ULĪFAYI 17

Oyī tīihɔ

1Óndú ā da Umósīsi kóō lɛ 2aíne nēe bá nyā kpó lɛ Árɔ̄ni mɛ́mla ayínɔ̄nyīlɔ kú nū mɛ́mla odúúdú ācɛ kú Ísrɛ̄lu ā. Ó kahíníī, 3Ɔ́dāŋ ka ɔ̄cɛ kú Ísrɛ̄lu dóódu lɛ ɛna, ámāŋ omlede, ámāŋ opī ŋmó ipú ɛ́ga nēé lā ā ámāŋ eyīyɛ̄ɛcɛ kú abɔ́ɔ 4nōó bī ɔ̄ wā okómpīinu kú Áklɔ̄kpīihɔ, ɛga nɛ̄ Óndú ā yɔ̄ ā ŋ́, ó le íne bīya. Ó le oyī pīya bónū ɛɛ́, é kē gáā je ɔ́ kóō wɛ éyi kú ācɛ ɔlɛ́ Ɔwɔicō gɛ ŋ́. 5Ɛyí kú íne nyā wɛ ka, ācɛ kú Ísrɛ̄lu ā géē bī ɛbɛ́ nēé tɛtɛ gē ŋmó ɛcɛ pélúú ā gé lɛ Óndú ā abālɔbányā. É géē bī uwā wā gē lɛ ɔ̄cogwɛ́ɛya ā, okómpīinu kú Áklɔ̄kpīihɔ ā, kéē ŋmó ɔ̄ kú ɛya kú ɛbɔ́ nēé gwó lɛ Óndú ā. 6Ɔ̄cogwɛ́ɛya ā géē mī oyī kú nū klá ɛyí ede ā ipéyī Óndú ā, okómpīinu kú Áklɔ̄kpīihɔ ā, klla í je ijē kú nū yɔlá, ká ocu kú nū kóō he Óndú ā ɔtū. 7Ācɛ kú Ísrɛ̄lu í gaá pā ɛcí o ŋmá lɛ o ŋmó ɛbɛ́ kú uwā ɛcɛ lɛ ebilíi nōo gbla ɛwū ā ɛ́ɛ́ gɛ ŋ́. Ācɛ kú Ísrɛ̄lu géē lɛ íne nyā tū piyóó ipú ɛcɛ nyā”.

8Ó klla da Umósisi kóō da uwá kahíníī, ‘Ɔ̄cɛ kú Ísrɛ̄lu dóódu, ámāŋ éwɔhá nōo bá ipú uwā, nōo gáā gwɛ́ɛya o yɔlá dúúdú ámāŋ ɛdɔ kú ɛya dóódu 9lɛ Óndú ā ɛga ɔhá gwū okómpīinu kú Áklɔ̄kpīihɔ ā tá, é gáā je ɔ́ koó wɛ éyi kú ācɛ ɔlɛ́ Ɔwɔicō ŋ́.

10 # Ohút 9.4; Ulīf 7.26,27; 19.26; Obla 12.16,23; 15.23 Ɔ́dāŋ ka ɔ̄cɛ kú Ísrɛ̄lu dóódu ámāŋ éwɔhá nōo yɔ̄ ɔlɛ́ uwā lɛ ɛbɛ́ dúúmā nōo fu oyī bónū ŋmá iyē nū ŋ́ lé, n géē cīgbihi kwu ɔ́, ó kē gáā wɛ éyi kú ācɛ ɔlɛ́ um gɛ ŋ́. 11#Uhíb 9.22Oyēeyī kú ɔdā dóódu yɔ̄ ipú oyī kú nū. Ɔ́ɔmā yá ɛ́ɛ́ nɛ̄ Óndú ā ka kéē lɛ odúúdú oyī ā pīya klá ɛyí ede á, o yá ɛ́ɛ́ kéē kwú íne nɛ̄ ācɛ ā bīya í yá uwā ɛhi ā. ā gē yá kéē kpó íne ō bīya yɛ́ɛhi á. 12Ɔdā nōo yá ɛ́ɛ́ nɛ̄ Óndú ā da ācɛ kú Ísrɛ̄lu mɛ́mla ācɛ aéwɔhá kéē híī lé ɛbɛ́ dóódu nēé fu oyī bónū ŋmá anú ŋ́ má yɔ̄ abɔ́ɔ á. 13Ɔ̄cɛ kú Ísrɛ̄lu dóódu ámāŋ éwɔhá kú ɔlɛ́ uwā, nōo géē tɔ́ɔ́tɛ́ ɛbɛ́ ipácí ámāŋ ɔtɛ́ kú ígbáanɔ, nōó le ɛbɛ́ ámāŋ ka ígbáanɔ̄ ŋmó, ó í fu oyī kú nū bá ajɛ, cɛ́ɛ́ ó lɛ ajɛ gwu klá anú.

14Oyēeyī kú ɔdā oyēeyī dóódu yɔ̄ ipú oyī kú nū, ohígbū ɔ́ɔmā yá ɛ́ɛ́ nɛ̄ Óndú ā da ācɛ kú Ísrɛ̄lu kéē híī lé ɛbɛ́ dúúmā nēé fu oyī kú nū bónū ŋmá anú ŋ́ má. Ka ɔ̄cɛ dúúmā nōo le lé, é gáā je ɔ́ koó wɛ éyi kú ācɛ ɔlɛ́ nū gɛ ŋ́. 15Ɔ̄cɛ dóódu nōo lɛ ɛbɛ́ nōo gekwú lé, ó kōō wɛ ɔ̄cɛ Ísrɛ̄lu, ámāŋ éwɔhá, ó géē na īlī kú nū, klla í gwīiyē, ó kē í tēelihɔ jāā gbó ɔ̄nɔ̄ɔ̄nɛ̄, ɛ́ɛ́ kóō í je yá yēŋēē. 16Amáŋ ɔ́dāŋ koó na īlī kú nū ŋ́, nōó ke gwīiyē ŋ́, ó géē bī unwalu kú nū ce iyī nū ɛyi!”

Currently Selected:

ULĪFAYI 17: IFBCL

Highlight

Copy

Compare