2 Ohinọyị 15
15
Ịrẹyị Uziya ohinọyị Íjuda
(2 Ịtọ 26.1-23)
1Ịnị ana tụ ọ ịrayị ohurịhịmba ọnị Ijerobowami ọhụva rị ohinọyị Ísirẹrị, Uziya ozi Amaziya ộ rị ohinọyị Íjuda. 2Ozi ịrayị ẹwụrịhịnọnyị ọ vị dị ọ vara ohinọyị nị. Ijerusarẹmị ọ yà dị ọ́ mẹ ohinọyị anị ịrayị ẹvarẹwụ tụra ẹẹva nị. Ịrẹha ọnyị anị ọ rị Ijekoriya ana vị Anijerusarẹmị nị. 3Ộ saasa ebira ọyịza ada anị, dị ọ mẹ̀ ịsa ana vọrọ ini eyi Ẹnẹyịmavara nị. 4Ama ịzị aza anaā hẹkẹ ori nịnị yaā mẹ ori vị ẹnẹ ẹ́ yị navọ tịtẹ, dị aza aa yịị nọ ịzọọ naa mẹ̀ ịsọvọ, dị ẹyaa rị eturare ịra ịzọọ nị. 5Ẹnẹyịmavara ộ tụ́ Uziya ụkụ ọbanyị ana yarị ọ pooro di o su. Ini irehi irenyi ọ vana ra nị. Ẹ yị vana kụkụ mẹ̀ ụkọrọ ọnyọọnyị, dị ahịka Ijotami ozi anị ọ vana si eyi pe irehi ohinọyị dị aa mẹ ịjọva ẹkụra nị. 6Â chẹrẹ avaba ịsa ana vọ ọnị Uziya mẹ hi ini iwe ịtọpa ohinọyị Íjuda nịnị. 7#Ayị 6.1Uziya ô sú, di e ne e tụ ịzị eē ne oku ohinọyị nini ẹkụra Idevidi nị, di Ijotami ozi anị rị ohinọyị dọ ọ ịrẹsụ nị.
Ịrẹyị Ịzakaraya ohinọyị Ísirẹrị
8Ịnị ana tụ ọ ịrayị ohurẹẹwụ tụra ịhịnta ọnị Uziya rị ohinọyị Ijuda, Ịzakaraya ozi Ijerobowami ọhụva ộ rị ohinọyị Isirẹrị. Ịsamarịya ọ yà mẹ ohinọyị anị ụhwẹ ịhịnọnyị nị. 9Ộ mẹ̀ ebira odivi hi Ẹnẹyịmavara, anka aza ana vịdị mẹ ohinọyị tụ ọ. Ộ hama ebira odivi Íjerobowami ozi Inebati ana kụ Anisirẹrị nịnị na mẹ ịvị. 10Ịsarọmị ozi Ijabesi ộ kụ aza kwẹẹtẹ tu Ịzakaraya, dị ẹ wụ̀ ọ ịzị aā hị́ Ibiriyami, dị Ịsarọmị rị ohinọyị dọ ọ ịrẹsụ nị. 11Â chẹrẹ avaba ịsa ana vọ ọnị Ịzakaraya mẹ hi ini iwe ịtọpa ohinọyị Ísirẹrị nịnị. 12#2 Ohi 10.30Aanị Ẹnẹyịmavara mẹmẹ sị oto oni o wo yị Ijehu sẹ nị. Ộ vịdị kà a ka: Ezi ewu hùuu na ngụ ẹmaazị awụ vaa rị ohinọyị Ísirẹrị.
Ịrẹyị Ịsarọmị ohinọyị Isirẹrị
13Ịnị ana tụ ọ ịrayị ohurẹẹwụ tụra ịhịịna ọnị Uziya rị ohinọyị Íjuda, Ịsarọmị ozi Ijabesi ộ rị ohinọyị Ísirẹrị, Ịsamarịya ọ́ yà mẹ ohinọyị anị ụhwẹ ọnya nị. 14Â nyị ọnọrụ ana aā hị́ Imenahemi ozi Igadi. Ộ hụrẹ ịzị aā hị́ Itiriza nọ Ịsamarịya, dị ọ na wụ Ịsarọmị nị. Ọ sị ọ wụ, dị ọ rị ohinọyị dọ ọ ịrẹsụ. 15Â chẹrẹ avaba ịsa ana vọ ọnị Ịsarọmị mẹ, beri ọ̀ mẹmẹ kụ aza ku ẹngụ mẹ̀ ịsa odivi hi ini iwe ịtọpa ohinọyị Ísirẹrị nịnị. 16Ímenahemi mẹ̀ vavọọ hụrị Itiriza aa na, ô vu ẹkụra ana aā hị́ Itapuwa ọnịrị Anịzọọ beri ẹkụra ana kara a ẹtẹ bemi-bemi, agụvị ka Anẹkụra ọnọọ ẹ yị dọ yọ ọ́ vavọọ sị mẹ̀ ẹ nị. Ọnịrẹẹ nịnị ene hi ịzọọ vị ọnị ọ́ ha ịnẹ bẹẹ.
Ịrẹyị Imenahemi ohinọyị Ísirẹrị
17Ịnị ana tụ ọ ịrayị ohurẹẹwụ tụra ịhịịna ọnị Azarịya rị ohinọyị Ijuda, Imenahemi ozi Igadi ộ rị ohinọyị Ísirẹrị ẹẹwụ nị. 18Ộ mẹ̀ ebira odivi hi Ẹnẹyịmavara, agụvị ka, pooro di o su, vị ọ hama ebira odivi ohinọyị Ijerobowami, ozi Inebati, ana kụ Anisirẹrị nịnị na mẹ ịvị nị. 19Â nyị ohinọyị Anasiriya ana aā hị́ Itigirati Ipiresa. Ẹkụhị ọnya, ộ kụ ịrẹkụ nọ ẹtẹ Isirẹrị, dị Imenahemi sị isiriva ikirogirami akawụ-akawụ oze ẹwụrịhịmbaa yọ ka ọ̀ gụ ọnị ụvọ, dị ọnị ọ̀ nyị ụkata tụra ẹkụra anị ịrẹsụ nị. 20Opisa Anisirẹrị nịnị, Imenahemi dọ ẹkẹhị ọnọnị nị. Ộ sị ụkata za ọzịnya-ọzịnya ka ẹ̀ tụ́ isiriva ẹvarẹwụ-ẹvarẹwụ. Ọsọnị ọ mẹ ka Itigirati Iparisa ọ varẹma hụrị Ísirẹrị nọ ẹkụra anị nị. 21Â chẹrẹ avaba ịsa ana vọ ọnị Imenahemi mẹ hi ini iwe ịtọpa ohinọyị Ísirẹrị nịnị. 22Ộ su, di e ne e nị, di Ịpẹkahịya ozi anị rị ohinọyị dọ ọ ịrẹsụ nị. 23Ịnị ana tụ ọ ịrayị ẹvarẹwụ ọnị Azarịya rị ohinọyị Ijuda, Ịpẹkahịya ozi Imenahemi ộ rị ohinọyị Isirẹrị. Ịsamarịya ọ yà, dị ọ mẹ ohinọyị anị ịrayị ẹẹva nị. 24Ộ mẹ̀ ebira odivi hi Ẹnẹyịmavara; ộ hama ebira odivi Ijerobowami ozi Ịnẹbatị, ana kụ́ Anisirẹrị nịnị na mẹ ịvị. 25Â nyị ọga isoja Ịpẹkahịya ọnya, ana aā hị́ Ịpẹka ozi Iremaraya. Ộ kụ anọrụ Anigiriyadi ẹnị ẹvarẹwụ vaka ẹngụ, dị ẹ wụ Ịpẹkahịya tụ ini aku irehi ohinọyị ana ya Ịsamarịya nị. Ộ sị ọ wụ, dị ọ rị ohinọyị dọ ọ ịrẹsụ nị. 26Â chẹrẹ avaba ịsa ana vọ ọnị Ịpẹkahịya mẹ hi ini iwe ịtọpa ohinọyị Ísirẹrị nịnị.
Ịpẹka ộ mẹ̀ ohinọyị yị Isirẹrị
27Ịnị ana tụ ọ ịrayị ẹvarẹwụ tụra ẹẹva ọnị Azarịya rị ohinọyị Íjuda, Ịpẹka ozi Ịrẹmarịya ộ rị ohinọyị Ísirẹrị. Ịsamarịya ọ yà, dị ọ mẹ ohinọyị anị ịrayị oohu nị. 28Ộ mẹ̀ ebira odivi hi Ẹnẹyịmavara, agụvị ka ộ hama ebira odivi Ijerobowami ozi Ịnẹbatị, ana kụ Anisirẹrị nịnị na mẹ ịvị. 29Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya. 30Ịnị ịrayị ana tụ ọ ịrayị oohu ọnị Ijotami ozi Uziya rị ohinọyị Íjuda, Ihoseya ozi Ẹra ô sì iruvo ohinọyị Ịpẹka, dị ọ wụ̀ ọ nị. Ọ mẹ sị ọ wụ̀, dị ọ́ rị ohinọyị dọ ọ ịrẹsụ nị. 31Â chẹrẹ avaba ịsa ana vọ ọnị Ịpẹka mẹ hi ini iwe ịtọpa ohinọyị Ísirẹrị nị.
Ịrẹyị Ijotami ohinọyị Ijuda
(2 Ịtọ 27.1-9)
32Ịnị ana tụ ọ ịrayị ọhụva ọnị Ịpẹka ozi Ịrẹmarịya rị ohinọyị Ísirẹrị, Ijotami ozi Uziya ộ rị ohinọyị Íjuda. 33Ozi ịrayị ohurẹẹhị ọ vị dị ọ́ rị ohinọyị nị, dị ọ yà Ijerusarẹmị mẹ ohinọyị anị ịrayị ẹwụrịhịnọnyị nị. Ịrẹha ọnyị anị ọ rị Ijerusa ana vị ozi Ịzadọkị nị. 34Ijotami ộ hama Uziya ada anị, dị ọ mẹ̀ ịsa ene hine Ẹnẹyịmavara nị. 35Ama ệ navọ ịzị aza anaā hẹkẹ ori nịnị yàa mẹ ori tịtẹ. Dị aza aa yịị nọ ịzọọ naa mẹ̀ ịsọvọ, dị ẹ rẹ yaa rị eturare ịra ịzọọ nị. Ijotami ọ dà oze ọbanyị ana yà eyi ẹbẹẹba Irehi Ẹnẹyịmavara nị. 36Â chẹrẹ avaba ịsa ana vọ ọnị Ijotami mẹ hi ini iwe ịtọpa ohinọyị Íjuda nịnị. 37Ụmẹ ọnị Ijotami sị vị ohinọyị ọ vị ịpaapa ọnị Ẹnẹyịmavara tụ́ Irezini ohinọyị Ísiriya ọnịrị Ịpẹka ohinọyị Ísirẹrị ka ẹ̀ kụ́ ịrẹkụ vẹ Ijuda nị. 38Ijotami ô su, di e ne e ịzị eē ne oku ohinọyị nịnị ẹkụra Idevidi nị; dị Ahazi ozi anị rị ohinọyị dọ ọ ịrẹsụ nị.
Currently Selected:
2 Ohinọyị 15: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 15
15
Ịrẹyị Uziya ohinọyị Íjuda
(2 Ịtọ 26.1-23)
1Ịnị ana tụ ọ ịrayị ohurịhịmba ọnị Ijerobowami ọhụva rị ohinọyị Ísirẹrị, Uziya ozi Amaziya ộ rị ohinọyị Íjuda. 2Ozi ịrayị ẹwụrịhịnọnyị ọ vị dị ọ vara ohinọyị nị. Ijerusarẹmị ọ yà dị ọ́ mẹ ohinọyị anị ịrayị ẹvarẹwụ tụra ẹẹva nị. Ịrẹha ọnyị anị ọ rị Ijekoriya ana vị Anijerusarẹmị nị. 3Ộ saasa ebira ọyịza ada anị, dị ọ mẹ̀ ịsa ana vọrọ ini eyi Ẹnẹyịmavara nị. 4Ama ịzị aza anaā hẹkẹ ori nịnị yaā mẹ ori vị ẹnẹ ẹ́ yị navọ tịtẹ, dị aza aa yịị nọ ịzọọ naa mẹ̀ ịsọvọ, dị ẹyaa rị eturare ịra ịzọọ nị. 5Ẹnẹyịmavara ộ tụ́ Uziya ụkụ ọbanyị ana yarị ọ pooro di o su. Ini irehi irenyi ọ vana ra nị. Ẹ yị vana kụkụ mẹ̀ ụkọrọ ọnyọọnyị, dị ahịka Ijotami ozi anị ọ vana si eyi pe irehi ohinọyị dị aa mẹ ịjọva ẹkụra nị. 6Â chẹrẹ avaba ịsa ana vọ ọnị Uziya mẹ hi ini iwe ịtọpa ohinọyị Íjuda nịnị. 7#Ayị 6.1Uziya ô sú, di e ne e tụ ịzị eē ne oku ohinọyị nini ẹkụra Idevidi nị, di Ijotami ozi anị rị ohinọyị dọ ọ ịrẹsụ nị.
Ịrẹyị Ịzakaraya ohinọyị Ísirẹrị
8Ịnị ana tụ ọ ịrayị ohurẹẹwụ tụra ịhịnta ọnị Uziya rị ohinọyị Ijuda, Ịzakaraya ozi Ijerobowami ọhụva ộ rị ohinọyị Isirẹrị. Ịsamarịya ọ yà mẹ ohinọyị anị ụhwẹ ịhịnọnyị nị. 9Ộ mẹ̀ ebira odivi hi Ẹnẹyịmavara, anka aza ana vịdị mẹ ohinọyị tụ ọ. Ộ hama ebira odivi Íjerobowami ozi Inebati ana kụ Anisirẹrị nịnị na mẹ ịvị. 10Ịsarọmị ozi Ijabesi ộ kụ aza kwẹẹtẹ tu Ịzakaraya, dị ẹ wụ̀ ọ ịzị aā hị́ Ibiriyami, dị Ịsarọmị rị ohinọyị dọ ọ ịrẹsụ nị. 11Â chẹrẹ avaba ịsa ana vọ ọnị Ịzakaraya mẹ hi ini iwe ịtọpa ohinọyị Ísirẹrị nịnị. 12#2 Ohi 10.30Aanị Ẹnẹyịmavara mẹmẹ sị oto oni o wo yị Ijehu sẹ nị. Ộ vịdị kà a ka: Ezi ewu hùuu na ngụ ẹmaazị awụ vaa rị ohinọyị Ísirẹrị.
Ịrẹyị Ịsarọmị ohinọyị Isirẹrị
13Ịnị ana tụ ọ ịrayị ohurẹẹwụ tụra ịhịịna ọnị Uziya rị ohinọyị Íjuda, Ịsarọmị ozi Ijabesi ộ rị ohinọyị Ísirẹrị, Ịsamarịya ọ́ yà mẹ ohinọyị anị ụhwẹ ọnya nị. 14Â nyị ọnọrụ ana aā hị́ Imenahemi ozi Igadi. Ộ hụrẹ ịzị aā hị́ Itiriza nọ Ịsamarịya, dị ọ na wụ Ịsarọmị nị. Ọ sị ọ wụ, dị ọ rị ohinọyị dọ ọ ịrẹsụ. 15Â chẹrẹ avaba ịsa ana vọ ọnị Ịsarọmị mẹ, beri ọ̀ mẹmẹ kụ aza ku ẹngụ mẹ̀ ịsa odivi hi ini iwe ịtọpa ohinọyị Ísirẹrị nịnị. 16Ímenahemi mẹ̀ vavọọ hụrị Itiriza aa na, ô vu ẹkụra ana aā hị́ Itapuwa ọnịrị Anịzọọ beri ẹkụra ana kara a ẹtẹ bemi-bemi, agụvị ka Anẹkụra ọnọọ ẹ yị dọ yọ ọ́ vavọọ sị mẹ̀ ẹ nị. Ọnịrẹẹ nịnị ene hi ịzọọ vị ọnị ọ́ ha ịnẹ bẹẹ.
Ịrẹyị Imenahemi ohinọyị Ísirẹrị
17Ịnị ana tụ ọ ịrayị ohurẹẹwụ tụra ịhịịna ọnị Azarịya rị ohinọyị Ijuda, Imenahemi ozi Igadi ộ rị ohinọyị Ísirẹrị ẹẹwụ nị. 18Ộ mẹ̀ ebira odivi hi Ẹnẹyịmavara, agụvị ka, pooro di o su, vị ọ hama ebira odivi ohinọyị Ijerobowami, ozi Inebati, ana kụ Anisirẹrị nịnị na mẹ ịvị nị. 19Â nyị ohinọyị Anasiriya ana aā hị́ Itigirati Ipiresa. Ẹkụhị ọnya, ộ kụ ịrẹkụ nọ ẹtẹ Isirẹrị, dị Imenahemi sị isiriva ikirogirami akawụ-akawụ oze ẹwụrịhịmbaa yọ ka ọ̀ gụ ọnị ụvọ, dị ọnị ọ̀ nyị ụkata tụra ẹkụra anị ịrẹsụ nị. 20Opisa Anisirẹrị nịnị, Imenahemi dọ ẹkẹhị ọnọnị nị. Ộ sị ụkata za ọzịnya-ọzịnya ka ẹ̀ tụ́ isiriva ẹvarẹwụ-ẹvarẹwụ. Ọsọnị ọ mẹ ka Itigirati Iparisa ọ varẹma hụrị Ísirẹrị nọ ẹkụra anị nị. 21Â chẹrẹ avaba ịsa ana vọ ọnị Imenahemi mẹ hi ini iwe ịtọpa ohinọyị Ísirẹrị nịnị. 22Ộ su, di e ne e nị, di Ịpẹkahịya ozi anị rị ohinọyị dọ ọ ịrẹsụ nị. 23Ịnị ana tụ ọ ịrayị ẹvarẹwụ ọnị Azarịya rị ohinọyị Ijuda, Ịpẹkahịya ozi Imenahemi ộ rị ohinọyị Isirẹrị. Ịsamarịya ọ yà, dị ọ mẹ ohinọyị anị ịrayị ẹẹva nị. 24Ộ mẹ̀ ebira odivi hi Ẹnẹyịmavara; ộ hama ebira odivi Ijerobowami ozi Ịnẹbatị, ana kụ́ Anisirẹrị nịnị na mẹ ịvị. 25Â nyị ọga isoja Ịpẹkahịya ọnya, ana aā hị́ Ịpẹka ozi Iremaraya. Ộ kụ anọrụ Anigiriyadi ẹnị ẹvarẹwụ vaka ẹngụ, dị ẹ wụ Ịpẹkahịya tụ ini aku irehi ohinọyị ana ya Ịsamarịya nị. Ộ sị ọ wụ, dị ọ rị ohinọyị dọ ọ ịrẹsụ nị. 26Â chẹrẹ avaba ịsa ana vọ ọnị Ịpẹkahịya mẹ hi ini iwe ịtọpa ohinọyị Ísirẹrị nịnị.
Ịpẹka ộ mẹ̀ ohinọyị yị Isirẹrị
27Ịnị ana tụ ọ ịrayị ẹvarẹwụ tụra ẹẹva ọnị Azarịya rị ohinọyị Íjuda, Ịpẹka ozi Ịrẹmarịya ộ rị ohinọyị Ísirẹrị. Ịsamarịya ọ yà, dị ọ mẹ ohinọyị anị ịrayị oohu nị. 28Ộ mẹ̀ ebira odivi hi Ẹnẹyịmavara, agụvị ka ộ hama ebira odivi Ijerobowami ozi Ịnẹbatị, ana kụ Anisirẹrị nịnị na mẹ ịvị. 29Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya. 30Ịnị ịrayị ana tụ ọ ịrayị oohu ọnị Ijotami ozi Uziya rị ohinọyị Íjuda, Ihoseya ozi Ẹra ô sì iruvo ohinọyị Ịpẹka, dị ọ wụ̀ ọ nị. Ọ mẹ sị ọ wụ̀, dị ọ́ rị ohinọyị dọ ọ ịrẹsụ nị. 31Â chẹrẹ avaba ịsa ana vọ ọnị Ịpẹka mẹ hi ini iwe ịtọpa ohinọyị Ísirẹrị nị.
Ịrẹyị Ijotami ohinọyị Ijuda
(2 Ịtọ 27.1-9)
32Ịnị ana tụ ọ ịrayị ọhụva ọnị Ịpẹka ozi Ịrẹmarịya rị ohinọyị Ísirẹrị, Ijotami ozi Uziya ộ rị ohinọyị Íjuda. 33Ozi ịrayị ohurẹẹhị ọ vị dị ọ́ rị ohinọyị nị, dị ọ yà Ijerusarẹmị mẹ ohinọyị anị ịrayị ẹwụrịhịnọnyị nị. Ịrẹha ọnyị anị ọ rị Ijerusa ana vị ozi Ịzadọkị nị. 34Ijotami ộ hama Uziya ada anị, dị ọ mẹ̀ ịsa ene hine Ẹnẹyịmavara nị. 35Ama ệ navọ ịzị aza anaā hẹkẹ ori nịnị yàa mẹ ori tịtẹ. Dị aza aa yịị nọ ịzọọ naa mẹ̀ ịsọvọ, dị ẹ rẹ yaa rị eturare ịra ịzọọ nị. Ijotami ọ dà oze ọbanyị ana yà eyi ẹbẹẹba Irehi Ẹnẹyịmavara nị. 36Â chẹrẹ avaba ịsa ana vọ ọnị Ijotami mẹ hi ini iwe ịtọpa ohinọyị Íjuda nịnị. 37Ụmẹ ọnị Ijotami sị vị ohinọyị ọ vị ịpaapa ọnị Ẹnẹyịmavara tụ́ Irezini ohinọyị Ísiriya ọnịrị Ịpẹka ohinọyị Ísirẹrị ka ẹ̀ kụ́ ịrẹkụ vẹ Ijuda nị. 38Ijotami ô su, di e ne e ịzị eē ne oku ohinọyị nịnị ẹkụra Idevidi nị; dị Ahazi ozi anị rị ohinọyị dọ ọ ịrẹsụ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.