Ayịsaya 26
26
Ohomorihi vaa mẹ ka aza anị ẹ̀ nyị ehuna.
1Ụmẹ ọnya aa vẹ. Ịnị ụmẹ ọnọọ, aza maanị vaa jị ahẹ ịnị ẹtẹ Ijuda dị a ka:
Ẹkụra ayị ộ nyị ụkata!
Ohomorihi ọnị ụvọta ee sere ọvọ ana a jị kara a nị!
2Nā oze
vị anẹkụra nịnị ana aa mẹ ịzẹyịza ẹ̀ ngụ eehi,
dị ẹ yaa mẹ̀ ịsa ene zee wu eyi.
3Ụ vaa sị ẹngwọọrọ
yị aza ana ayị anị jẹẹ geri-geri
dị ẹ sị ayị tụra wụ.
4Sị ayịị tụra Ẹnẹyịmavara pooro;
agụvị ka vi o vee sere yi pooro nị.
5Aza ana aa mẹ eyi vị oni Ohomorihi vaa mẹ ụhịị nyị;
Anẹkụra ene ee wuu zị vị ọnị ọ vaa vàa nẹtẹ.
Dị ọ maanị kà a chi, dị ọ vara a eteesu.
6Di onosiye nịnị ana a vịdị aa mẹ ehunaa yị
kụkụ aa kụ́ ahụụ hi wa.
7Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ.
Ụụ̄ mẹ ka ẹngụ ẹnịnị ọ̀ rọ.
8Ẹnẹyịmavara, ọda awụ ẹyị aa saasa nọ. Ẹwụ ị sị eyi tụra nị.
Yàa tamayị ịsa ọnị ụ mẹ, dị ịnẹ sị yị há.
9Màa sụ, màa ha, ayị amị vị ana yà ịda awụ.
Ịhị wàa raà mẹ̀ ọkarẹyị yị anẹhẹ,
ẹnịnị vaa yẹ ebira ana vọrọ.
10Wàa daka aa yịị vayị aza edivi,
ẹnịnị ẹ yị vaa zẹẹ ka ẹnị ẹ̀ẹ mẹ̀ ebira ana vọrọ.
Ẹ mẹ̀ daka yị ra hi ịnị ẹtẹ ọnọnị ana aza ana aa mẹ ịzẹyịza hi aanị,
ebira odivi ẹnị aa mịị mẹ nị. Ẹnịnị ẹ yị hyakụ tẹsị ka ẹnị ẹ̀ sị ụbanyị yị wụ.
11 #
Ihib 10.27
Ọnịvị awụ ẹ yị yẹ ka waa vaa tana ụvọọ za ẹnị.
Navọ wa mẹ̀ ụhị nyị wa
dị ẹ̀ yẹ ka wê sì ịrẹyị aza awụ.
Navọ wa ẹ̀ rị ụya ọnị ụ ka ẹ vaa rị.
12Ẹnẹyịmavara, ẹwụ vaa sị ẹngwọọrọ yị ẹyị.
Yâ yẹ ka avaba ịsa ọnịị mẹ,
ẹwa mẹ̀ ẹ yị nị.
13Ẹwụ Ẹnẹyịmavara ana vị Ohomorihi ayị, aza ẹnẹsa ẹ raà mẹ ịjọva tụra yị.
Ama ẹwụ nya kẹnẹ ị yaa sị ụbanyịị yị nị.
14Ama booro aanị ẹnịnị ê wusu. Ẹẹnịnị ộ ta,
ẹ mā vana kwẹẹtẹ.
Wa raà sị ụya rị wa, dị ụ và wa nẹtẹ nị.
Wa raà mẹ ka asị a kụkụ tamayị ẹnịnị
15Ẹnẹyịmavara, wa raà mẹ ka ẹkụra ayị ọ̀ yara ẹtẹẹtẹrẹ.
Wâ mẹ ka ọ̀ gana eyi okiri-okiri.
Ọnọọ ộ mẹ̀ ka aza ẹ̀ẹ sị ụbanyịị yị wụ.
16Ẹnẹyịmavara, wâ sị ụya rị aza awụ.
Ayị ẹnịnị ô du, dị ẹ vẹ ịda awụ dị ẹ vụrị aa mẹ̀ aduwa nị.
17Aza awụ vị ene hi ịda awụ di eyee nowu
anka ọnẹẹ ana aa barẹẹ avọọ.
18Yee nowu anka ọnẹẹ ana aa barẹẹ avọọ,
ama ẹ yị vị ka vị yaa ma ozi nị.
Yẹ yị nyẹngụ nyị ehuna aza ana kụ́ ịrẹkụ vẹ ịnị ẹtẹ ayị
Ẹyị nyị ịsị ẹ mẹ̀.
19Aza ayị ene sú rẹ vana vaa yàra.
Ẹnịnị vaa haa kwẹẹtẹ.
Ẹwụ nịnị avaba aza ene hi ini ikuta
vaa haa kwẹẹtẹ dị ẹ yaa jị ahẹ ịrajẹ.
Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ
Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.
20Ẹwụ nịnị aza amị, ngụ ini eehi awụ di we gù oze hi ẹngụ nịnị. Vavọọ sị ẹngụ awụ nịnị tẹ ịzọọ chee di Ohomorihi ọ̀ mẹ ọyịkụ anị ta. 21Ẹnẹyịmavara ee chii hụrẹ ẹbẹẹba ịda anịị vẹ, dị ọ̀ va sị ụya rị aza ene hi ịnị ẹhẹ agụvị ebira odivi ẹnị ẹ yaa mẹ. Aza ana vịdị were wụ̀ ọza dị ọza ọ̀ yị yẹ vi oni iruvo ẹnịnị vaa tụ́ ẹhẹ. Aza ana a vavọọ wụ di e nē wa hi ịnị ẹtẹ vaa jịnẹẹ tụ́ ẹhẹ.
Currently Selected:
Ayịsaya 26: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 26
26
Ohomorihi vaa mẹ ka aza anị ẹ̀ nyị ehuna.
1Ụmẹ ọnya aa vẹ. Ịnị ụmẹ ọnọọ, aza maanị vaa jị ahẹ ịnị ẹtẹ Ijuda dị a ka:
Ẹkụra ayị ộ nyị ụkata!
Ohomorihi ọnị ụvọta ee sere ọvọ ana a jị kara a nị!
2Nā oze
vị anẹkụra nịnị ana aa mẹ ịzẹyịza ẹ̀ ngụ eehi,
dị ẹ yaa mẹ̀ ịsa ene zee wu eyi.
3Ụ vaa sị ẹngwọọrọ
yị aza ana ayị anị jẹẹ geri-geri
dị ẹ sị ayị tụra wụ.
4Sị ayịị tụra Ẹnẹyịmavara pooro;
agụvị ka vi o vee sere yi pooro nị.
5Aza ana aa mẹ eyi vị oni Ohomorihi vaa mẹ ụhịị nyị;
Anẹkụra ene ee wuu zị vị ọnị ọ vaa vàa nẹtẹ.
Dị ọ maanị kà a chi, dị ọ vara a eteesu.
6Di onosiye nịnị ana a vịdị aa mẹ ehunaa yị
kụkụ aa kụ́ ahụụ hi wa.
7Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ.
Ụụ̄ mẹ ka ẹngụ ẹnịnị ọ̀ rọ.
8Ẹnẹyịmavara, ọda awụ ẹyị aa saasa nọ. Ẹwụ ị sị eyi tụra nị.
Yàa tamayị ịsa ọnị ụ mẹ, dị ịnẹ sị yị há.
9Màa sụ, màa ha, ayị amị vị ana yà ịda awụ.
Ịhị wàa raà mẹ̀ ọkarẹyị yị anẹhẹ,
ẹnịnị vaa yẹ ebira ana vọrọ.
10Wàa daka aa yịị vayị aza edivi,
ẹnịnị ẹ yị vaa zẹẹ ka ẹnị ẹ̀ẹ mẹ̀ ebira ana vọrọ.
Ẹ mẹ̀ daka yị ra hi ịnị ẹtẹ ọnọnị ana aza ana aa mẹ ịzẹyịza hi aanị,
ebira odivi ẹnị aa mịị mẹ nị. Ẹnịnị ẹ yị hyakụ tẹsị ka ẹnị ẹ̀ sị ụbanyị yị wụ.
11 #
Ihib 10.27
Ọnịvị awụ ẹ yị yẹ ka waa vaa tana ụvọọ za ẹnị.
Navọ wa mẹ̀ ụhị nyị wa
dị ẹ̀ yẹ ka wê sì ịrẹyị aza awụ.
Navọ wa ẹ̀ rị ụya ọnị ụ ka ẹ vaa rị.
12Ẹnẹyịmavara, ẹwụ vaa sị ẹngwọọrọ yị ẹyị.
Yâ yẹ ka avaba ịsa ọnịị mẹ,
ẹwa mẹ̀ ẹ yị nị.
13Ẹwụ Ẹnẹyịmavara ana vị Ohomorihi ayị, aza ẹnẹsa ẹ raà mẹ ịjọva tụra yị.
Ama ẹwụ nya kẹnẹ ị yaa sị ụbanyịị yị nị.
14Ama booro aanị ẹnịnị ê wusu. Ẹẹnịnị ộ ta,
ẹ mā vana kwẹẹtẹ.
Wa raà sị ụya rị wa, dị ụ và wa nẹtẹ nị.
Wa raà mẹ ka asị a kụkụ tamayị ẹnịnị
15Ẹnẹyịmavara, wa raà mẹ ka ẹkụra ayị ọ̀ yara ẹtẹẹtẹrẹ.
Wâ mẹ ka ọ̀ gana eyi okiri-okiri.
Ọnọọ ộ mẹ̀ ka aza ẹ̀ẹ sị ụbanyịị yị wụ.
16Ẹnẹyịmavara, wâ sị ụya rị aza awụ.
Ayị ẹnịnị ô du, dị ẹ vẹ ịda awụ dị ẹ vụrị aa mẹ̀ aduwa nị.
17Aza awụ vị ene hi ịda awụ di eyee nowu
anka ọnẹẹ ana aa barẹẹ avọọ.
18Yee nowu anka ọnẹẹ ana aa barẹẹ avọọ,
ama ẹ yị vị ka vị yaa ma ozi nị.
Yẹ yị nyẹngụ nyị ehuna aza ana kụ́ ịrẹkụ vẹ ịnị ẹtẹ ayị
Ẹyị nyị ịsị ẹ mẹ̀.
19Aza ayị ene sú rẹ vana vaa yàra.
Ẹnịnị vaa haa kwẹẹtẹ.
Ẹwụ nịnị avaba aza ene hi ini ikuta
vaa haa kwẹẹtẹ dị ẹ yaa jị ahẹ ịrajẹ.
Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ
Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.
20Ẹwụ nịnị aza amị, ngụ ini eehi awụ di we gù oze hi ẹngụ nịnị. Vavọọ sị ẹngụ awụ nịnị tẹ ịzọọ chee di Ohomorihi ọ̀ mẹ ọyịkụ anị ta. 21Ẹnẹyịmavara ee chii hụrẹ ẹbẹẹba ịda anịị vẹ, dị ọ̀ va sị ụya rị aza ene hi ịnị ẹhẹ agụvị ebira odivi ẹnị ẹ yaa mẹ. Aza ana vịdị were wụ̀ ọza dị ọza ọ̀ yị yẹ vi oni iruvo ẹnịnị vaa tụ́ ẹhẹ. Aza ana a vavọọ wụ di e nē wa hi ịnị ẹtẹ vaa jịnẹẹ tụ́ ẹhẹ.
Ebira First Bible © Bible Society of Nigeria, 2014.