SAM 95
95
Fakna hla
1Aw lo kal rawh u,
Lalpa chawimawiin
hlim takin i zai ang u;
Kan inchhandamna lungpui
chawimawiin hlim takin
i au vang u.
2Lâwm thu sawiin a hmaah
i kal ang u khai,
Fakna hla saa amah chawimawiin
hlim takin aw i chhuah ang.
3 Lalpa chu Pathian ropui tak
a ni si a,
Pathian zawng zawng chungah
Lal ropui tak a ni.
4Ama kutah chuan lei hmun
thûk takte chu a awm a;
Tlâng chhîp sâng takte chu
a ta a ni bawk.
5Tuifinriat hi a ta a ni,
ama siam a ni si a;
Khawmual pawh hi
a kutchhuak a ni.
6Aw lo kal ula, chibai bûkin
i kûn ang u khai;
Lalpa min Siamtu hmaah
i ṭhingṭhi ang u.
7Ani chu kan Pathian a ni a,
Keini hi a ran tlatna
hmuna mi leh, a kuta
berâmhote kan ni si a.
Vawiin hian a aw chu
lo hre teh ula aw!#Heb 3.15; 4.7 #Heb 3.7-11
8Meriba-a an tih ang khân
in thinlung tikhauh suh u,
Thlalêra Masa ni ang khân:#Ex 17.1-7; Num 20.2-13
9Chumi lai chuan in thlahtute
chuan mi thlêm a,
Mi fiah a, ka thiltih chu
an hmu a.
10Kum sawmli chhûng zet chumi
chhuanho chungah chuan
ka lungni lo va,
“An thinlunga
ngaihsual hmang mi an ni a,
Ka kawngte pawh an hre lo,”
ka ti a.
11Chuvângin, “Ka chawlhnaah
chuan an lût lo vang,” tiin,
thinurin chhia ka chham ta a.#Num 14.20-23; Deut 1.34-36; 12.9-10; Heb 4.3,5
Currently Selected:
SAM 95: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
