Ọda 18
18
Aha ene tu Ohirẹsụ Irehi Ohomorihi ọnịrị Ireevi nịnị
(Ịrị 18.8-32)
1Imosiisi ộ kà a yị Anisirẹrị ka, Anireevi nịnị ẹ vị ohirẹsụ irehi Ohomorihi nị. Ọza ẹ yị vaa gà ẹtẹ ọnyọọnyịị tù wa Ísirẹrị. Ẹyịza ọnịrị ịsa ịsọvọ ana a sị va yị Ẹnẹyịmavara ẹ vaa rị nị. 2#Ịrị 18.20Ẹnịnị ẹ yị vaa nyị ẹtẹ ẹnịnị anka ịrẹsụ-ịrẹsụ ana vọ. Ẹnẹyịmavara ọ vị ọnyịrẹ̀va ẹnịnị anka ọ mẹ vịdị kà a yị wa nị. 3Ịsa ana aza ana àa va mẹ̀ ịsọvọ yị Ẹnẹyịmavara vaa sị yị ohirẹsụ irehi Ohomorihi nịnị yị: ẹ̀ẹ wụ imaaru àa vị atẹmẹ; ẹ vaa sị ụvọ anị, ọnịrị abamị ẹtẹ beri ịrẹka anịị yị wa. 4Ẹnị ụ vaa sị ịsa ịnị aarẹ ịpaapa awụ nịnị yị nị, ọ̀ọ vị apaapa, eche, angwẹ, ọnịrị ẹyị atẹmẹ awụ nịnị. 5Ẹnẹyịmavara Ohomorihi awụ nịnị ọ raà nyị Ireevi ọnịrị ezi anị hụụnị akakana awụ nịnị. Ọ kà ẹnịnị ẹẹ mẹ ụkọrọọ yị ọnị pooro. 6Àa nyị Anireevi ana hụrẹ ẹkụra awụ nịnị ịzị ọ ra ịnị ẹtẹ Ísirẹrị, dị ọ vẹ ịzị a yaa hẹkẹ Ẹnẹyịmavara ụmẹ enee ze e eyi nị. 7Ọ zụ mẹ̀ ụkọrọ yị Ẹnẹyịmavara Ohomorihi anị, anka Anireevi ana vọ anaa mẹ ụkọrọọ yị Ẹnẹyịmavara ịzọọ. 8Ọpa ịsọyịrị anaa sịị yị ohirẹsụ irehi Ohomorihi ana vọ a rẹ vaa sịị yị ọnị nị, ọ̀ọ daka vị aza ệ sị ịsa va yọ.
 kà ọ̀nọ̀ ịnị ịsọvọ aza anaa hẹkẹ ori
9Ịjị ụ waa va sị ngụ ịnị ẹtẹ ọnị Ẹnẹyịmavara Ohomorihi awụ nịnị aa vaa sịị wụ nịnị, a sị ụ hama anẹkụra ẹnẹẹ mẹ̀ ịsa ẹnẹ yaa mẹ anaa nyị ọza ịhyẹrẹ avọọ o. 10#Ire 19.26; Kụra 22.18A sị a nyị ọza awụ nịnị ana rị ozi anị ịra ịrẹsụ ụta mẹ̀ ịsọvọ o. A sị ụ há ẹva nịnị, a sị u re ẹtẹ yị ọza nịnị, dị a sị ụ mẹ ahọnọ nịnị. 11#Ire 19.31A sị ụ dọ ahọnọ nịnị, dị a sị ụ na họ̀ oku usirẹyị nịnị. 12Ẹnẹyịmavara Ohomorihi awụ nini e yi sì ịrẹyị aza anaa mẹ ẹngụ ịsa anaa nyị ọza ịhyẹrẹ aanị. Agụvị ẹngụ ịsa edivi ẹnẹnị ọyịmẹ̀, Ẹnẹyịmavara Ohomorihi awụ nịnị aa sịị dụ anẹkụra ẹnẹẹ kwooze ụ maa na nịnị aanị nị. 13#Imt 5.48Re ka waa sị ayị tụra Ẹnẹyịmavara Ohomorihi awụ nịnị ọnịnya kẹnẹ. 14Anẹkụra ọnị ụ waa na ra ịnị ẹtẹ ẹnịnị vị anaa saasa ịrẹyị aza anaā kà ịsẹ, ọnịrị ịrẹyị ọhẹva nịnị, ama Ẹnẹyịmavara Ohomorihi awụ nịnị ẹ yị dọ ka wa vavọọ mẹ nịnị.
Ọnịsẹ ọwọọwa anka Imosiisi
15 #
Ụkọ 3.22; 7.37 Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị. 16Ịsa ọnị ụ họ̀ use anị ịnị ụvọ Ẹnẹyịmavara Ohomorihi awụ nịnị ịhị ọnọọ ịnị ataba Ịhọrẹbị ụ mẹ̀ kụ gụ nịnị yị. Wâ da ịpẹ ịhị ọnọọ ka, “Aarịhịnị, me yi kuku sì ka ma wụ́ ịrẹyị ọnọnị; me yi sì ka me kuku re ịra anaa za giri-giri anị, ka, ẹ̀ẹ vị avọọ mi ve wusu.” 17Ọnị ọ mẹ ka Ẹnẹyịmavara ọ̀ kà a mị ka, “ịsị ene zoza ẹ kà aanị nị. 18Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa. 19#Ụkọ 3.23Àa nyị ọza ẹnẹ ẹ̀ yị wụ́ ịrẹyị amị ọnị ọnịsẹ ọnọọ sị ịrẹha amị kà, ẹmị ụvọta vaa sị ụyaa rị ọza ọnọọ. 20Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”. 21Ó nyengu ee hi wu nịnị eyi ka, ụ́ mẹmẹ vaa yẹ àa vị ẹma tụ ọnịsẹ ụtụ nị à vị ẹ yị vị ẹmị. 22Ọnịsẹ ọ̀ọ ka Ẹnẹyịmavara ọ tụ ọnị ụtụ, dị ịrẹyị ọnị ọ ka ẹ̀ yị rẹ va mẹ nị, ẹ yị Ẹnẹyịmavara ọ tụ ọ ụtụ ọnọọ. Ọnịsẹ vị ana dà ịrẹyị ẹngụ anị kà. A sị u hí angwa anị.
Currently Selected:
Ọda 18: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọda 18
18
Aha ene tu Ohirẹsụ Irehi Ohomorihi ọnịrị Ireevi nịnị
(Ịrị 18.8-32)
1Imosiisi ộ kà a yị Anisirẹrị ka, Anireevi nịnị ẹ vị ohirẹsụ irehi Ohomorihi nị. Ọza ẹ yị vaa gà ẹtẹ ọnyọọnyịị tù wa Ísirẹrị. Ẹyịza ọnịrị ịsa ịsọvọ ana a sị va yị Ẹnẹyịmavara ẹ vaa rị nị. 2#Ịrị 18.20Ẹnịnị ẹ yị vaa nyị ẹtẹ ẹnịnị anka ịrẹsụ-ịrẹsụ ana vọ. Ẹnẹyịmavara ọ vị ọnyịrẹ̀va ẹnịnị anka ọ mẹ vịdị kà a yị wa nị. 3Ịsa ana aza ana àa va mẹ̀ ịsọvọ yị Ẹnẹyịmavara vaa sị yị ohirẹsụ irehi Ohomorihi nịnị yị: ẹ̀ẹ wụ imaaru àa vị atẹmẹ; ẹ vaa sị ụvọ anị, ọnịrị abamị ẹtẹ beri ịrẹka anịị yị wa. 4Ẹnị ụ vaa sị ịsa ịnị aarẹ ịpaapa awụ nịnị yị nị, ọ̀ọ vị apaapa, eche, angwẹ, ọnịrị ẹyị atẹmẹ awụ nịnị. 5Ẹnẹyịmavara Ohomorihi awụ nịnị ọ raà nyị Ireevi ọnịrị ezi anị hụụnị akakana awụ nịnị. Ọ kà ẹnịnị ẹẹ mẹ ụkọrọọ yị ọnị pooro. 6Àa nyị Anireevi ana hụrẹ ẹkụra awụ nịnị ịzị ọ ra ịnị ẹtẹ Ísirẹrị, dị ọ vẹ ịzị a yaa hẹkẹ Ẹnẹyịmavara ụmẹ enee ze e eyi nị. 7Ọ zụ mẹ̀ ụkọrọ yị Ẹnẹyịmavara Ohomorihi anị, anka Anireevi ana vọ anaa mẹ ụkọrọọ yị Ẹnẹyịmavara ịzọọ. 8Ọpa ịsọyịrị anaa sịị yị ohirẹsụ irehi Ohomorihi ana vọ a rẹ vaa sịị yị ọnị nị, ọ̀ọ daka vị aza ệ sị ịsa va yọ.
 kà ọ̀nọ̀ ịnị ịsọvọ aza anaa hẹkẹ ori
9Ịjị ụ waa va sị ngụ ịnị ẹtẹ ọnị Ẹnẹyịmavara Ohomorihi awụ nịnị aa vaa sịị wụ nịnị, a sị ụ hama anẹkụra ẹnẹẹ mẹ̀ ịsa ẹnẹ yaa mẹ anaa nyị ọza ịhyẹrẹ avọọ o. 10#Ire 19.26; Kụra 22.18A sị a nyị ọza awụ nịnị ana rị ozi anị ịra ịrẹsụ ụta mẹ̀ ịsọvọ o. A sị ụ há ẹva nịnị, a sị u re ẹtẹ yị ọza nịnị, dị a sị ụ mẹ ahọnọ nịnị. 11#Ire 19.31A sị ụ dọ ahọnọ nịnị, dị a sị ụ na họ̀ oku usirẹyị nịnị. 12Ẹnẹyịmavara Ohomorihi awụ nini e yi sì ịrẹyị aza anaa mẹ ẹngụ ịsa anaa nyị ọza ịhyẹrẹ aanị. Agụvị ẹngụ ịsa edivi ẹnẹnị ọyịmẹ̀, Ẹnẹyịmavara Ohomorihi awụ nịnị aa sịị dụ anẹkụra ẹnẹẹ kwooze ụ maa na nịnị aanị nị. 13#Imt 5.48Re ka waa sị ayị tụra Ẹnẹyịmavara Ohomorihi awụ nịnị ọnịnya kẹnẹ. 14Anẹkụra ọnị ụ waa na ra ịnị ẹtẹ ẹnịnị vị anaa saasa ịrẹyị aza anaā kà ịsẹ, ọnịrị ịrẹyị ọhẹva nịnị, ama Ẹnẹyịmavara Ohomorihi awụ nịnị ẹ yị dọ ka wa vavọọ mẹ nịnị.
Ọnịsẹ ọwọọwa anka Imosiisi
15 #
Ụkọ 3.22; 7.37 Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị. 16Ịsa ọnị ụ họ̀ use anị ịnị ụvọ Ẹnẹyịmavara Ohomorihi awụ nịnị ịhị ọnọọ ịnị ataba Ịhọrẹbị ụ mẹ̀ kụ gụ nịnị yị. Wâ da ịpẹ ịhị ọnọọ ka, “Aarịhịnị, me yi kuku sì ka ma wụ́ ịrẹyị ọnọnị; me yi sì ka me kuku re ịra anaa za giri-giri anị, ka, ẹ̀ẹ vị avọọ mi ve wusu.” 17Ọnị ọ mẹ ka Ẹnẹyịmavara ọ̀ kà a mị ka, “ịsị ene zoza ẹ kà aanị nị. 18Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa. 19#Ụkọ 3.23Àa nyị ọza ẹnẹ ẹ̀ yị wụ́ ịrẹyị amị ọnị ọnịsẹ ọnọọ sị ịrẹha amị kà, ẹmị ụvọta vaa sị ụyaa rị ọza ọnọọ. 20Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”. 21Ó nyengu ee hi wu nịnị eyi ka, ụ́ mẹmẹ vaa yẹ àa vị ẹma tụ ọnịsẹ ụtụ nị à vị ẹ yị vị ẹmị. 22Ọnịsẹ ọ̀ọ ka Ẹnẹyịmavara ọ tụ ọnị ụtụ, dị ịrẹyị ọnị ọ ka ẹ̀ yị rẹ va mẹ nị, ẹ yị Ẹnẹyịmavara ọ tụ ọ ụtụ ọnọọ. Ọnịsẹ vị ana dà ịrẹyị ẹngụ anị kà. A sị u hí angwa anị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.