SAM 110
110
Davida Fakna Hla.
Lalpa leh a lal thlan
1 Lalpa thuchhuak chuan ka lalpa hnênah,
“I hmêlmate i ke nghahchhana
ka siam hma loh zawng,
Ka ding lamah ṭhu rawh,” a ti a.#Mt 22.44; Mk 12.36; Lk 20.42-43; Tirh 2.34-35; 1 Kor 15.25; Eph 1.20-22; Kol 3.1; Heb 1.13; 8.1; 10.12-13
2 Lalpa chuan i chakna tiang chu
Zion tlâng aṭangin
a tîr chhuak ang;
Nangin nangmah dotute zîngah
ro rêl rawh.
3I mite chu i thiltihtheihna nîah
chuan mahni duh thuin
an inpe ṭhîn;
Thianghlim mawinaah, zîng
pum chhûng aṭangin,
I tleirâwl daifîm chu i nei a.
4 Lalpan chhia a chham a,
a inlamlêt tawh lo vang,
“Nang zawng Melkisedeka
awm dân anga chatuana
puithiam i ni e,” tiin.#Heb 5.6; 6.20; 7.17,21
5 Lalpa, i ding lama awm chuan
a thinur nîah chuan lalte
a sât chhum rem rum ang.
6Hnam tin zîngah ro a rêl ang a,
Hmunte chu ruangin a tikhat ang a,
Ram tam takah chuan lû chu
a sât phel rem rum ang.
7Kawng laka luitêa mi a in ang a;
Chuvâng chuan a lû chu
a chawisâng ang.
Currently Selected:
SAM 110: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
