Ayịsaya 12
12
Ahẹ ana a jị gono Ohomorihi
1Ụmẹ ọnyara aa vẹ ana aza vaa jị ahẹ
dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi,
ama booro aanị, wẹ yị kụkụ kụ́ ayị. Wa raà sị ayị amị hunẹnẹ.
2 #
Kụra 15.2; Ahẹ 118.14 Ịzẹyịza Ohomorihi ọ vị ẹnẹdọha amị nị.
Ẹwụ m maa sị ayịị tụra nị, me yi vee hí angwa.
Ẹnẹyịmavara ọ sị ụkata yị mị nị.
Ẹwa m maa sịị jị ahẹ nị. Ọnị ọ vị ẹnẹdọha amị nị.
3Enyi àa kụ̀ ọza di o re enyi ohunẹnẹ hú nị, wâ yẹ ọ mẹ̀ẹ jẹ.
Avọọ aza Ohomorihi mẹ̀ vaa jẹ ịhị ọ̀ọ raà dọ wa ha nị.
4Ẹkụhị aa vẹ ọnị aza vaa jị ahẹ,
dị ẹ ka, “Waā kụ́ Ẹnẹyịmavara avọ. Waā hị́ ọ ka ọ̀ va gụ wụ ụvọ!
Kà ẹ yị anẹhẹ ịsị ọ mẹ!
Kà a yị wa ọ mẹmẹ nyị ụbanyị!
5Jị ahẹ gono Ẹnẹyịmavara agụvị ịsa ẹbanyị-ẹbanyị ọnị ọ raà mẹ̀.
Waa kà ịrẹkụkụ anịị yị avaba anẹhẹ.
6Navọ avaba aza ana ra Ịzayọnị ọsị ọngwẹ tụ ẹba jị ahẹ!
Ohomorihi ọnịnị Isirẹrị ọọ nyị ụbanyị,
ọ yà ịnị akakana aza anị.”
Currently Selected:
Ayịsaya 12: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 12
12
Ahẹ ana a jị gono Ohomorihi
1Ụmẹ ọnyara aa vẹ ana aza vaa jị ahẹ
dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi,
ama booro aanị, wẹ yị kụkụ kụ́ ayị. Wa raà sị ayị amị hunẹnẹ.
2 #
Kụra 15.2; Ahẹ 118.14 Ịzẹyịza Ohomorihi ọ vị ẹnẹdọha amị nị.
Ẹwụ m maa sị ayịị tụra nị, me yi vee hí angwa.
Ẹnẹyịmavara ọ sị ụkata yị mị nị.
Ẹwa m maa sịị jị ahẹ nị. Ọnị ọ vị ẹnẹdọha amị nị.
3Enyi àa kụ̀ ọza di o re enyi ohunẹnẹ hú nị, wâ yẹ ọ mẹ̀ẹ jẹ.
Avọọ aza Ohomorihi mẹ̀ vaa jẹ ịhị ọ̀ọ raà dọ wa ha nị.
4Ẹkụhị aa vẹ ọnị aza vaa jị ahẹ,
dị ẹ ka, “Waā kụ́ Ẹnẹyịmavara avọ. Waā hị́ ọ ka ọ̀ va gụ wụ ụvọ!
Kà ẹ yị anẹhẹ ịsị ọ mẹ!
Kà a yị wa ọ mẹmẹ nyị ụbanyị!
5Jị ahẹ gono Ẹnẹyịmavara agụvị ịsa ẹbanyị-ẹbanyị ọnị ọ raà mẹ̀.
Waa kà ịrẹkụkụ anịị yị avaba anẹhẹ.
6Navọ avaba aza ana ra Ịzayọnị ọsị ọngwẹ tụ ẹba jị ahẹ!
Ohomorihi ọnịnị Isirẹrị ọọ nyị ụbanyị,
ọ yà ịnị akakana aza anị.”
Ebira First Bible © Bible Society of Nigeria, 2014.