Ọdọvịdị 19
19
Ịrẹyị onyeehi Anireevi
1A nyị ụmẹ ọnya aanị ịnị ụmẹ ọnọọ ẹ yị nyị ohinọyị ịnị ẹkụra Isirẹrị. Ụmẹ ọnọọ a nyị ọnọrụ ọnya aanị ana vị Anireevi ana ra akaha ataba Ehwireemi. Ọ na nyị onyeehi hụrẹ Ịbẹtịrẹhẹmị. 2Ama onyeehi anị ọnọọ ọyị jẹẹ yị ọnịnya kẹnẹ. Dị ọ para ọnọrụ ọnọnị hu dị ọ na ineehi ada nị Ịbẹtịrẹhẹmị ịnị ẹtẹ Ijuda ọ ya ịzọọ mẹ ụhwẹ ọyịvụrụ ẹẹta. 3Ọva anị ọ kwẹẹtẹ dị o si ọ na ka ọnị ọ na kụ ọ hị́ ọ ẹngụ ka ọ saasa ọnị varẹma nọ eehi. Ọva anị maa na ọ si ozi ahụ anị za dị ọ rẹ kụ ịkẹrịkẹtẹ ẹẹva za nị. Ịjị ọnọrụ ọnọọ na ngụ ịdị ada ose anị ịrajẹ ada ose anị sị va gẹrị ọ nị. 4Ịjọnọọ dị ada ose anị kụ ọ hi ọ ẹngụ ka ọ za ahụ jẹ pe ọnị chee nị. Ịzẹyịza dị e chi yị ọ mẹ ẹkụhị ẹẹta nị, dị ẹ yaa rị dị e yee hu nị. 5Ịnị ịhyẹgwẹna anị dị ọva ọnẹẹ ọnọọ kwẹẹtẹ ịnị ẹnẹnẹ viri-viri dị ọ ka ọnị a nọ eehi anị nị. Ama dị ada ose anka yị ọyẹ anị ka ọ jẹẹ dị ẹ rị ịsa dị ẹ sị nyị ụkata zị ụsẹ ẹnịnị. 6Ịjọnọọ dị ẹnị ẹyịva yaatẹ dị e dudu rị ịsa, dị e hu eche vabẹ nị. Ịjị ọnị ẹ̀ sị ịsa rị, dị ada ana vị ọnẹẹ rẹ ka yị ọnọrụ ọnọ ka ọ navọ ẹ ya pe ọnị ne tu ụhwọ dị waa mẹ ayị ohine. 7Ọnọrụ ọnọọ mẹ kwẹẹtẹ ka ọnị a na dị ọyẹ anị da ịpẹ yị ọ ka ọ yaatẹ nị, dị ọ rẹ sụ ịzọọ ne ẹhẹ nị. 8Ịnị ẹnẹnẹ ịhyẹgwẹẹhị anị, dị ọnọrụ ọnọọ kwẹẹtẹ ka ọnị aa nọ eehi nị. Dị ada ọnẹẹ ọnọọ rẹ ka yị ọ ka ọ jẹẹ dị ọ rị ịsa dị ọ kụkụ jẹẹ tu ụmẹ ọyị ọ̀ọ sị rọ nị. Ịzẹyịza dị ẹnị ẹyịva jẹẹ dị ẹ rị ịsa nị. 9Ẹ̀ẹ mẹ sị ịsa, dị ọnọrụ ọnọọ ọnịrị onyeehi anị ne beri ozi ahụ anị kwẹẹtẹ ka ẹnị kụkụ aa nọ eehi nị. Dị ada ose anị ka yị wa ka é re ka ọyị ọ ta booro aanị, ụmẹ oruva o si tu. Dị ọ ka, ẹ navọ ẹ sụ ịzọọ, ẹ rị ịsa dị ẹ mẹ ayohine, ụhwọọ dị ẹẹ na ịnị ajẹngụ ẹnịnị ẹtẹ èe hweyi kẹnẹ. 10Ama ọnọrụ ọnọọ ọ yị kụkụ dọ ka ọnị ọ sụ ịzọọ, dị ọ kwẹẹtẹ dị ẹ va ngụ Ijebusi ana aā hị́ Ijerusarẹmị. Ọ sị ịkẹrịkẹtẹ ẹyịva ene kune ẹnya za ne beri onyeehi anị. 11Ịjị ẹ naa gụrị Ijebusi na ẹkụhị ọ da zị, ozida anị ọ ka yị ọga anị ka ọ vẹ dị ẹnị echi ẹkụra Anijebusi dị ẹnị ẹ sụ ne ẹhẹ ịzọọ. 12Dị ọga anị tu ọ ohi ka eyiye, ẹnị ẹ yị vaa nọ ẹkụra ọzọga ẹnẹ yị vị Anisirẹrị na sụ, ọ ka ọ vẹ ẹnị ẹ ka tụ ọvịdị nọ ẹkụra Igibeya. 13Dị ọ rẹ ka yị ozi ahụ anị ka ọ vẹ ẹnị ẹ vụrị ịsavọọ ẹnị ẹ zụ na ngụ Igibeya, aa vị Iraama dị ẹnị ẹ sụ aha ọnya ịzọọ. 14Ịzẹyịza dị ẹnịnị ka tụ ọvịdị nị, ẹ maa gụrị Igibiya ịnị ẹtẹ Ịbẹnjamịnị na dị ọyị ngụ ẹtẹ nị. 15Ịzọọ ẹnịnị tu dị ẹ jẹẹ ka ẹnị ẹ sụ ne ẹhẹ nị. Ẹ nọ inorere ẹkụra dị ẹ yaatẹ ịzọọ nị. Ama ẹ yị nyị ọza ana kụ wa nọ ịnị irehi anị ka ẹ na sụ. 16Ịnị ụmoruva ọnọọ dị e re ka ọnọrụ ọzọkụ ọnya ộ hụrẹ aarẹ aa vẹ ọ mẹ̀ na mẹ̀ ụkọrọ nị. Ọnọrụ ọnọọ vị anẹkụra ataba ẹtẹ Ehwireemi dị ọ ra ịzị aā hị́ Igibiya nị. Anẹkụra Igibiya nịnị vi Anịbẹnjamịnị. 17Ịjị ọnọrụ ọnọọ kana eyi dị o re anụsoze ẹnẹẹ ẹ mẹ jẹẹ ịnị orere ẹkụra, dị ọzọkụ ọnọọ họ̀ use ka ịzị ẹ yaa nọ? Ọnịrị ịzị ẹ hụrẹ aa vẹ nị? 18Dị ẹ tụ ọnọrụ ọnọọ ohi ka, ẹkụra Ịbẹtịrẹhẹmị ịnị ẹtẹ Ijuda ẹnị hụrẹ aa vẹ nị, dị ẹnị aa nọ ẹkụra oweyi ọnya aanị ana yị ịnị ẹtẹ ataba ẹkụra Ehwireemi, ọka ịzọọ ẹnị ra nị. Ẹkụra Ịbẹtịrẹhẹmị ịnị ẹtẹ Ijuda ọnị nọ nị, ọka ẹnị ẹ nọ ịnị irehi Ẹnẹyịmavara vị ẹnị varẹma aa na anị nị ama ẹyị nyị ọza ana dọ ẹnị tụ ịnị eehi anị. 19Dị ọ rẹ ka yị ọnọrụ ọnọọ ka ẹnị ẹ nyị avị ọnịrị ịsọyịrị yị ịkẹrịkẹtẹ ẹnịnị, ọ ka ọnị ọ rẹ nyị ịsọyịrị ọnịrị eche ana hụ̀ yị ọnịrị ose anị neberi ezi ahụ anị ọnẹẹ ọnịrị ozwọọmụha anị ọ ka ẹnị ẹ nyị ịsa ana hụ yị ẹnị. 20Ịjọnọọ dị ịnda ọzọkụ ọnọọ kà a yị wa ka ẹ yị nyị ịrẹyị ọnị ọ nyị aha yị wa ịnị irehi anị. Ịsa tụra ịsa enee yee si, ọ ka ọnị vaa sị yị wa. Ọ kà ọnị ọ yị dọ ka ẹ sụ ịnị orere.
Ịsa odivi ọnị Anigibiya mẹ
21Ịzẹyịza dị ịnda ọnọọ kụ wa nọ ineehi anị nị dị ọ sị ịsa yị ịkẹrịkẹtẹ anị ka ẹ rị ọ nị, ọ sị enyi yị wa ẹnẹ sị nyịna ahụ dị ẹ rẹ rị ịsa dị e hú enyi tụ ọ nị. 22#Oyn 19.5-8Ẹ̀ẹ mẹ vavọọ ee hine ayị, kẹnẹ dị aza edivi ene hi ịnị ẹkụra ọnọọ vẹ dị ẹ tara kara irehi inda ọzọkụ ọnọọ dị e ye hu oze ịsa bii-bii nị. Dị e yee na owu ka ọ sị ọnọrụ ana va ngụ ịda anị ịsọnị tụ ẹhẹ yị ẹnị dị ẹnị e pee sụ. 23Ịjọnọọ dị ọzọkụ ana nyị irehi ọnọọ jịnẹ ne tu wa dị ọ kà a yị wa ka ẹ navọ kwogwo a sẹ mẹ̀ ebira odivi ọnọọ. Dị ọ ka ọnọrụ ọnọọ vị ọzọga anị asị ẹnịnị mẹ̀ ebira ụ́hị́ ọnọnị kà a na. 24Dị inda ọnọnị ka yị wa ka ọnị ọ nyị ozwoorihi ẹnẹ ẹ yị yẹ ọnọrụ ọnịrị onyeehi ọnọrụ ọnọọ, Dị ọ ka ẹ jẹẹ ọnị ọ kụ wa jịnẹ vẹ dị ẹ pe wa sụ dị ẹ mẹ wa ịsa enee zee wa eyi. Ama ẹ navọ ọnọrụ ọnọọ dị asị ẹ mẹ̀ ebira kẹnẹ-kẹnẹ hi ọ. 25Ama aza edivi ẹnẹẹ ẹ yị dọ, ịjọnọọ dị ọzọga ọnọọ tụ onyeehi anị ụvọ tụ ẹhẹ yị wa nị, kẹnẹ dị aza edivi ẹnẹẹ nyima dị ẹ sị ụkata-ụkata ee pee sụ tu ẹngụ tu ẹngụ pooro, di eyi nị nị, dị ẹ vavọọ mẹ̀ ụhị nyị ọ nị. Ịjị eyi a va nị ẹtẹẹrẹ, dị ẹ hụrẹ ụvọ ka ọọ na nị. 26Ịnị ụmẹ etumeyọnị dị ọnẹẹ ọnọnị va hyẹdụ nị oze irehi ịzị ọva anị ya dị ọ hụrẹ nyẹtẹ irenu oze dị ọ ya ịzọọ pooro dị eyi nị tu ọ nị. 27Ịjị ọ va nị ha ẹnẹnẹ dị ọ na oze ka ọnị ọ jịnẹ dị ọnị o nyima ụsẹ anị nị, dị o re ka onyeehi anị o hyẹdụ tụ ẹbanoze dị ọ sị ụvọ anị tụra ẹbanoze nị. 28Ịjị ọ maa nị re ose anị dị ọ hị́ ọ ka ọ kwẹẹtẹ, ọ vẹ vị ẹnị ẹẹ na nị. Ama ọnẹẹ ọnọọ ọ yị zụ tu o hi. Ịjọnọọ dị ọnọrụ ọnọọ chema a tura ịkẹrịkẹtẹ anị dị a nọ eehi anị nị. 29#1 Ịsa 11.7Ịjị o tu eehi dị ọ sị ụhwọ, dị o che onyeehi anị penu-penu hi oze ẹwụrẹva, dị ọ ga ikiiko hi avaba ẹtẹ Isirẹrị nị. 30Avaba aza ene re ịsa ọnị ọnọrụ ọnọọ mẹ vị ana kà a ka ẹ yị nyị ọza ana vavọọ mẹ̀ ọnị ẹnị re da hụrị ụmẹ ọnị ẹnị sị hụrẹ ẹtẹ Ijipiti ve tu ịhị ọnọọ. Ịjọnọọ dị ọnọrụ ana vị evere Ịbẹnjamịnị ọnọọ tụ́ ohi ka, ee ro ịnẹ ịnị ịpa ịrẹyị ọnọọ, dị a zama a re, dị a kà a ịsa a vọrọ ka a mẹ tụ ọ.
Currently Selected:
Ọdọvịdị 19: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọdọvịdị 19
19
Ịrẹyị onyeehi Anireevi
1A nyị ụmẹ ọnya aanị ịnị ụmẹ ọnọọ ẹ yị nyị ohinọyị ịnị ẹkụra Isirẹrị. Ụmẹ ọnọọ a nyị ọnọrụ ọnya aanị ana vị Anireevi ana ra akaha ataba Ehwireemi. Ọ na nyị onyeehi hụrẹ Ịbẹtịrẹhẹmị. 2Ama onyeehi anị ọnọọ ọyị jẹẹ yị ọnịnya kẹnẹ. Dị ọ para ọnọrụ ọnọnị hu dị ọ na ineehi ada nị Ịbẹtịrẹhẹmị ịnị ẹtẹ Ijuda ọ ya ịzọọ mẹ ụhwẹ ọyịvụrụ ẹẹta. 3Ọva anị ọ kwẹẹtẹ dị o si ọ na ka ọnị ọ na kụ ọ hị́ ọ ẹngụ ka ọ saasa ọnị varẹma nọ eehi. Ọva anị maa na ọ si ozi ahụ anị za dị ọ rẹ kụ ịkẹrịkẹtẹ ẹẹva za nị. Ịjị ọnọrụ ọnọọ na ngụ ịdị ada ose anị ịrajẹ ada ose anị sị va gẹrị ọ nị. 4Ịjọnọọ dị ada ose anị kụ ọ hi ọ ẹngụ ka ọ za ahụ jẹ pe ọnị chee nị. Ịzẹyịza dị e chi yị ọ mẹ ẹkụhị ẹẹta nị, dị ẹ yaa rị dị e yee hu nị. 5Ịnị ịhyẹgwẹna anị dị ọva ọnẹẹ ọnọọ kwẹẹtẹ ịnị ẹnẹnẹ viri-viri dị ọ ka ọnị a nọ eehi anị nị. Ama dị ada ose anka yị ọyẹ anị ka ọ jẹẹ dị ẹ rị ịsa dị ẹ sị nyị ụkata zị ụsẹ ẹnịnị. 6Ịjọnọọ dị ẹnị ẹyịva yaatẹ dị e dudu rị ịsa, dị e hu eche vabẹ nị. Ịjị ọnị ẹ̀ sị ịsa rị, dị ada ana vị ọnẹẹ rẹ ka yị ọnọrụ ọnọ ka ọ navọ ẹ ya pe ọnị ne tu ụhwọ dị waa mẹ ayị ohine. 7Ọnọrụ ọnọọ mẹ kwẹẹtẹ ka ọnị a na dị ọyẹ anị da ịpẹ yị ọ ka ọ yaatẹ nị, dị ọ rẹ sụ ịzọọ ne ẹhẹ nị. 8Ịnị ẹnẹnẹ ịhyẹgwẹẹhị anị, dị ọnọrụ ọnọọ kwẹẹtẹ ka ọnị aa nọ eehi nị. Dị ada ọnẹẹ ọnọọ rẹ ka yị ọ ka ọ jẹẹ dị ọ rị ịsa dị ọ kụkụ jẹẹ tu ụmẹ ọyị ọ̀ọ sị rọ nị. Ịzẹyịza dị ẹnị ẹyịva jẹẹ dị ẹ rị ịsa nị. 9Ẹ̀ẹ mẹ sị ịsa, dị ọnọrụ ọnọọ ọnịrị onyeehi anị ne beri ozi ahụ anị kwẹẹtẹ ka ẹnị kụkụ aa nọ eehi nị. Dị ada ose anị ka yị wa ka é re ka ọyị ọ ta booro aanị, ụmẹ oruva o si tu. Dị ọ ka, ẹ navọ ẹ sụ ịzọọ, ẹ rị ịsa dị ẹ mẹ ayohine, ụhwọọ dị ẹẹ na ịnị ajẹngụ ẹnịnị ẹtẹ èe hweyi kẹnẹ. 10Ama ọnọrụ ọnọọ ọ yị kụkụ dọ ka ọnị ọ sụ ịzọọ, dị ọ kwẹẹtẹ dị ẹ va ngụ Ijebusi ana aā hị́ Ijerusarẹmị. Ọ sị ịkẹrịkẹtẹ ẹyịva ene kune ẹnya za ne beri onyeehi anị. 11Ịjị ẹ naa gụrị Ijebusi na ẹkụhị ọ da zị, ozida anị ọ ka yị ọga anị ka ọ vẹ dị ẹnị echi ẹkụra Anijebusi dị ẹnị ẹ sụ ne ẹhẹ ịzọọ. 12Dị ọga anị tu ọ ohi ka eyiye, ẹnị ẹ yị vaa nọ ẹkụra ọzọga ẹnẹ yị vị Anisirẹrị na sụ, ọ ka ọ vẹ ẹnị ẹ ka tụ ọvịdị nọ ẹkụra Igibeya. 13Dị ọ rẹ ka yị ozi ahụ anị ka ọ vẹ ẹnị ẹ vụrị ịsavọọ ẹnị ẹ zụ na ngụ Igibeya, aa vị Iraama dị ẹnị ẹ sụ aha ọnya ịzọọ. 14Ịzẹyịza dị ẹnịnị ka tụ ọvịdị nị, ẹ maa gụrị Igibiya ịnị ẹtẹ Ịbẹnjamịnị na dị ọyị ngụ ẹtẹ nị. 15Ịzọọ ẹnịnị tu dị ẹ jẹẹ ka ẹnị ẹ sụ ne ẹhẹ nị. Ẹ nọ inorere ẹkụra dị ẹ yaatẹ ịzọọ nị. Ama ẹ yị nyị ọza ana kụ wa nọ ịnị irehi anị ka ẹ na sụ. 16Ịnị ụmoruva ọnọọ dị e re ka ọnọrụ ọzọkụ ọnya ộ hụrẹ aarẹ aa vẹ ọ mẹ̀ na mẹ̀ ụkọrọ nị. Ọnọrụ ọnọọ vị anẹkụra ataba ẹtẹ Ehwireemi dị ọ ra ịzị aā hị́ Igibiya nị. Anẹkụra Igibiya nịnị vi Anịbẹnjamịnị. 17Ịjị ọnọrụ ọnọọ kana eyi dị o re anụsoze ẹnẹẹ ẹ mẹ jẹẹ ịnị orere ẹkụra, dị ọzọkụ ọnọọ họ̀ use ka ịzị ẹ yaa nọ? Ọnịrị ịzị ẹ hụrẹ aa vẹ nị? 18Dị ẹ tụ ọnọrụ ọnọọ ohi ka, ẹkụra Ịbẹtịrẹhẹmị ịnị ẹtẹ Ijuda ẹnị hụrẹ aa vẹ nị, dị ẹnị aa nọ ẹkụra oweyi ọnya aanị ana yị ịnị ẹtẹ ataba ẹkụra Ehwireemi, ọka ịzọọ ẹnị ra nị. Ẹkụra Ịbẹtịrẹhẹmị ịnị ẹtẹ Ijuda ọnị nọ nị, ọka ẹnị ẹ nọ ịnị irehi Ẹnẹyịmavara vị ẹnị varẹma aa na anị nị ama ẹyị nyị ọza ana dọ ẹnị tụ ịnị eehi anị. 19Dị ọ rẹ ka yị ọnọrụ ọnọọ ka ẹnị ẹ nyị avị ọnịrị ịsọyịrị yị ịkẹrịkẹtẹ ẹnịnị, ọ ka ọnị ọ rẹ nyị ịsọyịrị ọnịrị eche ana hụ̀ yị ọnịrị ose anị neberi ezi ahụ anị ọnẹẹ ọnịrị ozwọọmụha anị ọ ka ẹnị ẹ nyị ịsa ana hụ yị ẹnị. 20Ịjọnọọ dị ịnda ọzọkụ ọnọọ kà a yị wa ka ẹ yị nyị ịrẹyị ọnị ọ nyị aha yị wa ịnị irehi anị. Ịsa tụra ịsa enee yee si, ọ ka ọnị vaa sị yị wa. Ọ kà ọnị ọ yị dọ ka ẹ sụ ịnị orere.
Ịsa odivi ọnị Anigibiya mẹ
21Ịzẹyịza dị ịnda ọnọọ kụ wa nọ ineehi anị nị dị ọ sị ịsa yị ịkẹrịkẹtẹ anị ka ẹ rị ọ nị, ọ sị enyi yị wa ẹnẹ sị nyịna ahụ dị ẹ rẹ rị ịsa dị e hú enyi tụ ọ nị. 22#Oyn 19.5-8Ẹ̀ẹ mẹ vavọọ ee hine ayị, kẹnẹ dị aza edivi ene hi ịnị ẹkụra ọnọọ vẹ dị ẹ tara kara irehi inda ọzọkụ ọnọọ dị e ye hu oze ịsa bii-bii nị. Dị e yee na owu ka ọ sị ọnọrụ ana va ngụ ịda anị ịsọnị tụ ẹhẹ yị ẹnị dị ẹnị e pee sụ. 23Ịjọnọọ dị ọzọkụ ana nyị irehi ọnọọ jịnẹ ne tu wa dị ọ kà a yị wa ka ẹ navọ kwogwo a sẹ mẹ̀ ebira odivi ọnọọ. Dị ọ ka ọnọrụ ọnọọ vị ọzọga anị asị ẹnịnị mẹ̀ ebira ụ́hị́ ọnọnị kà a na. 24Dị inda ọnọnị ka yị wa ka ọnị ọ nyị ozwoorihi ẹnẹ ẹ yị yẹ ọnọrụ ọnịrị onyeehi ọnọrụ ọnọọ, Dị ọ ka ẹ jẹẹ ọnị ọ kụ wa jịnẹ vẹ dị ẹ pe wa sụ dị ẹ mẹ wa ịsa enee zee wa eyi. Ama ẹ navọ ọnọrụ ọnọọ dị asị ẹ mẹ̀ ebira kẹnẹ-kẹnẹ hi ọ. 25Ama aza edivi ẹnẹẹ ẹ yị dọ, ịjọnọọ dị ọzọga ọnọọ tụ onyeehi anị ụvọ tụ ẹhẹ yị wa nị, kẹnẹ dị aza edivi ẹnẹẹ nyima dị ẹ sị ụkata-ụkata ee pee sụ tu ẹngụ tu ẹngụ pooro, di eyi nị nị, dị ẹ vavọọ mẹ̀ ụhị nyị ọ nị. Ịjị eyi a va nị ẹtẹẹrẹ, dị ẹ hụrẹ ụvọ ka ọọ na nị. 26Ịnị ụmẹ etumeyọnị dị ọnẹẹ ọnọnị va hyẹdụ nị oze irehi ịzị ọva anị ya dị ọ hụrẹ nyẹtẹ irenu oze dị ọ ya ịzọọ pooro dị eyi nị tu ọ nị. 27Ịjị ọ va nị ha ẹnẹnẹ dị ọ na oze ka ọnị ọ jịnẹ dị ọnị o nyima ụsẹ anị nị, dị o re ka onyeehi anị o hyẹdụ tụ ẹbanoze dị ọ sị ụvọ anị tụra ẹbanoze nị. 28Ịjị ọ maa nị re ose anị dị ọ hị́ ọ ka ọ kwẹẹtẹ, ọ vẹ vị ẹnị ẹẹ na nị. Ama ọnẹẹ ọnọọ ọ yị zụ tu o hi. Ịjọnọọ dị ọnọrụ ọnọọ chema a tura ịkẹrịkẹtẹ anị dị a nọ eehi anị nị. 29#1 Ịsa 11.7Ịjị o tu eehi dị ọ sị ụhwọ, dị o che onyeehi anị penu-penu hi oze ẹwụrẹva, dị ọ ga ikiiko hi avaba ẹtẹ Isirẹrị nị. 30Avaba aza ene re ịsa ọnị ọnọrụ ọnọọ mẹ vị ana kà a ka ẹ yị nyị ọza ana vavọọ mẹ̀ ọnị ẹnị re da hụrị ụmẹ ọnị ẹnị sị hụrẹ ẹtẹ Ijipiti ve tu ịhị ọnọọ. Ịjọnọọ dị ọnọrụ ana vị evere Ịbẹnjamịnị ọnọọ tụ́ ohi ka, ee ro ịnẹ ịnị ịpa ịrẹyị ọnọọ, dị a zama a re, dị a kà a ịsa a vọrọ ka a mẹ tụ ọ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.