Ezikẹẹrị 36
36
Ize ọnị Ohomorihi mẹ yị Isirẹrị
1Ẹnẹyịmavara kà, ọnị ozi-ọza, ọ̀ kà a yị ataba-ataba Isirẹrị ka, ẹnịnị ẹ̀ wụ ụtụ ọnị 2ọnị Ẹnẹyịmavara Ochẹtẹẹngụ tụ́ hi wa ka: ọnịvị Anisirẹrị nịnị ee wo oto ka ataba ịyẹẹyẹ ẹnẹẹ, ẹ́ sị vị ẹẹnịnị. 3Kà ịsẹ, dị wa nọ̀ọ yị wa ịsị ọnị Ẹnẹyịmavara Ananyị ụkata hu aa kà, ụmẹ ọnị anẹkụra-ẹkụra ana gụrị Anisirẹrị sị za Isirẹrị dị ẹ kụ wa ẹnya, ẹnịnị vị anaa kụ Anisirẹrị nịnị ụhụ. 4Avọọ, ẹwụ nịnị ataba ẹbanyị ọnịrị eweyi ene hi Isirẹrị ẹ̀ wụ ịsị ọnị ọnị Ẹnẹyịmavara aa kà. Ẹwụ nịnị okuha ọnịrị inozi ẹ̀ wụ. Ẹwụ nịnị aha ana á raa jị eburu ọnịrị ẹkụra-ẹkụra ana a raa tụ osusu, dị anẹkụra ana kara wụ nịnị raa kụ́ ụ nịnị ẹnya, ẹ̀ sị ụtọ pe ẹtẹ 5Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị. 6Avọọ, ọnị Ezikẹẹrị ọ̀ kà ịsẹ yị ẹtẹ Isirẹrị, dị ọnị ọ̀ kà a yị ataba ẹbanyị ẹnịrị eweyi nịnị, okuha ọnịrị inozi nịnị, ịsị ọnị Ẹnẹyịmavara aa kà. Ọnị aa kụ̀ ụhị, ayị aa kụ́ ọnị agụvị ụhụ ọnị anẹkụra ana vọ kụ Anisirẹrị nịnị ọnịrị agụvị ka ệ mẹ̀ ụhị wa. 7Ọnị ọ́ọ hị́ eku ka avaba ẹkụra ana kara ẹtẹ Isirẹrị vị ana a vaa mẹ ụhịị nyị. 8Ọchị ene hi ịnị ataba Isirẹrị vị enee nyị avị, dị ẹyaa tụ́ ẹtụtụ yị ẹwụ nịnị aza anị Anisirẹrị. Ẹ́ yị nyị aa jẹẹ dị wa vavẹ eehi nịnị. 9Ọnị Ẹnẹyịmavara yà awụ nịnị ịrẹma. Ọnị vaa mẹ ka, à varẹma jị ẹtẹ awụ nịnị ịrịkụ, di e chire ịsa hi ọ. 10Ọnị vaa mẹ ka wa varẹma rụrụ nịnị. Ụ vanaa ra hi ini ẹkụra awụ nịnị ana á jị eburu và hi ẹtẹ anị, avaba ịsa ana á jị eburu aanị dị u tenyi wa da nịnị. 11Ẹnẹyịmavara kà, ọnị vaa mẹ ka aza ẹnịrị ịsụpa ẹẹ rụrụ. Ẹwụ nịnị Anisirẹrị vaa rụrụụ huni ụ mẹ vịdị yà, dị ụ mà ezi va gwẹtẹ nịnị. Ọnị va navọ ka wa rá hi ịzọọ nịnị anka ịyẹẹyẹ, dị ọnị mẹ ka òo zé yị wụ nịnị hu avọọ. Ịjọnọọ ụ vaa yẹ nịnị ka ọnị ọ vị Ẹnẹyịmavara nị. 12Ọ kà ọnị vaa kụ́ ẹwụ nịnị aza anị Anisirẹrị vàa vẹ, dị ụ varẹma va ra ịnị ẹtẹ awụ nịnị. Ẹtẹ awụ nịnị ụvọta ọ́ vaa vị̀ nị; ẹ́ yị ma vana sị ụngwẹ kụ̀ ezi ewu nịnị. 13Ọnị, Ẹnẹyịmavara Ochẹtẹẹngụ ka, ịzẹyịza aza aa hị́ ẹtẹ ọnọnị ẹtẹ anaa wụ̀ ọza nị. Ẹnịnị ka vị ọọ dọ ẹkụra ezii wụ nị. 14Ama hụrị ọ yaanị na, ẹtẹ ọnọnị ẹ́ yị ma vana wụ̀ ọza, dị ọ̀ vaa dọ wụ nịnị ezii wụ. Ọnị Ẹnẹyịmavara Ochẹtẹẹngụ ọ kà avọọ nị. 15Ọnị ẹ́ yị ma vana zẹẹ ka ẹwụ ẹtẹ ọnọnị ọ̀ wụ ụhụ ọnị anẹkụra ana vọ aa kụ̀ wụ. Ọnị ẹ́ yị ma vana zẹẹ ka anẹkụra ana vọ nịnị ẹ̀ mẹ̀ ụhị nyị wụ. Ọnị Ẹnẹyịmavara kà, wẹ́ yị ma vana dọ anẹkụra awụ ezi wụ.
Ẹhẹ ọwọọwa ọnị Anisirẹrị nịnị vanaa mẹ.
16Ezikẹẹrị ka Ẹnẹyịmavara ộ kà a yị ọnị ka, 17Ozi-ọza, ụmẹ ọnị Anisirẹrị nịnị sị ra hi ịnị ẹtẹ ẹnịnị, ệ sị ebira ẹnẹ ẹ́ yaa mẹ ngụ ẹtẹ ẹnịnị agụ. Ebira ẹnịnị vị ana sị mẹẹ anka ịdọtị ọnyẹnẹẹ enee ré ịsị ụhwẹ avọọ eyi anị. 18Ọnị ộ sị ọyịkụ anị zụ wa ẹtẹẹtẹrẹ agụvị aza ẹnẹ ẹ́ wụ ịnị ẹtẹ ẹnịnị ọnịrị agụvị ori ẹnẹ ẹ́ sị ngụ ẹtẹ ẹnịnị agụ. 19Ọnị ộ jị ịvị yị wa agụvị ẹngụ ẹhẹ ẹnẹ ẹyaa ra ọnịrị ebira ẹnẹ ẹyaa mẹ. Dị ọnị gara wa hi ẹkụra ọsa zịịzị nị. 20Ahatụraha ẹnẹ ẹẹ nọ, vị ẹnẹ ẹyaa mẹ̀ ụhị nyị ịrẹha anị agụvị ka aza vị anaa kà a ka, Aza Ẹnẹyịmavara aza ẹnẹnị vị nị, ama ọ sị wa dụ hụụnị ẹtẹ anị. 21Ọnọọ ọ va mẹ ka ịrẹyị ịrẹha anị ọ̀ jị ọnị areyi nị agụvị ka Anisirẹrị nịnị aa mẹ̀ ụhị nyị ịrẹha anị avaba aha ẹnẹ ẹ̀ẹ nọ. 22Avọọ, ọnị Ezikẹẹrị ọ̀ na kà ụtụ ọnị ọnị Ẹnẹyịmavara aa tụụ hi Anisirẹrị nịnị aanị booro aanị ka: Ẹ́ yị vị agụvị ẹwụ nịnị Anisirẹrị ọnị aa vaa mẹ ịsị ọnị ọnị aa vaa mẹ aanị o, ama, agụvị ịrẹha ọnịnị anị ọnị waa mẹ ụhịị nyịị ngụ ẹkụra-ẹkụraa zị nịnị yọ nị. 23Ọ kà, ịjị ọnị ọ̀ọ raa sị zụ anẹkụra-ẹkụra nịnị ka ịrẹha anị ọnị waa mẹ ụhịị nyịị ngụ ịdị ẹnịnị zị aanị vị ọnịnị, ẹnịnị vaa yẹ ka ọnị ọ vị Ẹnẹyịmavara nị. Ọnị, Ẹnẹyịmavara Ochẹtẹẹngụ ọ kà avọọ nị. Ọnị vaa sị wụ nịnị mẹ ka ẹkụra-ẹkụra ẹ̀ yẹ ka ọnịnị ọnị vị nị. 24Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị. 25Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze. 26#Ezk 11.19,20Ẹnẹyịmavara kà, ọnị vaa sị ayị ọwọọwaa yị wụ nịnị, dị ọnị rẹ sị ụhwẹ ọwọọwa tụ ọ wụ nịnị. Ọnị vaa sị ayị ọkatẹngụ awụ nịnị ana sị mẹẹ ịrẹta avọọ kwooze, dị ọnị sị ayị anaa wụ́ụ chire ọza dọ ịrẹsụ wụ nịnị. 27Ọnị vaa sị ụhwẹ anịị tụ wụ nịnị ịnẹ, dị ọnị mẹ ka waa saasa avaba ọda ọnị ọnị mẹ yị wụ nịnị. 28Ịjọnọọ ụ vaa rá ịnị ẹtẹ ọnị ọnị sị yị ohiku awụ nịnị. Ụ vaa vị̀ aza anị nịnị, dị ọnị vị Ohomorihi awụ nịnị. 29Ọnị vaa dọ wụ nịnị ha hụụnị avaba ịsa enee du wu nịnị ẹngụ. Ọnị vaa mẹ ọda ka akụ ọ̀ mẹ va gwẹtẹ, agụvị asị ụngwẹ kụkụ vana kụ̀ wụ nịnị. 30Ọ kà ọnị vaa mẹ ọchị nịnị ẹẹ tụ ẹtụtụ ẹtẹẹtẹrẹ, dị ọnị mẹ ka ịsị ịnị aarẹ ẹ̀ mẹ va gwẹtẹ, agụvị asị ụngwẹ ana vaa mẹ ụhịị nyị wụ nịnị vana vẹ. 31Ụ vaa tamayị avaba ẹhẹ odivi ọnị ụ vịdị rá nịnị, ọnịrị ebira ene è yị zoza ọnị ụ vịdị mẹ nịnị. Ịrẹyị ẹngụ awụ nịnị vee du wu nịnị eyi agụvị ebira odivi awụ nịnị. 32Ẹnẹyịmavara kà, ọnị ee sì ka ẹwụ nịnị Anisirẹrị ọ̀ yẹ ka, ẹ́ yị vị agụvị awụ nịnị ọnị vaa mẹ avaba ịsa ẹnẹnị o. Ọnị ee sì ka ụhị ịsa ọnị waa mẹ ọ̀ nyị wụ nịnị. 33Ẹnẹyịmavara Ochẹtẹẹngụ ka, ịhị ọnị ọ̀ọ raa nyịna ebira odivi awụ nịnị kwooze, ọnị vaa navọ ka wa varẹma hi ịnị ẹkụra awụ nịnị. Ọnị vaa zẹẹ ka wa varẹma tenyi eburu awụ nịnị dà. 34Aza anaā zị oze ịnị aarẹ awụ nịnị paraahu e ré é me hí avị tịtẹ, ama ọnị vaa navọ ka wa varẹma tenyi wa da aarẹ nịị. 35Dị avaba aza aa kà a ka ẹtẹ ọnọnị ana vị ụnọmị tịtẹ ịhị ọnọọ, ọ kụkụ ya anka ụbazị Edẹnị aanị nị. Dị ẹ rẹ ka, wéé re ẹkụra ana a gara và ha, dị á kụ wa ẹnya, dị a jị wa eburu và hi ẹtẹ ịhị ọnọọ, ọnị a maanị va ra hi ịnị anị, dị a jị ọvọ kara a aanị nị? 36Ọ kà, aza ana vẹtẹ hi ẹkụra-ẹkụra ana gụrị Isirẹrị vaa yẹ ka ọnị, Ẹnẹyịmavara, oō tenyi ẹkụra ana a jị eburuu dà, dị ọnị rẹẹ̄ varẹma chire ịsaa hi ịnị aarẹ ene e du ha nị. Ọnị, Ẹnẹyịmavara ọ sị ọ ka ka ọnị vaa maanị mẹ, ịzẹyịza ọnị vaa mẹ̀ ẹ. 37Ẹnẹyịmavara Ochẹtẹẹngụ ka, ọnị vanaa zẹẹ ka Anisirẹrị nịnị ẹ̀ họ̀ ọnị use ka ọnị ọ̀ gụ ẹnị ụvọ. Ọnị vaa mẹ ka ẹnịnị ẹ̀ rụrụ atẹmẹ ọrụrụ ana aa pa avọọ. 38Ẹkụra ana a jị eburu va hi ẹtẹ aanị vaa vị ohihi yị aza anka Ijerusarẹmị mẹ vịdịị vị ohihii yị atẹmẹ ana aa sị vaa mẹ̀ ịsọvọ ẹkụhị eche avọọ. Ịjọnọọ ẹnịnị vaa yẹ ka ọnị ọ vị Ẹnẹyịmavara nị.
Currently Selected:
Ezikẹẹrị 36: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ezikẹẹrị 36
36
Ize ọnị Ohomorihi mẹ yị Isirẹrị
1Ẹnẹyịmavara kà, ọnị ozi-ọza, ọ̀ kà a yị ataba-ataba Isirẹrị ka, ẹnịnị ẹ̀ wụ ụtụ ọnị 2ọnị Ẹnẹyịmavara Ochẹtẹẹngụ tụ́ hi wa ka: ọnịvị Anisirẹrị nịnị ee wo oto ka ataba ịyẹẹyẹ ẹnẹẹ, ẹ́ sị vị ẹẹnịnị. 3Kà ịsẹ, dị wa nọ̀ọ yị wa ịsị ọnị Ẹnẹyịmavara Ananyị ụkata hu aa kà, ụmẹ ọnị anẹkụra-ẹkụra ana gụrị Anisirẹrị sị za Isirẹrị dị ẹ kụ wa ẹnya, ẹnịnị vị anaa kụ Anisirẹrị nịnị ụhụ. 4Avọọ, ẹwụ nịnị ataba ẹbanyị ọnịrị eweyi ene hi Isirẹrị ẹ̀ wụ ịsị ọnị ọnị Ẹnẹyịmavara aa kà. Ẹwụ nịnị okuha ọnịrị inozi ẹ̀ wụ. Ẹwụ nịnị aha ana á raa jị eburu ọnịrị ẹkụra-ẹkụra ana a raa tụ osusu, dị anẹkụra ana kara wụ nịnị raa kụ́ ụ nịnị ẹnya, ẹ̀ sị ụtọ pe ẹtẹ 5Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị. 6Avọọ, ọnị Ezikẹẹrị ọ̀ kà ịsẹ yị ẹtẹ Isirẹrị, dị ọnị ọ̀ kà a yị ataba ẹbanyị ẹnịrị eweyi nịnị, okuha ọnịrị inozi nịnị, ịsị ọnị Ẹnẹyịmavara aa kà. Ọnị aa kụ̀ ụhị, ayị aa kụ́ ọnị agụvị ụhụ ọnị anẹkụra ana vọ kụ Anisirẹrị nịnị ọnịrị agụvị ka ệ mẹ̀ ụhị wa. 7Ọnị ọ́ọ hị́ eku ka avaba ẹkụra ana kara ẹtẹ Isirẹrị vị ana a vaa mẹ ụhịị nyị. 8Ọchị ene hi ịnị ataba Isirẹrị vị enee nyị avị, dị ẹyaa tụ́ ẹtụtụ yị ẹwụ nịnị aza anị Anisirẹrị. Ẹ́ yị nyị aa jẹẹ dị wa vavẹ eehi nịnị. 9Ọnị Ẹnẹyịmavara yà awụ nịnị ịrẹma. Ọnị vaa mẹ ka, à varẹma jị ẹtẹ awụ nịnị ịrịkụ, di e chire ịsa hi ọ. 10Ọnị vaa mẹ ka wa varẹma rụrụ nịnị. Ụ vanaa ra hi ini ẹkụra awụ nịnị ana á jị eburu và hi ẹtẹ anị, avaba ịsa ana á jị eburu aanị dị u tenyi wa da nịnị. 11Ẹnẹyịmavara kà, ọnị vaa mẹ ka aza ẹnịrị ịsụpa ẹẹ rụrụ. Ẹwụ nịnị Anisirẹrị vaa rụrụụ huni ụ mẹ vịdị yà, dị ụ mà ezi va gwẹtẹ nịnị. Ọnị va navọ ka wa rá hi ịzọọ nịnị anka ịyẹẹyẹ, dị ọnị mẹ ka òo zé yị wụ nịnị hu avọọ. Ịjọnọọ ụ vaa yẹ nịnị ka ọnị ọ vị Ẹnẹyịmavara nị. 12Ọ kà ọnị vaa kụ́ ẹwụ nịnị aza anị Anisirẹrị vàa vẹ, dị ụ varẹma va ra ịnị ẹtẹ awụ nịnị. Ẹtẹ awụ nịnị ụvọta ọ́ vaa vị̀ nị; ẹ́ yị ma vana sị ụngwẹ kụ̀ ezi ewu nịnị. 13Ọnị, Ẹnẹyịmavara Ochẹtẹẹngụ ka, ịzẹyịza aza aa hị́ ẹtẹ ọnọnị ẹtẹ anaa wụ̀ ọza nị. Ẹnịnị ka vị ọọ dọ ẹkụra ezii wụ nị. 14Ama hụrị ọ yaanị na, ẹtẹ ọnọnị ẹ́ yị ma vana wụ̀ ọza, dị ọ̀ vaa dọ wụ nịnị ezii wụ. Ọnị Ẹnẹyịmavara Ochẹtẹẹngụ ọ kà avọọ nị. 15Ọnị ẹ́ yị ma vana zẹẹ ka ẹwụ ẹtẹ ọnọnị ọ̀ wụ ụhụ ọnị anẹkụra ana vọ aa kụ̀ wụ. Ọnị ẹ́ yị ma vana zẹẹ ka anẹkụra ana vọ nịnị ẹ̀ mẹ̀ ụhị nyị wụ. Ọnị Ẹnẹyịmavara kà, wẹ́ yị ma vana dọ anẹkụra awụ ezi wụ.
Ẹhẹ ọwọọwa ọnị Anisirẹrị nịnị vanaa mẹ.
16Ezikẹẹrị ka Ẹnẹyịmavara ộ kà a yị ọnị ka, 17Ozi-ọza, ụmẹ ọnị Anisirẹrị nịnị sị ra hi ịnị ẹtẹ ẹnịnị, ệ sị ebira ẹnẹ ẹ́ yaa mẹ ngụ ẹtẹ ẹnịnị agụ. Ebira ẹnịnị vị ana sị mẹẹ anka ịdọtị ọnyẹnẹẹ enee ré ịsị ụhwẹ avọọ eyi anị. 18Ọnị ộ sị ọyịkụ anị zụ wa ẹtẹẹtẹrẹ agụvị aza ẹnẹ ẹ́ wụ ịnị ẹtẹ ẹnịnị ọnịrị agụvị ori ẹnẹ ẹ́ sị ngụ ẹtẹ ẹnịnị agụ. 19Ọnị ộ jị ịvị yị wa agụvị ẹngụ ẹhẹ ẹnẹ ẹyaa ra ọnịrị ebira ẹnẹ ẹyaa mẹ. Dị ọnị gara wa hi ẹkụra ọsa zịịzị nị. 20Ahatụraha ẹnẹ ẹẹ nọ, vị ẹnẹ ẹyaa mẹ̀ ụhị nyị ịrẹha anị agụvị ka aza vị anaa kà a ka, Aza Ẹnẹyịmavara aza ẹnẹnị vị nị, ama ọ sị wa dụ hụụnị ẹtẹ anị. 21Ọnọọ ọ va mẹ ka ịrẹyị ịrẹha anị ọ̀ jị ọnị areyi nị agụvị ka Anisirẹrị nịnị aa mẹ̀ ụhị nyị ịrẹha anị avaba aha ẹnẹ ẹ̀ẹ nọ. 22Avọọ, ọnị Ezikẹẹrị ọ̀ na kà ụtụ ọnị ọnị Ẹnẹyịmavara aa tụụ hi Anisirẹrị nịnị aanị booro aanị ka: Ẹ́ yị vị agụvị ẹwụ nịnị Anisirẹrị ọnị aa vaa mẹ ịsị ọnị ọnị aa vaa mẹ aanị o, ama, agụvị ịrẹha ọnịnị anị ọnị waa mẹ ụhịị nyịị ngụ ẹkụra-ẹkụraa zị nịnị yọ nị. 23Ọ kà, ịjị ọnị ọ̀ọ raa sị zụ anẹkụra-ẹkụra nịnị ka ịrẹha anị ọnị waa mẹ ụhịị nyịị ngụ ịdị ẹnịnị zị aanị vị ọnịnị, ẹnịnị vaa yẹ ka ọnị ọ vị Ẹnẹyịmavara nị. Ọnị, Ẹnẹyịmavara Ochẹtẹẹngụ ọ kà avọọ nị. Ọnị vaa sị wụ nịnị mẹ ka ẹkụra-ẹkụra ẹ̀ yẹ ka ọnịnị ọnị vị nị. 24Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị. 25Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze. 26#Ezk 11.19,20Ẹnẹyịmavara kà, ọnị vaa sị ayị ọwọọwaa yị wụ nịnị, dị ọnị rẹ sị ụhwẹ ọwọọwa tụ ọ wụ nịnị. Ọnị vaa sị ayị ọkatẹngụ awụ nịnị ana sị mẹẹ ịrẹta avọọ kwooze, dị ọnị sị ayị anaa wụ́ụ chire ọza dọ ịrẹsụ wụ nịnị. 27Ọnị vaa sị ụhwẹ anịị tụ wụ nịnị ịnẹ, dị ọnị mẹ ka waa saasa avaba ọda ọnị ọnị mẹ yị wụ nịnị. 28Ịjọnọọ ụ vaa rá ịnị ẹtẹ ọnị ọnị sị yị ohiku awụ nịnị. Ụ vaa vị̀ aza anị nịnị, dị ọnị vị Ohomorihi awụ nịnị. 29Ọnị vaa dọ wụ nịnị ha hụụnị avaba ịsa enee du wu nịnị ẹngụ. Ọnị vaa mẹ ọda ka akụ ọ̀ mẹ va gwẹtẹ, agụvị asị ụngwẹ kụkụ vana kụ̀ wụ nịnị. 30Ọ kà ọnị vaa mẹ ọchị nịnị ẹẹ tụ ẹtụtụ ẹtẹẹtẹrẹ, dị ọnị mẹ ka ịsị ịnị aarẹ ẹ̀ mẹ va gwẹtẹ, agụvị asị ụngwẹ ana vaa mẹ ụhịị nyị wụ nịnị vana vẹ. 31Ụ vaa tamayị avaba ẹhẹ odivi ọnị ụ vịdị rá nịnị, ọnịrị ebira ene è yị zoza ọnị ụ vịdị mẹ nịnị. Ịrẹyị ẹngụ awụ nịnị vee du wu nịnị eyi agụvị ebira odivi awụ nịnị. 32Ẹnẹyịmavara kà, ọnị ee sì ka ẹwụ nịnị Anisirẹrị ọ̀ yẹ ka, ẹ́ yị vị agụvị awụ nịnị ọnị vaa mẹ avaba ịsa ẹnẹnị o. Ọnị ee sì ka ụhị ịsa ọnị waa mẹ ọ̀ nyị wụ nịnị. 33Ẹnẹyịmavara Ochẹtẹẹngụ ka, ịhị ọnị ọ̀ọ raa nyịna ebira odivi awụ nịnị kwooze, ọnị vaa navọ ka wa varẹma hi ịnị ẹkụra awụ nịnị. Ọnị vaa zẹẹ ka wa varẹma tenyi eburu awụ nịnị dà. 34Aza anaā zị oze ịnị aarẹ awụ nịnị paraahu e ré é me hí avị tịtẹ, ama ọnị vaa navọ ka wa varẹma tenyi wa da aarẹ nịị. 35Dị avaba aza aa kà a ka ẹtẹ ọnọnị ana vị ụnọmị tịtẹ ịhị ọnọọ, ọ kụkụ ya anka ụbazị Edẹnị aanị nị. Dị ẹ rẹ ka, wéé re ẹkụra ana a gara và ha, dị á kụ wa ẹnya, dị a jị wa eburu và hi ẹtẹ ịhị ọnọọ, ọnị a maanị va ra hi ịnị anị, dị a jị ọvọ kara a aanị nị? 36Ọ kà, aza ana vẹtẹ hi ẹkụra-ẹkụra ana gụrị Isirẹrị vaa yẹ ka ọnị, Ẹnẹyịmavara, oō tenyi ẹkụra ana a jị eburuu dà, dị ọnị rẹẹ̄ varẹma chire ịsaa hi ịnị aarẹ ene e du ha nị. Ọnị, Ẹnẹyịmavara ọ sị ọ ka ka ọnị vaa maanị mẹ, ịzẹyịza ọnị vaa mẹ̀ ẹ. 37Ẹnẹyịmavara Ochẹtẹẹngụ ka, ọnị vanaa zẹẹ ka Anisirẹrị nịnị ẹ̀ họ̀ ọnị use ka ọnị ọ̀ gụ ẹnị ụvọ. Ọnị vaa mẹ ka ẹnịnị ẹ̀ rụrụ atẹmẹ ọrụrụ ana aa pa avọọ. 38Ẹkụra ana a jị eburu va hi ẹtẹ aanị vaa vị ohihi yị aza anka Ijerusarẹmị mẹ vịdịị vị ohihii yị atẹmẹ ana aa sị vaa mẹ̀ ịsọvọ ẹkụhị eche avọọ. Ịjọnọọ ẹnịnị vaa yẹ ka ọnị ọ vị Ẹnẹyịmavara nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.