2 Ohinọyị 20
20
Ẹngụ mẹmẹ zị Ihezekaya dị ọ va nịya
(Ayị 38.1-8,21-22; 2 Ịtọ 32.24-26)
1Â nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị. 2Di Ihezekaya va eyi ka ugene, dị ộ mẹ̀ aduwa hi Ẹnẹyịmavara nị. 3Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị. 4Dị Ayịsaya va jịnẹ hụụnị ịnị akakana ohweje ohinọyị, Ẹnẹyịmavara pè e kà ịrẹyị nị. 5Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị. 6Ọnị vaa da ịrayị ẹwụrẹhị tụ́ ịnị ẹhẹ anị yọ. Ọnị rẹ vaa dọ ọnịrị ẹkụra ọnọọ ha hụụnị ụvọ ohinọyị Anasiriya. Ọnị vaa vụ ịrẹvụ yị ẹkụra ọnọọ agụvị ịrẹha anị ọnịrị agụvị ozi ahụ anị Idevidi. 7Ayịsaya kà ezi ahụ ohinọyị ẹ kụ́ ihwigi di e si kú ịtahụ anị dị ẹngụ anị nịya nị. 8Ihezekaya ộ vịdị họ̀ Ayịsaya ka, sị ẹ vaa vị apọtẹrẹwa ka Ẹnẹyịmavara vaa sị ẹngụ anị nịya, dị ọnị nọ ịnị irehi anị ịhyẹgwẹta nị? 9Dị Ayịsaya tụ́ ọ ohi ka apọtẹrẹwa ọnị Ẹnẹyịmavara vaa sị zụ ka ọnị vaa mẹ ịsị ọnị ka yị: ụmọmọ vaa nọ ọvịdị ahụ ẹẹwụ, dị ọ rẹ va nọ ịrẹma ahụ ẹẹwụ. 10Ihezekaya ô tụ́ ohi kà ụmọmọ ọ zụ nọ ọvịdị ahụ ẹẹwụ ama ọ nyị akanya dị ọ vavẹ ịrẹma ahụ ẹẹwụ. 11Ọnịsẹ Ayịsaya ô mẹ̀ aduwa hi Ẹnẹyịmavara, dị ọ mẹ̀ ka ụmọmọ ọ zị ụsẹ vavẹ ịrẹma ahụ ẹẹwụ ịrẹsụ ode Ahazi nị.
Ọnụtụ nịnị ana hụrị Ịbabịrọnị vẹ
(Ayị 39.1-8)
12Ịnị ụmẹ ọnọnị gẹdẹ-gẹdẹ Imerodachị-Ibaradanị, ozi Ibaradanị ana vị ohinọyị Ịbabịrọnị sị wụ́ ka ẹngụ aa zị Ihezekaya nị. Agụvị avọọ ộ chẹrẹ iwe, dị ọ sị ẹyịza beri ọ tụ́ hi Ihezekaya nị. 13Ihezekaya ộ sì ọnụtụ ẹnẹẹ ọzọga, dị ọ sị ogu ọnị ọ nyị zụ wa nị. Ộ sị igooru, isiriva, eturare, ohuru-ohuru ọnịrị enyinyi ne beri ẹnya ịrẹkụ isoja anị zụ wa. Ẹ yị rẹ va nyị ịsa anị ene hi ịnị aku anaā sịị ịsa tẹ̀ aha tụra aha ini ẹtẹ anị ọnị Ihezekaya ọ yị sị zụ́ wa. 14Dị ọnịsẹ Ayịsaya ne tụ ohinọyị Ihezekaya, dị ọ họ̀ ọ ka ịzị aza ẹnẹẹ hụrẹ vẹ? Ịsị ẹ ka yọ? Dị Ihezekaya kà Ịbabịrọnị, aha ene noze ẹ hụrẹ vẹ nị. 15Dị Ayịsaya rẹ họ̀ ohinọyị ka ịsa o re ini irehi anị nị? Dị Ihezekaya va ohi yị ọ ka avaba ogu ọnị ọnị nyị. Ẹ yị nyị ịsa ẹ vọ tụ́ ịnị aku ana kú ẹnya hi ọnị ẹnịnị e yi re. 16Ayịsaya kà yị ohinọyị Ihezekaya ka Ẹnẹyịmavara Ochẹtẹẹngụ ka 17#2 Ohi 24.13; 2 Ịtọ 36.10Ẹkụhị aa vẹ a vaa kụ́ avaba ịsa ene hi ịnị irehi anị, ọnịrị avaba ịsa ọnị ohiku ẹnịnị raà kụ́ tẹ̀ va ngụ ụmẹ ọnọọ nọ Ịbabịrọnị, Ẹnẹyịmavara kà ẹ yị nyị ịsa ana vaa vọ. 18#2 Ohi 24.14,15; Ịda 1.1-7Ezi ẹnịnị ẹnyị ana a vaa mà vị ana vaa za ọrịhị nọ ẹkụra ọsa, dị a mẹ̀ wa osuretu tu ịnị eehi ohinọyị Ịbabịrọnị. 19Dị Ihezekaya tụ́ Ayịsaya ohi ka ịrẹyị Ẹnẹyịmavara ọnị ọ kà o zoza. Ama ọnị ô ro o, Áa vaa nyị ẹngwọọrọ ọnịrị ọyịtụreyi ịnị ụmẹ anị?
Ẹtaha Ohinọyị Ihezekaya
(2 Ịtọ 32.32-33)
20Avaba ịsa ọnị Ihezekaya mẹ̀ vị ana a chẹrẹ tụ́ ịnị iwe ịtọpa ohinọyị Ijuda nịnị. Ịnị ụmẹ anị ộ dà uruku enyi, dị ọ chị ụsị ọnị enyi aa zị ngụ ẹkụra, dị ọ sị ayọvị mẹ̀ ịsa irenyi-irenyi. 21Ịrẹma ịsa ẹnịnị, Ihezekaya su ne tụ́ ohiku ẹnịnị nị ozi anị ana a hị́ Ịmanasẹ ộ rị ohinọyị dọ ada anị ịrẹsụ nị.
Currently Selected:
2 Ohinọyị 20: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 20
20
Ẹngụ mẹmẹ zị Ihezekaya dị ọ va nịya
(Ayị 38.1-8,21-22; 2 Ịtọ 32.24-26)
1Â nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị. 2Di Ihezekaya va eyi ka ugene, dị ộ mẹ̀ aduwa hi Ẹnẹyịmavara nị. 3Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị. 4Dị Ayịsaya va jịnẹ hụụnị ịnị akakana ohweje ohinọyị, Ẹnẹyịmavara pè e kà ịrẹyị nị. 5Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị. 6Ọnị vaa da ịrayị ẹwụrẹhị tụ́ ịnị ẹhẹ anị yọ. Ọnị rẹ vaa dọ ọnịrị ẹkụra ọnọọ ha hụụnị ụvọ ohinọyị Anasiriya. Ọnị vaa vụ ịrẹvụ yị ẹkụra ọnọọ agụvị ịrẹha anị ọnịrị agụvị ozi ahụ anị Idevidi. 7Ayịsaya kà ezi ahụ ohinọyị ẹ kụ́ ihwigi di e si kú ịtahụ anị dị ẹngụ anị nịya nị. 8Ihezekaya ộ vịdị họ̀ Ayịsaya ka, sị ẹ vaa vị apọtẹrẹwa ka Ẹnẹyịmavara vaa sị ẹngụ anị nịya, dị ọnị nọ ịnị irehi anị ịhyẹgwẹta nị? 9Dị Ayịsaya tụ́ ọ ohi ka apọtẹrẹwa ọnị Ẹnẹyịmavara vaa sị zụ ka ọnị vaa mẹ ịsị ọnị ka yị: ụmọmọ vaa nọ ọvịdị ahụ ẹẹwụ, dị ọ rẹ va nọ ịrẹma ahụ ẹẹwụ. 10Ihezekaya ô tụ́ ohi kà ụmọmọ ọ zụ nọ ọvịdị ahụ ẹẹwụ ama ọ nyị akanya dị ọ vavẹ ịrẹma ahụ ẹẹwụ. 11Ọnịsẹ Ayịsaya ô mẹ̀ aduwa hi Ẹnẹyịmavara, dị ọ mẹ̀ ka ụmọmọ ọ zị ụsẹ vavẹ ịrẹma ahụ ẹẹwụ ịrẹsụ ode Ahazi nị.
Ọnụtụ nịnị ana hụrị Ịbabịrọnị vẹ
(Ayị 39.1-8)
12Ịnị ụmẹ ọnọnị gẹdẹ-gẹdẹ Imerodachị-Ibaradanị, ozi Ibaradanị ana vị ohinọyị Ịbabịrọnị sị wụ́ ka ẹngụ aa zị Ihezekaya nị. Agụvị avọọ ộ chẹrẹ iwe, dị ọ sị ẹyịza beri ọ tụ́ hi Ihezekaya nị. 13Ihezekaya ộ sì ọnụtụ ẹnẹẹ ọzọga, dị ọ sị ogu ọnị ọ nyị zụ wa nị. Ộ sị igooru, isiriva, eturare, ohuru-ohuru ọnịrị enyinyi ne beri ẹnya ịrẹkụ isoja anị zụ wa. Ẹ yị rẹ va nyị ịsa anị ene hi ịnị aku anaā sịị ịsa tẹ̀ aha tụra aha ini ẹtẹ anị ọnị Ihezekaya ọ yị sị zụ́ wa. 14Dị ọnịsẹ Ayịsaya ne tụ ohinọyị Ihezekaya, dị ọ họ̀ ọ ka ịzị aza ẹnẹẹ hụrẹ vẹ? Ịsị ẹ ka yọ? Dị Ihezekaya kà Ịbabịrọnị, aha ene noze ẹ hụrẹ vẹ nị. 15Dị Ayịsaya rẹ họ̀ ohinọyị ka ịsa o re ini irehi anị nị? Dị Ihezekaya va ohi yị ọ ka avaba ogu ọnị ọnị nyị. Ẹ yị nyị ịsa ẹ vọ tụ́ ịnị aku ana kú ẹnya hi ọnị ẹnịnị e yi re. 16Ayịsaya kà yị ohinọyị Ihezekaya ka Ẹnẹyịmavara Ochẹtẹẹngụ ka 17#2 Ohi 24.13; 2 Ịtọ 36.10Ẹkụhị aa vẹ a vaa kụ́ avaba ịsa ene hi ịnị irehi anị, ọnịrị avaba ịsa ọnị ohiku ẹnịnị raà kụ́ tẹ̀ va ngụ ụmẹ ọnọọ nọ Ịbabịrọnị, Ẹnẹyịmavara kà ẹ yị nyị ịsa ana vaa vọ. 18#2 Ohi 24.14,15; Ịda 1.1-7Ezi ẹnịnị ẹnyị ana a vaa mà vị ana vaa za ọrịhị nọ ẹkụra ọsa, dị a mẹ̀ wa osuretu tu ịnị eehi ohinọyị Ịbabịrọnị. 19Dị Ihezekaya tụ́ Ayịsaya ohi ka ịrẹyị Ẹnẹyịmavara ọnị ọ kà o zoza. Ama ọnị ô ro o, Áa vaa nyị ẹngwọọrọ ọnịrị ọyịtụreyi ịnị ụmẹ anị?
Ẹtaha Ohinọyị Ihezekaya
(2 Ịtọ 32.32-33)
20Avaba ịsa ọnị Ihezekaya mẹ̀ vị ana a chẹrẹ tụ́ ịnị iwe ịtọpa ohinọyị Ijuda nịnị. Ịnị ụmẹ anị ộ dà uruku enyi, dị ọ chị ụsị ọnị enyi aa zị ngụ ẹkụra, dị ọ sị ayọvị mẹ̀ ịsa irenyi-irenyi. 21Ịrẹma ịsa ẹnịnị, Ihezekaya su ne tụ́ ohiku ẹnịnị nị ozi anị ana a hị́ Ịmanasẹ ộ rị ohinọyị dọ ada anị ịrẹsụ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.