2 Itimoti 3
3
Ịsị ẹ vaa mẹ ịnị ụmẹ ọdịrẹma
1Tamayị ka ẹtẹ vaa katẹngụ ịnị ụmẹ ọdịrẹma, 2agụvị ka aza vị ene kuku vee sì ịrẹyị ẹngụ ẹnịnị kẹnẹ, dị ẹyaa họ́họ̀ha, dị ẹ rẹ yaa mẹ eyi, dị ẹyaa sị ẹngụụ tụ́ ẹba. Dị ẹyaa kụ́ aza ụhụ, dị ẹyaa mẹ akamawụụ hi aza ana ma wa, dị ẹyị kụkụ yẹ ẹyịza, dị ẹyị yẹ Ohomorihi. 3E yi kuku vee ro ịrẹyịị yị ọza; ẹnịrị aza ẹ̀ẹ zyaazị, e mē vene ze; dị eyee du ọza ịrẹsụ. Dị ẹyị zụ sị ụvọ za ẹngụ ẹnịnị, dị ẹyaa mẹ anka uye ịnị avị avọọ, dị ẹyaa nyị ịhyẹrẹ ịsa ene zoza. 4Dị ẹyaa sị ọzaa chire ọnịvị anị ụvọ, dị ẹyaa mẹ̀ ebira eneē chire ọza angwa, dị eyee wù ịka. Dị a hị́ ka ịsa ẹhẹ ọnọnị kẹnẹ e sì ịrẹyị anị nị, dị e yi sí ịrẹyị Ohomorihi. 5Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ! 6Dị aza ẹnyị ẹnịnị sị irikichi na ngụ ini eehi aza, dị e ne vene anyẹnẹẹ ẹnẹ ẹ̀ yị yẹ ịrẹyị, dị ẹ za wa. Ẹngụ anẹẹ ẹnẹẹ vị ọnị ịvị sị ngụ tịtẹ, dị ẹ kụkụ yà ịnị ụvọ avaba ịsa ọnị ọchẹngụ ẹnịnị òo sì kẹnẹ. 7Ẹngụ anẹẹ ẹnẹẹ vị eneē sì ka ẹnị ẹ̀ẹ sị ụtọọ pe ọza pooro, ama a mā nyị ụmẹ ẹnẹ ẹ va zụ sị yẹ ịzẹyịza. 8#Kụra 7.11Ịyẹẹyẹ, Ijanesi ọnịrị Ijambire ệ kụ̀ hịrẹ Imosiisi; avọọ gẹdẹ-gẹdẹ aza ẹnẹnị mẹ̀ẹ̄ kụ̀ụ hịrẹ ịzẹyịza nị. Ayị ẹnịnị eyi kuku zoza; Ohomorihi ọ sị wa yi tịtẹ, agụvị ka ẹyị nyị ịzẹyịza. 9Ama ẹ́ yị nyị ịzị eyee tù, agụvị ka avaba aza vee re ụra ẹnẹ ẹyaa mẹ. Avọọ avaba aza mè re re ụra Ijanesi ọnịrị Ijambire nị.
Iwọjị ọdịrẹma
10Ama ẹwa raà saasa avaba ịsị mị sịị̄ zụ̀ aza, ọnịrị ebira ọnị mịị̄ mẹ beri ịsị miī sì ịnị ẹhẹ. Wa rẹ saasa mị ini oze ọnị mị zị sị ayị tụra Ohomorihi, dị mị nyị isuuru, di mee sì ịrẹyị aza, dị mị rẹ sị ẹngụ dọ ụya. 11#Ụkọ 13.14-52; Ụkọ 14.1-7; Ụkọ 14.8-20Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị. 12Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa. 13Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị. 14Ẹwà yị jẹẹ pe ịzẹyịza ana a raà sị zụ̀ wụ, dị ụ rẹ sị ọọ dọ wụ́! Wâ yẹ aza ana sị zụ̀ wụ. 15Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há. 16Ohomorihi ọ mẹ ka à chẹrẹ avaba Iwe anị tịtẹ nị. Iwe ọnọọ ọ zụ sị sị ịzẹyịza zụ̀ aza, ọ rẹ zụ tụ́ ọza ohuvọ, ọ zụ vọrọ ọza zị oze, a rẹ zụ sị pe ọza juwe, a mẹmẹ vọrọ ka ọza ọ̀ọ mẹ̀ ebira ana vọrọ. 17Ọ vaa mẹ ka ọza Ohomorihi ò zụ tenyi ẹngụ ẹtẹẹtẹrẹ, dị ọ̀ rẹ nyị avaba ịsị a vọrọ ka ọ̀ sịị mẹ avaba ụkọrọ ozoza.
Currently Selected:
2 Itimoti 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Itimoti 3
3
Ịsị ẹ vaa mẹ ịnị ụmẹ ọdịrẹma
1Tamayị ka ẹtẹ vaa katẹngụ ịnị ụmẹ ọdịrẹma, 2agụvị ka aza vị ene kuku vee sì ịrẹyị ẹngụ ẹnịnị kẹnẹ, dị ẹyaa họ́họ̀ha, dị ẹ rẹ yaa mẹ eyi, dị ẹyaa sị ẹngụụ tụ́ ẹba. Dị ẹyaa kụ́ aza ụhụ, dị ẹyaa mẹ akamawụụ hi aza ana ma wa, dị ẹyị kụkụ yẹ ẹyịza, dị ẹyị yẹ Ohomorihi. 3E yi kuku vee ro ịrẹyịị yị ọza; ẹnịrị aza ẹ̀ẹ zyaazị, e mē vene ze; dị eyee du ọza ịrẹsụ. Dị ẹyị zụ sị ụvọ za ẹngụ ẹnịnị, dị ẹyaa mẹ anka uye ịnị avị avọọ, dị ẹyaa nyị ịhyẹrẹ ịsa ene zoza. 4Dị ẹyaa sị ọzaa chire ọnịvị anị ụvọ, dị ẹyaa mẹ̀ ebira eneē chire ọza angwa, dị eyee wù ịka. Dị a hị́ ka ịsa ẹhẹ ọnọnị kẹnẹ e sì ịrẹyị anị nị, dị e yi sí ịrẹyị Ohomorihi. 5Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ! 6Dị aza ẹnyị ẹnịnị sị irikichi na ngụ ini eehi aza, dị e ne vene anyẹnẹẹ ẹnẹ ẹ̀ yị yẹ ịrẹyị, dị ẹ za wa. Ẹngụ anẹẹ ẹnẹẹ vị ọnị ịvị sị ngụ tịtẹ, dị ẹ kụkụ yà ịnị ụvọ avaba ịsa ọnị ọchẹngụ ẹnịnị òo sì kẹnẹ. 7Ẹngụ anẹẹ ẹnẹẹ vị eneē sì ka ẹnị ẹ̀ẹ sị ụtọọ pe ọza pooro, ama a mā nyị ụmẹ ẹnẹ ẹ va zụ sị yẹ ịzẹyịza. 8#Kụra 7.11Ịyẹẹyẹ, Ijanesi ọnịrị Ijambire ệ kụ̀ hịrẹ Imosiisi; avọọ gẹdẹ-gẹdẹ aza ẹnẹnị mẹ̀ẹ̄ kụ̀ụ hịrẹ ịzẹyịza nị. Ayị ẹnịnị eyi kuku zoza; Ohomorihi ọ sị wa yi tịtẹ, agụvị ka ẹyị nyị ịzẹyịza. 9Ama ẹ́ yị nyị ịzị eyee tù, agụvị ka avaba aza vee re ụra ẹnẹ ẹyaa mẹ. Avọọ avaba aza mè re re ụra Ijanesi ọnịrị Ijambire nị.
Iwọjị ọdịrẹma
10Ama ẹwa raà saasa avaba ịsị mị sịị̄ zụ̀ aza, ọnịrị ebira ọnị mịị̄ mẹ beri ịsị miī sì ịnị ẹhẹ. Wa rẹ saasa mị ini oze ọnị mị zị sị ayị tụra Ohomorihi, dị mị nyị isuuru, di mee sì ịrẹyị aza, dị mị rẹ sị ẹngụ dọ ụya. 11#Ụkọ 13.14-52; Ụkọ 14.1-7; Ụkọ 14.8-20Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị. 12Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa. 13Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị. 14Ẹwà yị jẹẹ pe ịzẹyịza ana a raà sị zụ̀ wụ, dị ụ rẹ sị ọọ dọ wụ́! Wâ yẹ aza ana sị zụ̀ wụ. 15Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há. 16Ohomorihi ọ mẹ ka à chẹrẹ avaba Iwe anị tịtẹ nị. Iwe ọnọọ ọ zụ sị sị ịzẹyịza zụ̀ aza, ọ rẹ zụ tụ́ ọza ohuvọ, ọ zụ vọrọ ọza zị oze, a rẹ zụ sị pe ọza juwe, a mẹmẹ vọrọ ka ọza ọ̀ọ mẹ̀ ebira ana vọrọ. 17Ọ vaa mẹ ka ọza Ohomorihi ò zụ tenyi ẹngụ ẹtẹẹtẹrẹ, dị ọ̀ rẹ nyị avaba ịsị a vọrọ ka ọ̀ sịị mẹ avaba ụkọrọ ozoza.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.