Kəth Apos 28
28
Bulus Akwa Ɗəɗəgəl Ar Malta
1Sakatə yeru ku msəri ka ləɓəla ata mnya yimi ni, antə yeru nggaɓəla abbər thləma ɗəɗəgəl ngəni an Malta. 2Antə mjir di ni hara ɓɗakkur laga ala yeru ka duna. Kamnyar da ku dlu yeru shang ka kucali, ka mbata ala yeru u'u, kamnyar yimi akwa təra antə vəi hara mtathlaku. 3Sakatə Bulus tsaptə udzəm kər pal ka puta ata u'u ni, antə pwapu laga səɓəla akwa udzəm ni kamnyar bwarbwarkur u'u ni, ka bartə tsiyari. 4Sakatə mjir di ni wutə pwapu bartə tsiya Bulus ni, antə da pəla akwa nvwa abbər, “Jiri, mdə ngəni mdər tsi mda. Kamnyar wala tə tsa msəra akwa manda ni, saɓalari tsu aɗi akwa nu ni har tar ma tsa kəl mpikari.” 5Amma Bulus ɓumta ni akwa u'u ni, antə tsa aɗi dəkəi ni wa. 6Da akwa dzama abbər nuhum tsa ata mbika wala ndla ka mta kula shamta saka, amma tə da sək ka səka, da aɗi wutə su na hara alari wa, antə da pali ndərər ɗa ka pəla abbər, tsa an hyel laga.
7Tsuwa kudzəhu ka vəi ndaga, fakayeri laga aɗi na ar mthlakər ɗəɗəgəl ni, na ka thləmari Publiyus. Tsa dlu yeru ka msərakur, ka wulwul yeru apa mətəpiyirni har vir makər. 8Tsuwa akwa saka nda antə baba' Publiyus ni pəpəi nggawa ka dzəkdzəku ka təha. Antə Bulus mwari ambwar ngkiɗa ka hara alari adduwa, ka vəngkər tsiyari ata kərari, ka mbantə ni. 9Sakatə da wutə su ngəni, antə mambila mji na nggawa nggawa ata ɗəɗəgəl ni si tsuwa, ka wutə mbantədzi. 10Antə da hamta ala yeru cautayeri hang. Sakatə yeru thlatə kamnyar təra akwa shar ni, antə da pu shanga suayeri tə yeru ata turari akwa shar ni.
Bulus Ku Mzhitə Ahar Rom
11Aghəla thliya makər antə yeru ləkwa shar laga ar Alekzandəriya, na kuri vəya ata ɗəɗəgəl ni. Tsuwa mdə namtə shar ni ka dludzər hyelayeri na ɓuli. 12Sakatə yeru si ahar Sirakus antə yeru hara vir makər anda. 13Sakatə yeru thlata anda antə kawartə ka si ahar Rigiyum. Aghəla vir pal, antə shambar laga thlata abwar anəm, akwa fya. Səɓəla ɗəpari antə yeru mzhitə ahar Putiyoli. 14Anda antə yeru wutə mjir nuwa laga, na kiɗə yeru abbər ka yeru hara vir murfa adzə ɗa. Apani antə yeru sə mzhitə ahar Rom. 15Sakatə mjir nuwa na anda nggata ata kəra yeru, antə mji thlatə ciju ka si adzə yeru har akwa Kasukur Appiyus, tə bwadukwa mji sə ra wutə yeru akwa Mbwar Na Makər. Sakatə Bulus wutə ɗa, antə tsa usar Hyel, ka wutə duna.
Bulus Ahar Rom
16Sakatə yeru si ahar Rom, antə mdə nar laku aka Bulus ka tsa ndzi shini, amma ka soja pal na ata gadi kərari.
Bulus Ku Ngkər Ndərər Hyel Ahar Rom
17Aghəla vir makər antə Bulus kəga mji na ol'olər mjir Yahudi akwa tsaptədzi. Sakatə da tsaptədzi antə tsa pəla ala ɗa,
“Mjir yeru na mjir Israila, wala tə I aɗi ɓzamtə su aka mjir mburu wa, wala ɓəli surharar kəkayeri ar mburu wa, amma mdə ku ngkəi ra akwa Urushalima, ka hamta ra mbwambwari aka kuthlikur ar mjir Rom. 18Aghəla tə da kuri yu ra, da ku bara msərantə ra, kamnyar da aɗi wutə ra ka biku na ku mzhi ka mdə tsi ra wa. 19Amma sakatə mjir Yahudi nggəlar ndər ni, ku ndzi dwali ali kəi kiɗə ka mdə mwantə shariya ni akəma Kaisar, wala tə arna I aɗi ka su tə kəi burkatə mjirna ata kər wa. #Kəth Apos 25:11 20An su na hara tə I kəga giri ka mburu gari kəga giri, təng tə kamnyar mdə ngəni tə mjir Israila akwa səkari ni antə mdə mbwamta ra ka məsəsal apani ni.”
21Antə da pəla alari, “Yeru aɗi wutə wasika akəla mjir Yahudi ata kəra ga wa, tsuwa mda aɗi akwa nca mjir mburu na thlata anda, na ku sənta wala ngkər su laga ɗimi ata kara gə wa. 22Amma yeru akwa bara ka yeru nggatə dzamər nga. Kamnyar su tə yeru sənda an abbər akwa kəlara bwa mji aɗi akwa hir mji ngəni wa.”
23Sakatə da ku thlamta vir tə da ata sə jaktə kəɓa ka tsa, antə da fatədzi hang ka si akwa vəi tə tsa fəli akwa. Antə tsa baɗitə ngkərɓəla ala ɗa su ni təng ɗəɗəpa har ka mwanta ka tahaku, akwa ngkər ala ɗa kuthlikurər Hyel, ka ndəkər hangkala ɗa ata kəra Yesu akwa tsawur Musa ka kakaɗər naɓiyayeri. 24Apani mji laga akwa nca ɗa ku hamta jiri aka su tə tsa pəla ni, amma mji bwaduku aɗi hamta jiri wa. 25Təng tə da aɗi kələngkər aka nvwa ɗa wa, akəmata da atəra, antə Bulus jaktə pəla ala ɗa su pal, abbər, “Azha su tə Mambəl na Ɓɗakkarkara pəla ni jiri, kamnyar tsa pəla aka kəkayeri ar giri atar Naɓi Ishaya abbər,
26“‘Mwari adzə mji ngəni, ka gə pəla ala ɗa,
Jiri, giri ata ləkəma ka nggatə su,
amma giri aɗi ata nggaɓəlari wala raka wa.
Giri ata ləkəma ka wutə su,
amma giri aɗi ata wulɓəlari wala raka wa.
27Kamnyar ɗəffa mji ngəni ku hara ɓəɓal,
tsuwa da ku dzəɓtə thləma ɗa ka hartə nca ɗa,
kamnyar ta da asə wutə su ka nca ɗa,
ka da sə nggatə su ka wutə su,
ka dluwa akwa ɗəffa ɗa,
tə ka da sə ngka adzə ra,
kamnyar kəi mbantə ɗa.’
28“Antə ka giri sənda abbər Hyel ku thlentə labar ar mbantədzi aka mji na aɗi mjir Yahudi wa, antə da ata sə psi thləma ɗa akari.”#28:28 Bwadukwa kakaɗayeri na waci tə mdə rəbutə ka tsi ni jakəngkər vəras 29 na pəla, Sakatə tsa pəla ndər ngəni, antə mjir Yahudi thlatə ka təra, akwa beɗi kəga nvwa ɗa ka duna.
30Antə Bulus hara məva suɗa akwa kəi tə tsa fəli akwa ni, akwa ntə kwaba haya ni ka kərari surni. Antə akwa kəi ngəni antə tsa dlu shanga mji na si adzə ni, 31akwa ngkər ala ɗa labar ata kəra kuthlikurər Hyel, ka thlipə ata kəra Mthlaku Yesu Kristi, ata bəbal kula thlivəra.
Currently Selected:
Kəth Apos 28: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Kəth Apos 28
28
Bulus Akwa Ɗəɗəgəl Ar Malta
1Sakatə yeru ku msəri ka ləɓəla ata mnya yimi ni, antə yeru nggaɓəla abbər thləma ɗəɗəgəl ngəni an Malta. 2Antə mjir di ni hara ɓɗakkur laga ala yeru ka duna. Kamnyar da ku dlu yeru shang ka kucali, ka mbata ala yeru u'u, kamnyar yimi akwa təra antə vəi hara mtathlaku. 3Sakatə Bulus tsaptə udzəm kər pal ka puta ata u'u ni, antə pwapu laga səɓəla akwa udzəm ni kamnyar bwarbwarkur u'u ni, ka bartə tsiyari. 4Sakatə mjir di ni wutə pwapu bartə tsiya Bulus ni, antə da pəla akwa nvwa abbər, “Jiri, mdə ngəni mdər tsi mda. Kamnyar wala tə tsa msəra akwa manda ni, saɓalari tsu aɗi akwa nu ni har tar ma tsa kəl mpikari.” 5Amma Bulus ɓumta ni akwa u'u ni, antə tsa aɗi dəkəi ni wa. 6Da akwa dzama abbər nuhum tsa ata mbika wala ndla ka mta kula shamta saka, amma tə da sək ka səka, da aɗi wutə su na hara alari wa, antə da pali ndərər ɗa ka pəla abbər, tsa an hyel laga.
7Tsuwa kudzəhu ka vəi ndaga, fakayeri laga aɗi na ar mthlakər ɗəɗəgəl ni, na ka thləmari Publiyus. Tsa dlu yeru ka msərakur, ka wulwul yeru apa mətəpiyirni har vir makər. 8Tsuwa akwa saka nda antə baba' Publiyus ni pəpəi nggawa ka dzəkdzəku ka təha. Antə Bulus mwari ambwar ngkiɗa ka hara alari adduwa, ka vəngkər tsiyari ata kərari, ka mbantə ni. 9Sakatə da wutə su ngəni, antə mambila mji na nggawa nggawa ata ɗəɗəgəl ni si tsuwa, ka wutə mbantədzi. 10Antə da hamta ala yeru cautayeri hang. Sakatə yeru thlatə kamnyar təra akwa shar ni, antə da pu shanga suayeri tə yeru ata turari akwa shar ni.
Bulus Ku Mzhitə Ahar Rom
11Aghəla thliya makər antə yeru ləkwa shar laga ar Alekzandəriya, na kuri vəya ata ɗəɗəgəl ni. Tsuwa mdə namtə shar ni ka dludzər hyelayeri na ɓuli. 12Sakatə yeru si ahar Sirakus antə yeru hara vir makər anda. 13Sakatə yeru thlata anda antə kawartə ka si ahar Rigiyum. Aghəla vir pal, antə shambar laga thlata abwar anəm, akwa fya. Səɓəla ɗəpari antə yeru mzhitə ahar Putiyoli. 14Anda antə yeru wutə mjir nuwa laga, na kiɗə yeru abbər ka yeru hara vir murfa adzə ɗa. Apani antə yeru sə mzhitə ahar Rom. 15Sakatə mjir nuwa na anda nggata ata kəra yeru, antə mji thlatə ciju ka si adzə yeru har akwa Kasukur Appiyus, tə bwadukwa mji sə ra wutə yeru akwa Mbwar Na Makər. Sakatə Bulus wutə ɗa, antə tsa usar Hyel, ka wutə duna.
Bulus Ahar Rom
16Sakatə yeru si ahar Rom, antə mdə nar laku aka Bulus ka tsa ndzi shini, amma ka soja pal na ata gadi kərari.
Bulus Ku Ngkər Ndərər Hyel Ahar Rom
17Aghəla vir makər antə Bulus kəga mji na ol'olər mjir Yahudi akwa tsaptədzi. Sakatə da tsaptədzi antə tsa pəla ala ɗa,
“Mjir yeru na mjir Israila, wala tə I aɗi ɓzamtə su aka mjir mburu wa, wala ɓəli surharar kəkayeri ar mburu wa, amma mdə ku ngkəi ra akwa Urushalima, ka hamta ra mbwambwari aka kuthlikur ar mjir Rom. 18Aghəla tə da kuri yu ra, da ku bara msərantə ra, kamnyar da aɗi wutə ra ka biku na ku mzhi ka mdə tsi ra wa. 19Amma sakatə mjir Yahudi nggəlar ndər ni, ku ndzi dwali ali kəi kiɗə ka mdə mwantə shariya ni akəma Kaisar, wala tə arna I aɗi ka su tə kəi burkatə mjirna ata kər wa. #Kəth Apos 25:11 20An su na hara tə I kəga giri ka mburu gari kəga giri, təng tə kamnyar mdə ngəni tə mjir Israila akwa səkari ni antə mdə mbwamta ra ka məsəsal apani ni.”
21Antə da pəla alari, “Yeru aɗi wutə wasika akəla mjir Yahudi ata kəra ga wa, tsuwa mda aɗi akwa nca mjir mburu na thlata anda, na ku sənta wala ngkər su laga ɗimi ata kara gə wa. 22Amma yeru akwa bara ka yeru nggatə dzamər nga. Kamnyar su tə yeru sənda an abbər akwa kəlara bwa mji aɗi akwa hir mji ngəni wa.”
23Sakatə da ku thlamta vir tə da ata sə jaktə kəɓa ka tsa, antə da fatədzi hang ka si akwa vəi tə tsa fəli akwa. Antə tsa baɗitə ngkərɓəla ala ɗa su ni təng ɗəɗəpa har ka mwanta ka tahaku, akwa ngkər ala ɗa kuthlikurər Hyel, ka ndəkər hangkala ɗa ata kəra Yesu akwa tsawur Musa ka kakaɗər naɓiyayeri. 24Apani mji laga akwa nca ɗa ku hamta jiri aka su tə tsa pəla ni, amma mji bwaduku aɗi hamta jiri wa. 25Təng tə da aɗi kələngkər aka nvwa ɗa wa, akəmata da atəra, antə Bulus jaktə pəla ala ɗa su pal, abbər, “Azha su tə Mambəl na Ɓɗakkarkara pəla ni jiri, kamnyar tsa pəla aka kəkayeri ar giri atar Naɓi Ishaya abbər,
26“‘Mwari adzə mji ngəni, ka gə pəla ala ɗa,
Jiri, giri ata ləkəma ka nggatə su,
amma giri aɗi ata nggaɓəlari wala raka wa.
Giri ata ləkəma ka wutə su,
amma giri aɗi ata wulɓəlari wala raka wa.
27Kamnyar ɗəffa mji ngəni ku hara ɓəɓal,
tsuwa da ku dzəɓtə thləma ɗa ka hartə nca ɗa,
kamnyar ta da asə wutə su ka nca ɗa,
ka da sə nggatə su ka wutə su,
ka dluwa akwa ɗəffa ɗa,
tə ka da sə ngka adzə ra,
kamnyar kəi mbantə ɗa.’
28“Antə ka giri sənda abbər Hyel ku thlentə labar ar mbantədzi aka mji na aɗi mjir Yahudi wa, antə da ata sə psi thləma ɗa akari.”#28:28 Bwadukwa kakaɗayeri na waci tə mdə rəbutə ka tsi ni jakəngkər vəras 29 na pəla, Sakatə tsa pəla ndər ngəni, antə mjir Yahudi thlatə ka təra, akwa beɗi kəga nvwa ɗa ka duna.
30Antə Bulus hara məva suɗa akwa kəi tə tsa fəli akwa ni, akwa ntə kwaba haya ni ka kərari surni. Antə akwa kəi ngəni antə tsa dlu shanga mji na si adzə ni, 31akwa ngkər ala ɗa labar ata kəra kuthlikurər Hyel, ka thlipə ata kəra Mthlaku Yesu Kristi, ata bəbal kula thlivəra.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.