SAM 1
1
BU KHATNA
(Sam 1—41)
Engthâwlna tak tak
1Mi suaksualte remruat anga
awm ngai lova,
Mi sualte kawng pawha
ding ngai lova,
Hmusittute ṭhutphah pawha
ṭhu ngai lo mi chu,
a eng a thâwl e.
2A lâwmna chu Lalpa dânah
a ni zâwk a;
A dân thu chu a chhûn a zânin
a ngaihtuah ṭhîn.
3Ani chu tui luang kianga
thing phun,
A hun têa rah ṭhîn,
A hnah pawh uai ngai lo
ang hi a ni a;
A thiltih apiang chu
a hmuingîl zêl ang.#Jer 17.8
4Mi suaksualte erawh chu
chutiang an ni lo va;
Buhsî thliin a len bo ang hi
an ni zâwk.
5Chuvângin, mi suaksualte chu
rorêlna hmaah chuan
an ding thei lo vang a,
Mi sualte pawh mi felte
inkhâwmnaah chuan
an ding thei hek lo vang.
6 Lalpa chuan mi felte kawng
chu a hre si ṭhîn a;
Mi suaksualte kawng erawh
chu a boral ang.
Currently Selected:
SAM 1: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
