Odeyi 5
5
Ananịya ọnịrị Isahwira ê cheeche
1Â nyị ọnọrụ ọnya aanị ana aā hị́ Ananịya. Ose anị ọ rị Isahwira nị. Ẹnịnị ệ ná ịnị ẹtẹ ẹnịnị, 2dị ọ dà ẹkẹhị anị tẹ yị ẹngụ anị nị. Ose anị ộ yẹ ini oze anị. Dị ọ sị ana vọ vẹ, dị ọ sị va yị odeyi nịnị nị. 3Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ? 4Dị ụ va ná ẹtẹ awụ, ẹwa nyị nị. Ụ mẹ̀ rẹ va sị ọọ ná, ẹwa yị nyị ẹkẹhị anị nị. Sị ẹ vẹ di u ve ro o ịnị ayị awụ ka ụ maanị aa mẹ aanị? Ẹ yị vị ọza u cheeche yị, Ohomorihi u cheeche yị nị o.” 5Ánaniya mẹ̀ maanị wụ́ kẹnẹ, viri dị ọ hyẹdụ nya ẹtẹ di o sú nị. Avaba aza ana wụ́ ọ, angwa ô hí wa ẹtẹẹtẹrẹ. 6Dị ozwọọmụha ẹnyị kwẹẹtẹ, di e chire e ikuma, dị ẹ sị ọ jịnẹ tụ́ ẹhẹ, di e ne ne e nị.
7Ẹhụụ agogo ẹẹta para hu, di ose anị ọnị rẹ ngụ eehi vẹ nị. Ama ọyị yẹ ka â nyị ịsị ẹ mẹ̀. 8Dị Ipita kà a yọ ka, “Kà a mị dị a re, aanị ụ wáá mẹ̀ yị ná ẹtẹ ọnọọ nịnị nị?” Dị ọ ka, “Hịịn, avọọ aa ná a nị.” 9Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.” 10Obooboro, dị ọnị rẹ mẹ viri éteesu ọ́vịdị anị, di o sú nị. Dị ozwọọmụha ẹnẹẹ vẹ, di e re ka ô wusu nị. Dị ẹ rẹ sị ọọ jịnẹ, di e ne ne e pe ọva anị nị. 11Angwa ô hí avaba anịragụ Ohomorihi ọnịrị aza ana vọ, ẹ mẹ̀ wụ́ ọọ.
Aza ệ sị ụbanyị yị anịragụ Ohomorihi
12Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị. 13Ẹ yị nyị ọza ana nyayịnẹ hụra sị ẹngụ va vaka wa, ama aza aa sị ụbanyịị yị wa ẹtẹẹtẹrẹ. 14Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị. 15Dị aza hyakụ aa kụ́ ọnịkụ nịnị tụ́ ịnị odooro ọnịrị ịnị ụvẹnẹ vee hi oze, agụvị Ipita ọ̀ọ zị avọọ para hu, dị ụmọmọ anị ọ̀ và tụra aza ẹnyị ẹnịnị. 16Dị ọkọnị aza hara hụrẹ okokooro Ijerusarẹmị vẹ, dị ẹnị rẹ kụ́ ọnịkụ ẹnịnị ọnịrị aza ana nyị ụhwẹ echu vẹ nị. Dị a mẹ avaba ẹnịnị ụkụ saka-saka nị.
 sị ụya rị odeyi nịnị
17Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị. 18Dị ẹ za odeyi nịnị, dị ẹ kụ́ wa tụ́ ịnị otumare ịjọva nị. 19Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka: 20“Na jẹẹ ini irehi Ohomorihi nịnị, dị ụ waa kà ịrẹyị ẹhẹ ọwọọwa ọnọnịị yị aza nịnị!” 21Ẹ mẹ̀ vavọọ wụ́, ẹnẹnẹ viri-viri dị ẹ na ngụ ini irehi Ohomorihi, dị ẹyaa zụ̀ aza ịsa nị. Ohirẹsụ ọbanyị irehi Ohomorihi beri aza ana yà beri ọ, ệ vẹ, dị ẹ hị́ avaba anikootu gụ ọnịrị avaba ọdọvịdị Anisirẹrị nịnị nị. Dị ẹ tụ́ ka à na kụ́ wa hụụnị otumare vẹ nị. 22Ịjị ọnụtụ ẹnẹẹ na, e yi re wa ini otumare. Dị ẹ varẹma na kà a yị anikootu nị. 23Dị ẹ ka: “I mè tù ini otumare, ye ne tù ka oze vị oyichire nganganga, avaba oserẹtẹ nịnị vị ana yà oze ee sere ẹtẹ. Ama ị mẹ̀ na oze, ye yi re ọzọnyị-ọzọnyị ini eehi!” 24Ịjị ọga iporisi irehi Ohomorihi ọnịrị ohirẹsụ ẹbanyị irehi Ohomorihi maanị wụ́, ô hí wa irenu ka ịrẹyị ịsị aa vẹ aanị? 25Dị ọza ịnya vẹ, dị ọ kà a yị wa ka, “Re! Aza ọnị ụ kụ́ hi ini otumare nịnị, ẹ jẹẹ ini irehi Ohomorihi aa zụ̀ aza ịsa avọọ nọ!” 26Dị ọga ọnọọ ọnịrị ọnụtụ ẹnẹẹ wụsẹ na, dị ẹ na za wa vẹ nị. Ẹ yị sị ụkata za wa, agụvị ka eyee hí angwa ka aza ve ne ẹnị ịrẹta.
27A mẹ̀ raà za odeyi nịnị vẹ, dị a kụ́ wa nọ ọvịdị anikootu nịnị nị. Dị ohirẹsụ ọbanyị irehi Ohomorihi họ̀ wa ka: 28#Imt 27.25“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.” 29Dị Ipita ọnịrị odeyi ana vọ tụ́ ohi, dị ẹ ka, “Â nyị ka ya wụ́ ịrẹyị Ohomorihi hu ọ́ọza. 30Ohomorihi Ada ayị ộ ha Ijeesu hụụnị isu, ọza ọnị ụ kanyị za ọchị apavahị, dị ụ wụ ọ nịnị. 31Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị. 32Ya zụ dọ ivenu tụ́ ịnị ịrẹyị ẹnẹnị. Ụhwẹ Ọnịnị oni Ohomorihi sị yị aza ana wụ́ chire e, ọnị rẹ vị onivenu.” 33Ịjị anikootu maanị wụ́, ayị ẹnịnị ọ sị tụ̀, ana ahịka ẹnịnị ê sì ka ẹnị ẹ̀ wụ odeyi nịnị.
34Â nyị ọza ịnya ini anikootu ẹnẹẹ, ana vị Anihwarisi ana aā hị́ Igamariyẹẹrị. Ọzwọzọda ọ vị nị. Ộ nyị ụbanyị ẹtẹẹtẹrẹ ini eyi avaba aza. Dị ọ ka à kụ́ odeyi ẹnẹẹ jịnẹ tụ́ ẹhẹ chee nị. 35Dị ọ kà a yị anikootu ka, “Ẹwụ nịnị Anisirẹrị, sị eyi pe ẹngụ awụ nịnị ini ịsị u wee sì ka wa mẹ aza ẹnẹnị nịnị aanị o! 36Dị ụmẹ ọnọnị ve tù, Itewudasi ộ vẹ, ka â nyị ịsa ọ́nị vị. Ẹhụụ aza ẹnị akava avọọ (400) ệ saasa a. Â wụ ọ, dị avaba aza ana ka ẹnị vị ezirẹma anị gara hi, dị ịrẹyị anị ta kẹnẹ nị. 37Ịrẹma ọnọọ, ịnị ụmẹ ana aa za aza ịrịka, dị Ijudasi ọnya aanị, Anigariri ọnị rẹ vẹ, dị ọnị rẹ tọ̀ọ́ aza kú ẹngụ nị. Dị a rẹ wụ ọnị, dị aza anị ẹnị rẹ gara hi nị. 38Ịnị ịrẹyị ọnọnị booro aanị, ma kà a wụ nịnị ka asị a nyị ịsị ụ mẹ aza ẹnẹnị nịnị, navọ wa hẹẹ nịnị! Àa vị aza kẹnẹ, ẹ maanị ro ịrẹyị, dị ẹ maanị aa mẹ̀ ụkọrọ nị, o vee vu ẹtẹ. 39Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.” 40Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.
41Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu. 42Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.
Currently Selected:
Odeyi 5: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Odeyi 5
5
Ananịya ọnịrị Isahwira ê cheeche
1Â nyị ọnọrụ ọnya aanị ana aā hị́ Ananịya. Ose anị ọ rị Isahwira nị. Ẹnịnị ệ ná ịnị ẹtẹ ẹnịnị, 2dị ọ dà ẹkẹhị anị tẹ yị ẹngụ anị nị. Ose anị ộ yẹ ini oze anị. Dị ọ sị ana vọ vẹ, dị ọ sị va yị odeyi nịnị nị. 3Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ? 4Dị ụ va ná ẹtẹ awụ, ẹwa nyị nị. Ụ mẹ̀ rẹ va sị ọọ ná, ẹwa yị nyị ẹkẹhị anị nị. Sị ẹ vẹ di u ve ro o ịnị ayị awụ ka ụ maanị aa mẹ aanị? Ẹ yị vị ọza u cheeche yị, Ohomorihi u cheeche yị nị o.” 5Ánaniya mẹ̀ maanị wụ́ kẹnẹ, viri dị ọ hyẹdụ nya ẹtẹ di o sú nị. Avaba aza ana wụ́ ọ, angwa ô hí wa ẹtẹẹtẹrẹ. 6Dị ozwọọmụha ẹnyị kwẹẹtẹ, di e chire e ikuma, dị ẹ sị ọ jịnẹ tụ́ ẹhẹ, di e ne ne e nị.
7Ẹhụụ agogo ẹẹta para hu, di ose anị ọnị rẹ ngụ eehi vẹ nị. Ama ọyị yẹ ka â nyị ịsị ẹ mẹ̀. 8Dị Ipita kà a yọ ka, “Kà a mị dị a re, aanị ụ wáá mẹ̀ yị ná ẹtẹ ọnọọ nịnị nị?” Dị ọ ka, “Hịịn, avọọ aa ná a nị.” 9Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.” 10Obooboro, dị ọnị rẹ mẹ viri éteesu ọ́vịdị anị, di o sú nị. Dị ozwọọmụha ẹnẹẹ vẹ, di e re ka ô wusu nị. Dị ẹ rẹ sị ọọ jịnẹ, di e ne ne e pe ọva anị nị. 11Angwa ô hí avaba anịragụ Ohomorihi ọnịrị aza ana vọ, ẹ mẹ̀ wụ́ ọọ.
Aza ệ sị ụbanyị yị anịragụ Ohomorihi
12Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị. 13Ẹ yị nyị ọza ana nyayịnẹ hụra sị ẹngụ va vaka wa, ama aza aa sị ụbanyịị yị wa ẹtẹẹtẹrẹ. 14Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị. 15Dị aza hyakụ aa kụ́ ọnịkụ nịnị tụ́ ịnị odooro ọnịrị ịnị ụvẹnẹ vee hi oze, agụvị Ipita ọ̀ọ zị avọọ para hu, dị ụmọmọ anị ọ̀ và tụra aza ẹnyị ẹnịnị. 16Dị ọkọnị aza hara hụrẹ okokooro Ijerusarẹmị vẹ, dị ẹnị rẹ kụ́ ọnịkụ ẹnịnị ọnịrị aza ana nyị ụhwẹ echu vẹ nị. Dị a mẹ avaba ẹnịnị ụkụ saka-saka nị.
 sị ụya rị odeyi nịnị
17Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị. 18Dị ẹ za odeyi nịnị, dị ẹ kụ́ wa tụ́ ịnị otumare ịjọva nị. 19Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka: 20“Na jẹẹ ini irehi Ohomorihi nịnị, dị ụ waa kà ịrẹyị ẹhẹ ọwọọwa ọnọnịị yị aza nịnị!” 21Ẹ mẹ̀ vavọọ wụ́, ẹnẹnẹ viri-viri dị ẹ na ngụ ini irehi Ohomorihi, dị ẹyaa zụ̀ aza ịsa nị. Ohirẹsụ ọbanyị irehi Ohomorihi beri aza ana yà beri ọ, ệ vẹ, dị ẹ hị́ avaba anikootu gụ ọnịrị avaba ọdọvịdị Anisirẹrị nịnị nị. Dị ẹ tụ́ ka à na kụ́ wa hụụnị otumare vẹ nị. 22Ịjị ọnụtụ ẹnẹẹ na, e yi re wa ini otumare. Dị ẹ varẹma na kà a yị anikootu nị. 23Dị ẹ ka: “I mè tù ini otumare, ye ne tù ka oze vị oyichire nganganga, avaba oserẹtẹ nịnị vị ana yà oze ee sere ẹtẹ. Ama ị mẹ̀ na oze, ye yi re ọzọnyị-ọzọnyị ini eehi!” 24Ịjị ọga iporisi irehi Ohomorihi ọnịrị ohirẹsụ ẹbanyị irehi Ohomorihi maanị wụ́, ô hí wa irenu ka ịrẹyị ịsị aa vẹ aanị? 25Dị ọza ịnya vẹ, dị ọ kà a yị wa ka, “Re! Aza ọnị ụ kụ́ hi ini otumare nịnị, ẹ jẹẹ ini irehi Ohomorihi aa zụ̀ aza ịsa avọọ nọ!” 26Dị ọga ọnọọ ọnịrị ọnụtụ ẹnẹẹ wụsẹ na, dị ẹ na za wa vẹ nị. Ẹ yị sị ụkata za wa, agụvị ka eyee hí angwa ka aza ve ne ẹnị ịrẹta.
27A mẹ̀ raà za odeyi nịnị vẹ, dị a kụ́ wa nọ ọvịdị anikootu nịnị nị. Dị ohirẹsụ ọbanyị irehi Ohomorihi họ̀ wa ka: 28#Imt 27.25“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.” 29Dị Ipita ọnịrị odeyi ana vọ tụ́ ohi, dị ẹ ka, “Â nyị ka ya wụ́ ịrẹyị Ohomorihi hu ọ́ọza. 30Ohomorihi Ada ayị ộ ha Ijeesu hụụnị isu, ọza ọnị ụ kanyị za ọchị apavahị, dị ụ wụ ọ nịnị. 31Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị. 32Ya zụ dọ ivenu tụ́ ịnị ịrẹyị ẹnẹnị. Ụhwẹ Ọnịnị oni Ohomorihi sị yị aza ana wụ́ chire e, ọnị rẹ vị onivenu.” 33Ịjị anikootu maanị wụ́, ayị ẹnịnị ọ sị tụ̀, ana ahịka ẹnịnị ê sì ka ẹnị ẹ̀ wụ odeyi nịnị.
34Â nyị ọza ịnya ini anikootu ẹnẹẹ, ana vị Anihwarisi ana aā hị́ Igamariyẹẹrị. Ọzwọzọda ọ vị nị. Ộ nyị ụbanyị ẹtẹẹtẹrẹ ini eyi avaba aza. Dị ọ ka à kụ́ odeyi ẹnẹẹ jịnẹ tụ́ ẹhẹ chee nị. 35Dị ọ kà a yị anikootu ka, “Ẹwụ nịnị Anisirẹrị, sị eyi pe ẹngụ awụ nịnị ini ịsị u wee sì ka wa mẹ aza ẹnẹnị nịnị aanị o! 36Dị ụmẹ ọnọnị ve tù, Itewudasi ộ vẹ, ka â nyị ịsa ọ́nị vị. Ẹhụụ aza ẹnị akava avọọ (400) ệ saasa a. Â wụ ọ, dị avaba aza ana ka ẹnị vị ezirẹma anị gara hi, dị ịrẹyị anị ta kẹnẹ nị. 37Ịrẹma ọnọọ, ịnị ụmẹ ana aa za aza ịrịka, dị Ijudasi ọnya aanị, Anigariri ọnị rẹ vẹ, dị ọnị rẹ tọ̀ọ́ aza kú ẹngụ nị. Dị a rẹ wụ ọnị, dị aza anị ẹnị rẹ gara hi nị. 38Ịnị ịrẹyị ọnọnị booro aanị, ma kà a wụ nịnị ka asị a nyị ịsị ụ mẹ aza ẹnẹnị nịnị, navọ wa hẹẹ nịnị! Àa vị aza kẹnẹ, ẹ maanị ro ịrẹyị, dị ẹ maanị aa mẹ̀ ụkọrọ nị, o vee vu ẹtẹ. 39Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.” 40Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.
41Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu. 42Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.