ÁLUKA 7
7
Ɛya nɛ̄ aótrɛ̄yí gwó ā
1Ɛ̄cī nɛ̄ Umósīsi kwú Áklɔ̄kpīihɔ kú Óndú ā ú kwaajɛ kwɛyí, nɛ̄ó lɛ ɔ́ gwu klla le ɔhā hɛ́ ce ɔ́, cɛ́ɛ́ kú anú mɛ́mla odúúdu iyó kú nū, mɛ́mla ɛyí ede mɛ́mla odúúdu iyó kú nū kéē kwú tīihɔ ā, 2aótrɛ̄yí kú ācɛ kú Ísrɛ̄lu mɛ́mla aótrɛ̄yí kú aípɔ́ɔma kú uwā ā, nēe gē leyīkwu ācɛ nēe gba ācɛ áluka ā, 3lɛ ɔdā kú ɛ̄gbā mɛ́mla ɔdā ō bī le gwɛ́ɛya kú uwā bī gé lɛ Óndú ā. Úgbáajɛ ɛhīlī nɛ̄ aɔ́bá ɛna igwɛ́ɛpa gē pi ā, ɔ́ɔmā lé ka úgbáajɛ éyi wɛ ákú aótrɛ̄yí ɛpa, ɔbá ɛna éyééye wɛ ákú ɔnyɔɔnyɛ kú aótrɛ́yí ā. Eko nēé kwú uwā ú kpó lɛ Óndú ā iyɔ̄bū kú Áklɔ̄kpīihɔ ā. 4Óndú ā da Umósīsi kahíníī, 5“Mīyɛ ɔdā kú ɛ̄gbā ā ŋmá ɛgiyí uwā, kéē bī uwā yúklɔ́ kú ipu Áklɔ̄kpīihɔ ā. Kwú uwā ú kpó lɛ ayí kú Ulífāyi ɛ́gɛ́nɛ̄ ɛdɔ kú úklɔ́ nēé gē yá ā lɛ ā.” 6Anɔ́ɔ Umósīsi kwu úgbáajɛ kú aɔ́bá ɛna mɛ́mla aɔ́bá ɛna ā ú kpó lɛ ayí Ulífāyia. 7Ó kpó aúgbáajɛ kú ɔbá ɛna ɛpa mɛ́mla ɔbá ɛna ɛnɛ lɛ ipɔ́ɔma kú Ugɛ́ssɔn. 8Ó kpó aúgbáajɛ kú ɔbá ɛna ɛnɛ mɛ́mla ɔbá ɛna ahātá lɛ ipɔ́ɔma kú Umerári, kéē yúklɔ́ kú uwā dóódu ɛháajɛ kú Utáma, ɔyí kú Árɔ̄ni. 9Amáŋ, Umósīsi í je úgbáajɛ kú ɔbá ɛna mɛ́mla ɔbá ɛna dúúmā lɛ ipɔ́ɔma kú Ukɔ́hāti ŋ́. Ohígbū ka ɔdā o tīihɔ nēé bī ā, é ge bī uwā ce ɔkɔ.
10Aótrɛ̄yí ā bī ɔdā kú ɛ̄gbā wā dúú kéē bī le gwɛ́ɛya lɛ Óndú ā, eko nēé je ede ā tū Óndú ā abɔ̄ ā. Eko nēé le tútū kéē bī ɔdā kú ɛ̄gbā kú uwā wā ɛyí ede ā, 11Óndú ā da Umósīsi kahíníī, “Le da uwá ka ɔnyɔɔnyɛ ɔ́ɔ géē bī ɔdā ɛ̄gbā kú ede o je tū Óndú abɔ̄ ā, wā ɛ̄cī éyééye ipú ɛ̄cī igwɛ́ɛpa ā.
12Ɔ̄cɛ nōo géē je ɔdā ɛ̄gbā kú nū ɛ̄cī aflɛ́yí ā wɛ Unássɔn, ɔyí kú Ammínādabu, nōo ŋmá ipɔ́ɔma kú Ujúda ā. 13Ɔdā ɛ̄gbā kú nū ā wɛ ocíbú oje nɛ̄hɛ́ éyi, nɛ̄ ogbɛnú kú nū géē lɛbɛ̄ɛka ákú usɛ́kɛlu ofu ce igwó, mɛ́mla ɔgbanjɛ nɛ̄ ogbɛnú kú nū lɛbɛ̄ɛka ákú usɛ́kɛlu ofɛtá ce igwó ā. Ɛpɛlɛ́ɛpa kú nū géē wɛ oōmu mla umu nēé lɛ anɔ̄ tū ɔ̄. 14Ocíbú ugóolu (oje ɔdɔ) éyi nɛ̄ ogbɛnú kú nū lɛbɛ̄ɛka ákú usɛ́kɛlu igwó, nōo le mu mla ɔtulalī ā. 15Ɛdrɔ́ kú ɔbá ɛna éyi, mɛ́mla omlede kú iháyí éyi, kú ɛya nēé í yɔlá. 16Opī éyi kú ɛya kú ínoōbīya, 17mɛ́mla ɛya kú ɛbɔ́, aɔ́bá ɛna ɛpa, omlede ɛhɔ̄, ɛ̄nyā wɛ ɔdā ɛ̄gbā kú Unássɔn, ɔyí kú Ammínādabu á.
18Ɛ̄cī ɔ́mpa ā, ɔ̄cɛ nōo géē bī ɔdā ɛ̄gbā kú nū ā wɛ, Unatánīyɛlu, ɔyí kú Usúwa, nōo ŋmá ipɔ́ɔma kú Íssāka ā. 19Ó géē bī ocíbú kú oje nɛ̄hɛ́ éyi, nɛ̄ ogbɛnú kú nū géē lɛbɛ̄ɛka ákú usɛ́kɛlu ofu ɛhīlī ce igwó (130) ā. Ogbānjɛ̄ kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó á. odúúdu nū wɛ oōmu mla umu nēé lɛ anɔ̄ tū ɔ̄. 20Ocíbú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó ā. Ó le mu mla otulalī, 21ɔbá ɛna éyi, álá éyi, mɛ́mla omlede éyi kú iháyí éyi kú ɛya ō yɔlá dúúdú. 22Opī éyi kú ɛya kú íne ō bīya. 23Aɔ́bá ɛna ɛpa, aómlede ɛhɔ̄, aópi ɛhɔ̄ mɛ́mla álá ɛhɔ̄. Ɛ̄nyā wɛ ɔdā ɛ̄gbā kú Unatánīyɛlu, ɔyí kú Usúwa.
24Ɛ̄cī ɔ́mɛɛtá ā wɛ Ɛlíyābu, ɔyí kú Uhɛ́lɔn, ipɔ́ɔma kú Usébūlɔn. 25Ɔdā ɛ̄gbā kú nū wɛ ocíbú oje nɛ̄hɛ́ éyi, nɛ̄ ogbɛnú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ éyi nē ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó ā. Odúúdu nū géē wɛ oōmu mla umu mɛ́mla anɔ̄ mɛ́mla ɔdā ɛ̄gbā kú īkpɔ̄dā. 26Ocibu ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó. Ɔtulalī géē wɛ omōōmu nū. 27Ó klla í bī ɔbá ɛna éyi, álá éyi mɛ́mla omlede éyi kú iháyí éyi, kú ɛya o yɔlá dúúdú. 28Opī éyi kú ɛya kú ínoōbīya, 29mɛ́mla aɔ́bá ɛna ɛpa, aómlede ɛhɔ̄, aópī ɛhɔ̄ mɛ́mla omlede kú iháyí éyi, kú ɛya kú ɛbɔ́. Ɛ̄nyā wɛ ɔdā ɛ̄gbā kú Ɛlíyābu, ɔyí kú Uhɛ́lɔn á.
30Ɛ̄cī ɔ́mɛɛnɛ ā wɛ Ɛlísɔ, ɔyí kú Ussidéyu, ipɔ́ɔma kú Urúbɛ̄n, 31Ɔdā ɛ̄gbā kú nū wɛ ocíbú oje nɛ̄hɛ́ éyi nɛ̄ ogbɛnú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ kú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó. Ɛplɛ́ɛpa kú nū wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā. 32Ó klla í bī ocíbú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo le mu mla ɔtulalī. 33Ó í bī ɔyí ɔbá ɛna éyi, álá éyi, ɔyí omlede kú iháyí éyi, kú ɛya o yɔlá dúúdú, 34mla opi éyi, kú ɛya kú ínoōbīya. 35Ákú ɛya kú ɛbɔ́ ā wɛ, aɔ́bá ɛna ɛpa, aómlede ɛhɔ̄, aópī ɛhɔ̄, mɛ́mla aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Ɛlísu, ɔyí kú Ussɛdéwu á.
36Ɛ̄cī ɔ́mɛɛhɔ̄ ā wɛ Ussɛlúmiyɛ̄lu, ɔyí kú Usuríssadāyi, ɔ̄cɛ ipɔ́ɔma kú Usímīyɔn. 37Ɔdā ɛ̄gbā kú nū ā géē wɛ ocíbú kú oje nɛ̄hɛ́ éyi, nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mɛ́mla ɔgbanjɛ̄ kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó ā. Ó géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā. 38Ó klla í bī ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó, nōo le mu mla ɔtulalī. 39Ó klla í bī ɛdrɔ́ kú ɔbá ɛna éyi, omlede éyi, álá éyi kú iháyí éyi, kú ɛya o yɔlá dúúdú. 40Opī éyi kú ɛya kú ínoōbīya. 41Ákú ɛya kú ɛbɔ́ ā wɛ aɔ́bá ɛna ɛpa, aómlede ɛhɔ̄, aópī ɛhɔ̄, mɛ́mla aálá kú iháyí éyi ɛhɔ̄. Ɛ̄nyā wɛ ɔdā kú ɛ̄gbā kú Ussɛlúmīyɛlu, ɔyí kú Usúríssadāyi ā.
42Ɛ̄cī ɔ́mɛɛhīlī ā wɛ ákú Ɛlíyāsafu, ɔyí kú Udúwɛ̄lu, ŋmá ipɔ́ɔma kú Ugádi ā géē bī aɔ́dā kú ɛ̄gbā nēe bá ā: 43É géē wɛ ocíbú oje nɛ̄hɛ́ éyi, nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mla ɔgbanjɛ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó. Ɛplɛ́ɛpa kú uwā géē wɛ oōmu mla anɔ̄ kú ɛya kú īkpɔ̄dā. 44Ó klla í bī ocíbú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo le mu mla ɔtulalī ā. 45Ó í bī ɛdrɔ́ kú ɔbá ɛna éyi, omlede éyi, mɛ́mla álá éyi kú iháyí éyi, kú ɛya o yɔlá dúúdú. 46Opi éyi kú ɛya kú ínoōbīya. 47Ɔdā kú ɛ̄gbā kú ɛya kú ɛbɔ́ kú Ɛlíyāsafu, ɔyí kú Udúwɛ̄lu ā, wɛ aɔ́bá ɛna ɛpa, aómlede ɛhɔ̄, aópī ɛhɔ̄, mɛ́mla álá kú iháyí éyi ɛhɔ̄.
48Ɛ̄cī ɔ́mahāapa ā wɛ Ɛlíssāma, ɔyí kú Ammíhūdi, ipɔ́ɔma kú Ɛ́frēm. 49Ɔdā ɛ̄gbā kú nū ā wɛ ocíbú kú oje nɛ̄hɛ́ éyi, nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mɛ́mla ɔgbanjɛ̄ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó nōo le mu mla umu mɛ́mla anɔ̄ kú ɛya kú īkpɔ̄dā. 50Ó í bī ocibu kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo le mu mla ɔtulalī. 51Ó klla í bī ɔyí ɔbá ɛna éyi, álá éyi, mɛ́mla omlede kú iháyí éyi, kú ɛya o yɔlá dúúdú. 52Opī éyi kú ɛya kú ínoōbīya. 53Ákú ɛya kú ɛbɔ́ ā, ó í bī aɔ́bá ɛna ɛpa, aómlede ɛhɔ̄, aópī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā kú ɛ̄gbā kú Ɛlíssāma, ɔyí kú Ammíhūd á.
54Ɛ̄cī ɔ́mahātá ā wɛ ákú Ugamálīyɛ̄lu, ɔyí kú Upɛdásu, nōo ŋmá ipɔ́ɔma kú Umanásɛ géē bī ɔdā ɛ̄gbā nēe bá ā wā: 55Ocíbú kú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó, mɛ́mla ɔgbanjɛ̄ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó, nōo géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā. 56Ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó, nōo wɛ oōmu mla ɔtulalī. 57Ɛdrɔ́ kú ɔbá ɛna éyi, omlede éyi, mɛ́mla álá éyi kú iháyí éyi, kú ɛya o yɔlá dúúdú. 58Opī éyi kú ɛya kú ínoōbīya. 59Ákú ɛya kú ɛbɔ́ ā géē wɛ aɔ́bá ɛna ɛpa, aómlede ɛhɔ̄, aópī ɛhɔ̄ mɛ́mla aálá kú iháyí éyi ɛhɔ̄. Ɛ̄nyā wɛ ɔdā kú ɛ̄gbā kú Ugamálīyɛ̄lu, ɔyí kú Upɛdásu á.
60Ɛ̄cī ɔ́mahāanɛ ā wɛ ákú Abídan, ɔyí kú Ugídɛyɔn, nōo ŋmá ipɔ́ɔma kú Ubɛ́njamīn. 61Ɔdā ɛ̄gbā kú nū ā géē wɛ ocíbú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛtá ce igwó, nōo wɛ oōmu mla umu mɛ́mla anɔ̄ kú ɛya kú īkpɔ̄dā ā. 62Ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo wɛ oōmu mla ɔtulalī. 63Ɛdrɔ́ kú ɔbá ɛna éyi, omlede éyi, mɛ́mla álá éyi kú iháyí éyi, kú ɛya o yɔlá dúúdú. 64Opī éyi kú ɛya kú ínoōbīya. 65Ákú ɛya kú ɛbɔ́ ā wɛ aɔ́bá ɛna ɛpa, aómlede ɛhɔ̄, aópī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Abídan, ɔyí Ugídɛyɔn á.
66Ɛ̄cī ɔ́migwó ā, Ahiyesa ɔyí kú Ammíssadāyi, ipɔ́ɔma kú Udán géē bī: 67Ɔdā ɛ̄gbā kú nū ā géē wɛ ocíbú kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ nē ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó. Ɛplɛ́ɛpa kú nū géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā. 68Ocíbú éyi kú ugóolu (oje ɔdɔ) kú usɛ́kɛlu igwó nōo le mu mla ɔtulalī. 69Ɔbá ɛna éyi, omlede éyi, álá éyi kú iháyí éyi kú ɛya o yɔlá dúúdú. 70Opī éyi kú ɛya kú ínoōbīya. 71Ákú ɛya kú ɛbɔ́ ā géē wɛ aɔ́bá ɛna ɛpa, aómlede ɛhɔ̄, aópi ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Ahiyésa, ɔyí kú Ammíssadāyi ā.
72Ɛ̄cī ɔ́migwóléyi ā, Upagíyɛ̄lu, ɔyí kú Ɔ́kran ipɔ́ɔma kú Ássa géē bī aɔ́dā ɛ̄gbā nēe bá ā: 73Ocíbú kú oje nɛ̄hɛ́ éyi nɛ̄ ogbɛ́nú kú nū lɛbɛ̄ɛka ákú usɛ́kɛlu ofu ɛhīlī ce igwó mɛ́mla ɔgbanjɛ̄ kú oje nɛ̄hɛ́ nɛ̄ ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó. Ɛplɛ́ɛpa nōo géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā. 74Ocíbú kú ugóolu (oje ɔdɔ) éyi kú usɛ́kɛlu igwó nōo géē le mu mla ɔtulalī. 75Ɔbá ɛna éyi, omlede éyi kú iháyí éyi, kú ɛya o yɔlá dúúdú. 76Opī éyi kú ɛya kú íne ō bīya. 77Ákú ɛya kú ɛbɔ́ ā wɛ aɔ́bá ɛna ɛpa, aómlede ɛhɔ̄, opī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Upagíyɛ̄lu, ɔyí kú Ɔ́cran ā.
78Ɛ̄cī ɔ́migwɛ́ɛpa ā wɛ ákú Ahíra, ɔyí kú Ɛ́nan ɔ̄cɛ ipɔ́ɔma kú Unáfutāli. 79Ɔdā ɛ̄gbā kú nū ā géē wɛ ocíbú éyi kú oje nɛ̄hɛ́ ofu ɛhīlī ce igwó, mɛ́mla ɔgbanjɛ̄ kú oje nɛ̄hɛ́ nē ogbɛ́nú kú nū lɛbɛ̄ɛka ákú usɛ́kɛlu ofɛɛtá ce igwó. Ɛ́plɛ́ɛpa géē wɛ oōmu mla umu nēé le anɔ̄ tū ɔ̄ kú ɛya kú īkpɔ̄dā. 80Mla ocíbú kú ugóolu (oje ɔdɔ) éyi nɛ̄ ogbɛ́nú kú nū lɛbɛ̄ɛka ákú usɛ́kɛlu igwó nōo géē le mu mla ɔtulalī. 81Ɛdrɔ́ kú ɔbá ɛna éyi, omlede éyi, álá éyi kú iháyí éyi, kú ɛya o yɔlá dúúdú. 82Opī éyi kú ɛya kú íne ō bīya. 83Ákú ɛya kú ɛbɔ́ ā, aɔ́bá ɛna ɛpa, aómlede ɛhɔ̄, aópī ɛhɔ̄, aálá kú iháyí éyi ɛhɔ̄. Ɛ̄nyā wɛ ɔdā ɛ̄gbā kú Ahíra, ɔyí kú Ɛ́nan á. 84Aɛ́nyā wɛ ɔdā ɛ̄gbā kóō je yá tīihɔ kú ede nɛ̄ aótrɛ̄yí kú Ísrɛ̄lu bī wā ɛ̄cī nēé géē je ede ā tīihɔ ā. Ocíbú kú oje nɛ̄hɛ́ igwɛ́ɛpa, ɔgbanjɛ̄ kú oje nɛ̄hɛ́ igwɛ́ɛpa. Ocíbú kú ugóolu (oje ɔdɔ) igwɛ́ɛpa. 85Ogbɛnú kú ocíbú kú oje nɛ̄hɛ́ éyééye ā lɛbɛ̄ɛka ákú usɛ́kɛlu ofu ɛhīlī ce igwó, ogbɛnú kú odúúdú ɔgbanjɛ̄ ā lɛbɛ̄ɛka ákú usɛ́kɛlu ofɛɛtá ce igwó. Ogbɛnú kú odúúdú aócíbú kú oje nɛ̄hɛ́ ā lɛbɛ̄ɛka ákú usɛ́kɛlu úlā ɛhīlī (2,400). 86Odúúdú ogbɛnú kú aócíbú kú ugóolu (oje ɔdɔ) ā ke lɛbɛ̄ɛka ákú usɛ́kɛlu ofu ɛhīlī (120) ā. 87Odúúdú ayí ɔbá ɛna kú ɛya o yɔlá dúúdú ā, wɛ igwɛ́ɛpa, aómlede igwɛ́ɛpa, aálá kú iháyí éyi igwɛ́ɛpa mɛ́mla aópī igwɛ́ɛpa kú ɛya kú íne ō bīya. 88Odúúdú aɛ́bɛ́ ɔlɛ́ ō bī gwɛ́ɛya kú ɛbɔ́ ā wɛ ɛdrɔ́ kú aɔ́bá ɛna ofu ce ɛnɛ, aómlede ofɛtá, aópī ofɛtá, álá kú iháyí éyi ofɛɛtá. Ɛ̄nyā wɛ ɛya kóō je tīihɔ kú ede ā. 89Eko nɛ̄ Umósīsi le tá ipú Áklɔ̄kpīihɔ ā gaá kɛla lɛ Óndú ā, ó po ɔkɔ éyi yɔ̄ ī kɛlā lɛ ɔ́ ŋmá ɛhíícō kú ɔ̄wū kú Ikpati kú Ɛka kú Óndú ā ŋmá ɔtāhɛ̄ kú aúcɛ́rōbim ɛpa ā.
Currently Selected:
ÁLUKA 7: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma