Ọda 19
19
Ọda ana kara ẹkụra aha ọyịtẹ̀
(Ịrị 35.9-34; Ijov 20.1-9)
1 #
Ijos 20.1-9
Ịrẹma ọnị Ẹnẹyịmavara Ohomorihi awụ nịnị raà wụ̀ aza ana nyị ẹtẹ ọnị aa sị yị wụ nịnị, dị ụ raà dọ avaba ẹkụra ọnịrị irehi ẹnịnị, dị ụ sị ra ịzọọ nị, 2nyị ẹkụra ẹbanyị-ẹbanyị ẹẹta ana ya ịnị akakana ẹtẹ ọnị Ẹnẹyịmavara Ohomorihi awụ nịnị sị yị wụ nịnị. 3Che ẹtẹ ọnọọ hi uche ẹẹta, dị ẹkụra ana vaa vi aha ọyịtẹ̀ aanị ọ̀ ya ịnị akakana ọnyọọnya, dị a tụ oze na ngụ wa agụvị àa nyị ọza ene nyeeyi wụ̀ ọsa dị ò zwe na tẹ̀ ịnị ọnyara ịnị ẹkụra ẹnẹẹ. 4Àa nyị ọza ene nyeeyi wụ̀ ọza ọnị ọnịrị ọ ẹ yị vị ọnịvị ẹngụ, ò zwe na tẹ̀ aha ọyịtẹ̀ ịnị ọnyara ịnị ẹkụra ẹnẹẹ. 5Ẹhụ anọrụ ẹẹva ẹ̀ẹ ngụ iruku ka ẹnị aa na da ọchị, ịraga ọnyara ọ̀ọ swẹ na ka ọsa ịrẹsụ dị ọ wụ̀ ọ nị, ọza ọnọọ o zwe na tẹ̀ ịnị ọnyara ịnị ẹkụra ẹyịta ẹnẹnị. 6Àa vị ẹkụra ọnya kẹnẹ ọ vị nị, o vee noze baaba, dị anda ọza ene su aanị vara gẹrị ọza ene nyeeyi wụ̀ ọnọhụva aanị dị ọ sị ọyịkụ-ọyịkụ wụ̀ tụ ịrẹsụ ịrẹyị ọhẹ. 7Agụvị avọọ Ẹnẹyịmavara kà ẹ nyị ẹkụra ẹẹta nị.
8Ụmẹ ọnị Ẹnẹyịmavara Ohomorihi awụ nịnị ọ̀ọ sị gana ẹtẹ awụ nịnị anka ọ mẹ vịdị wo oto anị yị ohiku awụ nịnị ka ọnị vaa sị avaba ẹtẹ ọnọọ yị wụ nịnị. 9Nyị ẹkụra ẹẹta ọsa tụ ịnị ana vịdị nyị. Ama sị ụvọ za avaba ọda Ẹnẹyịmavara Ohomorihi awụ nịnị ajịnị. Sì ịrẹyị anị, dị ụ vatụra oze anị pooro. 10Vavọọ mẹ̀ ẹ agụvị asị a rẹ wụ̀ aza ẹnẹ ẹ yị nyị ịsị ẹ mẹ̀ va ha kẹnẹ-kẹnẹ, dị ịvị anị ọ vaa ẹnya tụra awụ nịnị ịrẹsụ ịnị ogu ẹtẹ ọnị Ohomorihi sị yị wụ nịnị. 11Ama ọza ọ̀ọ yẹ wụ̀ ọnịvị anị, di o zwe na tẹ̀ ịnị ọnya ịnị ẹkụra ẹnẹẹ nị, 12Azọkụ ene hi ịnị ẹkụra ọza ana wụ̀ ọza aanị, ẹ za a chire anda ọza ọnị ọ wụ̀, dị ẹnị ẹ rẹ wụ̀ ọ. 13Asị ụ vayị anị. Dọ Isirẹrị tịtẹ hụụnị ụvọ ọwọza agụvị ẹkụra ọ nyị ẹngwọọrọ.
Ọtẹhwị ẹtẹ ịyẹẹyẹ
14 #
Ọda 27.17
Asị u hu ọtẹhwị ẹtẹ ọnọhụva awụ hụrẹ udi anị ọnị anịyẹẹyẹ sị tẹ ẹhwị ẹtẹ ọnị Ẹnẹyịmavara Ohomorihi awụ nịnị aa sị yị wụ ka ọ vị awụ nịnị.
Ọda ana kara ivenu
15 #
Ịrị 35.30; Ọda 17.6; Imt 18.16; Ịjọ 8.17; 2 Ịkọ 13.1; 1 Itim 5.19; Ihib 10.28 Onivenu ikonya ẹ yị hụ jị ịvị ebira odivi yị ọza. A nyị ka a nyị onivenu ẹẹva ana sị zụ ka ọ rị ịvị. 16Ọza ọ̀ọ sị ayamụkụ dọ ivenu ireche kụ ọza ka ọnị ọ sị kụ ẹngụkata tu ọ, 17ẹnị ẹyịva ẹ nọ ịnị irehi Ohomorihi ịzị ohirẹsụ irehi Ohomorihi nịnị ẹnịrị ọmọkarẹyị nịnị ana ya udi ụmẹ ọnọọ ọ mẹ̀ ọkarẹyị yị wa. 18Ọmọkarẹyị nịnị vee si iruvo ịrẹyị ọnọọ hwịnị-hwịnị. Àa vị onivenu cheeche ku ọnọhụva anị nị, 19dị aa mè ẹ ịsị o si ka ọnị ọ mẹ ọnọhụva anị. Ịnị oze ọnọnị a zụ sị kụ odivi hụrẹ ẹtẹ hụụnị akakana awụ nịnị nị. 20Aza ana vọ vaa wụ́ dị angwa hi wa, dị a sị ebira ọhịmị ọnọnị ba ẹtẹ chire. 21#Kụra 21.23-25; Ire 24.19,20; Imt 5.38Asị a vayị ọza. Ọza ọ̀ọ wụ̀ ọza, à rẹ wụ̀ ọnị. Ọza ọ̀ọ tụ̀ ọza eyi, à rẹ tù ọnị eyi. Ọza ò hu ọza anyị, à rẹ hu ọnị anyị. Ọza ọ̀ọ dà ọza ụvọ, à rẹ dà ọnị ụvọ. Ọza ọ̀ọ dà ọza ahụ, a rẹ dà ọnị ahụ.
Currently Selected:
Ọda 19: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọda 19
19
Ọda ana kara ẹkụra aha ọyịtẹ̀
(Ịrị 35.9-34; Ijov 20.1-9)
1 #
Ijos 20.1-9
Ịrẹma ọnị Ẹnẹyịmavara Ohomorihi awụ nịnị raà wụ̀ aza ana nyị ẹtẹ ọnị aa sị yị wụ nịnị, dị ụ raà dọ avaba ẹkụra ọnịrị irehi ẹnịnị, dị ụ sị ra ịzọọ nị, 2nyị ẹkụra ẹbanyị-ẹbanyị ẹẹta ana ya ịnị akakana ẹtẹ ọnị Ẹnẹyịmavara Ohomorihi awụ nịnị sị yị wụ nịnị. 3Che ẹtẹ ọnọọ hi uche ẹẹta, dị ẹkụra ana vaa vi aha ọyịtẹ̀ aanị ọ̀ ya ịnị akakana ọnyọọnya, dị a tụ oze na ngụ wa agụvị àa nyị ọza ene nyeeyi wụ̀ ọsa dị ò zwe na tẹ̀ ịnị ọnyara ịnị ẹkụra ẹnẹẹ. 4Àa nyị ọza ene nyeeyi wụ̀ ọza ọnị ọnịrị ọ ẹ yị vị ọnịvị ẹngụ, ò zwe na tẹ̀ aha ọyịtẹ̀ ịnị ọnyara ịnị ẹkụra ẹnẹẹ. 5Ẹhụ anọrụ ẹẹva ẹ̀ẹ ngụ iruku ka ẹnị aa na da ọchị, ịraga ọnyara ọ̀ọ swẹ na ka ọsa ịrẹsụ dị ọ wụ̀ ọ nị, ọza ọnọọ o zwe na tẹ̀ ịnị ọnyara ịnị ẹkụra ẹyịta ẹnẹnị. 6Àa vị ẹkụra ọnya kẹnẹ ọ vị nị, o vee noze baaba, dị anda ọza ene su aanị vara gẹrị ọza ene nyeeyi wụ̀ ọnọhụva aanị dị ọ sị ọyịkụ-ọyịkụ wụ̀ tụ ịrẹsụ ịrẹyị ọhẹ. 7Agụvị avọọ Ẹnẹyịmavara kà ẹ nyị ẹkụra ẹẹta nị.
8Ụmẹ ọnị Ẹnẹyịmavara Ohomorihi awụ nịnị ọ̀ọ sị gana ẹtẹ awụ nịnị anka ọ mẹ vịdị wo oto anị yị ohiku awụ nịnị ka ọnị vaa sị avaba ẹtẹ ọnọọ yị wụ nịnị. 9Nyị ẹkụra ẹẹta ọsa tụ ịnị ana vịdị nyị. Ama sị ụvọ za avaba ọda Ẹnẹyịmavara Ohomorihi awụ nịnị ajịnị. Sì ịrẹyị anị, dị ụ vatụra oze anị pooro. 10Vavọọ mẹ̀ ẹ agụvị asị a rẹ wụ̀ aza ẹnẹ ẹ yị nyị ịsị ẹ mẹ̀ va ha kẹnẹ-kẹnẹ, dị ịvị anị ọ vaa ẹnya tụra awụ nịnị ịrẹsụ ịnị ogu ẹtẹ ọnị Ohomorihi sị yị wụ nịnị. 11Ama ọza ọ̀ọ yẹ wụ̀ ọnịvị anị, di o zwe na tẹ̀ ịnị ọnya ịnị ẹkụra ẹnẹẹ nị, 12Azọkụ ene hi ịnị ẹkụra ọza ana wụ̀ ọza aanị, ẹ za a chire anda ọza ọnị ọ wụ̀, dị ẹnị ẹ rẹ wụ̀ ọ. 13Asị ụ vayị anị. Dọ Isirẹrị tịtẹ hụụnị ụvọ ọwọza agụvị ẹkụra ọ nyị ẹngwọọrọ.
Ọtẹhwị ẹtẹ ịyẹẹyẹ
14 #
Ọda 27.17
Asị u hu ọtẹhwị ẹtẹ ọnọhụva awụ hụrẹ udi anị ọnị anịyẹẹyẹ sị tẹ ẹhwị ẹtẹ ọnị Ẹnẹyịmavara Ohomorihi awụ nịnị aa sị yị wụ ka ọ vị awụ nịnị.
Ọda ana kara ivenu
15 #
Ịrị 35.30; Ọda 17.6; Imt 18.16; Ịjọ 8.17; 2 Ịkọ 13.1; 1 Itim 5.19; Ihib 10.28 Onivenu ikonya ẹ yị hụ jị ịvị ebira odivi yị ọza. A nyị ka a nyị onivenu ẹẹva ana sị zụ ka ọ rị ịvị. 16Ọza ọ̀ọ sị ayamụkụ dọ ivenu ireche kụ ọza ka ọnị ọ sị kụ ẹngụkata tu ọ, 17ẹnị ẹyịva ẹ nọ ịnị irehi Ohomorihi ịzị ohirẹsụ irehi Ohomorihi nịnị ẹnịrị ọmọkarẹyị nịnị ana ya udi ụmẹ ọnọọ ọ mẹ̀ ọkarẹyị yị wa. 18Ọmọkarẹyị nịnị vee si iruvo ịrẹyị ọnọọ hwịnị-hwịnị. Àa vị onivenu cheeche ku ọnọhụva anị nị, 19dị aa mè ẹ ịsị o si ka ọnị ọ mẹ ọnọhụva anị. Ịnị oze ọnọnị a zụ sị kụ odivi hụrẹ ẹtẹ hụụnị akakana awụ nịnị nị. 20Aza ana vọ vaa wụ́ dị angwa hi wa, dị a sị ebira ọhịmị ọnọnị ba ẹtẹ chire. 21#Kụra 21.23-25; Ire 24.19,20; Imt 5.38Asị a vayị ọza. Ọza ọ̀ọ wụ̀ ọza, à rẹ wụ̀ ọnị. Ọza ọ̀ọ tụ̀ ọza eyi, à rẹ tù ọnị eyi. Ọza ò hu ọza anyị, à rẹ hu ọnị anyị. Ọza ọ̀ọ dà ọza ụvọ, à rẹ dà ọnị ụvọ. Ọza ọ̀ọ dà ọza ahụ, a rẹ dà ọnị ahụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.