Ezikẹẹrị 37
37
Inozi ọnị Ẹchụkụ ọnọrayị hi
1Ezikẹẹrị ka ẹkụhị ọnya, dị ụkata Ẹnẹyịmavara chí ka ọnị vẹ nị. Dị ụhwẹ Ẹnẹyịmavara sị ọnị na jẹẹ inozi, ịzị ẹchụkụ gwẹtẹ hi nị. 2Ộ sị ọnị jesi kara avaba inozi ọnọọ, dị ọnị ré ka ẹchụkụ ọnọrayị gụ pụụ ịzọọ nị. 3Ezikẹẹrị ka Ẹnẹyịmavara ộ kà a yị ọnị ka, ozi-ọza, ẹchụkụ ẹnẹnị ẹ́ẹ́ kụkụ zụ vara ọza da? Dị ọnị tụ́ ohi ka, Ẹwụ Ẹnẹyịmavara Ochẹtẹẹngụ kẹnẹ ọ yẹ nị. 4Ọ kà Ẹnẹyịmavara ộ kà a yị ọnị ka, ọnị ọ̀ kà ịsẹ yị ẹchụkụ ọnọrayị ẹnẹnị ka, ẹ̀ wụ́ ịrẹyị Ẹnẹyịmavara. 5Ẹnẹyịmavara Ochẹtẹẹngụ ka, ẹwụ nịnị ẹchụkụ ọnọrayị, ọnị vaa tụ ụhwẹẹ ku wu nịnị, dị ụ varẹma yàra nịnị. 6Ọnị vaa mẹ ka wa nyị ọzị ọnịrị uye nịnị. Ọnị vaa sị ụpaa kú wu nịnị ẹngụ, dị ọnị sị ụhwẹẹ yị wụ nịnị, dị ụ kụkụ yara nịnị. Ụ vaa yẹ nịnị ka ọnị ọ vị Ẹnẹyịmavara nị. 7Ezikẹẹrị ka ịzẹyịza, dị ọnị vavọọ kà ịsẹ anka á mẹ kà a yị ọnị nị. Ọnị mẹ vavọọ aa kà ịsẹ, dị ọnị vanaa wụ ẹtẹ ịrẹyị, ịsavịsavị maa rị ịngẹrị nị. Dị ẹchụkụ ẹnẹnị nyima aa kụụ gẹ ẹngụ nị. 8Ré, ọnị mẹ vavọọ ee re wa, dị ẹchụkụ ẹnẹnị vanaa nyị ọzị ọnịrị uye nị. Dị ụpa vene ve kụ wa ẹngụ nị. Ama ẹnịnị ẹ́ yị nyị ụhwẹ tụ ẹngụ. 9Ohomorihi ộ kà a yị ọnị ka, ozi-ọza, ọnị ọ̀ kà a yị ahị ka ẹ̀ tụ́ hụrị eyi ẹnyị eyi ọsa ve kú oku ene hi ẹtẹ aanị, dị ọ̀ mẹ ka ẹnịnị ẹ̀ varẹma yàra. 10#Ẹtẹ 11.11Ịzẹyịza dị ọnị vavọọ kà ịsẹ anka a mẹ kà a yị ọnị nị. Kẹnẹ dị oku ẹnẹnị nyima aa tụ́ ụhwẹ nị, dị ẹnịnị kụkụ yára nị. Ẹnịnị ệ kwẹẹtẹ jẹẹ anka ọkọnị isoja nịnị avọọ. 11Ezikẹẹrị ka Ohomorihi ộ kà a yị ọnị ka, ozi-ọza, Anisirẹrị nịnị vị ana sị mẹẹ anka ẹchụkụ ẹnẹnị. Ẹnịnị ka ẹnị ẹ sị wụ, ẹnị ẹ́ yị kụkụ nyị ọyịtureyi ụhwọọ. 12Avọọ, ọnị ọ̀ kà ịsẹ yị aza anị Anisirẹrị nịnị ka, ọnị, Ẹnẹyịmavara Ochẹtẹẹngụ vaa hụ̀ ikuta ẹnịnị, dị ọnị kụ wa tụ ẹhẹ. Ọnị vaa kụ waa varẹma vaavẹ ẹtẹ Isirẹrị. 13Ịjị ọnị ọ̀ọ ra hụ̀ ikuta ịzị e ne aza anị hi, dị ọnị kụ wa hi ẹhẹ nị, ẹnịnị vaa yẹ ka ọnị ọ vị Ẹnẹyịmavara nị. 14Ọnị vaa sị ụhwẹ ọnị ọnị aa tụ yị wa, dị ọnị navọ wa ka ẹnịnị ẹ̀ ra ịnị ẹtẹ ẹnịnị ụvọta. Ọnị, Ẹnẹyịmavara ọ́ sị ọ ka ka, ẹnịnị vaa yẹ ka ọnị ọ vị Ẹnẹyịmavara nị. Ọnị ọ sị ọ ka ka ọnị vaa maanị mẹ, ịzẹyịza, ọnị vaa mẹ̀ ẹ.
Ijuda ọnịrị Isirẹrị vaa nyị ohinọyị ọnyara.
15Ezikẹẹrị ka Ẹnẹyịmavara ộ rẹ kà a yị ọnị ka, 16Ozi-ọza, ọnị ọ̀ sị ọchị ọnya, dị ọnị ọ̀ chẹrẹẹ tụ ọ ka, ọsọnị vị óhinọyị Ijuda; Ọnị ọ̀ rẹ sị ọchị ọsa, dị ọnị ọ̀ rẹ chẹrẹẹ tụ ọ ka, ọsọnị vị óhinọyị Isirẹrị. 17Ọnị ọ̀ kụ ọchị ẹyịva ẹnẹẹ rị ụvọ, dị ọnị ọ̀ kụ wa ka ẹngụ, dị ẹ̀ sị mẹẹ anka ọchị ọnya avọọ ịnị ụvọ anị. 18Ịjị aza anị ẹ̀ẹ họ̀ ọnị use ka sị ẹ vị iruvo ọsọnị, 19ọnị ọ̀ kà a yị wa ka, ọnị, Ẹnẹyịmavara Ochẹtẹẹngụ vaa sị ọchị ana jẹẹ yị Anisirẹrị nịnị aanịị vaka ọchị ana jẹẹ yị Anijuda nịnị aanị. Ọnị vaa vara ọchị ẹyịva ẹnẹnị ọchị ọnya, dị ọnị sị rị ụvọ. 20Ọ kà, ọnị ọ̀ sị ọchị ẹyịva ẹnẹnị rị ụvọ dị ọzọza è re e. 21Ọnị ọ̀ ka ẹ yị wa ka, ọnị, Ẹnẹyịmavara Ananyị ụkata hu vaa kụ́ aza anị hụrị ẹkụra-ẹkụra ẹnẹ ẹnịnị nọ. Ọnị vaa kụ waa gụ, dị ọnị kụ́ wa vavẹ ịnị ẹtẹ ẹnịnị ụvọta. 22Ọnị vaa và waa bẹ, dị ẹ vị anẹkụra ọnya tụ ịnị ẹtẹ ẹnịnị, ịrẹsụ ataba Isirẹrị. Ẹnịnị vaa nyị ohinọyị ọnyara. Ẹnịnị ẹ́ yị ma vana ha hi ẹẹva, à vị ka ẹ̀ nyị ohinọyị ẹẹva. 23Ẹnịnị ẹ́ yị ma vana sị ori ọ yị mẹ du ẹngụ ẹnịnị ẹngụ, à vị ka ẹ̀ sị ebira odivi du ẹngụ ẹnịnị ha. 24#Ezk 34.24Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị. 25Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị. 26Ọnị vaa hị́ eku yị wa ka, ẹngwọọrọ ọ́ vaa vịị yị wa pooro zịna nị. Ọnị vaa mẹ ka ò zé yị wa, dị ẹyaa rụrụụ hu avọọ. Ọnị vaa dà irehi anịị tụ ịnị ẹtẹ ẹnịnị, dị ọ kụkụ yà ịzọọ pooro zịna. 27#2 Ịkọ 6.16; Ẹtẹ 21.3Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị. 28Ọ kà ịjị ọnị ọ̀ọ sị irehi anị dà tụ ịzọọ, dị ọnị kụkụ yà ịdị ẹnịnị zịna-zịna nị, avaba anẹkụra-ẹkụra ana vọ vaa yẹ ka ọnị, Ẹnẹyịmavara ọ nyị Anisirẹrị nịnị tu irenyi ka ẹ̀ vị aza anị nị.
Currently Selected:
Ezikẹẹrị 37: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ezikẹẹrị 37
37
Inozi ọnị Ẹchụkụ ọnọrayị hi
1Ezikẹẹrị ka ẹkụhị ọnya, dị ụkata Ẹnẹyịmavara chí ka ọnị vẹ nị. Dị ụhwẹ Ẹnẹyịmavara sị ọnị na jẹẹ inozi, ịzị ẹchụkụ gwẹtẹ hi nị. 2Ộ sị ọnị jesi kara avaba inozi ọnọọ, dị ọnị ré ka ẹchụkụ ọnọrayị gụ pụụ ịzọọ nị. 3Ezikẹẹrị ka Ẹnẹyịmavara ộ kà a yị ọnị ka, ozi-ọza, ẹchụkụ ẹnẹnị ẹ́ẹ́ kụkụ zụ vara ọza da? Dị ọnị tụ́ ohi ka, Ẹwụ Ẹnẹyịmavara Ochẹtẹẹngụ kẹnẹ ọ yẹ nị. 4Ọ kà Ẹnẹyịmavara ộ kà a yị ọnị ka, ọnị ọ̀ kà ịsẹ yị ẹchụkụ ọnọrayị ẹnẹnị ka, ẹ̀ wụ́ ịrẹyị Ẹnẹyịmavara. 5Ẹnẹyịmavara Ochẹtẹẹngụ ka, ẹwụ nịnị ẹchụkụ ọnọrayị, ọnị vaa tụ ụhwẹẹ ku wu nịnị, dị ụ varẹma yàra nịnị. 6Ọnị vaa mẹ ka wa nyị ọzị ọnịrị uye nịnị. Ọnị vaa sị ụpaa kú wu nịnị ẹngụ, dị ọnị sị ụhwẹẹ yị wụ nịnị, dị ụ kụkụ yara nịnị. Ụ vaa yẹ nịnị ka ọnị ọ vị Ẹnẹyịmavara nị. 7Ezikẹẹrị ka ịzẹyịza, dị ọnị vavọọ kà ịsẹ anka á mẹ kà a yị ọnị nị. Ọnị mẹ vavọọ aa kà ịsẹ, dị ọnị vanaa wụ ẹtẹ ịrẹyị, ịsavịsavị maa rị ịngẹrị nị. Dị ẹchụkụ ẹnẹnị nyima aa kụụ gẹ ẹngụ nị. 8Ré, ọnị mẹ vavọọ ee re wa, dị ẹchụkụ ẹnẹnị vanaa nyị ọzị ọnịrị uye nị. Dị ụpa vene ve kụ wa ẹngụ nị. Ama ẹnịnị ẹ́ yị nyị ụhwẹ tụ ẹngụ. 9Ohomorihi ộ kà a yị ọnị ka, ozi-ọza, ọnị ọ̀ kà a yị ahị ka ẹ̀ tụ́ hụrị eyi ẹnyị eyi ọsa ve kú oku ene hi ẹtẹ aanị, dị ọ̀ mẹ ka ẹnịnị ẹ̀ varẹma yàra. 10#Ẹtẹ 11.11Ịzẹyịza dị ọnị vavọọ kà ịsẹ anka a mẹ kà a yị ọnị nị. Kẹnẹ dị oku ẹnẹnị nyima aa tụ́ ụhwẹ nị, dị ẹnịnị kụkụ yára nị. Ẹnịnị ệ kwẹẹtẹ jẹẹ anka ọkọnị isoja nịnị avọọ. 11Ezikẹẹrị ka Ohomorihi ộ kà a yị ọnị ka, ozi-ọza, Anisirẹrị nịnị vị ana sị mẹẹ anka ẹchụkụ ẹnẹnị. Ẹnịnị ka ẹnị ẹ sị wụ, ẹnị ẹ́ yị kụkụ nyị ọyịtureyi ụhwọọ. 12Avọọ, ọnị ọ̀ kà ịsẹ yị aza anị Anisirẹrị nịnị ka, ọnị, Ẹnẹyịmavara Ochẹtẹẹngụ vaa hụ̀ ikuta ẹnịnị, dị ọnị kụ wa tụ ẹhẹ. Ọnị vaa kụ waa varẹma vaavẹ ẹtẹ Isirẹrị. 13Ịjị ọnị ọ̀ọ ra hụ̀ ikuta ịzị e ne aza anị hi, dị ọnị kụ wa hi ẹhẹ nị, ẹnịnị vaa yẹ ka ọnị ọ vị Ẹnẹyịmavara nị. 14Ọnị vaa sị ụhwẹ ọnị ọnị aa tụ yị wa, dị ọnị navọ wa ka ẹnịnị ẹ̀ ra ịnị ẹtẹ ẹnịnị ụvọta. Ọnị, Ẹnẹyịmavara ọ́ sị ọ ka ka, ẹnịnị vaa yẹ ka ọnị ọ vị Ẹnẹyịmavara nị. Ọnị ọ sị ọ ka ka ọnị vaa maanị mẹ, ịzẹyịza, ọnị vaa mẹ̀ ẹ.
Ijuda ọnịrị Isirẹrị vaa nyị ohinọyị ọnyara.
15Ezikẹẹrị ka Ẹnẹyịmavara ộ rẹ kà a yị ọnị ka, 16Ozi-ọza, ọnị ọ̀ sị ọchị ọnya, dị ọnị ọ̀ chẹrẹẹ tụ ọ ka, ọsọnị vị óhinọyị Ijuda; Ọnị ọ̀ rẹ sị ọchị ọsa, dị ọnị ọ̀ rẹ chẹrẹẹ tụ ọ ka, ọsọnị vị óhinọyị Isirẹrị. 17Ọnị ọ̀ kụ ọchị ẹyịva ẹnẹẹ rị ụvọ, dị ọnị ọ̀ kụ wa ka ẹngụ, dị ẹ̀ sị mẹẹ anka ọchị ọnya avọọ ịnị ụvọ anị. 18Ịjị aza anị ẹ̀ẹ họ̀ ọnị use ka sị ẹ vị iruvo ọsọnị, 19ọnị ọ̀ kà a yị wa ka, ọnị, Ẹnẹyịmavara Ochẹtẹẹngụ vaa sị ọchị ana jẹẹ yị Anisirẹrị nịnị aanịị vaka ọchị ana jẹẹ yị Anijuda nịnị aanị. Ọnị vaa vara ọchị ẹyịva ẹnẹnị ọchị ọnya, dị ọnị sị rị ụvọ. 20Ọ kà, ọnị ọ̀ sị ọchị ẹyịva ẹnẹnị rị ụvọ dị ọzọza è re e. 21Ọnị ọ̀ ka ẹ yị wa ka, ọnị, Ẹnẹyịmavara Ananyị ụkata hu vaa kụ́ aza anị hụrị ẹkụra-ẹkụra ẹnẹ ẹnịnị nọ. Ọnị vaa kụ waa gụ, dị ọnị kụ́ wa vavẹ ịnị ẹtẹ ẹnịnị ụvọta. 22Ọnị vaa và waa bẹ, dị ẹ vị anẹkụra ọnya tụ ịnị ẹtẹ ẹnịnị, ịrẹsụ ataba Isirẹrị. Ẹnịnị vaa nyị ohinọyị ọnyara. Ẹnịnị ẹ́ yị ma vana ha hi ẹẹva, à vị ka ẹ̀ nyị ohinọyị ẹẹva. 23Ẹnịnị ẹ́ yị ma vana sị ori ọ yị mẹ du ẹngụ ẹnịnị ẹngụ, à vị ka ẹ̀ sị ebira odivi du ẹngụ ẹnịnị ha. 24#Ezk 34.24Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị. 25Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị. 26Ọnị vaa hị́ eku yị wa ka, ẹngwọọrọ ọ́ vaa vịị yị wa pooro zịna nị. Ọnị vaa mẹ ka ò zé yị wa, dị ẹyaa rụrụụ hu avọọ. Ọnị vaa dà irehi anịị tụ ịnị ẹtẹ ẹnịnị, dị ọ kụkụ yà ịzọọ pooro zịna. 27#2 Ịkọ 6.16; Ẹtẹ 21.3Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị. 28Ọ kà ịjị ọnị ọ̀ọ sị irehi anị dà tụ ịzọọ, dị ọnị kụkụ yà ịdị ẹnịnị zịna-zịna nị, avaba anẹkụra-ẹkụra ana vọ vaa yẹ ka ọnị, Ẹnẹyịmavara ọ nyị Anisirẹrị nịnị tu irenyi ka ẹ̀ vị aza anị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.