2 Ohinọyị 14
14
Ịrẹyị Amaziya ohinọyị Ijuda
(2 Ịtọ 25.1-24)
1Ịnị ana tụ ọ ịrayị ọhụva ọnị Ijehoyasi ozi Ijehoyahazi rị ohinọyị Ísirẹrị, Amaziya ozi Ijoyasi ộ rị ohinọyị Íjuda. 2Ozi ịrayị ohurẹẹhị ọ vị dị ọ rị ohinọyị nị, dị ọ yà Ijerusarẹmị mẹ ohinọyị anị ịrayị ohurịhịịna nị. Ịrẹha ọnyị anị ọ rị Ijehoyadini nị. Anijerusarẹmị ọnyị anị vị nị. 3Amaziya ộ mẹ̀ ịsị ene hine Ẹnẹyịmavara, ama ẹ yị yà anka Idevidi ohiku anị; ebira ada anị Ijoyasi ọ mẹ ịnị avaba ịsa nị. 4E yi wu ịzị aza anaā hẹkẹ ori nịnị yaa mẹ ori, dị aza aa yịị nọ ịzọọ naa mẹ̀ ịsọvọ, dị ẹ rẹ yaa rị eturare ịra ịzọọ nị. 5Ịjị ụkata ohinọyị sị ngụ Amaziya ụvọ a mẹ̀ vọrọ, ộ wụ̀ avaba aza ana wụ ada anị ohinọyị. 6#Ọda 24.16Ama ẹ yị wụ ezi aza ana wụ ada anị ẹnẹnị; agụvị ka â chẹrẹ ẹ tụ ịnị iwe ọda Imosiisi ka; Ẹnẹyịmavara ộ mẹ̀ ọda ka: Ọza ẹ yị vaa hụ agụvị ebira odivi ozii wụ ada anị; ọza ẹ yị rẹ vaa hụ agụvị ebira odivi adaa wụ ezi anị. Ama ọzọza vị ene vee su isu ebira odivi ọnị ọ́ mẹ. 7Amaziya ộ wụ̀ isoja Anedomi akawụ-akawụ oze ẹẹhị ịzị aā hị́ Inozi Anọ. Ộ dọ wa ẹkụra ana aā hị́ Isera ọ́ mẹ̀ pe wa kụ ịrẹkụ, dị ọ sị ịrẹha yọ ka ọnị ọ rị Ijokiteeri nị. Ịrẹha ọnọọ ọ rị pooro tu ajịnị nị. 8Ẹkụhị ọnya, Amaziya ộ tụ́ ọnụtụ anị nịnị ne tu ohinọyị Ijehowasi ozi Ijehowazi, ozi Ijehu ka ọ̀ọ ka ọnị ộ kata, ọ̀ vẹ ọnịrị ọ ẹ gẹ eyi ịrẹkụ daa re. 9Ama Ijehowazi maanị va ohi varẹma tụ́ ne tu Amaziya ohinọyị Ijuda ka, “Â nyị ụmẹ ọnya ọnị avị ikeyi-ikeyi ọnya ịnị ataba Ịrẹbanọnị tụ́ ne tu ọchị Isida ka, ‘Sị ozi ọnẹẹ awụ ga ozi emi de.’ Uye odivi ọnya ô parahu, dị ọ́ sị ahụ pịrị avị ọnọọ zẹtẹ nị. 10Amaziya, agụvị ka wâ nyị ẹbẹẹba Anedomi nịnị ụ kụkụ aà sị ẹngụụ tụ ẹba nị. Jẹẹ ịzị ụ ngụrẹyị ne tu aanị ọ̀ zee wu, dị ụ wa ya ịnị eehi awụ. Sị ẹ vẹ di u wee sì ịrẹyị ana vaa kụ́ ẹngụkataa tu ẹwụrị aza awụ?” 11Amaziya ô yi ka ọnị ẹ yị wụ, di ohinọyị Ijehoyasi ọnịrị aza anị va jịnẹ tụ ẹhẹ tu ọ nị. Ê pe e kụ ịrẹkụ ịzị aā hị́ Ịbẹtị-Isemesi ịnị ẹtẹ Ijuda. 12Â nyị ẹbẹẹba isoja Amaziya, dị avaba ẹnịnị zwè aa nọ eehi ẹnịnị nị. 13Ijehoyasi ộ za Amaziya, di o si hu aa nọ Ijerusarẹmị nị. Ô wu ọvọ Ijerusarẹmị hụrị oze ọbanyị Ehwireemi na ngụ oze ọbanyị ịnị ịkọna, ẹ̀hụ ụsẹ imita ịrẹka avọọ. 14Ộ kụ avaba igooru ọnịrị isiriva, ọnịrị avaba ẹnya ene e re ini irehi Ẹnẹyịmavara beri avaba ogu ene hi ini irehi ohinọyị. Ộ re za aza ọnị ọ kụ varẹma nọ Ịsamarịya. 15Â chẹrẹ avaba ịsa ana vọ ọnị Ijehoyasi mẹ, ọnịrị ọ́ mẹmẹ sị ọtụtụrụma pe Amaziya kụ̀ ịrẹkụ hi ini iwe ịtọpa ohinọyị Ísirẹrị nịnị. 16Ijehoyasi ô sú, di e ne e tụ ịzị eē ne oku ohinọyị nịnị Ị́samarịya nị. Dị ozi anị, Ijerobowami ọhụva rị ohinọyị dọ ọ ịrẹsụ nị.
Isu Amaziya ohinọyị Ijuda
(2 Ịtọ 25.25-28)
17Amaziya ohinọyị Íjuda ộ vana ra mẹ ịrayị ẹwụrẹhị ịrẹma isu Ijehoyasi ohinọyị Ísirẹrị. 18Â chẹrẹ avaba ịsa ana vọ ọnị Amaziya mẹ hi ini iwe ịtọpa óhinọyị Íjuda nịnị. 19Aza ẹnyị Ijerusarẹmị ệ gẹ eyi ka à wụ Amaziya, dị ọ hụ agụvị avọọ zwe na ngụ ẹkụra ana aā hị́ Irakisi nị. Ama ọnịvị anị nịnị ệ tụra a nọ ịzọọ, dị ẹ na wụ̀ ọ nị. 20Â sị umaata sị oku anị varẹma nọ Ijerusarẹmị, di e ne e tụ ịzị eē ne oku ohinọyị nịnị ẹkụra Idevidi nị. 21Anijuda nịnị ệ sị ozi anị ana aā hị́ Uzaya rị ohinọyị dọ ọ ịrẹsụ. Ozi ịrayị ẹwụrịhịnọnyị ọ vị nị. 22Uzaya ộ vana dọ ẹkụra ana aā hị́ Eroti varẹma ịrẹma isu ada anị, dị o tenyi ọ da nị.
Ijerobowami ọhụva, ohinọyị Isirẹrị.
23Ịnị ana tụ ọ ịrayị ẹwụrẹhị ọnị Amaziya ozi Ijoyasi ohinọyị Ijuda rị, Ijerobowami ozi Ijoyasi ộ rị ohinọyị Ísirẹrị. Ịsamarịya ọ yà mẹ ohinọyị anị ịrayị ẹbẹẹva tụra ọnyara nị. 24Ộ mẹ̀ ebira odivi hi Ẹnẹyịmavara. Ộ saasa ebira odivi Ijerobowami ozi Inebati ana vịdị mẹ ohinọyị tụ ọ. Ijerobowami ọ kụ Anisirẹrị nịnị na mẹ ịvị nị. 25#Ijon 1.1Ijerobowami ọhụva ọnọnị ọ dọ avaba ẹtẹ Anisirẹrị nịnị varẹma yị wa nị. Ộ dọ ẹhwị ẹtẹ ẹnịnị hụrị ịzị aā hị́ Irebo-Ihamati huuu na ngụ oku Araba. Aanị Ẹnẹyịmavara, Ohomorihi Anisirẹrị nịnị mẹ̀ vịdị zị oze ịnị ụvọ Ijona ozi Amitayi kà a nị. Ijona vị anẹkụra ana aā hị́ Igati-Ihehwa. 26Ẹnẹyịmavara ô re ụya ọngwọọngụ ọnị Anisirẹrị nịnị aa rị; ẹ yị nyị ọza ana vọrọ ka ọ̀ gụ wa ụvọ. 27Ama Ẹnẹyịmavara ẹ yị kà a ka oni ee vu Anisirẹrị nịnị saka-saka; agụvị avọọ, dị o zi oze ịnị ụvọ Ijerobowami ọhụva dọ wa ha nị. 28Â chẹrẹ avaba ụkọrọ ana vọ ọnị Ijerobowami ọhụva mẹ hi ini iwe ịtọpa ohinọyị Ísirẹrị nịnị. Ọ́ mẹmẹ sị ọtụtụrụma kụ̀ ịrẹkụ, ọnịrị ọ mẹmẹ dọ ẹtẹ Ịdamasịkọsị ọnịrị Ihamati varẹma yị Ísirẹrị vị ana a chẹrẹ saka-saka. 29Ijerobowami ô sú, di e ne e tụ ịzị eē ne oku ohinọyị nịnị nị, dị Ịzakaraya, ozi anị rị ohinọyị dọ ịrẹsụ nị.
Currently Selected:
2 Ohinọyị 14: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 14
14
Ịrẹyị Amaziya ohinọyị Ijuda
(2 Ịtọ 25.1-24)
1Ịnị ana tụ ọ ịrayị ọhụva ọnị Ijehoyasi ozi Ijehoyahazi rị ohinọyị Ísirẹrị, Amaziya ozi Ijoyasi ộ rị ohinọyị Íjuda. 2Ozi ịrayị ohurẹẹhị ọ vị dị ọ rị ohinọyị nị, dị ọ yà Ijerusarẹmị mẹ ohinọyị anị ịrayị ohurịhịịna nị. Ịrẹha ọnyị anị ọ rị Ijehoyadini nị. Anijerusarẹmị ọnyị anị vị nị. 3Amaziya ộ mẹ̀ ịsị ene hine Ẹnẹyịmavara, ama ẹ yị yà anka Idevidi ohiku anị; ebira ada anị Ijoyasi ọ mẹ ịnị avaba ịsa nị. 4E yi wu ịzị aza anaā hẹkẹ ori nịnị yaa mẹ ori, dị aza aa yịị nọ ịzọọ naa mẹ̀ ịsọvọ, dị ẹ rẹ yaa rị eturare ịra ịzọọ nị. 5Ịjị ụkata ohinọyị sị ngụ Amaziya ụvọ a mẹ̀ vọrọ, ộ wụ̀ avaba aza ana wụ ada anị ohinọyị. 6#Ọda 24.16Ama ẹ yị wụ ezi aza ana wụ ada anị ẹnẹnị; agụvị ka â chẹrẹ ẹ tụ ịnị iwe ọda Imosiisi ka; Ẹnẹyịmavara ộ mẹ̀ ọda ka: Ọza ẹ yị vaa hụ agụvị ebira odivi ozii wụ ada anị; ọza ẹ yị rẹ vaa hụ agụvị ebira odivi adaa wụ ezi anị. Ama ọzọza vị ene vee su isu ebira odivi ọnị ọ́ mẹ. 7Amaziya ộ wụ̀ isoja Anedomi akawụ-akawụ oze ẹẹhị ịzị aā hị́ Inozi Anọ. Ộ dọ wa ẹkụra ana aā hị́ Isera ọ́ mẹ̀ pe wa kụ ịrẹkụ, dị ọ sị ịrẹha yọ ka ọnị ọ rị Ijokiteeri nị. Ịrẹha ọnọọ ọ rị pooro tu ajịnị nị. 8Ẹkụhị ọnya, Amaziya ộ tụ́ ọnụtụ anị nịnị ne tu ohinọyị Ijehowasi ozi Ijehowazi, ozi Ijehu ka ọ̀ọ ka ọnị ộ kata, ọ̀ vẹ ọnịrị ọ ẹ gẹ eyi ịrẹkụ daa re. 9Ama Ijehowazi maanị va ohi varẹma tụ́ ne tu Amaziya ohinọyị Ijuda ka, “Â nyị ụmẹ ọnya ọnị avị ikeyi-ikeyi ọnya ịnị ataba Ịrẹbanọnị tụ́ ne tu ọchị Isida ka, ‘Sị ozi ọnẹẹ awụ ga ozi emi de.’ Uye odivi ọnya ô parahu, dị ọ́ sị ahụ pịrị avị ọnọọ zẹtẹ nị. 10Amaziya, agụvị ka wâ nyị ẹbẹẹba Anedomi nịnị ụ kụkụ aà sị ẹngụụ tụ ẹba nị. Jẹẹ ịzị ụ ngụrẹyị ne tu aanị ọ̀ zee wu, dị ụ wa ya ịnị eehi awụ. Sị ẹ vẹ di u wee sì ịrẹyị ana vaa kụ́ ẹngụkataa tu ẹwụrị aza awụ?” 11Amaziya ô yi ka ọnị ẹ yị wụ, di ohinọyị Ijehoyasi ọnịrị aza anị va jịnẹ tụ ẹhẹ tu ọ nị. Ê pe e kụ ịrẹkụ ịzị aā hị́ Ịbẹtị-Isemesi ịnị ẹtẹ Ijuda. 12Â nyị ẹbẹẹba isoja Amaziya, dị avaba ẹnịnị zwè aa nọ eehi ẹnịnị nị. 13Ijehoyasi ộ za Amaziya, di o si hu aa nọ Ijerusarẹmị nị. Ô wu ọvọ Ijerusarẹmị hụrị oze ọbanyị Ehwireemi na ngụ oze ọbanyị ịnị ịkọna, ẹ̀hụ ụsẹ imita ịrẹka avọọ. 14Ộ kụ avaba igooru ọnịrị isiriva, ọnịrị avaba ẹnya ene e re ini irehi Ẹnẹyịmavara beri avaba ogu ene hi ini irehi ohinọyị. Ộ re za aza ọnị ọ kụ varẹma nọ Ịsamarịya. 15Â chẹrẹ avaba ịsa ana vọ ọnị Ijehoyasi mẹ, ọnịrị ọ́ mẹmẹ sị ọtụtụrụma pe Amaziya kụ̀ ịrẹkụ hi ini iwe ịtọpa ohinọyị Ísirẹrị nịnị. 16Ijehoyasi ô sú, di e ne e tụ ịzị eē ne oku ohinọyị nịnị Ị́samarịya nị. Dị ozi anị, Ijerobowami ọhụva rị ohinọyị dọ ọ ịrẹsụ nị.
Isu Amaziya ohinọyị Ijuda
(2 Ịtọ 25.25-28)
17Amaziya ohinọyị Íjuda ộ vana ra mẹ ịrayị ẹwụrẹhị ịrẹma isu Ijehoyasi ohinọyị Ísirẹrị. 18Â chẹrẹ avaba ịsa ana vọ ọnị Amaziya mẹ hi ini iwe ịtọpa óhinọyị Íjuda nịnị. 19Aza ẹnyị Ijerusarẹmị ệ gẹ eyi ka à wụ Amaziya, dị ọ hụ agụvị avọọ zwe na ngụ ẹkụra ana aā hị́ Irakisi nị. Ama ọnịvị anị nịnị ệ tụra a nọ ịzọọ, dị ẹ na wụ̀ ọ nị. 20Â sị umaata sị oku anị varẹma nọ Ijerusarẹmị, di e ne e tụ ịzị eē ne oku ohinọyị nịnị ẹkụra Idevidi nị. 21Anijuda nịnị ệ sị ozi anị ana aā hị́ Uzaya rị ohinọyị dọ ọ ịrẹsụ. Ozi ịrayị ẹwụrịhịnọnyị ọ vị nị. 22Uzaya ộ vana dọ ẹkụra ana aā hị́ Eroti varẹma ịrẹma isu ada anị, dị o tenyi ọ da nị.
Ijerobowami ọhụva, ohinọyị Isirẹrị.
23Ịnị ana tụ ọ ịrayị ẹwụrẹhị ọnị Amaziya ozi Ijoyasi ohinọyị Ijuda rị, Ijerobowami ozi Ijoyasi ộ rị ohinọyị Ísirẹrị. Ịsamarịya ọ yà mẹ ohinọyị anị ịrayị ẹbẹẹva tụra ọnyara nị. 24Ộ mẹ̀ ebira odivi hi Ẹnẹyịmavara. Ộ saasa ebira odivi Ijerobowami ozi Inebati ana vịdị mẹ ohinọyị tụ ọ. Ijerobowami ọ kụ Anisirẹrị nịnị na mẹ ịvị nị. 25#Ijon 1.1Ijerobowami ọhụva ọnọnị ọ dọ avaba ẹtẹ Anisirẹrị nịnị varẹma yị wa nị. Ộ dọ ẹhwị ẹtẹ ẹnịnị hụrị ịzị aā hị́ Irebo-Ihamati huuu na ngụ oku Araba. Aanị Ẹnẹyịmavara, Ohomorihi Anisirẹrị nịnị mẹ̀ vịdị zị oze ịnị ụvọ Ijona ozi Amitayi kà a nị. Ijona vị anẹkụra ana aā hị́ Igati-Ihehwa. 26Ẹnẹyịmavara ô re ụya ọngwọọngụ ọnị Anisirẹrị nịnị aa rị; ẹ yị nyị ọza ana vọrọ ka ọ̀ gụ wa ụvọ. 27Ama Ẹnẹyịmavara ẹ yị kà a ka oni ee vu Anisirẹrị nịnị saka-saka; agụvị avọọ, dị o zi oze ịnị ụvọ Ijerobowami ọhụva dọ wa ha nị. 28Â chẹrẹ avaba ụkọrọ ana vọ ọnị Ijerobowami ọhụva mẹ hi ini iwe ịtọpa ohinọyị Ísirẹrị nịnị. Ọ́ mẹmẹ sị ọtụtụrụma kụ̀ ịrẹkụ, ọnịrị ọ mẹmẹ dọ ẹtẹ Ịdamasịkọsị ọnịrị Ihamati varẹma yị Ísirẹrị vị ana a chẹrẹ saka-saka. 29Ijerobowami ô sú, di e ne e tụ ịzị eē ne oku ohinọyị nịnị nị, dị Ịzakaraya, ozi anị rị ohinọyị dọ ịrẹsụ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.