ĀCƐ URÓM 5
5
Ɔwɔicō lɛ alɔ kagwó mla iyī nū
1Abɔ̄ Ɔwɔicō le ɛpɔ̄hi hɛ́ lɛ alɔ ohígbū ka alɔ cɛ̄ɛ̄lā nū ā, alɔ kē bá ɛbɔ́ mla anú ohígbū ɔdā nɛ̄ Ujísɔ̄si Ohɔ́nyɛtá, Óndú alɔ yá lɛ alɔ ā. 2Ohígbū ka alɔ cɛ̄ɛ̄lā kú Ohɔ́nyɛtá ā, ó le yá ká alɔ lɛ ɛ́gɛ́nɛ̄ Ɔwɔicō gē je ɛhi lɛ alɔ alahá lɛ ā má. Alɔ gē gwéeyē nɛ̄hi ohígbū ka alɔ jé cāā ka alɔ géē lɛ ukpɛ̄ kú ɛgahi mɛ́mla ojīlīmā kú Ɔwɔicō. 3Ó wɛ ɔ́ɔmā ōfūnū ŋ́, amáŋ alɔ ī gwéeyē ohígbū ɛ́kɛma nɛ̄ alɔ ī má ā, ɛ́gɛ́nɛ̄ alɔ jé ka ɛ́kɛma í yá ká ālɔ̄ le ɔtū lé ā 4Ɔtū nɛ̄ alɔ ī lé ā gē yá kú Ɔwɔicō kóō cɛ̄tra alɔ. Ocɛ̄tra kú nū ī yá ka alɔ lɛ eyīyōce. 5Eyīyōce ɛ́gɛ́nyā í kē já alɔ kwɔwɛ ŋ́, ohígbū ka Ɔwɔicō lɛ ɛ́gɛ́nɛ̄ alɔ he ɔ́ ɔtū nɛ̄hi lɛ ā mafú o ŋmá lɛ ō je Alelékwū-Ihɔ nōo wɛ ákú nū ā lɛ alɔ.
6Ohígbū ka eko nɛ̄ alɔ í lɔfú i tá iyālɔ abɔ̄ glá ŋ́ mā, Ohɔ́nyɛtá gekwú ohígbū alɔ nēe wɛ ācɛ ɔ́bíipú ā eko nɛ̄ Ɔwɔicō miya ka ɔ́ɔ cíkā ā. 7Ó lɔnɔ ká alɔ gbɛlá ka ɔ̄cɛ í kwú ohígbū ɔ̄cɛ o lɛ íne tū. Ekōhī ɔ̄cɛ géē lɔtū í kwú ohígbū ɛ́nɛ́nɛ̄ ɔ̄cɛ glá. 8Amáŋ Ɔwɔicō le ɛ́gɛ́nɛ̄ alɔ he ɔ́ ɔtū lɛ ā mafú lɛ alɔ, oŋmá lɛ ō tū Ohɔ́nyɛtá wā ipú ɛcɛ nyā kóō gekwú ohígbū alɔ eko nɛ̄ alɔ wɛ ācobīyíne kpɔ́ ɛ́ɛ́ mā ā. 9Abɔ̄ oyī kú nū le yá kéē lɛ ɛpɔ̄hi hɛ́ lɛ alɔ ā. Ɔdā ɔhá nōo fíyɛ́ ɛ̄nɛ̄ ó yá nyā wɛ o nya alɔ tá ŋmá ícɔ̄nū kú Ɔwɔicō. 10Alɔ tɛtɛ wɛ aólɛlā kú nū, amáŋ ó kwú alɔ í pīya aóklóbīya nū, o ŋ́má lɛ ikwū kú ɔyí nū. Abālɔbányā nɛ̄ alɔ le pīya aóklóbīya Ɔwɔicō ā, ó géē nya alɔ tá ohígbū ka ó yēeyī! 11Ó wɛ ɔ́ɔmā ōfūnū ŋ́, Ɔwɔicō gē yá ká ālɔ̄ gwéeyē, ohígbū ɔdā nɛ̄ Óndú alɔ Ujísɔ̄si Ohɔ́nyɛtá nōo yɔ̄ ī lɛ alɔ pīya aóklóbīya Ɔwɔicō ā yá ā.
Ogblɔhá kú Ádām mɛ́mla Ohɔ́nyɛtá
12 #
Ohút 3.6
Íne kú Ɔwɔicō ō bīya wā ipú ɛcɛ nyā ŋmá iyē ɔ̄cɛ ékpónú, ikwū kē wā ŋmá lɛ íne nōó bīya ā, anɔ́ɔ ikwū le nyīla ɔwɛ ékpónú ɔ́ɔmā gé lɛ odúúdú ācɛ ā ohígbū ka odúúdú ācɛ le íne bīya. 13Ó wɛ ɔkwɛ̄yi keé tɛtɛ yɔ̄ ī bīyíne ɛ́ɛ́ nɛ̄ Ɔwɔicō je íne lɛ Umósīsi á. Amáŋ ɛga nɛ̄ íne í yɔ̄ ŋ́, é gē tá íne nɛ̄ ācɛ bīya tāajɛ ŋ́. 14Amáŋ odúúdú ācɛ nēe yēeyī eko kú Ádām í tá eko nɛ̄ Umósīsi yēeyī ā, le pɛ́ gekwú, nááná nɛ̄ ācɛ nēe bá abɔ́ɔ ā í bīyíne ɛ́gɛ́nɛ̄ Ádām bīya eko nōó tá kóō lɛyítáajɛ lɛ íne piíí nɛ̄ Ɔwɔicō je lɛ ɔ́ ā ŋmā. Ádām wɛ ɔwɛ éyi lɛbɛ̄ɛka ɛdɔ kú ɔ̄cɛ nōo gē wā ā, ɔwɛ ɔhá, ó kē lɛbɛ̄ɛka anú ŋ́.
15Amáŋ ācɛ ɛpa ā wɛ ɛyɛ́ɛyɛ́yí ohígbū ka ɔwɛ nɛ̄ Ɔwɔicō í je ɛhi alahá lɛ ācɛ ā í wɛ ékpónú mla íne nɛ̄ Ádām bīya ā ŋ́. Ó wɛ ɔkwɛ̄yi ka ācɛ alɛwa le pɛ́ gekwú ohígbū íne nɛ̄ ɔ̄cɛ ékpónú bīya ā. Amáŋ ɔwɛ nɛ̄ Ɔwɔicō ī ma eyīnyinyi kú nū fú ā lɔfú fíyɛ́, ɛ́gɔ́ɔmā nɛ̄ ɔwɛ nōó bī le je ɛhi alahá lɛ ācɛ alɛwa nɛ̄ɛ̄nɛ̄hi o ŋmá lɛ ɔwɛ nɛ̄ Ujísɔ̄si, Ohɔ́nyɛtá, ɔ̄cɛ ékpónú ā, bī le ma eyīnyinyi fú ā.
16Anɔ́ɔ ɔwɛ nɛ̄ Ɔwɔicō ī bī le je ɛhi lɛ ācɛ alahá ā wɛ ɛyɛ́ɛ́yí gwū ɔwɛ nɛ̄ ɔ̄cɛ ékpónú ā bīyíne ā. Íne nɛ̄ Ádām bīya ā yá ɛ́ɛ́ nēe ŋmó ācɛ “ɛpɔ̄bí” á. Amáŋ eko nɛ̄ ācɛ alɛwa le íne bīya ā, Ɔwɔicō le ɔdā nēé leyī ce ŋ́ mā yá lɛ uwá, o ŋmá lɛ ɛlā nōó ka kahíníī, “Aá lɛ ɛpɔ̄hi lé!” 17Ó wɛ ɔkwɛ̄yi ka ohígbū íne nɛ̄ ɔ̄cɛ ékpónú, Ádām, bīya ā nɛ̄ ikwū wā í gbɔɔ́ ō ŋmó alɛɛcɛ piíí á. Amáŋ ɔdā nɛ̄ ɔ̄cɛ ékpónú, Ujísɔ̄si Ohɔ́nyɛtá, yá ā lɔfú nɛ̄ɛ̄nɛ̄hī fíyɛ́ ɔdā nɛ̄ ɔ̄cɛ ékpónú nōo bīyíne ā yá ā. Ɔwɔicō le odúúdú ācɛ nōó ményinyi uwā nɛ̄ɛ̄nɛ̄hi ā kagwó mla iyī nū icííci. É géē yɔ̄ í lɔfú iyē nɛ̄hi ohígbū ɔdā nɛ̄ Ohɔ́nyɛtá yá ā. 18Anɔ́ɔ abɔ̄ íne nɛ̄ ɔ̄cɛ ékpónú bīya ā le odúúdú ācɛ ŋmɛ́pɔ̄bí ā, ɔwɛ ékpónú ɔ́ɔmā é le odúúdú ācɛ hɛ́tá ohígbū ka Ohɔ́nyɛtá le ucē okpaakpa yá, nōo yá ká ācɛ kéē yēeyī. 19Ohígbū ka ɔ̄cɛ ékpónú yá ikpɛ̄yí olɔfú tá Ɔwɔicō á, anɔ́ɔ odúúdú ācɛ le pīya ācobīyíne á. Ɔwɛ ékpó ɔ́ɔmā Ɔwɔicō í hɛ́ ɛpɔ̄hi lɛ odúúdú ācɛ ohígbū ka ɔ̄cɛ éyi lɛyítáajɛ lɛ ɔ́. 20Ɔwɔicō tū íne ā, o yá ɛ́ɛ́ kú ācɛ kéē yá ɔdōbɔ̄bí tōōtɔ̄ɔ̄, eko nɛ̄ ācɛ ī yá ɔdōbɔ̄bí tōōtɔ̄ɔ̄ ā, nɛ̄ eyīnyinyi kú nū ī nwuné fíyɛ́ á. 21Ámōōmɛ ɛlā ā wɛ ka abɔ̄ nɛ̄ odúúdú ācɛ í kwú ohígbū íne nēé bīya ā, ɛ́gɔ́ɔmā nɛ̄ ɔwɛ nɛ̄ Ɔwɔicō ī bī le méyīnyinyi ācɛ ā lɔfú lɛ á, ohígbū kóō le ācɛ kagwó mla iyīnū, nōo ŋmɛ́yí tá oyēeyī nɛ̄ ó gē mɛ ŋ́, ohígbū ɔdā nɛ̄ Ujísɔ̄si Ohɔ́nyɛtá Óndú alɔ yá ā.
Currently Selected:
ĀCƐ URÓM 5: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaĀCƐ URÓM 5
5
Ɔwɔicō lɛ alɔ kagwó mla iyī nū
1Abɔ̄ Ɔwɔicō le ɛpɔ̄hi hɛ́ lɛ alɔ ohígbū ka alɔ cɛ̄ɛ̄lā nū ā, alɔ kē bá ɛbɔ́ mla anú ohígbū ɔdā nɛ̄ Ujísɔ̄si Ohɔ́nyɛtá, Óndú alɔ yá lɛ alɔ ā. 2Ohígbū ka alɔ cɛ̄ɛ̄lā kú Ohɔ́nyɛtá ā, ó le yá ká alɔ lɛ ɛ́gɛ́nɛ̄ Ɔwɔicō gē je ɛhi lɛ alɔ alahá lɛ ā má. Alɔ gē gwéeyē nɛ̄hi ohígbū ka alɔ jé cāā ka alɔ géē lɛ ukpɛ̄ kú ɛgahi mɛ́mla ojīlīmā kú Ɔwɔicō. 3Ó wɛ ɔ́ɔmā ōfūnū ŋ́, amáŋ alɔ ī gwéeyē ohígbū ɛ́kɛma nɛ̄ alɔ ī má ā, ɛ́gɛ́nɛ̄ alɔ jé ka ɛ́kɛma í yá ká ālɔ̄ le ɔtū lé ā 4Ɔtū nɛ̄ alɔ ī lé ā gē yá kú Ɔwɔicō kóō cɛ̄tra alɔ. Ocɛ̄tra kú nū ī yá ka alɔ lɛ eyīyōce. 5Eyīyōce ɛ́gɛ́nyā í kē já alɔ kwɔwɛ ŋ́, ohígbū ka Ɔwɔicō lɛ ɛ́gɛ́nɛ̄ alɔ he ɔ́ ɔtū nɛ̄hi lɛ ā mafú o ŋmá lɛ ō je Alelékwū-Ihɔ nōo wɛ ákú nū ā lɛ alɔ.
6Ohígbū ka eko nɛ̄ alɔ í lɔfú i tá iyālɔ abɔ̄ glá ŋ́ mā, Ohɔ́nyɛtá gekwú ohígbū alɔ nēe wɛ ācɛ ɔ́bíipú ā eko nɛ̄ Ɔwɔicō miya ka ɔ́ɔ cíkā ā. 7Ó lɔnɔ ká alɔ gbɛlá ka ɔ̄cɛ í kwú ohígbū ɔ̄cɛ o lɛ íne tū. Ekōhī ɔ̄cɛ géē lɔtū í kwú ohígbū ɛ́nɛ́nɛ̄ ɔ̄cɛ glá. 8Amáŋ Ɔwɔicō le ɛ́gɛ́nɛ̄ alɔ he ɔ́ ɔtū lɛ ā mafú lɛ alɔ, oŋmá lɛ ō tū Ohɔ́nyɛtá wā ipú ɛcɛ nyā kóō gekwú ohígbū alɔ eko nɛ̄ alɔ wɛ ācobīyíne kpɔ́ ɛ́ɛ́ mā ā. 9Abɔ̄ oyī kú nū le yá kéē lɛ ɛpɔ̄hi hɛ́ lɛ alɔ ā. Ɔdā ɔhá nōo fíyɛ́ ɛ̄nɛ̄ ó yá nyā wɛ o nya alɔ tá ŋmá ícɔ̄nū kú Ɔwɔicō. 10Alɔ tɛtɛ wɛ aólɛlā kú nū, amáŋ ó kwú alɔ í pīya aóklóbīya nū, o ŋ́má lɛ ikwū kú ɔyí nū. Abālɔbányā nɛ̄ alɔ le pīya aóklóbīya Ɔwɔicō ā, ó géē nya alɔ tá ohígbū ka ó yēeyī! 11Ó wɛ ɔ́ɔmā ōfūnū ŋ́, Ɔwɔicō gē yá ká ālɔ̄ gwéeyē, ohígbū ɔdā nɛ̄ Óndú alɔ Ujísɔ̄si Ohɔ́nyɛtá nōo yɔ̄ ī lɛ alɔ pīya aóklóbīya Ɔwɔicō ā yá ā.
Ogblɔhá kú Ádām mɛ́mla Ohɔ́nyɛtá
12 #
Ohút 3.6
Íne kú Ɔwɔicō ō bīya wā ipú ɛcɛ nyā ŋmá iyē ɔ̄cɛ ékpónú, ikwū kē wā ŋmá lɛ íne nōó bīya ā, anɔ́ɔ ikwū le nyīla ɔwɛ ékpónú ɔ́ɔmā gé lɛ odúúdú ācɛ ā ohígbū ka odúúdú ācɛ le íne bīya. 13Ó wɛ ɔkwɛ̄yi keé tɛtɛ yɔ̄ ī bīyíne ɛ́ɛ́ nɛ̄ Ɔwɔicō je íne lɛ Umósīsi á. Amáŋ ɛga nɛ̄ íne í yɔ̄ ŋ́, é gē tá íne nɛ̄ ācɛ bīya tāajɛ ŋ́. 14Amáŋ odúúdú ācɛ nēe yēeyī eko kú Ádām í tá eko nɛ̄ Umósīsi yēeyī ā, le pɛ́ gekwú, nááná nɛ̄ ācɛ nēe bá abɔ́ɔ ā í bīyíne ɛ́gɛ́nɛ̄ Ádām bīya eko nōó tá kóō lɛyítáajɛ lɛ íne piíí nɛ̄ Ɔwɔicō je lɛ ɔ́ ā ŋmā. Ádām wɛ ɔwɛ éyi lɛbɛ̄ɛka ɛdɔ kú ɔ̄cɛ nōo gē wā ā, ɔwɛ ɔhá, ó kē lɛbɛ̄ɛka anú ŋ́.
15Amáŋ ācɛ ɛpa ā wɛ ɛyɛ́ɛyɛ́yí ohígbū ka ɔwɛ nɛ̄ Ɔwɔicō í je ɛhi alahá lɛ ācɛ ā í wɛ ékpónú mla íne nɛ̄ Ádām bīya ā ŋ́. Ó wɛ ɔkwɛ̄yi ka ācɛ alɛwa le pɛ́ gekwú ohígbū íne nɛ̄ ɔ̄cɛ ékpónú bīya ā. Amáŋ ɔwɛ nɛ̄ Ɔwɔicō ī ma eyīnyinyi kú nū fú ā lɔfú fíyɛ́, ɛ́gɔ́ɔmā nɛ̄ ɔwɛ nōó bī le je ɛhi alahá lɛ ācɛ alɛwa nɛ̄ɛ̄nɛ̄hi o ŋmá lɛ ɔwɛ nɛ̄ Ujísɔ̄si, Ohɔ́nyɛtá, ɔ̄cɛ ékpónú ā, bī le ma eyīnyinyi fú ā.
16Anɔ́ɔ ɔwɛ nɛ̄ Ɔwɔicō ī bī le je ɛhi lɛ ācɛ alahá ā wɛ ɛyɛ́ɛ́yí gwū ɔwɛ nɛ̄ ɔ̄cɛ ékpónú ā bīyíne ā. Íne nɛ̄ Ádām bīya ā yá ɛ́ɛ́ nēe ŋmó ācɛ “ɛpɔ̄bí” á. Amáŋ eko nɛ̄ ācɛ alɛwa le íne bīya ā, Ɔwɔicō le ɔdā nēé leyī ce ŋ́ mā yá lɛ uwá, o ŋmá lɛ ɛlā nōó ka kahíníī, “Aá lɛ ɛpɔ̄hi lé!” 17Ó wɛ ɔkwɛ̄yi ka ohígbū íne nɛ̄ ɔ̄cɛ ékpónú, Ádām, bīya ā nɛ̄ ikwū wā í gbɔɔ́ ō ŋmó alɛɛcɛ piíí á. Amáŋ ɔdā nɛ̄ ɔ̄cɛ ékpónú, Ujísɔ̄si Ohɔ́nyɛtá, yá ā lɔfú nɛ̄ɛ̄nɛ̄hī fíyɛ́ ɔdā nɛ̄ ɔ̄cɛ ékpónú nōo bīyíne ā yá ā. Ɔwɔicō le odúúdú ācɛ nōó ményinyi uwā nɛ̄ɛ̄nɛ̄hi ā kagwó mla iyī nū icííci. É géē yɔ̄ í lɔfú iyē nɛ̄hi ohígbū ɔdā nɛ̄ Ohɔ́nyɛtá yá ā. 18Anɔ́ɔ abɔ̄ íne nɛ̄ ɔ̄cɛ ékpónú bīya ā le odúúdú ācɛ ŋmɛ́pɔ̄bí ā, ɔwɛ ékpónú ɔ́ɔmā é le odúúdú ācɛ hɛ́tá ohígbū ka Ohɔ́nyɛtá le ucē okpaakpa yá, nōo yá ká ācɛ kéē yēeyī. 19Ohígbū ka ɔ̄cɛ ékpónú yá ikpɛ̄yí olɔfú tá Ɔwɔicō á, anɔ́ɔ odúúdú ācɛ le pīya ācobīyíne á. Ɔwɛ ékpó ɔ́ɔmā Ɔwɔicō í hɛ́ ɛpɔ̄hi lɛ odúúdú ācɛ ohígbū ka ɔ̄cɛ éyi lɛyítáajɛ lɛ ɔ́. 20Ɔwɔicō tū íne ā, o yá ɛ́ɛ́ kú ācɛ kéē yá ɔdōbɔ̄bí tōōtɔ̄ɔ̄, eko nɛ̄ ācɛ ī yá ɔdōbɔ̄bí tōōtɔ̄ɔ̄ ā, nɛ̄ eyīnyinyi kú nū ī nwuné fíyɛ́ á. 21Ámōōmɛ ɛlā ā wɛ ka abɔ̄ nɛ̄ odúúdú ācɛ í kwú ohígbū íne nēé bīya ā, ɛ́gɔ́ɔmā nɛ̄ ɔwɛ nɛ̄ Ɔwɔicō ī bī le méyīnyinyi ācɛ ā lɔfú lɛ á, ohígbū kóō le ācɛ kagwó mla iyīnū, nōo ŋmɛ́yí tá oyēeyī nɛ̄ ó gē mɛ ŋ́, ohígbū ɔdā nɛ̄ Ujísɔ̄si Ohɔ́nyɛtá Óndú alɔ yá ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma