2 Itimoti 4
4
1Wáa yẹ ka ẹkụhị ọnya Ijeesu Ikirisiti vaa vaa vẹ, dị ọ mẹ ka aza ẹ̀ yẹ ka ọnị aa mẹ ịjọva nị. Ọnị ọ rẹ vaa mẹ̀ ọkarẹyị aza ene sú ọnịrị aza ana yára nị. Máa sị Ijeesu ọnọọ ọnịrị Ohomorihi hú wu ụvọ 2ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa! 3Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ. 4Dị e yi, dị ẹyị kụkụ sị ụtọ pe ịzẹyịza, dị ahịka ịtọpa kẹnẹ-kẹnẹ ẹ kụkụ sị ụvọ za nị. 5Ama ewè re ka wáa sị ụvọ za ẹngụ awụ ịnị avaba ịsa! Waa sị ẹngụụ dọ ụya, dị waa kà enube ọyịza anka ụkọrọ awụ! Di u we re ka waa mẹ avaba ụkọrọ awụ saka-saka! 6Àa vị ẹmịị yọ, ma sị ẹngụ tenyi ka à wụ̀ mị anka ịsa ịsọvọ avọọ. Ụmẹ o si tù ka ma hụụnị ẹhẹ ọnọnị. 7Avaba ọpa ọnị mị zụ mẹ, ma sị ọọ mẹ ini echi ọnọnị. Ma sị echi amị zwe ta. Mâ sị eyi pe ịzẹyịza pooro ne tù ọzarẹyịrẹsụ. 8Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.
Ịpọọrụ ộ kà ịrẹyị ẹngụ anị.
9Re ka wée jintu ve tù mi ịzẹnị. 10#Ikor 4.14; Ihwm 1.24; 2 Ịkọ 8.23; Iga 2.3; Ịta 1.4Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya. 11#Ikor 4.14; Ihwm 1.24; Ụkọ 12.12,25; 13.13; 15.37-39; Ikor 4.10; Ihwm 1.24Iruuku kẹnẹ ọ kụkụ jẹẹ pe mi nị. Hị́ Ịmaakị dị ẹwụrị ọ ọ̀ zị vẹ! agụvị ka ọ zụ mẹ ọgụvọ mị ịnị ụkọrọ amị. 12#Ụkọ 20.4; Ẹhw 6.21,22; Ikor 4.7,8Ma raà tụ́ Ịtayịkịkọsị nọ Ẹhwẹsọsị. 13#Ụkọ 20.6Wàaa vẹ, ụ sị awuru ọbanyị amị ọnị mị navọ tụ́ Itirowasị yị Ikaripọsị va mị! Rẹ kụ́ iwe amị va mị bẹẹ! Kụ́ ẹnya ọchẹrịsa ẹnẹẹ beri ọọ. Asị a nyị ka wẹ yị kụ́ ẹnya ọchẹrịsa ẹnẹẹ vẹ. 14#1 Itim 1.20; Ahẹ 62.12; Iro 2.6Ịsị Arẹkịsanda anaā mẹ ụ́hị́ avọọ mẹ mị, óo divi ẹtẹẹtẹrẹ. Ananyị yị o vee sí ọọ atọ avaba ịsa ọ mẹ nị. 15Ẹwụ nyẹmba ọ̀ sị ụvọ za ẹngụ awụ ịnị ụvọ anị, agụvị ka vị ọ nyayịnẹ aa kụ̀ụ hịrẹ ịrẹyị ayị nị. 16Ịhị ịpaapa ọnị mị na kụ́ irenu amị, ẹ yị nyị ọza ana jẹẹ pe mi. Avaba ẹnịnị vị ene zwe kà na yị mị. Ohomorihi ọ̀ navọ asị ọ jị ịvị anị yị wa! 17Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu. 18Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.
Ụkụ́ ọdịrẹma
19 #
Ụkọ 18.2;
2 Itim 1.16,17 Kụ́ Ipirisira ọnịrị Akwira yị mị ne beri aneehi Onesihworọsị. 20#Ụkọ 19.22; Iro 16.23; Ụkọ 20.4; 21.29Ẹrasịtụsị yà Ịkọrịntị, mâ navọ Itirohwimọsị tụ́ Imiretụsị agụvị ka ẹngụ aa zị ọọ. 21Re ka wée jintu vẹ, dị ọgụ ò ve tù. Eyuburusi ọnịrị Ipudeni beri Ịranọsị ne beri Ikirawudiya ka ẹnị kụ́ wụ. Avaba anda ayị ana vọ ka ẹnị rẹ kụ́ wụ. 22Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!
Currently Selected:
2 Itimoti 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Itimoti 4
4
1Wáa yẹ ka ẹkụhị ọnya Ijeesu Ikirisiti vaa vaa vẹ, dị ọ mẹ ka aza ẹ̀ yẹ ka ọnị aa mẹ ịjọva nị. Ọnị ọ rẹ vaa mẹ̀ ọkarẹyị aza ene sú ọnịrị aza ana yára nị. Máa sị Ijeesu ọnọọ ọnịrị Ohomorihi hú wu ụvọ 2ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa! 3Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ. 4Dị e yi, dị ẹyị kụkụ sị ụtọ pe ịzẹyịza, dị ahịka ịtọpa kẹnẹ-kẹnẹ ẹ kụkụ sị ụvọ za nị. 5Ama ewè re ka wáa sị ụvọ za ẹngụ awụ ịnị avaba ịsa! Waa sị ẹngụụ dọ ụya, dị waa kà enube ọyịza anka ụkọrọ awụ! Di u we re ka waa mẹ avaba ụkọrọ awụ saka-saka! 6Àa vị ẹmịị yọ, ma sị ẹngụ tenyi ka à wụ̀ mị anka ịsa ịsọvọ avọọ. Ụmẹ o si tù ka ma hụụnị ẹhẹ ọnọnị. 7Avaba ọpa ọnị mị zụ mẹ, ma sị ọọ mẹ ini echi ọnọnị. Ma sị echi amị zwe ta. Mâ sị eyi pe ịzẹyịza pooro ne tù ọzarẹyịrẹsụ. 8Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.
Ịpọọrụ ộ kà ịrẹyị ẹngụ anị.
9Re ka wée jintu ve tù mi ịzẹnị. 10#Ikor 4.14; Ihwm 1.24; 2 Ịkọ 8.23; Iga 2.3; Ịta 1.4Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya. 11#Ikor 4.14; Ihwm 1.24; Ụkọ 12.12,25; 13.13; 15.37-39; Ikor 4.10; Ihwm 1.24Iruuku kẹnẹ ọ kụkụ jẹẹ pe mi nị. Hị́ Ịmaakị dị ẹwụrị ọ ọ̀ zị vẹ! agụvị ka ọ zụ mẹ ọgụvọ mị ịnị ụkọrọ amị. 12#Ụkọ 20.4; Ẹhw 6.21,22; Ikor 4.7,8Ma raà tụ́ Ịtayịkịkọsị nọ Ẹhwẹsọsị. 13#Ụkọ 20.6Wàaa vẹ, ụ sị awuru ọbanyị amị ọnị mị navọ tụ́ Itirowasị yị Ikaripọsị va mị! Rẹ kụ́ iwe amị va mị bẹẹ! Kụ́ ẹnya ọchẹrịsa ẹnẹẹ beri ọọ. Asị a nyị ka wẹ yị kụ́ ẹnya ọchẹrịsa ẹnẹẹ vẹ. 14#1 Itim 1.20; Ahẹ 62.12; Iro 2.6Ịsị Arẹkịsanda anaā mẹ ụ́hị́ avọọ mẹ mị, óo divi ẹtẹẹtẹrẹ. Ananyị yị o vee sí ọọ atọ avaba ịsa ọ mẹ nị. 15Ẹwụ nyẹmba ọ̀ sị ụvọ za ẹngụ awụ ịnị ụvọ anị, agụvị ka vị ọ nyayịnẹ aa kụ̀ụ hịrẹ ịrẹyị ayị nị. 16Ịhị ịpaapa ọnị mị na kụ́ irenu amị, ẹ yị nyị ọza ana jẹẹ pe mi. Avaba ẹnịnị vị ene zwe kà na yị mị. Ohomorihi ọ̀ navọ asị ọ jị ịvị anị yị wa! 17Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu. 18Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.
Ụkụ́ ọdịrẹma
19 #
Ụkọ 18.2;
2 Itim 1.16,17 Kụ́ Ipirisira ọnịrị Akwira yị mị ne beri aneehi Onesihworọsị. 20#Ụkọ 19.22; Iro 16.23; Ụkọ 20.4; 21.29Ẹrasịtụsị yà Ịkọrịntị, mâ navọ Itirohwimọsị tụ́ Imiretụsị agụvị ka ẹngụ aa zị ọọ. 21Re ka wée jintu vẹ, dị ọgụ ò ve tù. Eyuburusi ọnịrị Ipudeni beri Ịranọsị ne beri Ikirawudiya ka ẹnị kụ́ wụ. Avaba anda ayị ana vọ ka ẹnị rẹ kụ́ wụ. 22Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.