Ihoseya 5
5
Ẹnẹyịmavara vaa mẹ̀ ọkarẹyị yị Isirẹrị ọnịrị Ijuda.
1Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ 2ne beri Isitimi. Ẹnẹyịmavara kà ọnị vaa sị ụya anị rị wa. 3Ộ kà ọnị ọ yẹ ịsị Anisirẹrị nịnị vị. Ẹnịnị para ọnị hu anka ọsẹrẹka mẹẹ̄ hụrị ọva ụvọ avọọ nị. Ẹnịnị e si du ha. 4Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara. 5Ka Anisirẹrị nịnị aa sị ẹngụ ẹnịnị tụ́ ẹba, ebira odivi ẹnịnị aa vị ụhị tù wa nị. Anehwireemi ọnịrị Anijuda ẹ̀ kụ vanga hyẹdụ tụ ịnị ebira odivi. 6Ẹnịnị ẹ̀ẹ sị atẹmẹ ọnịrị ụnọ va mẹ̀ ịsọvọ yị ọnị, ọnị ẹ yị dọ wa agụvị ka ọnị ọ sị ayị hụụnị ịrẹyị ẹnịnị. Ẹnịnị ẹ yị kụkụ vee re eyi ọyịza anị. 7Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.
Ịrẹkụ ana ya ịnị akakana Ijuda ọnịrị Isirẹrị
8Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ. 9Ohomorihi ka ọnị vaa sị ụya rị Ehwireemi, dị ọnị tụ́ ọ osusu ịnị ẹkụhị ọkarẹyị. Ọ kà ọnị ọ raà hị́ eku eyi avaba ịrẹsụ-ịrẹsụ Anisirẹrị. 10Ọdọvịdị Ijuda nịnị sị mẹẹ anka oyi ọkatẹngụ ana jesi ịsa ana sị tẹ ẹhwị ẹtẹ. Ohomorihi ka ọnị vaa kụ́ ayị hi wa anka ọhaara enyi mẹẹ̄ kụ ịsa avọọ. 11Anisirẹrị ệ rị ụya ana ngụ ajẹ dị a dọ wa ẹtẹ agụvị ka ê ne si ụkata hụụnị ụvọ ori nịnị ẹnẹ ẹ yị nyị ịsị ẹ vị. 12Ẹnẹyịmavara kà ọnị vee du Anisirẹrị ha anka ukukurumi mẹẹ̄ rị owu, dị ẹ ta anka ọchị ana vụ avọọ nị. 13Ịjị e re ụkụ ọnịrị ụnava ẹnịnị, dị ẹ nọ Asiriya ne tu ohinọyị ọbanyị ama ẹ yị va zụ gụ wa ụvọ a vị dị ọ mẹ ụkụ ẹnịnị yị wa. 14Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use. 15Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.
Currently Selected:
Ihoseya 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ihoseya 5
5
Ẹnẹyịmavara vaa mẹ̀ ọkarẹyị yị Isirẹrị ọnịrị Ijuda.
1Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ 2ne beri Isitimi. Ẹnẹyịmavara kà ọnị vaa sị ụya anị rị wa. 3Ộ kà ọnị ọ yẹ ịsị Anisirẹrị nịnị vị. Ẹnịnị para ọnị hu anka ọsẹrẹka mẹẹ̄ hụrị ọva ụvọ avọọ nị. Ẹnịnị e si du ha. 4Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara. 5Ka Anisirẹrị nịnị aa sị ẹngụ ẹnịnị tụ́ ẹba, ebira odivi ẹnịnị aa vị ụhị tù wa nị. Anehwireemi ọnịrị Anijuda ẹ̀ kụ vanga hyẹdụ tụ ịnị ebira odivi. 6Ẹnịnị ẹ̀ẹ sị atẹmẹ ọnịrị ụnọ va mẹ̀ ịsọvọ yị ọnị, ọnị ẹ yị dọ wa agụvị ka ọnị ọ sị ayị hụụnị ịrẹyị ẹnịnị. Ẹnịnị ẹ yị kụkụ vee re eyi ọyịza anị. 7Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.
Ịrẹkụ ana ya ịnị akakana Ijuda ọnịrị Isirẹrị
8Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ. 9Ohomorihi ka ọnị vaa sị ụya rị Ehwireemi, dị ọnị tụ́ ọ osusu ịnị ẹkụhị ọkarẹyị. Ọ kà ọnị ọ raà hị́ eku eyi avaba ịrẹsụ-ịrẹsụ Anisirẹrị. 10Ọdọvịdị Ijuda nịnị sị mẹẹ anka oyi ọkatẹngụ ana jesi ịsa ana sị tẹ ẹhwị ẹtẹ. Ohomorihi ka ọnị vaa kụ́ ayị hi wa anka ọhaara enyi mẹẹ̄ kụ ịsa avọọ. 11Anisirẹrị ệ rị ụya ana ngụ ajẹ dị a dọ wa ẹtẹ agụvị ka ê ne si ụkata hụụnị ụvọ ori nịnị ẹnẹ ẹ yị nyị ịsị ẹ vị. 12Ẹnẹyịmavara kà ọnị vee du Anisirẹrị ha anka ukukurumi mẹẹ̄ rị owu, dị ẹ ta anka ọchị ana vụ avọọ nị. 13Ịjị e re ụkụ ọnịrị ụnava ẹnịnị, dị ẹ nọ Asiriya ne tu ohinọyị ọbanyị ama ẹ yị va zụ gụ wa ụvọ a vị dị ọ mẹ ụkụ ẹnịnị yị wa. 14Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use. 15Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.