Mjir Rom 5
5
Ndzi Ka Jirkur Akəma Hyel
1Antə kulini tə mdə ku ncaɓəla abbər mburu kula biku akəma Hyel atar hamta jiri ni, mburu ku ndzi msəra ka tə barkar Mthlakər mburu Yesu Kristi. 2Atar hamta jirər mburu alari ni antə mburu mzhi wutə ɓɗakkur ngəni tə mburu kəgari kulini ni. Apani mburu ka kucali kulini kamnyar mburu ku vu akwa ɗəffa mburu abbər mburu ata sə nggatə msərakur ndzi apa Hyel akwa səliyirni. 3Tsuwa mburu ana kucali akwa sakatə mburu akwa ɗar bwani, kamnyar mburu ku sənda abbər bwani ana yaɓəla nggitər su, 4antə nggitər su ana yaɓəla hal na ɓɗaku, antə hal na ɓɗaku ana yaɓəla vu ɗəffu. 5Tsuwa vu ɗəffu aɗi ana vu mda akwa səli wa. Kamnyar Hyel ku pu hirkurərni akwa ɗəffa mburu atar Mambəl na Ɓɗakkarkara tə Hyel hamta ala mburu ni.
6Kamnyar kalkal akwa sakatə mburu ka biku tə mburu kula dunar dlar kər mburu, antə Kristi mti kamnyar mburu, mburu na kəmanggar ni. 7Kamnyar tsa su na mwavər ka mdə dlu mta ata vəya mdə na ka jirkur. Wala tə nuhum ma kamnyar mdə na pwa ni, mdə laga ata mzhi nggitə dlu mta ata vəyari. 8Amma Hyel ku ncanta ala mburu abbər tsa hir mburu ka duna, kamnyar təng tsu akwa sakatə mburu akwa hara biku, antə Kristi mtə kamnyar mburu. 9Apani təng tə mburu ku ndzi kula biku akəma Hyel atar mamshir Kristi, ai tsa ata msərantə mburu ta ɗəffə bwarbwarkurər Hyel! 10Kamnyar tsu akwa sakatə mburu dawar Hyel, antə mburu shwalatədzi ka tsa atar mtər Ɓzərni. Antə kulini tə mburu ku ndzi pazhi ka Hyel ni, ai ata bəbal mburu ata wutə mbantədzi, təng tə Ɓzərni ka mpikə ni. 11Aɗi an kurari wa, kamnyar har mburu ka kucali ata kəra su tə Hyel hara atar Mthlakər mburu Yesu Kristi, natə atar ni antə daɓwa mburu ka Hyel ku namtədzi ni.
Adam Ka Kristi
12Tsu apatə atar mdə duku antə biku ku si akwa duniya, tə biku ni ku səntə mta, antə mtə ni ku ndlətə shanga mji, kamnyar tə shanga mji ku hara biku. 13Kamnyar təng akəmata mda ahamta tsawur Musa ni biku akwa duniya, amma təng tə tsawa aɗi katagu wa, Hyel aɗi kəsi bikər mdə wa. 14Amma baɗita akwa sakar Adam ka vədza aka sakar Musa, mtə ku hara kuthlikur ata kəra shanga mji, har ata kəra mji na aɗi hara jili bikər Adam ni wa, Adam na ndzi dludzər Kristi na tsu akwa lakur si sakanda. 15Amma cautə natə Hyel hamta atar mdə na akwa si ni an zum ka bikər Adam. Kamnyar bikər mdə ngəni duku ni ku səntə mta aka mji hang, amma tsuwa Yesu Kristi shini ku hara su na olta nda, atar hara tə Hyel ku kətadzə mburu, ka hara ɓɗakkur na ola aka mji hang. 16Antə zumzumkur aɗi akwa daɓwa cautər Hyel ka bikər mdə na duku ni. Kamnyar bikə ndaga duku ni ku səntə bwani aka mji. Amma cautə natə Hyel hara ala mburu ni, ku hara har tə tsa dlu mburu, wala tə mburu ku hara bikayeri hang. 17Kamnyar atar bikər mdə ngəni duku Adam ni, antə mtə ku hara kuthlikur ata kəra shanga mji. Amma su tə mdə ngəni Yesu Kristi hara ni ku təramta su tə Adam hara ni ciju. Kamnyar atar Kristi ni antə Hyel hara ala mburu ɓɗakkur zumzum hang, ka cauta ar mzhi ndzi ka jirkur akəmari. Atar ni antə mburu ata ndzi apa kuthli.
18Tsu apatə bikər Adam ku səntə bwani aka shanga mji ni, antə kəthlər ɓɗakkur ar Yesu Kristi ku namtə daɓwa mburu ka Hyel, tə waskəi ndzi kula biku akəmari, ka hara tə mburu ndzi ka mpika. 19Kamnyar apatə shanga mji ku ndzi mjir biku atar tur kələngkər ar mdə duku, apani tsuwa antə shanga mji ata namtədzi ka ndzi kula biku akəma Hyel, atar kələngkər ar mdə duku.
20Hyel səntə tsawa kamnyar ka mdə mzhi wutə vəi sharni. Amma kəlara sakatə mji akwa vərvər hara biku, hirkurər Hyel ana vərvər hara hang ta na hwatu. 21Tsu apatə biku ku hara kuthlikur ata kəra shanga mburu ka ndəkərəngkər ala mburu mta, antə kətadzər Hyel akwa hara kuthlikur ata kəra mburu ka namtə mburu kula biku akəmari, akwa mwantə mburu akwa mpikə na akur wa atar Yesu Kristi na Mthlakər mburu.
Currently Selected:
Mjir Rom 5: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Mjir Rom 5
5
Ndzi Ka Jirkur Akəma Hyel
1Antə kulini tə mdə ku ncaɓəla abbər mburu kula biku akəma Hyel atar hamta jiri ni, mburu ku ndzi msəra ka tə barkar Mthlakər mburu Yesu Kristi. 2Atar hamta jirər mburu alari ni antə mburu mzhi wutə ɓɗakkur ngəni tə mburu kəgari kulini ni. Apani mburu ka kucali kulini kamnyar mburu ku vu akwa ɗəffa mburu abbər mburu ata sə nggatə msərakur ndzi apa Hyel akwa səliyirni. 3Tsuwa mburu ana kucali akwa sakatə mburu akwa ɗar bwani, kamnyar mburu ku sənda abbər bwani ana yaɓəla nggitər su, 4antə nggitər su ana yaɓəla hal na ɓɗaku, antə hal na ɓɗaku ana yaɓəla vu ɗəffu. 5Tsuwa vu ɗəffu aɗi ana vu mda akwa səli wa. Kamnyar Hyel ku pu hirkurərni akwa ɗəffa mburu atar Mambəl na Ɓɗakkarkara tə Hyel hamta ala mburu ni.
6Kamnyar kalkal akwa sakatə mburu ka biku tə mburu kula dunar dlar kər mburu, antə Kristi mti kamnyar mburu, mburu na kəmanggar ni. 7Kamnyar tsa su na mwavər ka mdə dlu mta ata vəya mdə na ka jirkur. Wala tə nuhum ma kamnyar mdə na pwa ni, mdə laga ata mzhi nggitə dlu mta ata vəyari. 8Amma Hyel ku ncanta ala mburu abbər tsa hir mburu ka duna, kamnyar təng tsu akwa sakatə mburu akwa hara biku, antə Kristi mtə kamnyar mburu. 9Apani təng tə mburu ku ndzi kula biku akəma Hyel atar mamshir Kristi, ai tsa ata msərantə mburu ta ɗəffə bwarbwarkurər Hyel! 10Kamnyar tsu akwa sakatə mburu dawar Hyel, antə mburu shwalatədzi ka tsa atar mtər Ɓzərni. Antə kulini tə mburu ku ndzi pazhi ka Hyel ni, ai ata bəbal mburu ata wutə mbantədzi, təng tə Ɓzərni ka mpikə ni. 11Aɗi an kurari wa, kamnyar har mburu ka kucali ata kəra su tə Hyel hara atar Mthlakər mburu Yesu Kristi, natə atar ni antə daɓwa mburu ka Hyel ku namtədzi ni.
Adam Ka Kristi
12Tsu apatə atar mdə duku antə biku ku si akwa duniya, tə biku ni ku səntə mta, antə mtə ni ku ndlətə shanga mji, kamnyar tə shanga mji ku hara biku. 13Kamnyar təng akəmata mda ahamta tsawur Musa ni biku akwa duniya, amma təng tə tsawa aɗi katagu wa, Hyel aɗi kəsi bikər mdə wa. 14Amma baɗita akwa sakar Adam ka vədza aka sakar Musa, mtə ku hara kuthlikur ata kəra shanga mji, har ata kəra mji na aɗi hara jili bikər Adam ni wa, Adam na ndzi dludzər Kristi na tsu akwa lakur si sakanda. 15Amma cautə natə Hyel hamta atar mdə na akwa si ni an zum ka bikər Adam. Kamnyar bikər mdə ngəni duku ni ku səntə mta aka mji hang, amma tsuwa Yesu Kristi shini ku hara su na olta nda, atar hara tə Hyel ku kətadzə mburu, ka hara ɓɗakkur na ola aka mji hang. 16Antə zumzumkur aɗi akwa daɓwa cautər Hyel ka bikər mdə na duku ni. Kamnyar bikə ndaga duku ni ku səntə bwani aka mji. Amma cautə natə Hyel hara ala mburu ni, ku hara har tə tsa dlu mburu, wala tə mburu ku hara bikayeri hang. 17Kamnyar atar bikər mdə ngəni duku Adam ni, antə mtə ku hara kuthlikur ata kəra shanga mji. Amma su tə mdə ngəni Yesu Kristi hara ni ku təramta su tə Adam hara ni ciju. Kamnyar atar Kristi ni antə Hyel hara ala mburu ɓɗakkur zumzum hang, ka cauta ar mzhi ndzi ka jirkur akəmari. Atar ni antə mburu ata ndzi apa kuthli.
18Tsu apatə bikər Adam ku səntə bwani aka shanga mji ni, antə kəthlər ɓɗakkur ar Yesu Kristi ku namtə daɓwa mburu ka Hyel, tə waskəi ndzi kula biku akəmari, ka hara tə mburu ndzi ka mpika. 19Kamnyar apatə shanga mji ku ndzi mjir biku atar tur kələngkər ar mdə duku, apani tsuwa antə shanga mji ata namtədzi ka ndzi kula biku akəma Hyel, atar kələngkər ar mdə duku.
20Hyel səntə tsawa kamnyar ka mdə mzhi wutə vəi sharni. Amma kəlara sakatə mji akwa vərvər hara biku, hirkurər Hyel ana vərvər hara hang ta na hwatu. 21Tsu apatə biku ku hara kuthlikur ata kəra shanga mburu ka ndəkərəngkər ala mburu mta, antə kətadzər Hyel akwa hara kuthlikur ata kəra mburu ka namtə mburu kula biku akəmari, akwa mwantə mburu akwa mpikə na akur wa atar Yesu Kristi na Mthlakər mburu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.