2 Anịkọrịntị 6
6
1Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị, 2#Ayị 49.8agụvị ka Ohomorihi ộ kà a ka:
Ọnị ộ wụ́ ịpẹ awụ nịnị ịnị ụmẹ ene zé oni eyi;
Ọnị ọ́ rẹ gụ wụ nịnị ụvọ ịnị ẹkụhị ẹdọha.
Re, ọyaanị ọ vị ụmẹ ene zé Ohomorihi eyi nị;
ọyaanị ọ vị ẹkụhị ọ vị ẹkụhị ọnị ọ zụ sị dọ wụ nịnị há nị.
3Ye yi sì ka ụkọrọ ayị ọ̀ nyị ohuvọ, agụvị avọọ i ye yi sì ka ya mẹ ọzọnyị-ọzọnyị nyeeyi nị. 4Ini oze tụra oze, yaa sịị zụ̀ ka ezi ahụ Ohomorihi ị vị̀ nị: Yâ nyị isuuru, yâ sị ẹngụ dọ ụya ọnịrị ẹngụkata irenyi-irenyi ana vọ. 5#Ụkọ 16.23Ê tụ́ yị, á kụ́ yị hi ịnị ẹngwa, â tụ́ ịrẹyị tù yị. Aza ệ za yị mẹ̀ ụkọrọ, yẹ yị sụ̀ ara, yẹ yị rẹ rị ịsa. 6Yâ nyị ebira ọnịnị ọnịrị ịrẹyọyẹ ne beri ayohunẹnẹ, ị rẹẹ̄ ngụ ayị ọza. Dị Ụhwẹ Ohomorihi rẹ yà ịnị ayị ayị nị, dị ị ree sì ịrẹyị ọza 7Ya rẹ vavọọ sị zụ̀ ka ezi ahụ Ohomorihi ị vị̀ nị ini oze ịzẹyịza ọnị yaa kà ọnịrị ụkata Ohomorihi ana yàrị ẹyị. Ịzẹyịza ọnị yaa mẹ ọ vị ẹnya ịrẹkụ ayị nị, ọnị ị yaa sịị kụ̀ ịrẹkụ, dị yaa sịị dọ ẹngụ ayịị tụ́ nị. 8Â sị ụbanyị yị, a rẹ mẹ̀ ụhị nyị yị. Â kụ̀ yị ụhụ, a rẹ ga yị. Ịzẹyịza ịị̄ kà nị, ama aza ệ za yị anka onireche avọọ. 9Aza ọrụrụ-ọrụrụ ệ yẹ yị, ama aza aa mẹ anka vị ẹ̀ yị nyị ọza ana yẹ yị nị. Ịjị ẹnyị àa na ngụ ka vị i wusu nị, ama ya yị yàra. Â sị ụya rị yị, ama ọza ọ yị wụ yị. 10Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa. 11Ẹwụ nịnị Anịkọrịntị, ya raà sị ịzẹyịza ayị zụ̀ wụ nịnị, ayị ayị ô hine tù wu nịnị. 12Wèe roo nịnị ka yẹ yị sị avaba ayị sì ịrẹyị awụ nịnị, ẹ yị vị ịzẹyịza ọ vị. Ẹwụ nịnị ịrẹyị vị ana yà ịnị ụvọ anị nị. 13Mị kụkụ aa kà ịrẹyịị wụ nịnị anka ozi emi avọọ nị. Waa mẹẹ hi yi nịnị anka, ẹyị mẹ raà mẹ hi wu nịnị: Navọ ayị ẹwụ nịnị ò re hine tù ẹyị!
Ọọdụ ọnịrị ịrahụ o mē re ẹngụ
14Asị ụ na zẹẹ ka ẹwụrị aza ẹnẹ ẹ̀ yị vị ọdọwụ ọ̀ọ mẹẹ vaabẹ anka ọpa-ọpa avọọ! Ọyịza ọnịrị odivi ẹ́ẹ́ zụ vabẹ? Ọọdụ ọnịrị ịrahụ e mē re ẹngụ. 15Ikirisiti ọnịrị Echu ẹ́ẹ́ zụ sị ayị yị ẹngụ? Sị ẹ zụ kụ́ ọdọwụ ọnịrị ọza ọnịrị ọza ẹnẹ ẹ̀ yị dọ wụ́ vabẹ? 16#1 Ịkọ 3.16; 6.19; Ire 26.12; Ezk 37.27Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka,
ọnị vaa ra ịnịnẹ ẹnịnị,
dị ọnị aa ngụ ịnị akakana ẹnịnịị zị.
Ọnị vaa vị Ohomorihi ẹnịnị,
dị ẹnị rẹ vị aza anị.
17 #
Ayị 52.11
Agụvị avọọ dị Ananyị yị rẹ kà a ka:
Jịnẹ hụụ ịdị ẹnịnị,
sị ẹngụ awụ nịnị tụ́ irenyi kwooze yị wa.
Asị ụ sị ụvọ kanyị ịsa eneē du ọza ẹngụ nịnị.
Ịjọnọọ ọnị vaa dọ wụ nịnịị pe ẹngụ.
18 #
2 Ịsa 7.14; 1 Ịtọ 17.13; Ayị 43.6; Ijer 31.9 Ọnị vaa vị Ada awụ nịnị,
dị ẹwụ nịnị rẹ vị ezi anọrụ ọnịrị ezi anẹẹ anị.
Avọọ Ananyị yị Ochẹtẹngụ mẹ̀ kà nị.
Currently Selected:
2 Anịkọrịntị 6: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Anịkọrịntị 6
6
1Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị, 2#Ayị 49.8agụvị ka Ohomorihi ộ kà a ka:
Ọnị ộ wụ́ ịpẹ awụ nịnị ịnị ụmẹ ene zé oni eyi;
Ọnị ọ́ rẹ gụ wụ nịnị ụvọ ịnị ẹkụhị ẹdọha.
Re, ọyaanị ọ vị ụmẹ ene zé Ohomorihi eyi nị;
ọyaanị ọ vị ẹkụhị ọ vị ẹkụhị ọnị ọ zụ sị dọ wụ nịnị há nị.
3Ye yi sì ka ụkọrọ ayị ọ̀ nyị ohuvọ, agụvị avọọ i ye yi sì ka ya mẹ ọzọnyị-ọzọnyị nyeeyi nị. 4Ini oze tụra oze, yaa sịị zụ̀ ka ezi ahụ Ohomorihi ị vị̀ nị: Yâ nyị isuuru, yâ sị ẹngụ dọ ụya ọnịrị ẹngụkata irenyi-irenyi ana vọ. 5#Ụkọ 16.23Ê tụ́ yị, á kụ́ yị hi ịnị ẹngwa, â tụ́ ịrẹyị tù yị. Aza ệ za yị mẹ̀ ụkọrọ, yẹ yị sụ̀ ara, yẹ yị rẹ rị ịsa. 6Yâ nyị ebira ọnịnị ọnịrị ịrẹyọyẹ ne beri ayohunẹnẹ, ị rẹẹ̄ ngụ ayị ọza. Dị Ụhwẹ Ohomorihi rẹ yà ịnị ayị ayị nị, dị ị ree sì ịrẹyị ọza 7Ya rẹ vavọọ sị zụ̀ ka ezi ahụ Ohomorihi ị vị̀ nị ini oze ịzẹyịza ọnị yaa kà ọnịrị ụkata Ohomorihi ana yàrị ẹyị. Ịzẹyịza ọnị yaa mẹ ọ vị ẹnya ịrẹkụ ayị nị, ọnị ị yaa sịị kụ̀ ịrẹkụ, dị yaa sịị dọ ẹngụ ayịị tụ́ nị. 8Â sị ụbanyị yị, a rẹ mẹ̀ ụhị nyị yị. Â kụ̀ yị ụhụ, a rẹ ga yị. Ịzẹyịza ịị̄ kà nị, ama aza ệ za yị anka onireche avọọ. 9Aza ọrụrụ-ọrụrụ ệ yẹ yị, ama aza aa mẹ anka vị ẹ̀ yị nyị ọza ana yẹ yị nị. Ịjị ẹnyị àa na ngụ ka vị i wusu nị, ama ya yị yàra. Â sị ụya rị yị, ama ọza ọ yị wụ yị. 10Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa. 11Ẹwụ nịnị Anịkọrịntị, ya raà sị ịzẹyịza ayị zụ̀ wụ nịnị, ayị ayị ô hine tù wu nịnị. 12Wèe roo nịnị ka yẹ yị sị avaba ayị sì ịrẹyị awụ nịnị, ẹ yị vị ịzẹyịza ọ vị. Ẹwụ nịnị ịrẹyị vị ana yà ịnị ụvọ anị nị. 13Mị kụkụ aa kà ịrẹyịị wụ nịnị anka ozi emi avọọ nị. Waa mẹẹ hi yi nịnị anka, ẹyị mẹ raà mẹ hi wu nịnị: Navọ ayị ẹwụ nịnị ò re hine tù ẹyị!
Ọọdụ ọnịrị ịrahụ o mē re ẹngụ
14Asị ụ na zẹẹ ka ẹwụrị aza ẹnẹ ẹ̀ yị vị ọdọwụ ọ̀ọ mẹẹ vaabẹ anka ọpa-ọpa avọọ! Ọyịza ọnịrị odivi ẹ́ẹ́ zụ vabẹ? Ọọdụ ọnịrị ịrahụ e mē re ẹngụ. 15Ikirisiti ọnịrị Echu ẹ́ẹ́ zụ sị ayị yị ẹngụ? Sị ẹ zụ kụ́ ọdọwụ ọnịrị ọza ọnịrị ọza ẹnẹ ẹ̀ yị dọ wụ́ vabẹ? 16#1 Ịkọ 3.16; 6.19; Ire 26.12; Ezk 37.27Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka,
ọnị vaa ra ịnịnẹ ẹnịnị,
dị ọnị aa ngụ ịnị akakana ẹnịnịị zị.
Ọnị vaa vị Ohomorihi ẹnịnị,
dị ẹnị rẹ vị aza anị.
17 #
Ayị 52.11
Agụvị avọọ dị Ananyị yị rẹ kà a ka:
Jịnẹ hụụ ịdị ẹnịnị,
sị ẹngụ awụ nịnị tụ́ irenyi kwooze yị wa.
Asị ụ sị ụvọ kanyị ịsa eneē du ọza ẹngụ nịnị.
Ịjọnọọ ọnị vaa dọ wụ nịnịị pe ẹngụ.
18 #
2 Ịsa 7.14; 1 Ịtọ 17.13; Ayị 43.6; Ijer 31.9 Ọnị vaa vị Ada awụ nịnị,
dị ẹwụ nịnị rẹ vị ezi anọrụ ọnịrị ezi anẹẹ anị.
Avọọ Ananyị yị Ochẹtẹngụ mẹ̀ kà nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.