Ayịsaya 11
11
Ụmẹ ana a vaa sị nyị Ịjọva Ẹngwọọrọ
1 #
Ẹtẹ 5.5; 22.16 Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.
2Ẹnẹyịmavara vaa sị ụhwẹ anịị tụ́ ịnị ayị anị, dị ọ mẹ ka ọ̀ yẹ ịrẹyị ẹtẹẹtẹrẹ.
Ọ rẹ vaa mẹ ka ọ yara pè ọza jiwe, dị ọ rẹ sị ụkata yọ.
Ohinọyị ọnọọ vaa yẹ ịsa ọnị Ohomorihi sì,
3dị ọ rẹ nyayịnẹ sị ụbanyị yị Ohomorihi bẹẹ.
Ẹ yị vị ịsị o sị eyi re ọnịrị ịsị a kà yọ kẹnẹ ọ vaa sị mẹ̀ ọkarẹyị.
4 #
2 Ịtẹ 2.8
Ịzẹyịza kẹnẹ ọnị vaa sị mẹ̀ ọkarẹyị nị.
Ọ yị vaa rara ọkarẹyị ọza agụvị ka ộ mẹhị vi onosiye.
Ịrẹyị ọnị ọ ka vi inori ana vaa sị ụyaa rị anẹhẹ.
Irenu aa sịị tụ́ ụhwẹẹ kú aza edivi, di e sú va ha nị.
5 #
Ẹhw 6.14
Ohinọyị ọnọọ vị ana vaa mẹ ịzẹyịza ọnịrị ebira ana vọrọ. Ọ raà sị ebira ẹnẹẹ tenyi ẹngụ ka oni ee pè ọnịvị anịị vụ̀ ịrẹvụ.
6 #
Ayị 65.25
Ịjị ụmẹ ẹngwọọrọ ọnọọ òo si tù, akatapooro ọnịrị ozi atẹmẹ maanị vee duduu hi aha ọnya.
Ẹzụ ọnịrị ẹvụ va hụtẹtẹẹ aha ọnya vaabẹ,
di idu ọnịrị ozi imaaru dudu aa rị avị.
Dị ahịka ozi oweyi ọnya aanị aa kụ́ waa rị nị.
7Imaaru ọnịrị ọdụmị vee dudu rị ịsa aha ọnya,
di ezi ẹnịnị aa vaa hura ẹngụ.
Idu vaa rị avị anka imaaru avọọ.
8Ozweyi maanị vaa mẹ aahẹ ọgụrị ịzị ẹwụ odivi yà,
dị ọ hyakụ jị ụvọ ngụ ịzị ọ yà, dị ẹ yị nyị ẹwụ ọnọọ mẹ̀ kà yọ.
9 #
Iha 2.14
Ịnị ụmẹ ọnọọ, ịrẹsụ Ịzayọnị ana vị ataba Ohomorihi,
ẹ yị vaa nyị ịsị ẹ vaa mẹ̀ ọza ịsa odivi.
Òkū mẹ̀ vị enyeenyi avọọ,
avọọ avaba ẹhẹ mẹ̀ vaa yẹ ịsa oni Ohomorihi sì nị.
Aza ana a za ọrịhị vaa vaa vẹ eehi
10 #
Iro 15.12
Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.
11Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku. 12Ananyị yị vaa tana uyi anịị tụ́ ẹba dị ọ̀ sị zụ̀ anẹkụra ana vọ ka ọnị aa kụ́ Anisirẹrị vaa vẹ eehi. Ọ vaa kụ́ avaba Anijuda hụrẹ ịzị èe che ne hi ẹhẹ, dị ọ kụ́ wa vẹ eehi. 13Anisirẹrị e yi kuku vee pè Anijudaa kụ̀ ụhị. Anijuda ẹnị ẹyị rẹ kuku vee re Anisirẹrị ọnịvịị ẹnịnị. 14Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị. 15#Ẹtẹ 16.12Ẹnẹyịmavara vaa mẹ ka enyi ini okuha Ijipiti ẹ̀ wụ. Dị ọ rẹ tụ́ ahị ịrịịra kú Okuha Iyuhwireti. Dị ọ ha a hi oze ịhịmba. Aza ẹ yị hyakụ kụkụ aa tụ̀ adava dị ẹ̀ jịnẹ wa. 16A vaa tụ́ oze ọbanyị ị yị Anisirẹrị ana vọ ana aa hụrẹ Asiriyaa vẹ, anka a mẹ̀ tụ́ oze yị Anisirẹrị ịyẹẹyẹ ẹ mẹ hụrẹ Ijipiti aa vẹ.
Currently Selected:
Ayịsaya 11: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 11
11
Ụmẹ ana a vaa sị nyị Ịjọva Ẹngwọọrọ
1 #
Ẹtẹ 5.5; 22.16 Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.
2Ẹnẹyịmavara vaa sị ụhwẹ anịị tụ́ ịnị ayị anị, dị ọ mẹ ka ọ̀ yẹ ịrẹyị ẹtẹẹtẹrẹ.
Ọ rẹ vaa mẹ ka ọ yara pè ọza jiwe, dị ọ rẹ sị ụkata yọ.
Ohinọyị ọnọọ vaa yẹ ịsa ọnị Ohomorihi sì,
3dị ọ rẹ nyayịnẹ sị ụbanyị yị Ohomorihi bẹẹ.
Ẹ yị vị ịsị o sị eyi re ọnịrị ịsị a kà yọ kẹnẹ ọ vaa sị mẹ̀ ọkarẹyị.
4 #
2 Ịtẹ 2.8
Ịzẹyịza kẹnẹ ọnị vaa sị mẹ̀ ọkarẹyị nị.
Ọ yị vaa rara ọkarẹyị ọza agụvị ka ộ mẹhị vi onosiye.
Ịrẹyị ọnị ọ ka vi inori ana vaa sị ụyaa rị anẹhẹ.
Irenu aa sịị tụ́ ụhwẹẹ kú aza edivi, di e sú va ha nị.
5 #
Ẹhw 6.14
Ohinọyị ọnọọ vị ana vaa mẹ ịzẹyịza ọnịrị ebira ana vọrọ. Ọ raà sị ebira ẹnẹẹ tenyi ẹngụ ka oni ee pè ọnịvị anịị vụ̀ ịrẹvụ.
6 #
Ayị 65.25
Ịjị ụmẹ ẹngwọọrọ ọnọọ òo si tù, akatapooro ọnịrị ozi atẹmẹ maanị vee duduu hi aha ọnya.
Ẹzụ ọnịrị ẹvụ va hụtẹtẹẹ aha ọnya vaabẹ,
di idu ọnịrị ozi imaaru dudu aa rị avị.
Dị ahịka ozi oweyi ọnya aanị aa kụ́ waa rị nị.
7Imaaru ọnịrị ọdụmị vee dudu rị ịsa aha ọnya,
di ezi ẹnịnị aa vaa hura ẹngụ.
Idu vaa rị avị anka imaaru avọọ.
8Ozweyi maanị vaa mẹ aahẹ ọgụrị ịzị ẹwụ odivi yà,
dị ọ hyakụ jị ụvọ ngụ ịzị ọ yà, dị ẹ yị nyị ẹwụ ọnọọ mẹ̀ kà yọ.
9 #
Iha 2.14
Ịnị ụmẹ ọnọọ, ịrẹsụ Ịzayọnị ana vị ataba Ohomorihi,
ẹ yị vaa nyị ịsị ẹ vaa mẹ̀ ọza ịsa odivi.
Òkū mẹ̀ vị enyeenyi avọọ,
avọọ avaba ẹhẹ mẹ̀ vaa yẹ ịsa oni Ohomorihi sì nị.
Aza ana a za ọrịhị vaa vaa vẹ eehi
10 #
Iro 15.12
Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.
11Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku. 12Ananyị yị vaa tana uyi anịị tụ́ ẹba dị ọ̀ sị zụ̀ anẹkụra ana vọ ka ọnị aa kụ́ Anisirẹrị vaa vẹ eehi. Ọ vaa kụ́ avaba Anijuda hụrẹ ịzị èe che ne hi ẹhẹ, dị ọ kụ́ wa vẹ eehi. 13Anisirẹrị e yi kuku vee pè Anijudaa kụ̀ ụhị. Anijuda ẹnị ẹyị rẹ kuku vee re Anisirẹrị ọnịvịị ẹnịnị. 14Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị. 15#Ẹtẹ 16.12Ẹnẹyịmavara vaa mẹ ka enyi ini okuha Ijipiti ẹ̀ wụ. Dị ọ rẹ tụ́ ahị ịrịịra kú Okuha Iyuhwireti. Dị ọ ha a hi oze ịhịmba. Aza ẹ yị hyakụ kụkụ aa tụ̀ adava dị ẹ̀ jịnẹ wa. 16A vaa tụ́ oze ọbanyị ị yị Anisirẹrị ana vọ ana aa hụrẹ Asiriyaa vẹ, anka a mẹ̀ tụ́ oze yị Anisirẹrị ịyẹẹyẹ ẹ mẹ hụrẹ Ijipiti aa vẹ.
Ebira First Bible © Bible Society of Nigeria, 2014.