Mjir Rom 6
6
Mta Aka Biku, Mpika Akwa Kristi
1Antə ka mburu pəla mə ri? Ka mburu ləkəma ka hara biku kamnyar ka Hyel ləkəma ka hara ala mburu ɓɗakkur ya? 2Awa, hun wa! Ai nggukər dza mburu na ar biku ni ku kurtə mti, ka apa madi tə mburu ata jaktə ləkəma akwa harari ri? 3Nənga giri aɗi sənda abbər shanga mburu tə mdə hara ala mburu baptizma ar paktə mburu ka Kristi Yesu ni, mdə hara ala mburu baptizmar paktə mburu akwa mtərni wa ri? 4Mdə ku harəmta mburu ata kəma duku ka tsa akwa mtərni, kamnyar tsu apatə Kristi ku thlata akwa mtəmta atar dunar səliyir Tədda, antə mburu ata sə ndzi akwa laku na bilənari. #Kol 2:12
5Kamnyar ma mburu ku paktədzi ka tsa akwa jili mtərni ni, mburu ata thlata ka mpika tsu apatə tsa thlatə ni. 6Tsuwa mburu ku sənda abbər mdə ku kurtə kukwamta halayeri ar mburu ni ata kəma duku ka tsa, kamnyar ka mdə kələmta dunar biku na akwa dza mburu ni. Mdə hara apani kamnyar ta mburu ajaktə ndzi akwa mafakur aka biku. 7Kamnyar mdə na ku mti, tsa ku msər ta dunar biku. 8Antə təng tə mburu ku mti ata kəma duku ka Kristi, mburu ku hamta jiri abbər mburu ata sə ndzi ka mpika ata kəma duku kəga tsa tsuwa. 9Kamnyar mburu ku sənda abbər Kristi ku thlata akwa mtəmta, antə tsa aɗi ata jaktə mtə kəra wa, kamnyar mta aɗi ata jaktə hara kuthlikur ata kərari kəra wa. 10Kamnyar sakatə Kristi mtə ni, tsa mtə ka pal daci ata kəma duku, kamnyar ka tsa ɓəli dunar biku, amma ndzəndziyirni na kulini ni an kamnyar haptə səliyir Hyel. 11Antə apani, tar ka giri namtə kəra giri apa giri mtəmtari aka dunar biku, amma ka mpika akwa mwardzi ka Hyel atar Kristi Yesu.
12Antə giri aɗiya hir ka biku mwa ka giri akwa ndzəndziyir giri wa, ta tsa asə vu ka giri nu nggukayeri na ar dza. 13Giri aɗiya hamta bwayeri ar dza giri aka biku, har ka da ndzi kari kəthlər ar kəmanggarkur wa. Ata vəya ndaga, ka giri hamta kəra giri aka Hyel apa mji na thlata akwa mta ka ləkwa mpika, ka hamta bwayeri ar dza giri aka Hyel kamnyar kəthlər ɓɗakkur. 14Kamnyar biku aɗi ka duna ata kəra giri wa, kamnyar giri aɗi akira tsawayeri kəra wa, amma akira kətadzər Hyel.
Mji Na Mafar Hara Ɓɗakkur
15Antə kulini man tə mburu thləthlata ata kər ri? Ka mburu hara biku təng tə mburu aɗi akira tsawu wa ni ya? Awa, hun wa. 16Giri aɗi sənda abbər giri an mafar kəlara mdə tə giri ku carɓəla abbər giri ata kələngkər alari wa ya? Apani giri ata mzhi ndzi mafar biku ka tsa mwantə giri akwa mta, wala carɓəla ka giri kələngkər aka Hyel ka tsa mwantə giri akwa hara suayeri na kalkalari. 17Amma usa aka Hyel, kamnyar wala tə waci giri mafar biku, kulini giri ku kələngkər ka ɗəffa giri shang aka surthlipə na jirari tə mdə hara ala giri ni. 18Antə kulini giri ku msəra akwa mafakur aka biku, ka ndzi mafar hara su na kalkal ka jirkur. 19I akwa gari ala giri ka karapu ni kamnyar har ba kulini giri tsu mtathlaku akwa bwayeri laga. Kamnyar tsu apatə giri ku hamta dza giri shang akwa hara mafakur aka suayeri na adiya adiya, ka vərvər ləkəma akwa hara kər ɓəɓalkur, antə tar ka giri hamta dza giri swakti akwa hara mafakur aka su na kalkal ka jirkur, kamnyar ka giri ndzi ɓɗakkarkara.
20Sakatə giri akwa hara mafakur aka biku nda, giri msərmsərari ta hara sur jirkur. 21Amma man riɓa tə giri wuta akwa hara suayeri na kulini ku ndzi sur səli ala giri nə ri? Kamnyar suayeri ngəni ata sə kura akwa mta! 22Amma kulini giri ku msəra akwa hara biku ni, ka ndzi mafar Hyel. Antə watsəɓər giri kulini ndzəndziyir giri tə giri ata namtari ni, na ata mwantə giri akwa mpikə na akur wa. 23Kamnyar watsəɓər biku an mta, amma cautər Hyel an mpikə na akur wa, atar Kristi Yesu na Mthlakər mburu.
Currently Selected:
Mjir Rom 6: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Mjir Rom 6
6
Mta Aka Biku, Mpika Akwa Kristi
1Antə ka mburu pəla mə ri? Ka mburu ləkəma ka hara biku kamnyar ka Hyel ləkəma ka hara ala mburu ɓɗakkur ya? 2Awa, hun wa! Ai nggukər dza mburu na ar biku ni ku kurtə mti, ka apa madi tə mburu ata jaktə ləkəma akwa harari ri? 3Nənga giri aɗi sənda abbər shanga mburu tə mdə hara ala mburu baptizma ar paktə mburu ka Kristi Yesu ni, mdə hara ala mburu baptizmar paktə mburu akwa mtərni wa ri? 4Mdə ku harəmta mburu ata kəma duku ka tsa akwa mtərni, kamnyar tsu apatə Kristi ku thlata akwa mtəmta atar dunar səliyir Tədda, antə mburu ata sə ndzi akwa laku na bilənari. #Kol 2:12
5Kamnyar ma mburu ku paktədzi ka tsa akwa jili mtərni ni, mburu ata thlata ka mpika tsu apatə tsa thlatə ni. 6Tsuwa mburu ku sənda abbər mdə ku kurtə kukwamta halayeri ar mburu ni ata kəma duku ka tsa, kamnyar ka mdə kələmta dunar biku na akwa dza mburu ni. Mdə hara apani kamnyar ta mburu ajaktə ndzi akwa mafakur aka biku. 7Kamnyar mdə na ku mti, tsa ku msər ta dunar biku. 8Antə təng tə mburu ku mti ata kəma duku ka Kristi, mburu ku hamta jiri abbər mburu ata sə ndzi ka mpika ata kəma duku kəga tsa tsuwa. 9Kamnyar mburu ku sənda abbər Kristi ku thlata akwa mtəmta, antə tsa aɗi ata jaktə mtə kəra wa, kamnyar mta aɗi ata jaktə hara kuthlikur ata kərari kəra wa. 10Kamnyar sakatə Kristi mtə ni, tsa mtə ka pal daci ata kəma duku, kamnyar ka tsa ɓəli dunar biku, amma ndzəndziyirni na kulini ni an kamnyar haptə səliyir Hyel. 11Antə apani, tar ka giri namtə kəra giri apa giri mtəmtari aka dunar biku, amma ka mpika akwa mwardzi ka Hyel atar Kristi Yesu.
12Antə giri aɗiya hir ka biku mwa ka giri akwa ndzəndziyir giri wa, ta tsa asə vu ka giri nu nggukayeri na ar dza. 13Giri aɗiya hamta bwayeri ar dza giri aka biku, har ka da ndzi kari kəthlər ar kəmanggarkur wa. Ata vəya ndaga, ka giri hamta kəra giri aka Hyel apa mji na thlata akwa mta ka ləkwa mpika, ka hamta bwayeri ar dza giri aka Hyel kamnyar kəthlər ɓɗakkur. 14Kamnyar biku aɗi ka duna ata kəra giri wa, kamnyar giri aɗi akira tsawayeri kəra wa, amma akira kətadzər Hyel.
Mji Na Mafar Hara Ɓɗakkur
15Antə kulini man tə mburu thləthlata ata kər ri? Ka mburu hara biku təng tə mburu aɗi akira tsawu wa ni ya? Awa, hun wa. 16Giri aɗi sənda abbər giri an mafar kəlara mdə tə giri ku carɓəla abbər giri ata kələngkər alari wa ya? Apani giri ata mzhi ndzi mafar biku ka tsa mwantə giri akwa mta, wala carɓəla ka giri kələngkər aka Hyel ka tsa mwantə giri akwa hara suayeri na kalkalari. 17Amma usa aka Hyel, kamnyar wala tə waci giri mafar biku, kulini giri ku kələngkər ka ɗəffa giri shang aka surthlipə na jirari tə mdə hara ala giri ni. 18Antə kulini giri ku msəra akwa mafakur aka biku, ka ndzi mafar hara su na kalkal ka jirkur. 19I akwa gari ala giri ka karapu ni kamnyar har ba kulini giri tsu mtathlaku akwa bwayeri laga. Kamnyar tsu apatə giri ku hamta dza giri shang akwa hara mafakur aka suayeri na adiya adiya, ka vərvər ləkəma akwa hara kər ɓəɓalkur, antə tar ka giri hamta dza giri swakti akwa hara mafakur aka su na kalkal ka jirkur, kamnyar ka giri ndzi ɓɗakkarkara.
20Sakatə giri akwa hara mafakur aka biku nda, giri msərmsərari ta hara sur jirkur. 21Amma man riɓa tə giri wuta akwa hara suayeri na kulini ku ndzi sur səli ala giri nə ri? Kamnyar suayeri ngəni ata sə kura akwa mta! 22Amma kulini giri ku msəra akwa hara biku ni, ka ndzi mafar Hyel. Antə watsəɓər giri kulini ndzəndziyir giri tə giri ata namtari ni, na ata mwantə giri akwa mpikə na akur wa. 23Kamnyar watsəɓər biku an mta, amma cautər Hyel an mpikə na akur wa, atar Kristi Yesu na Mthlakər mburu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.