Ayịsaya 45
45
Ẹnẹyịmavara ộ nyị Ịsayịrọsị
1Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa. 2Ọnị ụvọta vaa tenyi ẹtẹ zi ọ. Ọnị e chi ataba ọnịrị otutu nẹtẹ, dị ọnị chaka oze enyusẹ ọbanyị ẹkụra ẹnịnị, Dị ọnị pịrị ọvọrịvọ eneē sì chire wa. 3Ọ kà ọnị vaa sị ogu yị ọ hụụnị aha ohozi ịzị ẹ tẹ̀. Ịjọnọọ ọ vaa yẹ ka ọnị ọ vị Ẹnẹyịmavara nị. Ọnị Ohomorihi Anisirẹrị ọ raà sị ịrẹha anị hị́ ọ. 4Ọ kà ọnị ọ nyị Ịsayịrọsị ka ọ gụ Isirẹrị ozi ahụ anị ụvọ. Aza ọnị ọnị nyị ẹ vị nị. Ịsayịrọsị ọ yị yẹ ọnị ama ọnị raà sị ụbanyị ana banyị yọ. 5Ọnị ọ vị Ẹnẹyịmavara nị. Ẹ yị nyị Ohomorihi ọsa ịrẹma anị. Ịsayịrọsị ọ yị daka yẹ ọnị, ọnị vaa sị ụkata ana vọrọ ka ọ nyị yị ọ. 6Ọnị va vavọọ vaa mẹ agụvị dị avaba aza aha tụra aha ẹ yẹ ka ọnị ọ vị Ẹnẹyịmavara, ẹ yị nyị Ohomorihi ọsa. 7Ọnị ọ tụ ẹtohweyi ọnịrị ịrahụ nị. Ọnị ọ mẹ ọyịza ọnịrị ọhịmị nị. Ọnị Ẹnẹyịmavara ọ mẹ avaba ịsa ẹnẹnị nị. 8Ẹnẹyịmavara kà ọnị vaa tụ ehuna hụrị ẹbẹẹba chi vẹ, dị ẹtẹ ọ dọ ọ. Ẹdọha ọnịrị ịzẹyịza vaa kwẹẹtẹ. Ẹnẹyịmavara kà ọnị vaa mẹ avaba ịsa ẹnẹnị ẹ mẹ.
Ẹnẹyịmavara ana nyị avaba ịsa ọnịrị ịsa ana mẹ.
9 #
Ayị 29.16; Iro 9.20 O vee divi yị ọza ene beri ọza ana tụ ọ zune ụvọ. Ụnọkọ wéé beri ọza ana jị ọ nyị ahankata? Ụnọkọ wéé họ̀ ọza ana jị ọ ka sị aa mẹ? Ọ zụ kà a ka ọza ana jị ọnị e yi yẹ eyi ụkọrọ? 10Ọ da divi kẹnẹ ka ozi ọ họ̀ aza ana ma a ka sị ẹ vị dị ẹ maanị ma ọnị? 11Avọọ Ẹnẹyịmavara, Ohomorihi ọnịnị Isirẹrị ana tụ ẹhẹ mẹ ka nị. Ẹ́ẹ́ hụ ọ ene họ̀ ọnị ụsẹ ịrẹyị ẹkụra ẹnịnị, a vị dị ẹ mẹ̀ ọda tụra ịsa ọnị ọ mẹ̀. 12Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị. 13Ẹnẹyịmavara kà ọnị vaa sị Ịsayịrọsị kwẹẹtẹ, ka ọ mẹ̀ ịsa ana vọrọ ọnị me si. Ọnị vaa zụ ọ oze ịnị ịsa tụra ịsa ọnị aa mẹ. O vee tenyi ẹkụra anị Ijerusarẹmị da, dị ọ hụrị aza ana a za ọrịhị ụvọ. Ẹ yị vị agụvị ẹkẹhị ọ vavọọ vaa mẹ. 14Ẹnẹyịmavara ộ kà yị Anisirẹrị nịnị ka ogu Anijipiti ọnịrị Anetiyopiya vaa vị ẹnịnị. Anọrụ Aniseba ana hụ huna ẹnịnị vị ẹnị vaa za ọrịhị ẹnịnị, dị ẹ tụ wa ịchẹkẹchẹkẹ saasa ẹngụ ne eehi. E vee ku ẹtẹ ọvịdị ẹnịnị, dị ẹ dọ irenu ka Ohomorihi ya pe wa, ka ẹ yị nyị Ohomorihi ọsa ịrẹma anị. 15Ohomorihi Anisirẹrị ana dọ wa ha vị Ohomorihi ana sị ẹngụ tẹ̀. 16Avaba aza ana mẹ ori yị ẹngụ ẹnịnị vị ọnị ụhị vaa nyị. A vaa mẹ̀ ụhị nyị wa. 17Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa. 18Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa. 19Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.
Ẹnẹyịmavara ana nyị ẹhẹ ọnịrị ori Anibabironi nini
20Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ. 21Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị. 22Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa. 23#Iro 14.11; Ihwi 2.10,11Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị. 24Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị. 25Ọnị vaa sị Anisirẹrị nịnị nyị ẹbẹẹba, dị ẹ yaa ga ọnị.
Currently Selected:
Ayịsaya 45: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 45
45
Ẹnẹyịmavara ộ nyị Ịsayịrọsị
1Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa. 2Ọnị ụvọta vaa tenyi ẹtẹ zi ọ. Ọnị e chi ataba ọnịrị otutu nẹtẹ, dị ọnị chaka oze enyusẹ ọbanyị ẹkụra ẹnịnị, Dị ọnị pịrị ọvọrịvọ eneē sì chire wa. 3Ọ kà ọnị vaa sị ogu yị ọ hụụnị aha ohozi ịzị ẹ tẹ̀. Ịjọnọọ ọ vaa yẹ ka ọnị ọ vị Ẹnẹyịmavara nị. Ọnị Ohomorihi Anisirẹrị ọ raà sị ịrẹha anị hị́ ọ. 4Ọ kà ọnị ọ nyị Ịsayịrọsị ka ọ gụ Isirẹrị ozi ahụ anị ụvọ. Aza ọnị ọnị nyị ẹ vị nị. Ịsayịrọsị ọ yị yẹ ọnị ama ọnị raà sị ụbanyị ana banyị yọ. 5Ọnị ọ vị Ẹnẹyịmavara nị. Ẹ yị nyị Ohomorihi ọsa ịrẹma anị. Ịsayịrọsị ọ yị daka yẹ ọnị, ọnị vaa sị ụkata ana vọrọ ka ọ nyị yị ọ. 6Ọnị va vavọọ vaa mẹ agụvị dị avaba aza aha tụra aha ẹ yẹ ka ọnị ọ vị Ẹnẹyịmavara, ẹ yị nyị Ohomorihi ọsa. 7Ọnị ọ tụ ẹtohweyi ọnịrị ịrahụ nị. Ọnị ọ mẹ ọyịza ọnịrị ọhịmị nị. Ọnị Ẹnẹyịmavara ọ mẹ avaba ịsa ẹnẹnị nị. 8Ẹnẹyịmavara kà ọnị vaa tụ ehuna hụrị ẹbẹẹba chi vẹ, dị ẹtẹ ọ dọ ọ. Ẹdọha ọnịrị ịzẹyịza vaa kwẹẹtẹ. Ẹnẹyịmavara kà ọnị vaa mẹ avaba ịsa ẹnẹnị ẹ mẹ.
Ẹnẹyịmavara ana nyị avaba ịsa ọnịrị ịsa ana mẹ.
9 #
Ayị 29.16; Iro 9.20 O vee divi yị ọza ene beri ọza ana tụ ọ zune ụvọ. Ụnọkọ wéé beri ọza ana jị ọ nyị ahankata? Ụnọkọ wéé họ̀ ọza ana jị ọ ka sị aa mẹ? Ọ zụ kà a ka ọza ana jị ọnị e yi yẹ eyi ụkọrọ? 10Ọ da divi kẹnẹ ka ozi ọ họ̀ aza ana ma a ka sị ẹ vị dị ẹ maanị ma ọnị? 11Avọọ Ẹnẹyịmavara, Ohomorihi ọnịnị Isirẹrị ana tụ ẹhẹ mẹ ka nị. Ẹ́ẹ́ hụ ọ ene họ̀ ọnị ụsẹ ịrẹyị ẹkụra ẹnịnị, a vị dị ẹ mẹ̀ ọda tụra ịsa ọnị ọ mẹ̀. 12Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị. 13Ẹnẹyịmavara kà ọnị vaa sị Ịsayịrọsị kwẹẹtẹ, ka ọ mẹ̀ ịsa ana vọrọ ọnị me si. Ọnị vaa zụ ọ oze ịnị ịsa tụra ịsa ọnị aa mẹ. O vee tenyi ẹkụra anị Ijerusarẹmị da, dị ọ hụrị aza ana a za ọrịhị ụvọ. Ẹ yị vị agụvị ẹkẹhị ọ vavọọ vaa mẹ. 14Ẹnẹyịmavara ộ kà yị Anisirẹrị nịnị ka ogu Anijipiti ọnịrị Anetiyopiya vaa vị ẹnịnị. Anọrụ Aniseba ana hụ huna ẹnịnị vị ẹnị vaa za ọrịhị ẹnịnị, dị ẹ tụ wa ịchẹkẹchẹkẹ saasa ẹngụ ne eehi. E vee ku ẹtẹ ọvịdị ẹnịnị, dị ẹ dọ irenu ka Ohomorihi ya pe wa, ka ẹ yị nyị Ohomorihi ọsa ịrẹma anị. 15Ohomorihi Anisirẹrị ana dọ wa ha vị Ohomorihi ana sị ẹngụ tẹ̀. 16Avaba aza ana mẹ ori yị ẹngụ ẹnịnị vị ọnị ụhị vaa nyị. A vaa mẹ̀ ụhị nyị wa. 17Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa. 18Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa. 19Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.
Ẹnẹyịmavara ana nyị ẹhẹ ọnịrị ori Anibabironi nini
20Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ. 21Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị. 22Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa. 23#Iro 14.11; Ihwi 2.10,11Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị. 24Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị. 25Ọnị vaa sị Anisirẹrị nịnị nyị ẹbẹẹba, dị ẹ yaa ga ọnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.