Odeyi 6
6
Ọnọgụvọ ịhịmba ana a nyị
1Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị. 2Dị odeyi ẹwụrẹva ẹnẹẹ hị́ avaba ezirẹma ana vọ gụ, dị ẹ ka, “Ẹ yị vọrọ ka ya navọ ịrẹyị Ohomorihi tịtẹ, dị yaa gà ịsọyịrị. 3Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ. 4Ẹyị vaa sị avaba ụmẹ ayịị mẹ̀ aduwa, dị yaa kà ịrẹyị Ohomorihi.”
5Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju. 6Dị ẹ kụ́ wa nọ ịdị odeyi nịnị nị. Dị odeyi nịnị mẹ̀ aduwa yị wa, dị ẹ sị ụvọ tụra wa nị. 7Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.
A va za Isitivini
8Ohomorihi ộ yà pe Isitivini ẹtẹẹtẹrẹ, dị ọ rẹ sị ụkata yọ, dị aa mẹ̀ ụkọrọ ohyozirenu ọnịrị apọtẹrẹwa ịnị akakana aza ẹnẹẹ nị. 9Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata. 10Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị. 11Dị ẹ sị ẹkẹhị ne chire aza ẹnyị irenu ka ẹ̀ kà a ka ẹnị ệ wụ́ ka Isitivini ộ kụ̀ Imosiisi ọnịrị Ohomorihi ụhụ. 12Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị. 13Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị. 14Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.” 15Dị avaba aza ana yaayịtẹ ini ikootu ee re Isitivini goro-goro nị. Di e re ka eyi anị aa zẹtẹ anka eyi anggẹẹrị avọọ nị.
Currently Selected:
Odeyi 6: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Odeyi 6
6
Ọnọgụvọ ịhịmba ana a nyị
1Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị. 2Dị odeyi ẹwụrẹva ẹnẹẹ hị́ avaba ezirẹma ana vọ gụ, dị ẹ ka, “Ẹ yị vọrọ ka ya navọ ịrẹyị Ohomorihi tịtẹ, dị yaa gà ịsọyịrị. 3Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ. 4Ẹyị vaa sị avaba ụmẹ ayịị mẹ̀ aduwa, dị yaa kà ịrẹyị Ohomorihi.”
5Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju. 6Dị ẹ kụ́ wa nọ ịdị odeyi nịnị nị. Dị odeyi nịnị mẹ̀ aduwa yị wa, dị ẹ sị ụvọ tụra wa nị. 7Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.
A va za Isitivini
8Ohomorihi ộ yà pe Isitivini ẹtẹẹtẹrẹ, dị ọ rẹ sị ụkata yọ, dị aa mẹ̀ ụkọrọ ohyozirenu ọnịrị apọtẹrẹwa ịnị akakana aza ẹnẹẹ nị. 9Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata. 10Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị. 11Dị ẹ sị ẹkẹhị ne chire aza ẹnyị irenu ka ẹ̀ kà a ka ẹnị ệ wụ́ ka Isitivini ộ kụ̀ Imosiisi ọnịrị Ohomorihi ụhụ. 12Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị. 13Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị. 14Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.” 15Dị avaba aza ana yaayịtẹ ini ikootu ee re Isitivini goro-goro nị. Di e re ka eyi anị aa zẹtẹ anka eyi anggẹẹrị avọọ nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.