Mjir Rom Labar Ata Kəra Kakaɗə Ni
Labar Ata Kəra Kakaɗə Ni
Bulus an rəbutə wasika ngəni aka mjir nuwa na ahar Rom akwa məva na 57 aghəla yaɓəladzər Yesu. Mdə dzama abbər tsa rəbutə wasika ngəni ahar Korinthli, akwa lənggurni na makərkur ar ngkər labar na msəra ni.
Bulus rəbutə wasika ngəni kamnyar ka tsa ngkərɓəla kərni aka mjir nuwa na ahar Rom akwabə tsa asi, təng tə tsa aɗi ɗar mwari adzə mjir nu na anda wa ni.
Mda ata mzhi wutə kəra gari ar wasika ngəni akwa 1:1617, akwa vəi tə tsa pəla abbər, “Labar na msəra aɗi sur səli ali wa, kamnyar tsa an dunar Hyel na ata mwantə kəlara mdə na ku hamta jiri aka Yesu ka tsa wutə mbantədzi. Kamnyar atar ni antə ma akwa ncantə jirkur na thlata akəla Hyel ni. Tsuwa mda ana wutə jirkur ngəni atar hamta jiri təng akwa baɗitari har ka mwanta aka tsikərari.” Akwa wasika ngəni antə mdə ngkərɓəla ata bəbal shanga su tə mda asənda ata kəra labar na msəra.
Wasika ni akwa ncantə abbər mjir duniya akira dunar biku, tsuwa shanga mji akwa bara ka da ndzi kula biku akəma Hyel (1:8-3:20). Tsuwa tsa ku ncaɓəla abbər tar atar hamta jiri aka Yesu Kristi, antə mda ata mzhi ndzi kula biku akəma Hyel ni, aɗi atar ɓɗakkur kəthlərər mdə wa (3:21-4:25). Har ba kulini wasika ni akwa ncantə jili halayeri na ku ndzi dwali ka mdər nuwa ndzi kəgari. Tsa ngkərɓəla laku tə mdə na akwa nu su tə Mambəl na Ɓɗakkarkara ku pəla ata səma akwa shanga ngkərtədzə na ar kum ka mamshi (5:1-8:39). Tsa ləkəma ka ngkərɓəla laku tə Hyel ɗəmhə lakur mbantədzi aka waskəi, baɗitə ka mjir Yahudi ka shanga mambila mjir duniya (9:1-11:36). Akwa tsikərari, tsa hamta sauri ata kəra laku tə halər mdər nuwa ku tsəkwar mwardzi na akwa daɓwa mjir nuwa ka kərɗa, ka tsuwa daɓwa mjir nuwa ka mjir kuthlikur, wala gwamnati (12:1-15:13).
Suayeri Na Akwa Wasika Ngəni
Ndər tə Bulus kəlar wasika ni kəgari - 1:1-17
Shanga mji ku hara biku - 1:18-3-20
Lakur wutə mbantədzi akəla Hyel - 3:21-4-25
Lakur ndzi apatə Yesu akwa barari - 5:1-8:39
Laku tə Hyel ɗəmhə su aka mjir Israila - 9:1-11:36
Hal ar mdər nu Kristi - 12:1-15:13
Tsikərari ka thlawardzər Bulus - 15:14-16:27
Currently Selected:
Mjir Rom Labar Ata Kəra Kakaɗə Ni: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.