SAM 75
75
Hla Hruaitu tân, Al-tashheth-a sak tûr. Asapha Fakna Hla, Hla.
Rorêltu Pathian
1Aw Pathian, lâwmthu kan hrilh a che;
Lâwm thu kan hrilh a che,
i hming a hnai si a;
Miten i thilmak tih thute chu
an hril ṭhîn.
2A hun ka ruatah chuan
dik takin ro ka rêl ang.
3Lei leh a chunga awm zawng
zawngte chu an tui ral zo ta;
Keiin a bante chu ka phun a ni.
(Selah)
4Mi uangthuangte hnênah chuan,
“Uangthuang takin awm suh u,”
ka ti a:
Mi suaksualte hnênah,
“In ki tisâng suh u,” ka ti bawk a.
5In ki chu chung lamah
tisâng suh ula;
Ring khawng chungin
ṭawng suh u.
6Tihsânna chu chhak lam ata
a ni lo va, thlang lam ata
a ni hek lo.
Chhim lam ata lah a ni hek lo.
7Pathian chu rorêltu a ni zâwk:
Ani chuan pakhat a titlâwm a,
pakhat a tisâng ṭhîn.
8 Lalpa kutah chuan no a awm si a,
a uain chu a phûl a;
Thil dang nêna chawhpawlhin
a khat a, chuta mi chu
a bun chhuak a;
Matheilovin a nawite nên lam
leia mi suaksual zawng
zawngte chuan an in fai
kêlh ang.
9Nimahsela, kei chuan
kumkhuain ka hriattîr ang a,
Jakoba Pathian fakin ka zai ang.
10Mi suaksualte ki zawng zawng
pawh ka tansak ang a;
Mi felte ki erawh chu
tihsânin a awm ang.
Currently Selected:
SAM 75: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
