Ayịsaya 27
27
Ohomorihi vaa dọ Anisirẹrị tụ́
1 #
Ijov 41.1; Ahẹ 74.14; 104.26 Ịnị ụmẹ ọnọọ, Ẹnẹyịmavara vaa sị ụhwọ anị ana katẹngụ dị ọ sị sị ụya rị aza ọhịmị ẹnẹẹ ana sị mẹẹ anka ẹ́wụ́ odivi avọọ. Aza edivi ẹnẹẹ vị ana sị mẹẹ anka uye odivi ana aā hị́ Ireviyatani anaā jịị kara ẹngụ. Aza ẹnẹẹ ana sị mẹẹ anka ẹwụ odivi anaā yà ini enyi vị ẹnị Ẹnẹyịmavara vaa wụ̀. Ọ yị vaa vayị ẹnịnị vụrụ-vụrụ.
2Ụmẹ ọnọọ Ẹnẹyịmavara vaa jị ahẹ gono ụbazị anị dị ọ ka, 3“Ẹmị Ẹnẹyịmavara o si eyi pe ụbazị amị, dị maa ká enyi hi ọ eyinị-eyinị nị. Mee sere e ọọdụ ọnịrị ịrahụ ka asị a nyị ọza ana sị ụvọ kanyị ọ. 4Ayị ụbazị amị ọ yị kụkụ kụ́ mị ama mèe re ikeyi ịnị anị ana vọrọ ka ẹmịrịị ọ̀ kụ̀ ịrẹkụ, dị mị rị ikeyi ẹnẹẹ ịra va ha. 5Ọnịvị amị ẹnẹẹ ẹ̀ẹ ka mee sere ẹnị, ẹnịnị ẹ̀ vẹ dị ẹ̀ va da ịpẹ mị. Mị ka ẹ̀ vẹ dị ẹ̀ va dá ịpẹ mị.” 6Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.
7Ẹnẹyịmavara ộ yị sị ụya rị Anisirẹrị anka ọ mẹ̀ sị ụya rị ọnịvị Anisirẹrị nịnị. Ọnịvị Anisirẹrị ana a wụ ẹ rẹ rụrụ huna Anisirẹrị ana a wụ nị. 8Ẹnẹyịmavara ộ mẹ̀ ka ịrẹkụ ọ̀ va kụ́ aza anị. Anka opomi ọbanyị mẹ̀ẹ tụ́ hụrẹ oze ọnị ọyịị̄ zị̄ị vẹ avọọ, avọọ Ẹnẹyịmavara mẹ̀ jị ayị dụ aza anị jịnẹ nị. 9Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.
10Ẹkụra ọnọọ ana a vịdị jị ọvọ kara, ọ kụ́ jị eburu hi ẹtẹ. Aza ẹ kụ́ kụ̀rà hụụnị anị, dị ahịka osusu ọ kụkụ vị nị. Ịsụpa nịnị vị ana kụkụ ra hị́ ịzọọ dị ẹ za avọ́ ọchị ene hi ịzọọ dị ẹ rị ọ zẹtẹ.
11Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.
12Ịhị ẹkụhị ọnọọ òo si tù, Ẹnẹyịmavara vaa tọ̀ọ́ aza anị ọnya-ọnya hụrẹ Iyuhwuretisi huu na ngụ ụtọ ẹkụra Ijipiti. Vị ọ vaa tọ̀ọ́ wa anka ọza ana aa tọ̀ọ́ akụụ hụụnị azizẹ avọọ nị.
13Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.
Currently Selected:
Ayịsaya 27: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 27
27
Ohomorihi vaa dọ Anisirẹrị tụ́
1 #
Ijov 41.1; Ahẹ 74.14; 104.26 Ịnị ụmẹ ọnọọ, Ẹnẹyịmavara vaa sị ụhwọ anị ana katẹngụ dị ọ sị sị ụya rị aza ọhịmị ẹnẹẹ ana sị mẹẹ anka ẹ́wụ́ odivi avọọ. Aza edivi ẹnẹẹ vị ana sị mẹẹ anka uye odivi ana aā hị́ Ireviyatani anaā jịị kara ẹngụ. Aza ẹnẹẹ ana sị mẹẹ anka ẹwụ odivi anaā yà ini enyi vị ẹnị Ẹnẹyịmavara vaa wụ̀. Ọ yị vaa vayị ẹnịnị vụrụ-vụrụ.
2Ụmẹ ọnọọ Ẹnẹyịmavara vaa jị ahẹ gono ụbazị anị dị ọ ka, 3“Ẹmị Ẹnẹyịmavara o si eyi pe ụbazị amị, dị maa ká enyi hi ọ eyinị-eyinị nị. Mee sere e ọọdụ ọnịrị ịrahụ ka asị a nyị ọza ana sị ụvọ kanyị ọ. 4Ayị ụbazị amị ọ yị kụkụ kụ́ mị ama mèe re ikeyi ịnị anị ana vọrọ ka ẹmịrịị ọ̀ kụ̀ ịrẹkụ, dị mị rị ikeyi ẹnẹẹ ịra va ha. 5Ọnịvị amị ẹnẹẹ ẹ̀ẹ ka mee sere ẹnị, ẹnịnị ẹ̀ vẹ dị ẹ̀ va da ịpẹ mị. Mị ka ẹ̀ vẹ dị ẹ̀ va dá ịpẹ mị.” 6Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.
7Ẹnẹyịmavara ộ yị sị ụya rị Anisirẹrị anka ọ mẹ̀ sị ụya rị ọnịvị Anisirẹrị nịnị. Ọnịvị Anisirẹrị ana a wụ ẹ rẹ rụrụ huna Anisirẹrị ana a wụ nị. 8Ẹnẹyịmavara ộ mẹ̀ ka ịrẹkụ ọ̀ va kụ́ aza anị. Anka opomi ọbanyị mẹ̀ẹ tụ́ hụrẹ oze ọnị ọyịị̄ zị̄ị vẹ avọọ, avọọ Ẹnẹyịmavara mẹ̀ jị ayị dụ aza anị jịnẹ nị. 9Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.
10Ẹkụra ọnọọ ana a vịdị jị ọvọ kara, ọ kụ́ jị eburu hi ẹtẹ. Aza ẹ kụ́ kụ̀rà hụụnị anị, dị ahịka osusu ọ kụkụ vị nị. Ịsụpa nịnị vị ana kụkụ ra hị́ ịzọọ dị ẹ za avọ́ ọchị ene hi ịzọọ dị ẹ rị ọ zẹtẹ.
11Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.
12Ịhị ẹkụhị ọnọọ òo si tù, Ẹnẹyịmavara vaa tọ̀ọ́ aza anị ọnya-ọnya hụrẹ Iyuhwuretisi huu na ngụ ụtọ ẹkụra Ijipiti. Vị ọ vaa tọ̀ọ́ wa anka ọza ana aa tọ̀ọ́ akụụ hụụnị azizẹ avọọ nị.
13Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.
Ebira First Bible © Bible Society of Nigeria, 2014.