2 Anịkọrịntị 7
7
1Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.
Sị ẹ mẹ ka Ịpọọrụ ọ̀ jẹ ịrajẹ
2Navọ ayị awụ nịnị ò hine tù yi, agụvị ka ẹ yị nyị ọza awụ nịnị ọnị mẹ odivi. Ẹ yị nyị ọza ọnị i du, yẹ yị rẹ rị ọza ẹtẹ ahụ. 3Ẹ yị vị ka m maanị aa kà, ka ma sị jị ịvị wụ nịnị nị. Mâ vịdị sị ọ kà, ka yèe sú, yàa yara, ayị vị ene ee yii hinee tù wu nịnị pooro. 4Mâ sị ayị tụra wụ nịnị ẹtẹẹtẹrẹ, dị mị raa sị wụ nịnị mẹ eyi nị. Yâ daka aa rị ụya pooro, ma nyị nyị ayọnẹtẹ, ayị amị vị ene ee yii hine ẹtẹẹtẹrẹ. 5#2 Ịkọ 2.13Ị mẹ̀ daka si tù Imasedoniya, yẹ yị yị nyị ẹngwọọrọ. Ịrẹyị vị ana gwẹtẹ kara yị. Aza aa zyaazị, angwahi yà ịnị ayị ẹyị. 6Ama Ohomorihi oō hunẹnẹ aza anị ayị oni òo du ayị nị. Ô hunẹnẹ yị ayị ịnị ka ọ́ tụ́ Ịtayịtọsị vẹ, 7ẹ yị vị ịnị ka ộ vẹ kẹnẹ, ama agụvị ka ọ rẹ kà enube, ụ mẹmẹ kụ́ ọọ ẹngụ nịya nịnị. Ộ kà a yị ka eyi amị aa tụra wụ nịnị ẹtẹẹtẹrẹ, ọnịrị ka ayị awụ nịnị ô du ẹtẹẹtẹrẹ agụvị amị. Ọ rẹ ka wâ yàa mị ịrẹma nịnị ẹtẹẹtẹrẹ. Ọnọọ ọ́ mẹ ka ayị amị ò hine hu avọọ booro aanị. 8Iwe ọnị mị chẹrẹ tụ́ hi wu nịnị, ọ̀ọ daka du wu nịnị ayị, mẹ yị sị́ ụmayịyẹ ka mâ chẹrẹ ẹ. Mị yaanị aa sị ụmayịyẹ, m mè re ka iwe ọnọọ ộ mẹ̀ ka we du ayị nịnị ịnị ụmẹ chee. 9Ama ayị amị ee hine booro aanị, ẹ yị vị agụvị ka má mẹ ka ayị awụ nịnị ò du, ama agụvị ka ayodu awụ nịnị ọ raà mẹ ka we ro ịnẹ varẹma nịnị. Yẹ yị mẹ wụ nịnị odivi vụrụ-vụrụ, agụvị ka Ohomorihi ọ sị ayodu ọnọọ mẹ̀ ụkọrọ nị. 10Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị. 11Wee re ịsị Ohomorihi sị ayodu awụ nịnị mẹ aanị? Booro aanị, ayị awụ nịnị yà ịnị ịrẹyị Ohomorihi, dị ụ wụsẹ ee sì ka wa sị zụ̀ ka ẹ yị vị aza edivi ụ vị nịnị nị. Wéé re ayị mẹ̀ kụ́ wụ nịnị, dị angwa hi wu nịnị? Ayị awụ nịnị ọ kụkụ raà sị ọọ, waa vụrị ka wa sị ụya rị ọza ana mẹ̀ ịsa odivi ọnọọ nịnị. Wa raà sị zụ̀ ka wẹ yị nyị ụvọ tụ́ ịnị ịsa odivi ọnọọ nịnị. 12Màa daka chẹrẹ iwe ọnọọ tụ́ hi wu nịnị, mẹ yị chẹrẹ ẹ agụvị ọza ana mẹ ịrẹyị, mẹ yị rẹ chẹrẹ ẹ agụvị ọza ana a mẹ ịrẹyị. Ama mâ chẹrẹ ẹ dị ụ wa zụ yẹ nịnị ini eyi Ohomorihi ka wâ jẹẹ pe eyi nịnị. 13Ịsị ẹ mẹ ka ya nyị ayọnẹtẹ ọ vị ọnọọ nị. Ẹ yị vị ka ayị ayị ộ nẹtẹ, ama yâ jẹ hu avọọ agụvị ka ịnẹ Ịtayịtọsị ô hine, agụvị ka wâ kụ́ ọ ẹngụ nịya nịnị. 14Mâ sị wụ nịnị mẹ eyi yọ; wẹ rẹ va mẹ̀ ụhị nyị mị nịnị. Ịzẹyịza ịị̄ kà a wụ nịnị pooro nị. Ị mẹ̀ rẹ sị wụ nịnị mẹ eyi yị Ịtayịtọsị, ịzẹyịza ọ rẹ vị nị. 15Ọ̀ọ tamayị, ụ mẹmẹ aa wụ́ ịrẹyị ọza nịnị ọnịrị ụ mẹmẹ sị angwahi-angwahi dọ ọ ọzọga nịnị, ọọ̄ mẹ̀ ka ọ̀ hyakụ sì ịrẹyị awụ nịnị hu avọọ. 16Ayị amị ộ da hine kẹnẹ, agụvị ka mâ maanị zụ sị ayị tụra wụ nịnị ịnị avaba ịsa.
Currently Selected:
2 Anịkọrịntị 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Anịkọrịntị 7
7
1Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.
Sị ẹ mẹ ka Ịpọọrụ ọ̀ jẹ ịrajẹ
2Navọ ayị awụ nịnị ò hine tù yi, agụvị ka ẹ yị nyị ọza awụ nịnị ọnị mẹ odivi. Ẹ yị nyị ọza ọnị i du, yẹ yị rẹ rị ọza ẹtẹ ahụ. 3Ẹ yị vị ka m maanị aa kà, ka ma sị jị ịvị wụ nịnị nị. Mâ vịdị sị ọ kà, ka yèe sú, yàa yara, ayị vị ene ee yii hinee tù wu nịnị pooro. 4Mâ sị ayị tụra wụ nịnị ẹtẹẹtẹrẹ, dị mị raa sị wụ nịnị mẹ eyi nị. Yâ daka aa rị ụya pooro, ma nyị nyị ayọnẹtẹ, ayị amị vị ene ee yii hine ẹtẹẹtẹrẹ. 5#2 Ịkọ 2.13Ị mẹ̀ daka si tù Imasedoniya, yẹ yị yị nyị ẹngwọọrọ. Ịrẹyị vị ana gwẹtẹ kara yị. Aza aa zyaazị, angwahi yà ịnị ayị ẹyị. 6Ama Ohomorihi oō hunẹnẹ aza anị ayị oni òo du ayị nị. Ô hunẹnẹ yị ayị ịnị ka ọ́ tụ́ Ịtayịtọsị vẹ, 7ẹ yị vị ịnị ka ộ vẹ kẹnẹ, ama agụvị ka ọ rẹ kà enube, ụ mẹmẹ kụ́ ọọ ẹngụ nịya nịnị. Ộ kà a yị ka eyi amị aa tụra wụ nịnị ẹtẹẹtẹrẹ, ọnịrị ka ayị awụ nịnị ô du ẹtẹẹtẹrẹ agụvị amị. Ọ rẹ ka wâ yàa mị ịrẹma nịnị ẹtẹẹtẹrẹ. Ọnọọ ọ́ mẹ ka ayị amị ò hine hu avọọ booro aanị. 8Iwe ọnị mị chẹrẹ tụ́ hi wu nịnị, ọ̀ọ daka du wu nịnị ayị, mẹ yị sị́ ụmayịyẹ ka mâ chẹrẹ ẹ. Mị yaanị aa sị ụmayịyẹ, m mè re ka iwe ọnọọ ộ mẹ̀ ka we du ayị nịnị ịnị ụmẹ chee. 9Ama ayị amị ee hine booro aanị, ẹ yị vị agụvị ka má mẹ ka ayị awụ nịnị ò du, ama agụvị ka ayodu awụ nịnị ọ raà mẹ ka we ro ịnẹ varẹma nịnị. Yẹ yị mẹ wụ nịnị odivi vụrụ-vụrụ, agụvị ka Ohomorihi ọ sị ayodu ọnọọ mẹ̀ ụkọrọ nị. 10Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị. 11Wee re ịsị Ohomorihi sị ayodu awụ nịnị mẹ aanị? Booro aanị, ayị awụ nịnị yà ịnị ịrẹyị Ohomorihi, dị ụ wụsẹ ee sì ka wa sị zụ̀ ka ẹ yị vị aza edivi ụ vị nịnị nị. Wéé re ayị mẹ̀ kụ́ wụ nịnị, dị angwa hi wu nịnị? Ayị awụ nịnị ọ kụkụ raà sị ọọ, waa vụrị ka wa sị ụya rị ọza ana mẹ̀ ịsa odivi ọnọọ nịnị. Wa raà sị zụ̀ ka wẹ yị nyị ụvọ tụ́ ịnị ịsa odivi ọnọọ nịnị. 12Màa daka chẹrẹ iwe ọnọọ tụ́ hi wu nịnị, mẹ yị chẹrẹ ẹ agụvị ọza ana mẹ ịrẹyị, mẹ yị rẹ chẹrẹ ẹ agụvị ọza ana a mẹ ịrẹyị. Ama mâ chẹrẹ ẹ dị ụ wa zụ yẹ nịnị ini eyi Ohomorihi ka wâ jẹẹ pe eyi nịnị. 13Ịsị ẹ mẹ ka ya nyị ayọnẹtẹ ọ vị ọnọọ nị. Ẹ yị vị ka ayị ayị ộ nẹtẹ, ama yâ jẹ hu avọọ agụvị ka ịnẹ Ịtayịtọsị ô hine, agụvị ka wâ kụ́ ọ ẹngụ nịya nịnị. 14Mâ sị wụ nịnị mẹ eyi yọ; wẹ rẹ va mẹ̀ ụhị nyị mị nịnị. Ịzẹyịza ịị̄ kà a wụ nịnị pooro nị. Ị mẹ̀ rẹ sị wụ nịnị mẹ eyi yị Ịtayịtọsị, ịzẹyịza ọ rẹ vị nị. 15Ọ̀ọ tamayị, ụ mẹmẹ aa wụ́ ịrẹyị ọza nịnị ọnịrị ụ mẹmẹ sị angwahi-angwahi dọ ọ ọzọga nịnị, ọọ̄ mẹ̀ ka ọ̀ hyakụ sì ịrẹyị awụ nịnị hu avọọ. 16Ayị amị ộ da hine kẹnẹ, agụvị ka mâ maanị zụ sị ayị tụra wụ nịnị ịnị avaba ịsa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.