Ayịsaya 46
46
Ori Anibabironi nini vị ọkụmị
1Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị. 2Ẹnịnị ệ kahi, ẹnịnị ê dudu ku ẹtẹ nị. Ẹnịnị ẹ yị zụ dọ ẹngụ ẹnịnị tụ. A sị ẹnị ụvọta za ọrịhị aa nọ aha ọsa. 3Ẹnẹyịmavara kà, sị ụtọ pe mị nịnị, ẹwụ nịnị ezi Ijekọvụ, avaba ẹwụ nịnị aza amị ana vọ ẹ̀ sị ụtọ pe ẹtẹ. Ẹmaa tẹsị awụ nịnị á mẹ̀ hụrẹ ma wụ nịnị nị. 4Ẹma vị Ohomorihi awụ nịnị nị. Mị vaa tẹsị awụ nịnị pooro di u we bo, di u we nyị ẹwa nịnị nị. 5Ẹ̀nị ụ ve sịị juwe amị nịnị? Áá nyị ọza ana yà anka m mẹ̀ ya? 6Aza ệ ngwara achuchu ẹnịnị, dị ẹ và igooru hi ẹtẹ, dị e sị ịngọ ngọ̀ isiriva nị. Ệ na hị́ ọza anaa mẹ ụhị́ ka ọ sị mẹ ori yị ẹnị. Dị ẹnịnị kú ẹtẹ, dị ẹyaa hẹkẹ ẹ nị. 7Ẹnịnị ẹ̀ẹ sị ọ tụra ịza, dị ẹ za a. Ệ sị ọ na tụ aha anị, dị ọ jẹẹ ịzọọ nị. Ẹ yị zụ hụrẹ aha anị. Ọza òo nowu hị́ ọ, e yi zụ tụ́ ohi. Ẹ yị zụ dọ ọza ha hụụnị ẹngụkata. 8Ẹwụ nịnị ọnịvị, tamayị ọsọnị nịnị, rò o nịnị ịsị ọnị mị mẹ. 9Tamayị ịsa ọnị mị mẹ nịnị ịyẹẹyẹ, agụvị ka Ẹma vị Ohomorihi nị, ị́rẹma amị ẹ yị nyị ọza ẹnẹsa. 10Hụrẹ oyinyima mịị̄ kà a ịsẹ ẹ vaa mẹ nị. Hụrẹ ụmọrụmọ mị kà a ịsị ẹ vaa mẹ nị. Mị ka, ịsị mị ka ọ vaa mẹ, vaa mẹ. Mị vaa mẹ ịsị mi sì ka maa mẹ̀. 11Maa hị́ inomi eneē che ịsaa hụrẹ eyi ọnị ọyịị̄ zịị vẹ, maa hị́ ọza ana vaa mẹ ịsị mị ka mị vaa mẹ hụrẹ ẹkụra ene noze. Ịsị mị raa kà, mị vaa mẹ̀ ẹ; ịsị mị me eto anị, mi vaa mẹ̀ ẹ. 12Sị ụtọ pe ẹtẹ nịnị, ẹwụ nịnị ana ayị anị katẹngụ, ẹwụ nịnị ana hịka o vee ku dị ụ wa va ha nịnị. 13Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.
Currently Selected:
Ayịsaya 46: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 46
46
Ori Anibabironi nini vị ọkụmị
1Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị. 2Ẹnịnị ệ kahi, ẹnịnị ê dudu ku ẹtẹ nị. Ẹnịnị ẹ yị zụ dọ ẹngụ ẹnịnị tụ. A sị ẹnị ụvọta za ọrịhị aa nọ aha ọsa. 3Ẹnẹyịmavara kà, sị ụtọ pe mị nịnị, ẹwụ nịnị ezi Ijekọvụ, avaba ẹwụ nịnị aza amị ana vọ ẹ̀ sị ụtọ pe ẹtẹ. Ẹmaa tẹsị awụ nịnị á mẹ̀ hụrẹ ma wụ nịnị nị. 4Ẹma vị Ohomorihi awụ nịnị nị. Mị vaa tẹsị awụ nịnị pooro di u we bo, di u we nyị ẹwa nịnị nị. 5Ẹ̀nị ụ ve sịị juwe amị nịnị? Áá nyị ọza ana yà anka m mẹ̀ ya? 6Aza ệ ngwara achuchu ẹnịnị, dị ẹ và igooru hi ẹtẹ, dị e sị ịngọ ngọ̀ isiriva nị. Ệ na hị́ ọza anaa mẹ ụhị́ ka ọ sị mẹ ori yị ẹnị. Dị ẹnịnị kú ẹtẹ, dị ẹyaa hẹkẹ ẹ nị. 7Ẹnịnị ẹ̀ẹ sị ọ tụra ịza, dị ẹ za a. Ệ sị ọ na tụ aha anị, dị ọ jẹẹ ịzọọ nị. Ẹ yị zụ hụrẹ aha anị. Ọza òo nowu hị́ ọ, e yi zụ tụ́ ohi. Ẹ yị zụ dọ ọza ha hụụnị ẹngụkata. 8Ẹwụ nịnị ọnịvị, tamayị ọsọnị nịnị, rò o nịnị ịsị ọnị mị mẹ. 9Tamayị ịsa ọnị mị mẹ nịnị ịyẹẹyẹ, agụvị ka Ẹma vị Ohomorihi nị, ị́rẹma amị ẹ yị nyị ọza ẹnẹsa. 10Hụrẹ oyinyima mịị̄ kà a ịsẹ ẹ vaa mẹ nị. Hụrẹ ụmọrụmọ mị kà a ịsị ẹ vaa mẹ nị. Mị ka, ịsị mị ka ọ vaa mẹ, vaa mẹ. Mị vaa mẹ ịsị mi sì ka maa mẹ̀. 11Maa hị́ inomi eneē che ịsaa hụrẹ eyi ọnị ọyịị̄ zịị vẹ, maa hị́ ọza ana vaa mẹ ịsị mị ka mị vaa mẹ hụrẹ ẹkụra ene noze. Ịsị mị raa kà, mị vaa mẹ̀ ẹ; ịsị mị me eto anị, mi vaa mẹ̀ ẹ. 12Sị ụtọ pe ẹtẹ nịnị, ẹwụ nịnị ana ayị anị katẹngụ, ẹwụ nịnị ana hịka o vee ku dị ụ wa va ha nịnị. 13Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.