Ẹsịta 4
4
Imodekaya ộ hị́ Ẹsịta ka ọ̀ mẹ ọgụvọ
1Imodekaya ọ sị yẹ avaba ịsa ana a mẹ. Ịrẹyị ọnọọ ọ zị ọ ẹngụ pooro, dị ọ za awuru anị dị ọ na a, dị ọ kụ́ atịtọ kú ịrẹsụ nị, di a tụ́ orere booro-booro ngụ ịnị ẹkụra zịịzị nị. 2Imodekaya mẹ̀ tù oze ovwoovu ana ngụ idi ohinọyị, dị ọ jẹẹ ẹhẹ nị. Ọ yị ngụ eehi agụvị ka ọza ọ yị zẹẹ ka ọza ana vavọọ kụ́ ẹnya ọ̀ ngụ ịda ohinọyị. 3Di avaba ezi Anisirẹrị ene hi ịnị ẹtẹ ịzị ọda ọnọnị za và ẹngụ hi ẹtẹẹtẹrẹ nị. Di e yi ka ẹnị ẹ yị rị ịsa nị, dị ẹ yaa jị òrèrè ẹtẹẹtẹrẹ nị. Di aza ọrụrụ-ọrụrụ ẹnịnị kụ̀ ẹnya ana sị zụ ka ẹ yaa zị ẹngụ, dị ẹ hụtẹtẹ hi ini eteesu nị.
4Ezi ahụ Ẹsịta ana vị anẹẹ ọnịrị anọrụ mẹ̀ vavọọ re Imodekaya, dị ẹ na kà a yi Ẹsịta nị. Ẹsịta mẹ wụ́ ịrẹyị ọnọọ, ẹngụ anị ộ sụ ẹgahị. Dị ọ si awuru tụ́ nā yị Imodekaya nị. Dị ọ tụ́ ka à kà a yọ ka ọ̀ ngwa awuru ayodu ọnọọ tịtẹ nị. Ama di Imodekaya yi nị. 5Dị Ẹsịta tụ́ hị́ ozi ahụ anị ọnọrụ ọnị ọnị ụvọtaa tụ́ ụtụ nị. Ozi ahụ anị ọnọọ ọ rị Ihataki nị. Dị Ẹsịta tụ́ ọ ka ọ̀ na họ̀ Imodekaya ka ò me re dị ayị anị vavọọ du?
6Ịzẹyịza, di Ihataki ne tu Imodekaya ịnị orere ọvịdị oze ọbanyị idi ohinọyị nị. 7Di Imodekaya za avaba ịsa ana na ịrịka hi ẹtẹ zụ̀ ọ nị. Dị ọ hyakụ kà a yọ ẹ̀hụ ẹkẹhị ọnị Ịhamanị wo oto ka ọnị vee síi yi ohinọyị àa raà wụ̀ avaba Aniju va ha nị. 8Ọda ana a ka à sí wụ̀ Anisirẹrị aanị vị ana a chẹrẹ hi ịnị iwe ana sị nọ̀ ọ. Ọda ọnọọ vi ana a mẹ̀ ịnị ẹkụra Isusa. Di Imodekaya sị ọnya ini iwe ọnọọ yi Ihataki, ka ọ̀ sị na zụ̀ Ẹsịta, dị ọ kà a yị ọ ịrẹyị mẹmẹ yá nị. Dị ọ̀ kà a yi Ẹsịta ka ọ̀ navọ ọ̀ ngụ ne tù ohinọyị dị ọ̀ da ịpẹ yọ ka ọ̀ vayị aza anị nị.
9Ịzẹyịza di Ihataki na kà ụtụ Imodekaya yị Ẹsịta nị. 10Dị Ẹsịta varẹma tụ́ ọ hi Imodekaya ka 11â nyị ọda ana a mẹ ka ọza tụra ọza ọnị Ohinọyị ẹ yị tụ hị́, dị ọ ngụ ohweje ana ya ịnị ịnẹ ne re ohinọyị, a wụ̀ ọ. Anajuwe Ohinọyị nịnị ọnịrị avaba aza ene hi ịnị ẹtẹ ọnọọ ẹẹ yẹ ọda ọnọnị. Oze ọnyara chọ̀chọ̀chọ̀ ọ ọza zụ zi ha hụụnị ọda ọnọnị nị. Oze ọnọọ ọ vị ka ohinọyị ọ̀ tana okutẹ Igooru anị hi ọza ana àa vavọọ ngụ ne tù ọ nị.
12Ịjị Imodekaya wụ́ ohi Ẹsịta, 13dị ọ tụ varẹma ka a kà a yị Ẹsịta ka asị o ro ka ọnị ịnyara ọ sị ha ịnị Aniju nịnị agụvị ka ọ mẹhị yà ịda ohinọyị. 14Ọ kà à kà a yọ ka òo sị irenu anị kú oku, dị ẹ yị tụ́ ohi nị, ọnọgụmvọ vaa hụrẹ aha ọsa vẹ, dị ọ va dọ Aniju nịnị tụ́. Ama ọ̀ yẹ ka ọnịrị ovwoovu ada anị vi ene vee vú ẹtẹ. Ọ rẹ ka ẹnẹ yẹ ẹyịyara ahịka agụvị ụmẹ ẹngụkata ọnọnị a sị sị Ẹsịta tụ́ udi ọnọnị ịdị ohinọyị nị.
15Di Ẹsịta ka à na kà a yị Imodekaya ka, 16ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.
17Di Imodekaya hụụ ịzọọ na mẹ avaba ịsa ọnị Ẹsịta kà yọ nị.
Currently Selected:
Ẹsịta 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ẹsịta 4
4
Imodekaya ộ hị́ Ẹsịta ka ọ̀ mẹ ọgụvọ
1Imodekaya ọ sị yẹ avaba ịsa ana a mẹ. Ịrẹyị ọnọọ ọ zị ọ ẹngụ pooro, dị ọ za awuru anị dị ọ na a, dị ọ kụ́ atịtọ kú ịrẹsụ nị, di a tụ́ orere booro-booro ngụ ịnị ẹkụra zịịzị nị. 2Imodekaya mẹ̀ tù oze ovwoovu ana ngụ idi ohinọyị, dị ọ jẹẹ ẹhẹ nị. Ọ yị ngụ eehi agụvị ka ọza ọ yị zẹẹ ka ọza ana vavọọ kụ́ ẹnya ọ̀ ngụ ịda ohinọyị. 3Di avaba ezi Anisirẹrị ene hi ịnị ẹtẹ ịzị ọda ọnọnị za và ẹngụ hi ẹtẹẹtẹrẹ nị. Di e yi ka ẹnị ẹ yị rị ịsa nị, dị ẹ yaa jị òrèrè ẹtẹẹtẹrẹ nị. Di aza ọrụrụ-ọrụrụ ẹnịnị kụ̀ ẹnya ana sị zụ ka ẹ yaa zị ẹngụ, dị ẹ hụtẹtẹ hi ini eteesu nị.
4Ezi ahụ Ẹsịta ana vị anẹẹ ọnịrị anọrụ mẹ̀ vavọọ re Imodekaya, dị ẹ na kà a yi Ẹsịta nị. Ẹsịta mẹ wụ́ ịrẹyị ọnọọ, ẹngụ anị ộ sụ ẹgahị. Dị ọ si awuru tụ́ nā yị Imodekaya nị. Dị ọ tụ́ ka à kà a yọ ka ọ̀ ngwa awuru ayodu ọnọọ tịtẹ nị. Ama di Imodekaya yi nị. 5Dị Ẹsịta tụ́ hị́ ozi ahụ anị ọnọrụ ọnị ọnị ụvọtaa tụ́ ụtụ nị. Ozi ahụ anị ọnọọ ọ rị Ihataki nị. Dị Ẹsịta tụ́ ọ ka ọ̀ na họ̀ Imodekaya ka ò me re dị ayị anị vavọọ du?
6Ịzẹyịza, di Ihataki ne tu Imodekaya ịnị orere ọvịdị oze ọbanyị idi ohinọyị nị. 7Di Imodekaya za avaba ịsa ana na ịrịka hi ẹtẹ zụ̀ ọ nị. Dị ọ hyakụ kà a yọ ẹ̀hụ ẹkẹhị ọnị Ịhamanị wo oto ka ọnị vee síi yi ohinọyị àa raà wụ̀ avaba Aniju va ha nị. 8Ọda ana a ka à sí wụ̀ Anisirẹrị aanị vị ana a chẹrẹ hi ịnị iwe ana sị nọ̀ ọ. Ọda ọnọọ vi ana a mẹ̀ ịnị ẹkụra Isusa. Di Imodekaya sị ọnya ini iwe ọnọọ yi Ihataki, ka ọ̀ sị na zụ̀ Ẹsịta, dị ọ kà a yị ọ ịrẹyị mẹmẹ yá nị. Dị ọ̀ kà a yi Ẹsịta ka ọ̀ navọ ọ̀ ngụ ne tù ohinọyị dị ọ̀ da ịpẹ yọ ka ọ̀ vayị aza anị nị.
9Ịzẹyịza di Ihataki na kà ụtụ Imodekaya yị Ẹsịta nị. 10Dị Ẹsịta varẹma tụ́ ọ hi Imodekaya ka 11â nyị ọda ana a mẹ ka ọza tụra ọza ọnị Ohinọyị ẹ yị tụ hị́, dị ọ ngụ ohweje ana ya ịnị ịnẹ ne re ohinọyị, a wụ̀ ọ. Anajuwe Ohinọyị nịnị ọnịrị avaba aza ene hi ịnị ẹtẹ ọnọọ ẹẹ yẹ ọda ọnọnị. Oze ọnyara chọ̀chọ̀chọ̀ ọ ọza zụ zi ha hụụnị ọda ọnọnị nị. Oze ọnọọ ọ vị ka ohinọyị ọ̀ tana okutẹ Igooru anị hi ọza ana àa vavọọ ngụ ne tù ọ nị.
12Ịjị Imodekaya wụ́ ohi Ẹsịta, 13dị ọ tụ varẹma ka a kà a yị Ẹsịta ka asị o ro ka ọnị ịnyara ọ sị ha ịnị Aniju nịnị agụvị ka ọ mẹhị yà ịda ohinọyị. 14Ọ kà à kà a yọ ka òo sị irenu anị kú oku, dị ẹ yị tụ́ ohi nị, ọnọgụmvọ vaa hụrẹ aha ọsa vẹ, dị ọ va dọ Aniju nịnị tụ́. Ama ọ̀ yẹ ka ọnịrị ovwoovu ada anị vi ene vee vú ẹtẹ. Ọ rẹ ka ẹnẹ yẹ ẹyịyara ahịka agụvị ụmẹ ẹngụkata ọnọnị a sị sị Ẹsịta tụ́ udi ọnọnị ịdị ohinọyị nị.
15Di Ẹsịta ka à na kà a yị Imodekaya ka, 16ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.
17Di Imodekaya hụụ ịzọọ na mẹ avaba ịsa ọnị Ẹsịta kà yọ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.