Baɗitari 36

Mwankir Isuwa Ka Maɗashilərni Akwa Tsəɗi Kanana

(1 Lab Wac 1:34-37)

1Nayeri ni an kəkayeri ar Isuwa, watau Edom. 2Isuwa ku kəl mwankir ni akwa nca maɗankwiyir mjir Kanana. Da an Ada na ngkwar Elon na mdər Hitti, ka Oholibama na ngkwar Ana na Ɓzər Zibeyon na mdər Hivi, 3ka Basemath na ngkwar Ishmayel. Tsuwa Basemath an ngkwarma' Nebayoth.

4Antə Ada ku yaɓəla Elifaz aka Isuwa, antə Basemath yaɓəla alari Reyuwel. 5Tsuwa Oholibama ku yaɓəla alari Yewush, ka Yalam, ka Kora.

Nayeri ni maɗashilər Isuwa natə mdə yaɓəla alari akwa tsəɗi Kanana.

Isuwa Ku Ɗu Ka Mwari Akwa Tsəɗi Damwa

6Antə Isuwa fatə mwankirni, kəga maɗa'ni shili ka mwanki, ka shanga mjir kutakəyirni, kəga thlarni, ka shanga mwaɓiyayeri arni, ka shanga kariyayeri arni tə tsa wuta akwa tsəɗi Kanana, ka təra mwari akwa tsəɗi laga ciju ta ɓzərma'ni Yakub. 7Tsa hara apani kamnyar tə mwaɓiyayeri arɗa ku hara hang, tə ahara ka da ndzəndzi ata vəi duku wa. Tsəɗi tə da akwa ni amzhi kəsi ɗa japu wa, kamnyar hangkurər mwaɓiyayeri arɗa. 8Antə Isuwa mwari ka ndzəndzi akwa bwar garayeri ar Seyir, tsuwa Isuwa an Edom ni.

Kəkayeri Ar Isuwa Akwa Tsəɗi Seyir

9Nayeri ni an kəkayeri ar Isuwa na kəkar mjir Edom akwa bwar garayeri ar Seyir.

10Nayeri ni an thləma maɗashilər Isuwa,

Elifaz na ɓzər Ada na mwalar Isuwa, ka Reyuwel na ɓzər Basemath na mwalar Isuwa.

11Maɗashilər Elifaz an

Teman, ka Omar, ka Zefo, ka Gatam, ka Kenaz.

12Tsuwa Elifaz na ɓzər Isuwa ni ka mwala laga na ka thləmari Timna, na ku yaɓəla alari Amalek. Shang nayeri ni an maɗashili na kəkar Ada na mwalar Isuwa.

13Maɗashilər Reyuwel an

Nahath, ka Zera, ka Shamma, ka Mizza. Shang nayeri ni an maɗashili na kəkar Basemath na mwalar Isuwa.

14Nayeri ni an maɗashilər Oholibama na mwalar Isuwa. Oholibama an ngkwar Ana na kəkar Zibeyon. Antə maɗashili tə tsa yaɓəla aka Isuwa an

Yewush, ka Yalam, ka Kora.

Kuthlyayeri Ka Mji Ol'ola Ar Edom

15Nayeri ni an thləma kuthlyayeri na səɓəla akwa nyarmbwar Isuwa. Maɗashilər Elifaz na yarakəmar Isuwa an; Teman, ka Omar, ka Zefo, ka Kenaz, 16ka Kora, ka Gatam, ka Amalek.

Shanga mji ngəni akwa Edom ni səɓəla akwa nyarmbwar Elifaz, tsuwa da an kəkar Ada na mwalar Isuwa.

17Nayeri ni an maɗashilər Reyuwel na ɓzər Isuwa:

Nahath, ka Zera, ka Shamma, ka Mizza: da an kuthlyayeri na səɓəla akwa nyarmbwar Reyuwel akwa tsəɗi Edom, tsuwa da an kəkar Basemath na mwalar Isuwa.

18Maɗashilər Oholibama na mwalar Isuwa an:

Yewush, ka Yalam, ka Kora.

Da an kuthlyayeri na səɓəla akwa nyarmbwar Oholibama na mwalar Isuwa, tsuwa mwala ngəni an ngkwar Ana.

19Nayeri ni an mji kəga kuthlyayeri na səɓəla akwa nyarmbwar Isuwa, watau Edom.

Vəi Natə Mjir Edom Thləla Ata

(1 Lab Wac 1:38-42)

20Nayeri ni an thləma maɗashilər Seyir na mdər Hori, mji na ka ndzi akwa tsəɗi ni

Lotan, ka Shobal, ka Zibeyon, ka Ana,

21ka Dishon, ka Ezer, ka Dishan. Mji nayeri ni an kuthlyayeri ar mjir Hori, da an kəkar Seyir, mji na nthlə tsəɗi Edom.

22Maɗashili na kəkar Lotan an

Hori ka Heman. Tsuwa ngkwarma' Lotan aɗi ka thləmari Timna.

23Maɗashilər Shobal an

Alvan, ka Manahath, ka Ebal, ka Shefo, ka Onam.

24Maɗashilər Zibeyon an

Aiya ka Ana. Ngəni an Ana na wutə kucirkilar yimi gərgər akwa mtaku sakatə tsa akwa ɓəla kwarayeri ar baba'ni Zibeyon ni.

25Maɗa' Ana an

ɓzərni Dishon ka ngkwarni Oholibama.

26Maɗashilər Dishon an

Hemdan, ka Eshban, ka Ithran, ka Keran.

27Maɗashilər Ezer an,

Bilhan, ka Zaavan, ka Akan.

28Maɗashilər Dishan an

Uz ka Aran.

29Nayeri ni an kuthlyayeri na səɓəla akwa nyarmbwar Hori, Lotan, ka Shobal, ka Zibeyon, ka Ana, 30ka Dishon, ka Ezer, ka Dishan. Da an kuthlyayeri ar mjir Hori, ata nyarmbwa ata nyarmbwa, akwa tsəɗi Seyir.

Kuthlyayeri Ar Edom

(1 Lab Wac 1:43-54)

31Nayeri ni an kuthlyayeri na ku hara kuthlikur akwa tsəɗi Edom akəmata mjir Israila awutə kuthli.

32Bela na ɓzər Beyor ku hara kuthlikur ata kəra Edom. Thləma bərniyirni an Dinhaba.

33Sakatə Bela ku mti, antə Yobab na ɓzər Zera na ahar Bozra ku dlu kuthlikur ata vəyari.

34Sakatə Yobab ku mti, antə Husham na akwa tsəɗiyir mjir Teman ku dlu kuthlikur ata vəyari.

35Sakatə Husham ku mti, antə Hadad ɓzər Bedad, ku dlu kuthlikur ata vəyari. Hadad ngəni an səm mjir Midiyan akwa mpa akwa tsəɗi Mowab. Thləma bərniyirni ni an Avith.

36Sakatə Hadad ku mti, antə Samla na ahar Masreka, ku dlu kuthlikur ata vəyari.

37Sakatə Samla ku mti, antə Shawulu na ahar Rehoboth na ata mnya Thlyagha Yufiretis ku dlu kuthlikur ata vəyari.

38Sakatə Shawulu ku mti, antə Baal Hanan na ɓzər Akbor ku dlu kuthlikur ata vəyari.

39Sakatə Baal Hanan na ɓzər Akbor ku mti, antə Hadar ku dlu kuthlikur ata vəyari. Thləma bərniyirni ni an Pau. Tsuwa thləma mwalankiɗa an Mehetabel na ngkwar Matred na ngkwar Mezahab.

40Nayeri ni an thləma kuthlyayeri na səɓəla akwa nyarmbwar Isuwa atar nyarmbwar ɗa ka vəyayeri tə da ndzi akwa. Kuthlyayeri ni an Timna, ka Alva, ka Yethleth, 41ka Oholibama, ka Ela, ka Pinon, 42ka Kenaz, ka Teman, ka Mibzar, 43ka Magdiyel, ka Iram. Da an kuthlyayeri ar Edom, watau Isuwa na kəkar mjir Edom, antə waskəi ku ndzəndzi ka bwarni akwa tsəɗiyir ɗa ni.

Currently Selected:

Baɗitari 36: KNB

Highlight

Copy

Compare