Ihoseya 6
6
Ẹnẹyịmavara ộ hị́ Anisirẹrị ka e ro ịnẹ
1Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị. 2O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa. 3Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị. 4Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị. 5Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị. 6#Imt 9.13; 12.7Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị. 7Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na. 8Igiriyadi vị ẹkụra ọbanyị anako nịnị. Anya ọza ọnị ẹ yaa wụ́ vị ana tọ wa ịrẹwa. 9Aza ana ra hi ịzọọ vị anaā mẹ̀ ako. Ẹẹ̄ vaka jị aza anaa ngụ wa ụvọ hi nị. Ẹ yaa wụ́ aza oze ana na ngụ Ịsẹkẹmị, dị ẹ rẹẹ̀ yaa mẹ̀ ebira odivi-odivi ẹnẹ ẹ yị wụrị ụtọ wụ́ nị. 10Ẹnẹyịmavara kà ọnị o re odivi ana zụ chire ọza angwa ịnị Isirẹrị. Ori ọnị Anehwireemi nịnị aa dụ zị ọ re du wa ẹngụ. 11A vị ẹnịnị Anijuda yọ, ụmẹ ọnị ẹ vaa sị rị ụya tịtẹ ee zi wa. Ama Ẹnẹyịmavara kà ọnị e si ka ọnị ọ sị Anisirẹrị nịnị aza anị kwẹẹtẹ da.
Currently Selected:
Ihoseya 6: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ihoseya 6
6
Ẹnẹyịmavara ộ hị́ Anisirẹrị ka e ro ịnẹ
1Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị. 2O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa. 3Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị. 4Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị. 5Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị. 6#Imt 9.13; 12.7Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị. 7Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na. 8Igiriyadi vị ẹkụra ọbanyị anako nịnị. Anya ọza ọnị ẹ yaa wụ́ vị ana tọ wa ịrẹwa. 9Aza ana ra hi ịzọọ vị anaā mẹ̀ ako. Ẹẹ̄ vaka jị aza anaa ngụ wa ụvọ hi nị. Ẹ yaa wụ́ aza oze ana na ngụ Ịsẹkẹmị, dị ẹ rẹẹ̀ yaa mẹ̀ ebira odivi-odivi ẹnẹ ẹ yị wụrị ụtọ wụ́ nị. 10Ẹnẹyịmavara kà ọnị o re odivi ana zụ chire ọza angwa ịnị Isirẹrị. Ori ọnị Anehwireemi nịnị aa dụ zị ọ re du wa ẹngụ. 11A vị ẹnịnị Anijuda yọ, ụmẹ ọnị ẹ vaa sị rị ụya tịtẹ ee zi wa. Ama Ẹnẹyịmavara kà ọnị e si ka ọnị ọ sị Anisirẹrị nịnị aza anị kwẹẹtẹ da.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.