Ẹsịta 5
5
Ẹsịta ộ hị́ Ohinọyị ọnịrị Ịhamanị va rị ịsa ịda anị
1Ịhyẹgwẹta ọnị Ẹsịta vavọọ tụ́ ụtụ hi Imodekaya, dị ọ kụ́ ẹnya ose ohinọyị, dị ọ ngụ ohweje ohinọyị ana ya ịnị ịnẹ na jẹẹ ọvịdị ode ohinọyị nị. Ohinọyị vi ana yaatẹ và eyi kà oze ana aā zịị ngụ ini ohweje ọnọọ. 2Ịjị ohinọyị re ka Ẹsịta ose anị ộ jẹẹ ịnị akakana ohweje, ayị anị o hine tù ọ, dị ọ tana okutẹ igooru anị hi ọ nị. Di Ẹsịta kà pè e, dị ọ sị ụvọ kanyị ịrẹsụ okutẹ ọnọọ nị.
3Dị ohinọyị họ̀ Ẹsịta ose ani ka ò mè re? Dị ọ kà Ẹsịta ò họ̀ use ịsa tụra ịsa ọnị ee sì ka ọnị vaa sị́ yọ, ọ̀ọ daka vị achẹva ogu ẹtẹ ịjọva anị. 4Dị Ẹsịta tụ́ ọ ohi ka, “Taarụ Ohinọyị! wàa nyị ẹngụ awụ iyi, mee sì ka ẹwụrị Ịhamanị ò ve chi yị mị oruva ajịnị. Maa mẹ̀ ịsa tẹ̀ ẹwụ nịnị”.
5Ịzịịzọọ Ohinọyị tụ́ hị́ Ịhamanị ka ọnịrị ọ ò ne chi yị Ẹsịta nị. Dị ẹnị ẹyịva dudu zị nọ ịda Ẹsịta na rị ịsa ọnị ọ́ mẹ tẹ wa nị. 6E mè hì ẹtẹ e hụ́ eche dị ohinọyị tenyi họ̀ Ẹsịta use ka ọ̀ kà a yị ọnị ịsa tụra ịsa ene ee si hụụnị ụvọ anị nị. Ọ kà ò họ̀ use ka ọnị vaa sii yọ ọ̀ọ daka 7vị achẹva ụkata ịjọva ẹtẹ anị, Ẹsịta ô tụ́ o 8ohi ka, “Taarụ! ịsa mee sì yị. Wàa nyị ẹngụ awụ iyi ka wa mẹ ịsị mee sì yi mi, navọ ẹwụrị Ịhamanị ọ̀ vavẹ ve chi yị mị ụhwọọ. Mị vaa sị ohi yị wụ, Taarụ!”
Ịhamanị ô mẹ̀ eto ka a wụ̀ Imodekaya
9Ịhị ọnọọ di Ịhamanị jịnẹ huu ịzọọ di ayị anị ee hine, dị aa mẹrị saada kẹnẹ nị. Ọ màa jịnẹ hụụnị ikatamba ohinọyị, di Ịhamanị re Imodekaya ka ộ yaatẹ ịnị oze ovwoovu nị. Ama Imodekaya ọ yi kwẹẹtẹ di ò kụ́ ọ. Ịhamanị mè re e dị ayị a kụ́ ọ ẹtẹẹtẹrẹ nị.
10Ama Ịhamanị ẹ yị sị zụ̀ ka ayị aa kụ́ ọnị, dị aa nọ ịnị eehi anị nị. Ò mè tù ini eehi, dị ọ tụ́ na hí ọta anị nịnị ne beri ose anị ana aā hị́ Ịzẹrẹsị ni. 11Ẹ mẹ̀ vẹ, ộ kà a yị wa ọnị mẹmẹ nyị ogu irenyi-irenyi, ọpa ezi ọnị ọnị ma, ohinọyị mẹmẹ sị ụbanyị yị ọnị dị ọ́ kà ọnị hịrẹ huna ezi ahụ ohinọyị ana vọ. 12Dị ọ rẹ ka ẹ yị vị ọnọọ kẹnẹ, ọnị ịnyara kẹnẹ Ẹsịta ose ohinọyị hị́ ka ọ̀ saasa ọva anị va rị ịsa ịda anị nị. Ọ rẹ ka ộ hị́ ọnị ka ọnị ọ̀ saasa ohinọyị va rị ịsa ụhwọọ. 13Dị Ịhamanị ka, “avaba ẹsẹnị e yi vene ịrẹyị eyi amị mèee yi re Imodekaya ana vị Aniju avọọ ka ọ yaayịtẹ enoze ohinọyị.” 14Di ose anị ana aā hị́ Ịzẹrẹsị ọnịrị ọta anị nịnị jị iwee yọ nị. Dị ẹ ka o hì ọchị ana nẹba ẹhụ ahụ ẹtarẹwụrito ẹẹhị, dị Ịhamanị ọ̀ dọ oze hụụnị ụvọ ohinọyị, di ò zù Imodekaya obo gẹ ọchị ọnọọ di ò sú nị. Wàa maanị sị ọ mẹ, dị wa saasa ohinọyị haara na rị ịsa, dị ayị awụ oo hine. Ajuwe ọnọnị ộ ngụ Ịhamanị eyi dị ọ vavọọ ne hi ọchị nị.
Currently Selected:
Ẹsịta 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ẹsịta 5
5
Ẹsịta ộ hị́ Ohinọyị ọnịrị Ịhamanị va rị ịsa ịda anị
1Ịhyẹgwẹta ọnị Ẹsịta vavọọ tụ́ ụtụ hi Imodekaya, dị ọ kụ́ ẹnya ose ohinọyị, dị ọ ngụ ohweje ohinọyị ana ya ịnị ịnẹ na jẹẹ ọvịdị ode ohinọyị nị. Ohinọyị vi ana yaatẹ và eyi kà oze ana aā zịị ngụ ini ohweje ọnọọ. 2Ịjị ohinọyị re ka Ẹsịta ose anị ộ jẹẹ ịnị akakana ohweje, ayị anị o hine tù ọ, dị ọ tana okutẹ igooru anị hi ọ nị. Di Ẹsịta kà pè e, dị ọ sị ụvọ kanyị ịrẹsụ okutẹ ọnọọ nị.
3Dị ohinọyị họ̀ Ẹsịta ose ani ka ò mè re? Dị ọ kà Ẹsịta ò họ̀ use ịsa tụra ịsa ọnị ee sì ka ọnị vaa sị́ yọ, ọ̀ọ daka vị achẹva ogu ẹtẹ ịjọva anị. 4Dị Ẹsịta tụ́ ọ ohi ka, “Taarụ Ohinọyị! wàa nyị ẹngụ awụ iyi, mee sì ka ẹwụrị Ịhamanị ò ve chi yị mị oruva ajịnị. Maa mẹ̀ ịsa tẹ̀ ẹwụ nịnị”.
5Ịzịịzọọ Ohinọyị tụ́ hị́ Ịhamanị ka ọnịrị ọ ò ne chi yị Ẹsịta nị. Dị ẹnị ẹyịva dudu zị nọ ịda Ẹsịta na rị ịsa ọnị ọ́ mẹ tẹ wa nị. 6E mè hì ẹtẹ e hụ́ eche dị ohinọyị tenyi họ̀ Ẹsịta use ka ọ̀ kà a yị ọnị ịsa tụra ịsa ene ee si hụụnị ụvọ anị nị. Ọ kà ò họ̀ use ka ọnị vaa sii yọ ọ̀ọ daka 7vị achẹva ụkata ịjọva ẹtẹ anị, Ẹsịta ô tụ́ o 8ohi ka, “Taarụ! ịsa mee sì yị. Wàa nyị ẹngụ awụ iyi ka wa mẹ ịsị mee sì yi mi, navọ ẹwụrị Ịhamanị ọ̀ vavẹ ve chi yị mị ụhwọọ. Mị vaa sị ohi yị wụ, Taarụ!”
Ịhamanị ô mẹ̀ eto ka a wụ̀ Imodekaya
9Ịhị ọnọọ di Ịhamanị jịnẹ huu ịzọọ di ayị anị ee hine, dị aa mẹrị saada kẹnẹ nị. Ọ màa jịnẹ hụụnị ikatamba ohinọyị, di Ịhamanị re Imodekaya ka ộ yaatẹ ịnị oze ovwoovu nị. Ama Imodekaya ọ yi kwẹẹtẹ di ò kụ́ ọ. Ịhamanị mè re e dị ayị a kụ́ ọ ẹtẹẹtẹrẹ nị.
10Ama Ịhamanị ẹ yị sị zụ̀ ka ayị aa kụ́ ọnị, dị aa nọ ịnị eehi anị nị. Ò mè tù ini eehi, dị ọ tụ́ na hí ọta anị nịnị ne beri ose anị ana aā hị́ Ịzẹrẹsị ni. 11Ẹ mẹ̀ vẹ, ộ kà a yị wa ọnị mẹmẹ nyị ogu irenyi-irenyi, ọpa ezi ọnị ọnị ma, ohinọyị mẹmẹ sị ụbanyị yị ọnị dị ọ́ kà ọnị hịrẹ huna ezi ahụ ohinọyị ana vọ. 12Dị ọ rẹ ka ẹ yị vị ọnọọ kẹnẹ, ọnị ịnyara kẹnẹ Ẹsịta ose ohinọyị hị́ ka ọ̀ saasa ọva anị va rị ịsa ịda anị nị. Ọ rẹ ka ộ hị́ ọnị ka ọnị ọ̀ saasa ohinọyị va rị ịsa ụhwọọ. 13Dị Ịhamanị ka, “avaba ẹsẹnị e yi vene ịrẹyị eyi amị mèee yi re Imodekaya ana vị Aniju avọọ ka ọ yaayịtẹ enoze ohinọyị.” 14Di ose anị ana aā hị́ Ịzẹrẹsị ọnịrị ọta anị nịnị jị iwee yọ nị. Dị ẹ ka o hì ọchị ana nẹba ẹhụ ahụ ẹtarẹwụrito ẹẹhị, dị Ịhamanị ọ̀ dọ oze hụụnị ụvọ ohinọyị, di ò zù Imodekaya obo gẹ ọchị ọnọọ di ò sú nị. Wàa maanị sị ọ mẹ, dị wa saasa ohinọyị haara na rị ịsa, dị ayị awụ oo hine. Ajuwe ọnọnị ộ ngụ Ịhamanị eyi dị ọ vavọọ ne hi ọchị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.