ÁLUKA Omafú kú ɔ̄kā kú ipú ɔkpá ā
Omafú kú ɔ̄kā kú ipú ɔkpá ā
Ɔkpā kū áluka wɛ ɔ̄kā kū ayí kū Ísrɛ̄lu eko nēé bá ī yɛ lɛbɛ̄ɛka iháyí ofɛpa ŋmífī nɛ̄é nyɛ̄ɛ̄ ŋmā ɛfu kū Usáyínāyi a, jāā gbéeko nɛ̄ ē ga ajɛ kú ɛnɔ̄ɔ̄cī. Ɛjī kū ajɛ nɛ̄ Ɔwɔicō cokónu kóō je lɛ uwá ā. Iyē kū ɔkpā nyā mafū ɔdā o kpɔ́cíí nōo yá ipú ɔ̄kā ā. Ɔdā ɔ́ɔmā kē wɛ ācɛ kú Ísrɛ̄lu nɛ̄ Umósīsi gbaáluka ɛgiyí ɛfu kú Usáyínāyi gbɔbū kéē nyɛ̄ɛ̄ ŋmá abɔ́ɔ ā. Ó klla gbo ācɛ ā áluka ipú ajɛ kú ācɛ Umówābu, ɛnɔ̄ɔ̄cī kú Ujɔ́dan ā, igbīhāajɛ nɛ̄ ɛ́gɔ́ éyi le gla ā. Eko nōo tá ɛplá ācɛ ō gbaáluka ɛplɛ́ɛpa ā, ācɛ kū Ísrɛ̄lu le pɛ́ gā Ukādes Ubánīya, ɛjī kū ɛháajɛ kú Ukénan, amáŋ é bēhé ŋmā abɔ́ɔ ga ajɛ nɛ̄ Ɔwɔicō cokónu nū lɛ uwá ā glá ŋ́. Eko nēé bá abɔ́ɔ iháyí alɛwa ā, é le pɛ́ ga ajɛ kú ɛnɔ̄ɔ̄cī kū Ujɔ̄dan, ɛga nɛ̄ ācɛ ōhī kú uwā gbɔɔ́ ō tú ɔkwu bá ajɛ kéē lā abɔ́ɔ ā. Amáŋ ācɛ ohile ā le tútū kéē bēé ísu ā gaajɛ kú Ukénan.
Ɔkpá kū Áluka ā, gē kā ɔ̄kā kú ācɛ nɛ̄ ɔ̄tū kú uwā gē gbenyi ojigógó nɛ̄ ufi klla gē yá uwá eko nēé gbɔɔ́ ō móōwē, é gē bɛ́yíkwu Ɔwɔicō mɛ́mla Umósīsi, ɔ̄cɛ nɛ̄ Ɔwɔicō fu kóō gbō uwā ā. Ó wɛ ɔ̄kā kú ɛ́gɛ́nɛ̄ Ɔwɔicō lɛ abɔ̄ tɔ̄ɔ̄tū kóō lɛ ɛlá kwū uwá nááná nēé lɛ ɛlā abɔ̄yī uwā ŋ́ klla gē yíīkpɛ̄yí olɔfú ā. Ó klla kā ɔ̄kā kú á hɛ́kegé ŋ́ kú Umósīsi, nááná nɛ̄ eko ōhī nōó lɛ ɔtūlé mla uwá glá ŋ́ mā. Ó kē lɛ eko kú nū táajɛ lɛ Ɔwɔicō mɛ́mla ācɛ ɔlɛ́ nū.
O kpó kwu ɔgba kú ɔ̄kā kú ɔkpá ā
Ācɛ Ísrɛ̄lu le tútū kéē nyɛ̄ɛ̄ ŋmá ɛfu kú Usáyínāyi 1.1—9.23
Ācɛ nēé gbaáluka kú aflɛ́yí ā 1.1—4.49
b. Aíne ɛyɛ́ɛyɛ́yí 5.1—8.26
c. Ucɛ kú onyatá ɔ́mpa 9.1-23
O ŋmá ɛfu kú Usáyínāyi ga Umówābu 10.1—21.35
Ɔdā nōo yá Umówābu ā 22.1—32.42
Ocēkplá kú iyāwu oŋmá Íjīpiti ga Umówābu 33.1-49
Ukɔ́ nēé tū gbɔbū nēe hɛ́ Ujɔ́dan bēé ā 33.50—36.13
Currently Selected:
ÁLUKA Omafú kú ɔ̄kā kú ipú ɔkpá ā: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma