nọ Ịbẹtẹrị dị ọsa nọ Igibiya nị. 32Ịjọnọọ dị Anịbẹnjamịnị ka ẹnị e si nyima re huna wa anka ẹnị mẹ rẹ mẹ wa ịhị ọnọọ. Ama dị Anisirẹrị ẹnị ka à vẹ ẹnị è zwe va nọ ịrẹma agụvị ẹnị ẹ zụ tura wa hụụnị ẹkụra ẹnịnị na ngụ oze ọbanyị. 33Ịjị ẹ vavọọ reè vene wa, dị avaba isoja Anisirẹrị tụ hụrẹ ịzị ọzọza tara tụ, dị ẹ ne tenyi ẹngụ kụ gụ ẹkụra ana aā hị́ Ịbaarị-Itama nị. Aza ana vịdị tẹ̀ kara Igibiya ệ vana tụ̀ hii ẹhẹ hụụ ịzị ẹ tẹ̀ hi ịnị ịrẹta. 34Aza akahị-akahị oze ẹẹwụ ana a tọ̀ọ́ ọtirenyi ịnị ẹnịnị Anisirẹrị ana vọ ệ và eyi ịrazị ka Igibiya, dị ịrẹkụ ọnọọ nyi anyị ẹtẹẹrẹ nị. Anịbẹnjamịnị nịnị ẹ yị yẹ ka vị ẹnị eè vee vu ẹtẹ aanị nị. 35Ịhị ọnọọ dị Ẹnẹyịmavara mẹ ka Anisirẹrị e huna aza Anịbẹnjamịnị nịnị nị, dị Anisirẹrị wụ̀ aza akahị-akahị oze ohurẹẹhị tụra akawụ ịnị isoja Anịbẹnjamịnị nịnị nị. Avaba aza ana maanị wụ vị aza anaā sịị ụhwọọ kụ̀ ịrẹkụ. 36Ịjị ọnọọ dị Anịbẹnjamịnị nịnị re ka ụvọ ọ sị kara ẹnị nị. Isoja Anisirẹrị nịnị obooro ẹ raà va ịrẹma Anịbẹnjamịnị nịnị agụvị ka ệ sị ayị tụra aza ẹnịnị ana tẹ̀ hi ịnị avị jesi kara ẹkụra Igibiya. 37Obooboro aza ana vavọọ tẹ̀ hi ịnị avị tụ hi ẹhẹ jesi kara ẹkụra Igibiya, dị ẹ sị ụ̀hwọ̀ wụ̀ avaba aza ana vọ hi ịnị ẹkụra nị. 38Isoja Anisirẹrị ana yị ẹhẹ aa kụ ịrẹkụ ọnịrị ẹnị ana tẹ̀ chire avị kara ẹkụra ệ gẹ eyi ka ịjị ee re ka ẹkụra ọ sị sụ ịra, dị areyi a daa hịrẹẹ nọ ẹbẹẹba nị; 39dị ẹnị ẹ̀ jịnẹ hi ẹhẹ tu Anịbẹnjamịnị nịnị. Ama Anịbẹnjamịnị ẹ vịdị nyima aa wụ̀ Anisirẹrị nị. Ệ wụ̀ Anisirẹrị ohurẹẹwụ. Ịjọnọọ dị ẹ kà aanị ẹnị mẹ rẹ vaa wụ̀ wa anka ẹnị mẹ vịdị wụ̀ wa ịnị ịrẹkụ ịpaapa ịhị ọnọọ nị. 40Ama ẹkụra mẹ̀ nyima aa rị ịra, dị ịra za wụrụgụdụ dị areyi aa da dụụmẹ nị. Ịjị Anịbẹnjamịnị kana eyi nọ ịrẹma, di e re ka avaba ẹkụra ẹnịnị aa rị ịra, di areyi anị va hịrẹ ngụ ịnị ihinẹba. 41Ịjọnọọ dị Anisirẹrị vara eyi dị ẹ yaa dụ wa nị. Dị angwahi ka Anịbẹnjamịnị vẹ agụvị ka ê re ka ụvọ ọ sị kara ẹnị. 42Agụvị avọọ dị ẹ va ịrẹsụ ka ụnọmị di e yee zwe yị Anisirẹrị nị. Ama ẹnịnị ẹ yị rẹ va ha, di isoja Anisirẹrị ana va hụrẹ ẹkụra ana vọ aa vẹ vu wa ẹtẹ hi ịzọọ nị. 43Anisirẹrị nịnị ẹ kara Anịbẹnjamịnị hi, dị ẹ dụ wa, dị ẹ wụ̀ wa ha wa okokooro eyi ịzị ọyịị̄ zịị hụrẹ Igibiya 44Ọkọọka ịrẹkụ Anịbẹnjamịnị ana a wụ̀ vị akahị-akahị oze ẹwụrịhịnta. 45Anịbẹnjamịnị nịnị ana vọ ẹ va ịrẹsụ ka ụnọmị dị e zwe nọ eyi ịnị ịda ana aā hị́ Irimoni. Ẹ mẹ vavọọ ee zwe na, dị ẹnịnị Anisirẹrị rẹ wụ̀ aza akahị-akahị oze ẹẹhị ịnị ẹnịnị nị. Avọọ Anisirẹrị nịnị mẹ yị du wa huu na ngụ Igidomi, dị ẹ rẹ wụ̀ aza akahị-akahị oze ẹẹva tụ ọ nị. 46Ịnị ịhị ọnọọ Anịbẹnjamịnị anaā sịị ụhwọ kụ ịrẹkụ ene su vị aza akahị-akahị oze ohurẹẹhị. Avaba ẹnịnị vị anayọvị. 47Ama aza ẹnị akata ịnị Anịbẹnjamịnị ana ha vene zwe hi ụnọmị na ngụ ịnị ịda ana hị́ Irimoni. Ẹnịnị ệ tẹ̀ ịzọọ mẹ ụhwẹ ẹẹna. 48Anisirẹrị nịnị ẹ vara eyi dị ẹ nọ ịda Anịbẹnjamịnị nịnị ana vọ hi ịnị ẹkụra, dị ẹ sị ụ̀hwọ̀ wụ̀ avaba ẹnịnị nị. Ẹ́ wụ̀ anọrụ, anẹẹ ẹnịrị ezi ẹnịnị ne beri ịsụpa ẹnịnị, dị ẹ rị avaba ẹkụra ene hi ịnị ẹtẹ ọnọọ ịra nị.
Currently Selected:
Ọdọvịdị 20: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọdọvịdị 20
20
Anisirẹrị nịnị ê pe Anịbẹnjamịnị kụ ịrẹkụ
1Anisirẹrị nịnị hụrị ẹtẹ Ịdaanị na ngụ Ịbẹẹsẹba huu na ngụ Igiriyadi, dị ệ wárá ẹngụ gụ vabẹ ọvịdị Ẹnẹyịmavara ịzị aā hị́ Imizipa. 2Dị ọdọvịdị Anisirẹrị nịnị ya ịzọọ beri wa nị. Avaba isoja ana ya ịzọọ pe wa vị ịrịka akava. 3Anịbẹnjamịnị nịnị ệ wụ́ ka avaba Anisirẹrị nịnị ana vọ ệ kụ ẹngụ gụ Imizipa. Ịjị e tu Imizipa, dị Anisirẹrị nịnị ka, ẹnịnị ẹ kà a zụ ẹnị ebira odivi ana mẹ ịnị akakana ẹnịnị mẹmẹ mẹ. 4Ịjọnọọ dị Anireevi, ana a wụ́ ose anị vaa kà a zụ wa nị. Ọ kà ọnịrị ose anị aa nọ Igibiya ana vị ẹtẹ Ịbẹnjamịnị, dị ẹtẹ ohozi za ẹnị ịhị ọnọọ nị; dị â nyị ka ọnịrị onyeehi anị ệ sụ nẹẹhẹ ịzọọ nị. 5Ịjị ịrahụ sị hi, dị ẹnịnị Anigibiya wárá vẹ dị ẹ jesi kara irehi, di e yee sì ka ẹnị ẹ wụ́ ọnị nị. Dị ẹ za onyeehi anị, dị ẹ ụkata-ụkata pe e sụ̀ pooro di o su nị. 6Ịjị ẹ̀ maanị sị onyeehi anị wụ̀, dị ọnị sị oku anị, dị ọnị che e penu-penu, dị ọnị ga hi avaba ẹtẹ Anisirẹrị agụvị ebira enyisi ẹnị ẹ mẹ̀ ịnị ẹtẹ Isirẹrị. 7Booro aanị, ọzọza ọ sị ajuwe vẹ ịsa vọrọ kà a mẹ ịnị ịrẹyị ọnọnị. 8Ịjọnọọ dị avaba Anisirẹrị kwẹẹtẹ, dị ẹ sị ọngwẹ tụ ọnya, dị ẹ ka ẹ yị nyị ọza ịnị ẹnịnị ana vaa varẹma nọ ịnị ajẹngụ anị, a vị dị ọ nọ ịnị eehi anị. 9Dị ẹ ka ịsị ẹnị vaa mẹ hi Anigibiya ọ vị ka ẹnị a na zama ẹtẹ tụ ọ agụvị dị ẹnị ẹ yẹ ẹnị mẹ vaa mẹ pe Anigibiya kụ ịrẹkụ. 10Ẹ kà ịrẹma ọnọọ ẹnị vee che avaba ịrẹsụ-ịrẹsụ Anisirẹrị hi oze ẹẹwụ dị ẹ sị oze ọnya ịnị ẹẹwụ ẹnịnị ka ẹ̀ jẹẹ yị ịsọyịrị ọyịmẹ̀ yị ẹnị ana vọ ana vị isoja. Ẹnịnị ẹ̀ na sị ụya rị Anigibiya ịnị ẹtẹ Ịbẹnjamịnị agụvị ụnọ̀ ọnịrị ebira ụhị ẹnẹ mẹ hi Anisirẹrị nịnị. 11Avaba Anisirẹrị saka-saka ẹ̀ vabẹ, dị ẹ kụ ịrẹkụ ne tu Anẹkụra ọnọọ. 12Avaba ịrẹsụ ene hi Isirẹrị ẹ tụ ne tu avaba ịrẹsụ Ịbẹnjamịnị saka-saka, dị ẹ na họ̀ wa use ka sị ẹ vẹ dị ẹ maanị mẹ̀ ebira odivi ọnọnị hi ẹnị? 13Dị ọnụtụ ẹnẹ ẹ rẹ kà a yị wa ka ẹ kụ aza edivi ẹnẹẹ hi ẹhẹ dị ẹnị ẹ wụ̀ wa agụvị dị asị kụ ebira odivi ọnọọ hụrẹ ẹtẹ, ama ẹnịnị anẹkụra Ịbẹnjamịnị ẹ yị wụ́ ịrẹyị chire anda ẹnịnị Ansirẹrị irenu. 14Ịjị aza Ịbẹnjamịnị nịnị vavọọ re yi, dị avaba ẹnịnị wárá ẹngụ hụrẹ avaba okokooro ene hi Igibiya na gẹ nị. Dị ẹnịnị tenyi ẹngụ ịrẹkụ a naa gẹrị Anisirẹrị ana vọ nị. 15Ịnị ịhị ọnọọ aza Ịbẹnjamịnị ẹ ụsẹ tọ̀ọ́ aza akahị-akahị oze ohurịhịnọnyị anaa sị ụhwọ kụ ịrẹkụ hụrẹ ẹkụra irenyi-irenyi Igibiya va gẹ ne beri aza akatarẹchẹhị ẹnẹ tọ̀ọ́ hụrẹ ịnị aza ana ra Igibiya. 16Ịnị avaba ẹnịnị isoja, a nyị aza akatarẹchẹhị ana vị ọnị ụvọha; ọza ikonya-ikonya ẹnịnị ọ zụ sị ananta ne ịrẹta hi ẹyị ịnị ịrẹsụ ikonya dị ọ yị jị ọ nye. 17Anisirẹrị nịnị ẹnẹ rẹ tọ̀ọ́ aza akawụ oze ẹchẹhị ẹchẹhị oze ẹẹna. Avaba ẹnịnị vị aza anaa sị ụhwọọ kụ ịrẹkụ. 18Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị. 19Ẹnẹnẹ eyinẹhẹ anị ezi Anisirẹrị nịnị ẹẹ kwẹẹtẹ dị ẹ na jị udi ẹnịnị ve eyi ka Anigibiya nị. 20Ịjọnọọ dị Anisirẹrị nịnị kụ ịrẹkụ ne tu Anịbẹnjamịnị nịnị. Ẹnịnị isoja Anisirẹrị mẹ sị ẹngụ tenyi dị ẹ tara tu Igibiya ụvị ịrẹkụ ọ chị nị. 21Ịjọnọọ dị Anịbẹnjamịnị nịnị jịnẹ hụrẹ Igibiya vẹ tu Anisirẹrị nịnị, dị ẹ wụ Anisirẹrị akahị-akahị oze ohurẹẹva ịnị ịhị ọnọọ nị. 22Ama Anisirẹrị ẹẹ hụ ẹngụ ẹnịnị ayị vị, dị ẹ rẹ varẹma na jẹẹ ịzị ẹ vịdị jẹẹ kụ̀ ịrẹkụ ẹkụhị ịpaapa nị. 23Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị. 24Ịzẹyịza dị Anisirẹrị rẹ kụ ịrẹkụ ne tu Anịbẹnjamịnị nịnị eyinẹhẹ anị nị. 25Ịhyọnọọ, dị Anịbẹnjamịnị nịnị hụrị Igibiya ve tu wa nị, dị ẹnịnị vu aza akahị-akahị oze ẹwụrịhịnta ẹtẹ ịnị isoja Isirẹrị nịnị ana kụ̀ ẹnya ịrẹkụ hi ẹngụ. 26Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị. 27Ẹnịnị Anisirẹrị ẹ rẹ ne họ̀ use ịnị ụvọ Ẹnẹyịmavara (ịnị ụmẹ avọọ apoti ivenu Ẹnẹyịmavara ya ịzọọ, 28Ihwinihasi ozi Eriyaza ana vị ozi Eerọnị ọ sị eyi pe apoti ọnọọ nị). E họ̀ use ka ẹnị ẹ rẹ varẹma na gẹrị Anịbẹnjamịnị, ẹyịnyara ẹnịnị ịnị eyi ịrẹkụ avị ka asị ẹnị nọ. Ẹnẹyịmavara o tu wa ohi ka ẹ na agụvị ka ẹ va na gẹ ọnị va sị wa nyị ẹbẹẹba ẹnịnị. 29Ịzẹyịza dị ezi Anisirẹrị na dị ẹ tẹ chire avị kara avaba ẹkụra Igibiya nị. 30Ịhyẹgwẹta anị ẹẹ ne tu Anịbẹnjamịnị dị ọzọza tura ẹnya ịrẹkụ anị jẹ ee zi Anigibiya anka ẹ mẹ vịdị rẹ mẹ ịhyọọ nị. 31Ịjọnọọ dị Anịbẹnjamịnị ẹnị rẹ jịnẹ a na gẹrị ọkụrẹkụ Isirẹrị nị. Ịjị aza Ịbẹnjamịnị nyima dị ẹ yaa dị waa na dị Anisirẹrị a sị ọbọọbọ tura waa jịnẹ hụrị ẹkụra ẹnịnị nị. Dị Anịbẹnjamịnị re nyima dị ẹ ya wụ Anisirẹrị anka ịyẹẹyẹ nị. Ẹnịnị ẹ wụ̀ aza ohurẹẹwụ ịnị ọkụrẹkụ Isirẹrị ịnị oze ọbanyị ana ha hi ẹẹva ọnya ọ nọ Ịbẹtẹrị dị ọsa nọ Igibiya nị. 32Ịjọnọọ dị Anịbẹnjamịnị ka ẹnị e si nyima re huna wa anka ẹnị mẹ rẹ mẹ wa ịhị ọnọọ. Ama dị Anisirẹrị ẹnị ka à vẹ ẹnị è zwe va nọ ịrẹma agụvị ẹnị ẹ zụ tura wa hụụnị ẹkụra ẹnịnị na ngụ oze ọbanyị. 33Ịjị ẹ vavọọ reè vene wa, dị avaba isoja Anisirẹrị tụ hụrẹ ịzị ọzọza tara tụ, dị ẹ ne tenyi ẹngụ kụ gụ ẹkụra ana aā hị́ Ịbaarị-Itama nị. Aza ana vịdị tẹ̀ kara Igibiya ệ vana tụ̀ hii ẹhẹ hụụ ịzị ẹ tẹ̀ hi ịnị ịrẹta. 34Aza akahị-akahị oze ẹẹwụ ana a tọ̀ọ́ ọtirenyi ịnị ẹnịnị Anisirẹrị ana vọ ệ và eyi ịrazị ka Igibiya, dị ịrẹkụ ọnọọ nyi anyị ẹtẹẹrẹ nị. Anịbẹnjamịnị nịnị ẹ yị yẹ ka vị ẹnị eè vee vu ẹtẹ aanị nị. 35Ịhị ọnọọ dị Ẹnẹyịmavara mẹ ka Anisirẹrị e huna aza Anịbẹnjamịnị nịnị nị, dị Anisirẹrị wụ̀ aza akahị-akahị oze ohurẹẹhị tụra akawụ ịnị isoja Anịbẹnjamịnị nịnị nị. Avaba aza ana maanị wụ vị aza anaā sịị ụhwọọ kụ̀ ịrẹkụ. 36Ịjị ọnọọ dị Anịbẹnjamịnị nịnị re ka ụvọ ọ sị kara ẹnị nị. Isoja Anisirẹrị nịnị obooro ẹ raà va ịrẹma Anịbẹnjamịnị nịnị agụvị ka ệ sị ayị tụra aza ẹnịnị ana tẹ̀ hi ịnị avị jesi kara ẹkụra Igibiya. 37Obooboro aza ana vavọọ tẹ̀ hi ịnị avị tụ hi ẹhẹ jesi kara ẹkụra Igibiya, dị ẹ sị ụ̀hwọ̀ wụ̀ avaba aza ana vọ hi ịnị ẹkụra nị. 38Isoja Anisirẹrị ana yị ẹhẹ aa kụ ịrẹkụ ọnịrị ẹnị ana tẹ̀ chire avị kara ẹkụra ệ gẹ eyi ka ịjị ee re ka ẹkụra ọ sị sụ ịra, dị areyi a daa hịrẹẹ nọ ẹbẹẹba nị; 39dị ẹnị ẹ̀ jịnẹ hi ẹhẹ tu Anịbẹnjamịnị nịnị. Ama Anịbẹnjamịnị ẹ vịdị nyima aa wụ̀ Anisirẹrị nị. Ệ wụ̀ Anisirẹrị ohurẹẹwụ. Ịjọnọọ dị ẹ kà aanị ẹnị mẹ rẹ vaa wụ̀ wa anka ẹnị mẹ vịdị wụ̀ wa ịnị ịrẹkụ ịpaapa ịhị ọnọọ nị. 40Ama ẹkụra mẹ̀ nyima aa rị ịra, dị ịra za wụrụgụdụ dị areyi aa da dụụmẹ nị. Ịjị Anịbẹnjamịnị kana eyi nọ ịrẹma, di e re ka avaba ẹkụra ẹnịnị aa rị ịra, di areyi anị va hịrẹ ngụ ịnị ihinẹba. 41Ịjọnọọ dị Anisirẹrị vara eyi dị ẹ yaa dụ wa nị. Dị angwahi ka Anịbẹnjamịnị vẹ agụvị ka ê re ka ụvọ ọ sị kara ẹnị. 42Agụvị avọọ dị ẹ va ịrẹsụ ka ụnọmị di e yee zwe yị Anisirẹrị nị. Ama ẹnịnị ẹ yị rẹ va ha, di isoja Anisirẹrị ana va hụrẹ ẹkụra ana vọ aa vẹ vu wa ẹtẹ hi ịzọọ nị. 43Anisirẹrị nịnị ẹ kara Anịbẹnjamịnị hi, dị ẹ dụ wa, dị ẹ wụ̀ wa ha wa okokooro eyi ịzị ọyịị̄ zịị hụrẹ Igibiya 44Ọkọọka ịrẹkụ Anịbẹnjamịnị ana a wụ̀ vị akahị-akahị oze ẹwụrịhịnta. 45Anịbẹnjamịnị nịnị ana vọ ẹ va ịrẹsụ ka ụnọmị dị e zwe nọ eyi ịnị ịda ana aā hị́ Irimoni. Ẹ mẹ vavọọ ee zwe na, dị ẹnịnị Anisirẹrị rẹ wụ̀ aza akahị-akahị oze ẹẹhị ịnị ẹnịnị nị. Avọọ Anisirẹrị nịnị mẹ yị du wa huu na ngụ Igidomi, dị ẹ rẹ wụ̀ aza akahị-akahị oze ẹẹva tụ ọ nị. 46Ịnị ịhị ọnọọ Anịbẹnjamịnị anaā sịị ụhwọ kụ ịrẹkụ ene su vị aza akahị-akahị oze ohurẹẹhị. Avaba ẹnịnị vị anayọvị. 47Ama aza ẹnị akata ịnị Anịbẹnjamịnị ana ha vene zwe hi ụnọmị na ngụ ịnị ịda ana hị́ Irimoni. Ẹnịnị ệ tẹ̀ ịzọọ mẹ ụhwẹ ẹẹna. 48Anisirẹrị nịnị ẹ vara eyi dị ẹ nọ ịda Anịbẹnjamịnị nịnị ana vọ hi ịnị ẹkụra, dị ẹ sị ụ̀hwọ̀ wụ̀ avaba ẹnịnị nị. Ẹ́ wụ̀ anọrụ, anẹẹ ẹnịrị ezi ẹnịnị ne beri ịsụpa ẹnịnị, dị ẹ rị avaba ẹkụra ene hi ịnị ẹtẹ ọnọọ ịra nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.