ĀCƐ URÓM 4
4
Ōcābɔ̄ kú Ébrahām mafú ɔdā nɛ̄ ɔtū ō kpóce ī yá ā
1Ɔdí nɛ̄ alɔ í ka lɛyíkwu Ébrahām ádáádā odúúdú alɔ mɛ́ɛ̄ ā? 2Ɔ́dāŋ́ ka Ɔwɔicō mīyɛ Ébrahām wā ɛgiyí nū ohígbū úklɔ́ nōó yá ā nɛɛ, Ébrahām géē yɛ í lɛ ɔdā ō bī lɛ gwō, amáŋ ó lɛ ɔdā ō bī gwō iyɔ̄bū Ɔwɔicō ŋ́. 3#Ohút 15.6; Ugal 3.6Ohígbū kéē tá ipú ɛlɔ̄ɔwɔicō kahíníī, “Ébrahām kē cɛ̄ɛ̄lā Ɔwɔicō, é kē lɛ ɔ́ katú ipú ācɛ nɛ̄ Ɔwɔicō hɛ́pɔ̄hi lɛ uwá ā”. 4É gē gbā ulé lɛ ācɛ nēe le úklɔ́ yá kwɛyí, é je ulé ā bɛ̄ɛka ɔdā ɛhi ā ŋ́, amáŋ ó wɛ ɔdā nēé yúklɔ́ nū. 5Ɔwɔicō ī mīyɛ ācɛ wā ɛgiyí nū ohígbū keé cɛ̄ɛ̄lā nū, ó wɛ ohígbū úklɔ́ nēé yá ā ŋ́. 6Ɛ̄nyā nɛ̄ Udéfīdi gbɛlá eko nōó ka ka ɔ̄cɛ nɛ̄ Ɔwɔicō mīya wā ɛgiyí nū nōó wɛ ohígbū úklɔ́ nɛ̄ ɔ̄cɛ ɔ́ɔmā yá ā ŋ́ mā gwéeyē á.
7 #
Aíjē 32.1,2 “Ācɛ nēé kwú ɔdōbɔ̄bí nēé yá í yá uwā ɛhi gwéeyē,
ācɛ nēé kwú íne nēé bīya ā í yá uwā ɛhi ā gwéeyē. 8Ɔ̄cɛ nɛ̄ Óndú ā í tá íne nōó bīya ā tāajɛ ŋ́ mā gwéeyē.”
9Ó wɛ ācɛ nēé le uwá apī hɛ́ ā ōfōōfū uwā ī gwéeyē ɛdɔ nɛ̄ Udéfīdi kɛlā lɛyíkwu ɔ́ ā ŋ́. Ācɛ nēé ī hápī ŋ́ mā ī gwéeyē dúú. Alɔ le ka ŋmá ipú ɛlɔ̄ɔwɔicō kahíníī, “Ébrahām cɛ̄ɛ̄lā Ɔwɔicō, anɔ́ɔ ohígbū ɔtū nɛ̄ ó kpóce Ɔwɔicō ā, ó mīyɛ anú wā ɛgiyí nū.” 10Ɔwɔicō mīyɛ Ébrahām wā ɛgiyí nū eko nōó hɛ́ apī ɛ́ɛ́ ŋ́ mā. 11#Ohút 17.10Ó le apī hɛ́ igbīhāajɛ, kóō mafú ka Ɔwɔicō mīyɛ anú wā ɛgiyí nū ohígbū kóō cɛ̄ɛ̄lā nū gbɔbū ɛ́ɛ́ kóō kōō hápī. Anɔ́ɔ Ébrahām le lɛbɛ̄ɛka ádáádā kú odúúdú ācɛ nēe cɛ̄ɛ̄lā Ɔwɔicō nōó kē mīyɛ uwá wā ɛgiyí nū nááná nēé hápī ŋ́ mā ā. 12Ó kē lɛbɛ̄ɛka aádáádā kú ācɛ nēe le apī hɛ́, amáŋ ɔ́dāŋ nēé cɛ̄ɛ̄lā ɔwɛ ékpónú nɛ̄ Ébrahām cɛ̄ gbɔbū ɛ́ɛ́ nēé hɛ́ ɔ̄ apī ā.
Ébrahām mīyɛ ɔdā nɛ̄ Ɔwɔicō cokónu nū ā
13 #
Ohút 17.4-6; 22.17,18; Ugal 3.29 Eko nɛ̄ Ɔwɔicō cokónu lɛ Ébrahām mɛ́mla ayááyí nū ka anúɔ géē je odúúdú ɛcɛ lɛ uwá ā, ó ŋmá lɛ íne kú Ɔwɔicō nēé le tū ā ŋ́, amáŋ ohígbū kóō cɛ̄ɛ̄lā Ɔwɔicō, anɔ́ɔ ó mīyɛ ɔ́ wā ɛgiyí nū á. 14#Ugal 3.18Ohígbū ka ɔ́dāŋ ka okónu nɛ̄ Ɔwɔicō ce ā wɛ ákú ācɛ nēe ī lɛ íne ā tū ā nɛɛ, ó lɛ ā ɛlā Ɔwɔicō nɛ̄ alɔ cɛ̄ ā í wɛ ɔdā dúúmā ŋ́, cɛ́ɛ́ okónu nɛ̄ Ɔwɔicō ce ā kē wɛ áncā. 15Ohígbū ka íne ā ī cɛ̄ lɛ Ɔwɔicō cɔ̄nū, amáŋ ɛga nɛ̄ íne í yɔ̄ ŋ́, ācɛ í kē gáā bīyíne ŋ́.
16 #
Ugal 3.7
Ɔ́ɔmā yá ɛ́ɛ́ nɛ̄ okónu nɛ̄ Ɔwɔicō ce lɛ Ébrahām ā ŋmá lɛ ɛlā Ɔwɔicō nōó cɛ̄ ā n. É géē jé okónu nɛ̄ Ɔwɔicō ce ā ŋmá lɛ ɛhi alahá nōó je lɛ odúúdú ayááyí kú Ébrahām ā. Ó wɛ ācɛ nēe lɛyítáajɛ lɛ íne ā ōfōōfū uwā ŋ́, amáŋ ó je lɛ ācɛ nēe cɛ̄ ɛ́gɛ́nɛ̄ Ébrahām cɛ̄ ā. 17#Ohút 17.5Ɛ́gɛ́nɛ̄ é tá ɔ̄ ipú ɔkpá kú ɛlɔ̄ɔwɔicō kahíníī, “N le yá ká ā kwú pīya ádā kú aéwo alɛwa.” Ókónu nēé ce ā lɔhi ohígbū ka Ɔwɔicō nɛ̄ Ébrahām cɛ̄ɛ̄lā nū ā, wɛ Ɔwɔicō nōo gē kpó ācɛ nēe pɛ́ kwú ā héyī ŋmá ɔlékwū, nōo klla ī je ɔ́da ká ɔdā nōó yɔ̄ jééjéē ɛ́ɛ́ ŋ mā kéē le yɔ̄ ā. 18#Ohút 15.5Eko nɛ̄ Ɔwɔicō le okónu ce le Ébrahām ka ɔ́ɔ géē je pīya ádā kú éwo alɛwa ā, Ébrahām cɛ̄ɛ̄lā nū yɔ̄ ī kpɔ́tūce nááná nōó lɛ ɔdā nōó í kpɔ́tūce ɔ́ ŋ́ mā. Ɔwɔicō klla da ɔ́ kahíníī, “Ayááyí kú uwɔ géē lɛwa bɛ̄ɛka aínyílɔ́wɔ ā.” 19#Ohút 17.17Ébrahām yɔ̄ gē kpɔ́tūce Ɔwɔicō lɔfú lɔfú kpɔ́ nááná nōó lɛbɛ̄ɛka iháyí ofɛ̄hɔ̄, nōó kōō le jé ka ɔkpíyē kú anúɔ í je ɔnyā ipú glá gɛ ŋ́ mā, nɛ̄ Usára í kē gáā ma ɔyí glá gɛ ŋ́ mā. 20Ébrahām yɔ̄ gē kpɔ́tūce kpɔ́, ɔtū kú nū í kē bɛ́ɛpa lɛyíkwu okónu nɛ̄ Ɔwɔicō ce lɛ ɔ́ ā ŋ́, amáŋ ɔtū nōó le ce Ɔwɔicō ā lɔfú tū ɔ̄ iyē, anɔ́ɔ ó le mafú ka Ɔwɔicō wɛ idáagó á. 21Ó kē jé kpɔ́cíí ka Ɔwɔicō ɔ́ɔ géē yá ɔdā nōó cokónu nū ā glá. 22Ɔ́ɔmā yá ɛ́ɛ́ nɛ̄ ohígbū ɔtū nɛ̄ Ébrahām kpóce Ɔwɔicō ā nōó bī le hɛ́pɔ̄hi lɛ ɔ́ á. 23Amáŋ ɛlā nēé ka kahíníī, “É lɛ ɛpɔ̄hi hɛ́ lɛ ɔ́ ā,” é tá ɔ̄ ohígbū anú ōfūnū ŋ́. 24Amáŋ é tá ɔ̄ ohígbū alɔ nɛ̄ Ɔwɔicō géē hɛ́pɔ̄hi lɛ alɔ dúú, ɔ́dāŋ ka alɔ cɛ̄ɛ̄lā anú nōo je Ujísɔ̄si Óndú alɔ héyī ŋmá ɔlékwū ā. 25#Ayis 53.4,5É kwú ɔ̄ ú tá ācɛ abɔ̄ kéē lɛ ɔ́ ŋmó ohígbū íne nɛ̄ alɔ bīya ā, anɔ́ɔ Ɔwɔicō kē kwú ɔ̄ ú héyī ŋmá ɔlékwū, o yá ɛ́ɛ́ kóō lɛ ɛpɔ̄hi hɛ́ lɛ alɔ.
Currently Selected:
ĀCƐ URÓM 4: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaĀCƐ URÓM 4
4
Ōcābɔ̄ kú Ébrahām mafú ɔdā nɛ̄ ɔtū ō kpóce ī yá ā
1Ɔdí nɛ̄ alɔ í ka lɛyíkwu Ébrahām ádáádā odúúdú alɔ mɛ́ɛ̄ ā? 2Ɔ́dāŋ́ ka Ɔwɔicō mīyɛ Ébrahām wā ɛgiyí nū ohígbū úklɔ́ nōó yá ā nɛɛ, Ébrahām géē yɛ í lɛ ɔdā ō bī lɛ gwō, amáŋ ó lɛ ɔdā ō bī gwō iyɔ̄bū Ɔwɔicō ŋ́. 3#Ohút 15.6; Ugal 3.6Ohígbū kéē tá ipú ɛlɔ̄ɔwɔicō kahíníī, “Ébrahām kē cɛ̄ɛ̄lā Ɔwɔicō, é kē lɛ ɔ́ katú ipú ācɛ nɛ̄ Ɔwɔicō hɛ́pɔ̄hi lɛ uwá ā”. 4É gē gbā ulé lɛ ācɛ nēe le úklɔ́ yá kwɛyí, é je ulé ā bɛ̄ɛka ɔdā ɛhi ā ŋ́, amáŋ ó wɛ ɔdā nēé yúklɔ́ nū. 5Ɔwɔicō ī mīyɛ ācɛ wā ɛgiyí nū ohígbū keé cɛ̄ɛ̄lā nū, ó wɛ ohígbū úklɔ́ nēé yá ā ŋ́. 6Ɛ̄nyā nɛ̄ Udéfīdi gbɛlá eko nōó ka ka ɔ̄cɛ nɛ̄ Ɔwɔicō mīya wā ɛgiyí nū nōó wɛ ohígbū úklɔ́ nɛ̄ ɔ̄cɛ ɔ́ɔmā yá ā ŋ́ mā gwéeyē á.
7 #
Aíjē 32.1,2 “Ācɛ nēé kwú ɔdōbɔ̄bí nēé yá í yá uwā ɛhi gwéeyē,
ācɛ nēé kwú íne nēé bīya ā í yá uwā ɛhi ā gwéeyē. 8Ɔ̄cɛ nɛ̄ Óndú ā í tá íne nōó bīya ā tāajɛ ŋ́ mā gwéeyē.”
9Ó wɛ ācɛ nēé le uwá apī hɛ́ ā ōfōōfū uwā ī gwéeyē ɛdɔ nɛ̄ Udéfīdi kɛlā lɛyíkwu ɔ́ ā ŋ́. Ācɛ nēé ī hápī ŋ́ mā ī gwéeyē dúú. Alɔ le ka ŋmá ipú ɛlɔ̄ɔwɔicō kahíníī, “Ébrahām cɛ̄ɛ̄lā Ɔwɔicō, anɔ́ɔ ohígbū ɔtū nɛ̄ ó kpóce Ɔwɔicō ā, ó mīyɛ anú wā ɛgiyí nū.” 10Ɔwɔicō mīyɛ Ébrahām wā ɛgiyí nū eko nōó hɛ́ apī ɛ́ɛ́ ŋ́ mā. 11#Ohút 17.10Ó le apī hɛ́ igbīhāajɛ, kóō mafú ka Ɔwɔicō mīyɛ anú wā ɛgiyí nū ohígbū kóō cɛ̄ɛ̄lā nū gbɔbū ɛ́ɛ́ kóō kōō hápī. Anɔ́ɔ Ébrahām le lɛbɛ̄ɛka ádáádā kú odúúdú ācɛ nēe cɛ̄ɛ̄lā Ɔwɔicō nōó kē mīyɛ uwá wā ɛgiyí nū nááná nēé hápī ŋ́ mā ā. 12Ó kē lɛbɛ̄ɛka aádáádā kú ācɛ nēe le apī hɛ́, amáŋ ɔ́dāŋ nēé cɛ̄ɛ̄lā ɔwɛ ékpónú nɛ̄ Ébrahām cɛ̄ gbɔbū ɛ́ɛ́ nēé hɛ́ ɔ̄ apī ā.
Ébrahām mīyɛ ɔdā nɛ̄ Ɔwɔicō cokónu nū ā
13 #
Ohút 17.4-6; 22.17,18; Ugal 3.29 Eko nɛ̄ Ɔwɔicō cokónu lɛ Ébrahām mɛ́mla ayááyí nū ka anúɔ géē je odúúdú ɛcɛ lɛ uwá ā, ó ŋmá lɛ íne kú Ɔwɔicō nēé le tū ā ŋ́, amáŋ ohígbū kóō cɛ̄ɛ̄lā Ɔwɔicō, anɔ́ɔ ó mīyɛ ɔ́ wā ɛgiyí nū á. 14#Ugal 3.18Ohígbū ka ɔ́dāŋ ka okónu nɛ̄ Ɔwɔicō ce ā wɛ ákú ācɛ nēe ī lɛ íne ā tū ā nɛɛ, ó lɛ ā ɛlā Ɔwɔicō nɛ̄ alɔ cɛ̄ ā í wɛ ɔdā dúúmā ŋ́, cɛ́ɛ́ okónu nɛ̄ Ɔwɔicō ce ā kē wɛ áncā. 15Ohígbū ka íne ā ī cɛ̄ lɛ Ɔwɔicō cɔ̄nū, amáŋ ɛga nɛ̄ íne í yɔ̄ ŋ́, ācɛ í kē gáā bīyíne ŋ́.
16 #
Ugal 3.7
Ɔ́ɔmā yá ɛ́ɛ́ nɛ̄ okónu nɛ̄ Ɔwɔicō ce lɛ Ébrahām ā ŋmá lɛ ɛlā Ɔwɔicō nōó cɛ̄ ā n. É géē jé okónu nɛ̄ Ɔwɔicō ce ā ŋmá lɛ ɛhi alahá nōó je lɛ odúúdú ayááyí kú Ébrahām ā. Ó wɛ ācɛ nēe lɛyítáajɛ lɛ íne ā ōfōōfū uwā ŋ́, amáŋ ó je lɛ ācɛ nēe cɛ̄ ɛ́gɛ́nɛ̄ Ébrahām cɛ̄ ā. 17#Ohút 17.5Ɛ́gɛ́nɛ̄ é tá ɔ̄ ipú ɔkpá kú ɛlɔ̄ɔwɔicō kahíníī, “N le yá ká ā kwú pīya ádā kú aéwo alɛwa.” Ókónu nēé ce ā lɔhi ohígbū ka Ɔwɔicō nɛ̄ Ébrahām cɛ̄ɛ̄lā nū ā, wɛ Ɔwɔicō nōo gē kpó ācɛ nēe pɛ́ kwú ā héyī ŋmá ɔlékwū, nōo klla ī je ɔ́da ká ɔdā nōó yɔ̄ jééjéē ɛ́ɛ́ ŋ mā kéē le yɔ̄ ā. 18#Ohút 15.5Eko nɛ̄ Ɔwɔicō le okónu ce le Ébrahām ka ɔ́ɔ géē je pīya ádā kú éwo alɛwa ā, Ébrahām cɛ̄ɛ̄lā nū yɔ̄ ī kpɔ́tūce nááná nōó lɛ ɔdā nōó í kpɔ́tūce ɔ́ ŋ́ mā. Ɔwɔicō klla da ɔ́ kahíníī, “Ayááyí kú uwɔ géē lɛwa bɛ̄ɛka aínyílɔ́wɔ ā.” 19#Ohút 17.17Ébrahām yɔ̄ gē kpɔ́tūce Ɔwɔicō lɔfú lɔfú kpɔ́ nááná nōó lɛbɛ̄ɛka iháyí ofɛ̄hɔ̄, nōó kōō le jé ka ɔkpíyē kú anúɔ í je ɔnyā ipú glá gɛ ŋ́ mā, nɛ̄ Usára í kē gáā ma ɔyí glá gɛ ŋ́ mā. 20Ébrahām yɔ̄ gē kpɔ́tūce kpɔ́, ɔtū kú nū í kē bɛ́ɛpa lɛyíkwu okónu nɛ̄ Ɔwɔicō ce lɛ ɔ́ ā ŋ́, amáŋ ɔtū nōó le ce Ɔwɔicō ā lɔfú tū ɔ̄ iyē, anɔ́ɔ ó le mafú ka Ɔwɔicō wɛ idáagó á. 21Ó kē jé kpɔ́cíí ka Ɔwɔicō ɔ́ɔ géē yá ɔdā nōó cokónu nū ā glá. 22Ɔ́ɔmā yá ɛ́ɛ́ nɛ̄ ohígbū ɔtū nɛ̄ Ébrahām kpóce Ɔwɔicō ā nōó bī le hɛ́pɔ̄hi lɛ ɔ́ á. 23Amáŋ ɛlā nēé ka kahíníī, “É lɛ ɛpɔ̄hi hɛ́ lɛ ɔ́ ā,” é tá ɔ̄ ohígbū anú ōfūnū ŋ́. 24Amáŋ é tá ɔ̄ ohígbū alɔ nɛ̄ Ɔwɔicō géē hɛ́pɔ̄hi lɛ alɔ dúú, ɔ́dāŋ ka alɔ cɛ̄ɛ̄lā anú nōo je Ujísɔ̄si Óndú alɔ héyī ŋmá ɔlékwū ā. 25#Ayis 53.4,5É kwú ɔ̄ ú tá ācɛ abɔ̄ kéē lɛ ɔ́ ŋmó ohígbū íne nɛ̄ alɔ bīya ā, anɔ́ɔ Ɔwɔicō kē kwú ɔ̄ ú héyī ŋmá ɔlékwū, o yá ɛ́ɛ́ kóō lɛ ɛpɔ̄hi hɛ́ lɛ alɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma