Kəth Apos 27
27
Bulus Ku Ləkwa Shar Kamnyar Mwari Ahar Rom
1Sakatə mdə ɗəmha abbər ka yeru ləkwa shar kamnyar mwari akwa tsəɗi Italiya, antə da hamta Bulus ka mji laga damwa na akwa pərsəna ni, akwa tsiya olər soja laga ka thləmari Yuliyus, pal akwa nca sojayeri tə mda ana kəga ɗa Sojar Augustan. 2Sakatə yeru ku ləkwa shar na ar Adramitiyum, na akwa ɗəmhədzər mwari akwa diyayeri laga ata mnya tsəɗi Asiya, antə yeru baɗitə mwa. Yeru akwa mwa ni ata kəma duku kəga mdə laga ka thləmari Aristarkus, mdər Thlassalonika, akwa tsəɗi Makidoniya. 3Səɓəla ɗəpari antə yeru mzhitə Sidon. Tsuwa Yuliyus ku hara mdəkur aka Bulus, akwa zhar ni ka tsa ra wuli ka wuli pazhayeri arni, kamnyar ka da dlar ni ka su tə tsa akwa turari. 4Sakatə yeru thlata anda akwa shar ni, antə yeru nuwa ka kəmar ɗəɗəgəl ar Saiprus, kamnyar shambar akwa ngkatə yeru mwa. 5Sakatə yeru ku ntamta manda na kudzəhə ka tsəɗi Kilikiya ka Pamfiliya ni, antə yeru mzhitə Mira na akwa tsəɗi Likiya. 6Antə olər soja ni wutə shar laga na thlata ahar Alekzandəriya akwa mwari ahar Italiya, antə tsa pu yeru akwa shar ndaga.
7Yeru ku hara vir yiɗauwa ata laku ni kamnyar tə yeru akwa mwa ka hangkal, bwani bwani antə yeru hara kudzəhə ka Kinidus. Təng tə shambar ni aɗi zhar yeru ka yeru ləkəma ka lənggu nə wa, antə yeru nuwa ka kəmar ɗəɗəgəl ar Krete kudzəhə ka Salmoni. 8Yeru təramta vəi ni bwani bwani, har ka mzhitə vəi laga tə mda ana pəla Vəi Pwi Shar Na Lapiya, kudzəhə ka bərni Lasiya.
9Təng tə yeru ku shamta saka hang anda, mwa ni ma ata ndzi ala yeru ka asar ma har yeru ləkəma ka lənggu ni, kamnyar tə sakar asham ku kurtə ka təramta. Antə Bulus na ɗa sauri 10abbər, “Mji ol'ola I akwa wul abbər lənggu ni ata sə ndzi ka asar, ka təri na hangari, aɗi kariyir mburu ka shar ni daci antə mburu ata sə ni kəgari wa, amma har ka mpika mburu nuta.” 11Amma Yuliyus aɗi kələngkər aka su tə Bulus pəla nə wa, ata vəya ndaga təng tsa vədzə hangkalari aka mthlakər shar ni ka mdər nggur shar ni, akwa ngga su tə da akwa pəlari daci. 12Tsuwa təng tə tashar shar na azi ahar Likiya ni aɗi ɓɗaku kamnyar ka vəya ngkəi mda azi wa, bwar ola mji hamta sauri abbər kuji ka da ləkəma, ma ahara ka da mzhitə Finikiya, ka da kuri vəya ni anda. Finikiya an tashar shar na akwa Krete na akwa wul bwar ramtər yala ka tsuwa bwar ramtər anəm.
Shambar Yimi Ata Manda Na Ola
13Sakatə shambar baɗitə thlata abwar anəm akwa fi ka hangkal, antə mji ni tamata abbər su tə da mwaɓtə ni ku hara. Antə da ntsuɓəla liyar mbwi shar ni, ka nu mnya manda ar Krete ni. 14Amma kula shamta saka, təng shambar laga na mwavər, thlata abwar raghəyir yala, ka səghəi ata kəra ɗəɗəgəl ni. 15Sakatə shambar ni tsa shar ni, har tə shar ni amzhi ləkəma kəra wa, antə yeru zhar shar ni ka shambar an kəl ni daci. 16Sakatə yeru ku mwari ka kəmar ɗəɗəgəl laga raka ka thləmari Kauda, antə yeru ndəkərtə shar na raka ni bwani bwani. 17Sakatə da səntə shar na raka ni adzə shar na ol ni, antə da hara ɗəɗukur ka ndəli səwayeri ata shar ni, kamnyar da akwa thlivəra abbər shambar ni asə ra psəmta ɗa akwa wuyakər mnya yimər Sirtis ka da nggəla anda. Antə da fəi zhaɓər shar ni, ka zhar tə shambar an akwa mwa ka tsa daci, kamnyar da amzhi nggurari wa. 18Kamnyar tə shambar ni akwa kənggərantə shar ni swaiswai, təng səɓəla ɗəpari da baɗitə fwaɓəla kəlayeri na akwa shar ni, akwa pumta ɗa akwa yimi. 19Akwa vir na makərkur, da ka tsiya ɗa an fwaɓəla kariyir kəthlərayeri laga ar shar ni, ka puɓəla. 20Sakatə yeru hara vir hang kula wutə pci wala sasəlka wa, tsuwa shambar ni akwa ləkəma ka fi ka duna, antə dza yeru mta abbər yeru aɗi ata mbə akwa su ngəni wa.
21Təng tə da ku fəi kula ɗar susəma antə Bulus mwari akəma ɗa ka pəla, “Maɗara, diya ma gir an nggatə ndərərna, tə mburu ndzi tsu ahar nda, sakani mburu aɗi kəɓa ka bwani kəga asar ngəni wa. 22Amma kulini antə I ata kiɗə giri, ka giri nsətədzi, kamnyar mda aɗi akwa nca giri tə mpikari ata sha wa, təng shar ni daci. 23Kamnyar naha aviri mdərthlentərhyel ar Hyel tə I ana vəngkər səli alari ni, ku si adzə ra, 24ka pəla ali, ‘Bulus, ga aɗiya thlivər wa. Dwali ka gə thləthlata akəma Kaisar. Tsuwa kamnyar nga, antə Hyel ata hara ɓɗakkurərni ka tsa mbantə mpika mji tə giri akwa mwa ata kəma duku kəga da akwa shar ni.’ 25Antə ntsətə girdzi, kamnyar I ka hamta jiri akwa Hyel abbər su ni ata ndzi tsu apatə mdə pəla ali ni. 26Amma ata ndzi dwali ka shar ni ra puɓəla mburu ata wuyakər ɗəɗəgəl laga.”
27Sakatə vir na kumnya nfwarkur ku hara, sakatə shambar ni tsu akwa kəɗar tanggal yeru ata kəra Manda Meditereniya Adriya, sakatə kərathlər viri abaka hara, antə mjir nggur shar ni dzama abbər da abaka mzhitə di. 28Antə da ngkərtə zurangkur yimi ni, ka wuta abbər tsa ku mwantə kərathlu sərkumari, sakatə da ɗar mwa raka antə da jaktə ngkərta, ka wuta kərathlu kumnya ntəfu. 29Kamnyar thlivər abbər shar ni ata sə tsatsə pirakthlayeri, antə da ku psəghəi liya na kəgəɓu ar mbwi shar ni, da nfwar təbwahila shar ni, ka hara adduwa abbər viri kura taktar. 30Amma mjir nggur shar ni bara hwi kazhar shar ni. Antə da psəghəi shar na raka akwa yimi, ata bara hwi ka zhar shar na ol ni. Amma da namta apa da akwa ra pughəi sur mbwi shar na abwakəma shar na ol ni. 31Amma Bulus pəla aka olər soja ni ka sojayeri abbər, “Ma mjir nggur shar ni aɗi ndzi tsu akwa shar ni wa, giri aɗi ata mzhi mbə wa.” 32Antə sojayeri ni thlamta səwayeri ar shar na raka ni, ka zhar ni tə tsa təra ata yimi.
33Sakatə vir abaka kura, antə Bulus kiɗə kəra ɗa ka da səm susəma, abbər, “Ashina an vir na kumnya nfwarkur tə giri akwa ngga kəma su, kula susəma, su aɗi tə da hamnya wa. 34Antə I akwa kiɗə kəra giri abbər ka giri səm susəma, ka giri wutə duna, təng tə mda aɗi akwa nca giri wala duku tə shishir kərari ata təri wala duku wa.” 35Aghəla tə tsa kuri gari ngəni, antə tsa kətə susəma, ka usar Hyel ata kər akəma ɗa shang, ka ɓəli ka baɗitə kwasari. 36Antə shanga ɗa wutə duna ka ləkwa səm susəma. 37Shanga yeru na akwa shar ni an mji aru suɗa ka murfəkumari ka ngkwa. 38Antə sakatə da ku səm ka mzhi ɗa, antə da pumta alkama na akwa shar ni akwa yimi, kamnyar ka shar ni hara kəkafu.
Shar Ku Jaɓumtadzi
39Sakatə vir kura mjir nggur shar ni aɗi nggaɓəla vəi tə da akwa wa, amma da ku wutə tsiya yimi laga ata mnya yimi na ka wuyaku ata. Antə da hara sauri abbər ma ahara ka da mwantə shar ni ata wuyaku ni. 40Apani antə da thlagamta səwayeri na ka liyayeri ar mbwi shar ata ni tə da ləghəi akwa yimi, ka ɓələmta su na mbwahə sur fa yimi ni tsu ata saka nda. Antə da haptə zhaɓayeri na abwakəma shar ni, ka thlentə kəma ɗa təbwar manda ni. 41Amma sakatə yeru mzhitə vəi kəɓar yimi laga, antə shar ni tsa wuyaku, har tə kəra shar ni ləkwa ləghəi akwa wuyaku ni ka nggəla akwa. Tsuwa bwahila shar ni baɗitə pukthləmtadzi kamnyar mwavərkur mpar yimi ni.
42Antə sojayeri ɗəmha abbər da ata tsəgəi shanga mjir pərsəna ni, ta mda akwa nca ɗa asə ləɓəla akwa yimi ni ka msəra. 43Amma olər soja ni akwa bara mbantə mpika Bulus, antə tsa ngkatə ɗa hara su tə da ɗəmhə ni. Antə tsa tsawa aka mji na amzhi idla ka da fəlɓəla ka da mwari ata mnya yimi ni, 44ka mambila mji nu ghəla ɗa wala ata udzəm wala ata bwadukwa dza shar na ɓəgələmtadzi ni, ka da ləɓəla. Apani antə shanga yeru ku msəri ka ləɓəla ata mnya yimi ni lapiya.
Currently Selected:
Kəth Apos 27: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Kəth Apos 27
27
Bulus Ku Ləkwa Shar Kamnyar Mwari Ahar Rom
1Sakatə mdə ɗəmha abbər ka yeru ləkwa shar kamnyar mwari akwa tsəɗi Italiya, antə da hamta Bulus ka mji laga damwa na akwa pərsəna ni, akwa tsiya olər soja laga ka thləmari Yuliyus, pal akwa nca sojayeri tə mda ana kəga ɗa Sojar Augustan. 2Sakatə yeru ku ləkwa shar na ar Adramitiyum, na akwa ɗəmhədzər mwari akwa diyayeri laga ata mnya tsəɗi Asiya, antə yeru baɗitə mwa. Yeru akwa mwa ni ata kəma duku kəga mdə laga ka thləmari Aristarkus, mdər Thlassalonika, akwa tsəɗi Makidoniya. 3Səɓəla ɗəpari antə yeru mzhitə Sidon. Tsuwa Yuliyus ku hara mdəkur aka Bulus, akwa zhar ni ka tsa ra wuli ka wuli pazhayeri arni, kamnyar ka da dlar ni ka su tə tsa akwa turari. 4Sakatə yeru thlata anda akwa shar ni, antə yeru nuwa ka kəmar ɗəɗəgəl ar Saiprus, kamnyar shambar akwa ngkatə yeru mwa. 5Sakatə yeru ku ntamta manda na kudzəhə ka tsəɗi Kilikiya ka Pamfiliya ni, antə yeru mzhitə Mira na akwa tsəɗi Likiya. 6Antə olər soja ni wutə shar laga na thlata ahar Alekzandəriya akwa mwari ahar Italiya, antə tsa pu yeru akwa shar ndaga.
7Yeru ku hara vir yiɗauwa ata laku ni kamnyar tə yeru akwa mwa ka hangkal, bwani bwani antə yeru hara kudzəhə ka Kinidus. Təng tə shambar ni aɗi zhar yeru ka yeru ləkəma ka lənggu nə wa, antə yeru nuwa ka kəmar ɗəɗəgəl ar Krete kudzəhə ka Salmoni. 8Yeru təramta vəi ni bwani bwani, har ka mzhitə vəi laga tə mda ana pəla Vəi Pwi Shar Na Lapiya, kudzəhə ka bərni Lasiya.
9Təng tə yeru ku shamta saka hang anda, mwa ni ma ata ndzi ala yeru ka asar ma har yeru ləkəma ka lənggu ni, kamnyar tə sakar asham ku kurtə ka təramta. Antə Bulus na ɗa sauri 10abbər, “Mji ol'ola I akwa wul abbər lənggu ni ata sə ndzi ka asar, ka təri na hangari, aɗi kariyir mburu ka shar ni daci antə mburu ata sə ni kəgari wa, amma har ka mpika mburu nuta.” 11Amma Yuliyus aɗi kələngkər aka su tə Bulus pəla nə wa, ata vəya ndaga təng tsa vədzə hangkalari aka mthlakər shar ni ka mdər nggur shar ni, akwa ngga su tə da akwa pəlari daci. 12Tsuwa təng tə tashar shar na azi ahar Likiya ni aɗi ɓɗaku kamnyar ka vəya ngkəi mda azi wa, bwar ola mji hamta sauri abbər kuji ka da ləkəma, ma ahara ka da mzhitə Finikiya, ka da kuri vəya ni anda. Finikiya an tashar shar na akwa Krete na akwa wul bwar ramtər yala ka tsuwa bwar ramtər anəm.
Shambar Yimi Ata Manda Na Ola
13Sakatə shambar baɗitə thlata abwar anəm akwa fi ka hangkal, antə mji ni tamata abbər su tə da mwaɓtə ni ku hara. Antə da ntsuɓəla liyar mbwi shar ni, ka nu mnya manda ar Krete ni. 14Amma kula shamta saka, təng shambar laga na mwavər, thlata abwar raghəyir yala, ka səghəi ata kəra ɗəɗəgəl ni. 15Sakatə shambar ni tsa shar ni, har tə shar ni amzhi ləkəma kəra wa, antə yeru zhar shar ni ka shambar an kəl ni daci. 16Sakatə yeru ku mwari ka kəmar ɗəɗəgəl laga raka ka thləmari Kauda, antə yeru ndəkərtə shar na raka ni bwani bwani. 17Sakatə da səntə shar na raka ni adzə shar na ol ni, antə da hara ɗəɗukur ka ndəli səwayeri ata shar ni, kamnyar da akwa thlivəra abbər shambar ni asə ra psəmta ɗa akwa wuyakər mnya yimər Sirtis ka da nggəla anda. Antə da fəi zhaɓər shar ni, ka zhar tə shambar an akwa mwa ka tsa daci, kamnyar da amzhi nggurari wa. 18Kamnyar tə shambar ni akwa kənggərantə shar ni swaiswai, təng səɓəla ɗəpari da baɗitə fwaɓəla kəlayeri na akwa shar ni, akwa pumta ɗa akwa yimi. 19Akwa vir na makərkur, da ka tsiya ɗa an fwaɓəla kariyir kəthlərayeri laga ar shar ni, ka puɓəla. 20Sakatə yeru hara vir hang kula wutə pci wala sasəlka wa, tsuwa shambar ni akwa ləkəma ka fi ka duna, antə dza yeru mta abbər yeru aɗi ata mbə akwa su ngəni wa.
21Təng tə da ku fəi kula ɗar susəma antə Bulus mwari akəma ɗa ka pəla, “Maɗara, diya ma gir an nggatə ndərərna, tə mburu ndzi tsu ahar nda, sakani mburu aɗi kəɓa ka bwani kəga asar ngəni wa. 22Amma kulini antə I ata kiɗə giri, ka giri nsətədzi, kamnyar mda aɗi akwa nca giri tə mpikari ata sha wa, təng shar ni daci. 23Kamnyar naha aviri mdərthlentərhyel ar Hyel tə I ana vəngkər səli alari ni, ku si adzə ra, 24ka pəla ali, ‘Bulus, ga aɗiya thlivər wa. Dwali ka gə thləthlata akəma Kaisar. Tsuwa kamnyar nga, antə Hyel ata hara ɓɗakkurərni ka tsa mbantə mpika mji tə giri akwa mwa ata kəma duku kəga da akwa shar ni.’ 25Antə ntsətə girdzi, kamnyar I ka hamta jiri akwa Hyel abbər su ni ata ndzi tsu apatə mdə pəla ali ni. 26Amma ata ndzi dwali ka shar ni ra puɓəla mburu ata wuyakər ɗəɗəgəl laga.”
27Sakatə vir na kumnya nfwarkur ku hara, sakatə shambar ni tsu akwa kəɗar tanggal yeru ata kəra Manda Meditereniya Adriya, sakatə kərathlər viri abaka hara, antə mjir nggur shar ni dzama abbər da abaka mzhitə di. 28Antə da ngkərtə zurangkur yimi ni, ka wuta abbər tsa ku mwantə kərathlu sərkumari, sakatə da ɗar mwa raka antə da jaktə ngkərta, ka wuta kərathlu kumnya ntəfu. 29Kamnyar thlivər abbər shar ni ata sə tsatsə pirakthlayeri, antə da ku psəghəi liya na kəgəɓu ar mbwi shar ni, da nfwar təbwahila shar ni, ka hara adduwa abbər viri kura taktar. 30Amma mjir nggur shar ni bara hwi kazhar shar ni. Antə da psəghəi shar na raka akwa yimi, ata bara hwi ka zhar shar na ol ni. Amma da namta apa da akwa ra pughəi sur mbwi shar na abwakəma shar na ol ni. 31Amma Bulus pəla aka olər soja ni ka sojayeri abbər, “Ma mjir nggur shar ni aɗi ndzi tsu akwa shar ni wa, giri aɗi ata mzhi mbə wa.” 32Antə sojayeri ni thlamta səwayeri ar shar na raka ni, ka zhar ni tə tsa təra ata yimi.
33Sakatə vir abaka kura, antə Bulus kiɗə kəra ɗa ka da səm susəma, abbər, “Ashina an vir na kumnya nfwarkur tə giri akwa ngga kəma su, kula susəma, su aɗi tə da hamnya wa. 34Antə I akwa kiɗə kəra giri abbər ka giri səm susəma, ka giri wutə duna, təng tə mda aɗi akwa nca giri wala duku tə shishir kərari ata təri wala duku wa.” 35Aghəla tə tsa kuri gari ngəni, antə tsa kətə susəma, ka usar Hyel ata kər akəma ɗa shang, ka ɓəli ka baɗitə kwasari. 36Antə shanga ɗa wutə duna ka ləkwa səm susəma. 37Shanga yeru na akwa shar ni an mji aru suɗa ka murfəkumari ka ngkwa. 38Antə sakatə da ku səm ka mzhi ɗa, antə da pumta alkama na akwa shar ni akwa yimi, kamnyar ka shar ni hara kəkafu.
Shar Ku Jaɓumtadzi
39Sakatə vir kura mjir nggur shar ni aɗi nggaɓəla vəi tə da akwa wa, amma da ku wutə tsiya yimi laga ata mnya yimi na ka wuyaku ata. Antə da hara sauri abbər ma ahara ka da mwantə shar ni ata wuyaku ni. 40Apani antə da thlagamta səwayeri na ka liyayeri ar mbwi shar ata ni tə da ləghəi akwa yimi, ka ɓələmta su na mbwahə sur fa yimi ni tsu ata saka nda. Antə da haptə zhaɓayeri na abwakəma shar ni, ka thlentə kəma ɗa təbwar manda ni. 41Amma sakatə yeru mzhitə vəi kəɓar yimi laga, antə shar ni tsa wuyaku, har tə kəra shar ni ləkwa ləghəi akwa wuyaku ni ka nggəla akwa. Tsuwa bwahila shar ni baɗitə pukthləmtadzi kamnyar mwavərkur mpar yimi ni.
42Antə sojayeri ɗəmha abbər da ata tsəgəi shanga mjir pərsəna ni, ta mda akwa nca ɗa asə ləɓəla akwa yimi ni ka msəra. 43Amma olər soja ni akwa bara mbantə mpika Bulus, antə tsa ngkatə ɗa hara su tə da ɗəmhə ni. Antə tsa tsawa aka mji na amzhi idla ka da fəlɓəla ka da mwari ata mnya yimi ni, 44ka mambila mji nu ghəla ɗa wala ata udzəm wala ata bwadukwa dza shar na ɓəgələmtadzi ni, ka da ləɓəla. Apani antə shanga yeru ku msəri ka ləɓəla ata mnya yimi ni lapiya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.