EPHESI 6
6
Naupangte leh nu leh pa
1Naupangte u, Lalpaah chuan in nu leh in pate thu zâwm rawh u; chu chu thil dik a ni si a. #Kol 3.20 2I nu leh i pa chawimawi rawh (chu chu thupêk tiam nei hmasa ber a ni); #Ex 20.12; Deut 5.16 3chutichuan, i tân a ṭha ang a, leiah hian i dam rei bawk ang.
4Tin, nangni pate u, in fate tithinur suh ula, Lalpa thununnaah leh zilhnaah chuan enkawl zâwk rawh u. #Kol 3.21
Bawihte leh an pute
5-8Bawihte u, Krista thu zâwm angin ṭih dêk leh khûra thinlung sakhat vuain, mihring tilâwmtute mai anga mit rawng bâwl lovin, Krista bâwih anga thinlunga Pathian duh zâwng ti zâwkin, mihring rawng bâwl ang mai ni lovin, Lalpa rawng bâwl ang zâwka duh tak chunga rawng bâwlin, bâwih ni sela, bâwih ni suh sela, mi tinin thil ṭha an tih apiang chu Lalpa hnên ata a ngai vêk an hmu leh ang tih hriain, tisaa in hotute thu zâwm rawh u. #Kol 3.22-25
9Tin, nangni hotute u, chutiang bawkin, anmahni leh nangmahni Hotu chu vânah a awm tih leh, ani chuan mi duhsak bîk a nei lo tih hriain, vau lovin an chungah ti ve rawh u.#Deut 10.17; Kol 3.25; 4.1
Pathian râlthuam famkim
10A tâwp berah chuan, Lalpaah leh a chakna thahruiah chuan thiltihtheihna neiin lo awm rawh u. 11Diabola ngamthlêmnate chu in do zawh nân Pathian râlthuam famkimin inthuam rawh u. 12Kan buante hi tisa leh thisen an ni si lo, lalnate leh, thuneihnate leh, he thim chunga khawvêl rorêltute leh, vân hmunahte thlarau sualho awmte an ni zâwk e. 13Chuvângin, ni ṭha lovah chuan in do zawhna tûr leh, in tih zawh vek hnu pawha in din theihna tûrin, Pathian râlthuam famkim chu la rawh u.
14Chutichuan, in kâwng chu thutaka hrêngin, felna âwmphaw chu hain, #Is 11.5; 59.17 15remna Chanchin Ṭha inbuatsaihna chu in keah bunin ding rawh u; #Is 52.7 16chûng lo pawh chu rinna phaw la ula, chu chuan mi sual thal alh thei zawng zawng chu in timit thei ang. 17Tin, Chhandamna lukhum leh Thlarau ngûnhnâm (Pathian Thu chu) la ula, #Is 59.17 18ṭawngṭaina leh dîlna tinrêngin eng hun pawha Thlarauva ṭawngṭaiin, chumi kawngah chuan mi thianghlim zawng zawng tân ṭhahnemngai tak leh dîl tlatin ngaihven rawh u; 19Chanchin Ṭha thurûk huai taka puang tûra ka kâ ka âna, thu sawitîra ka awm theih nân ka tân pawh mi dîlsak rawh u, 20chumi kawngah chuan ka sawi tûr ang chu huai taka ka sawi theihna tûrin, chumi Chanchin Ṭha palai khaidiat bun ka ni.
Chibai bûkna
21Nimahsela, nangni pawhin engtin nge ka awm, ka chanchin in hriat theih nân, Tukika, Lalpaa unau duh tak leh rawngbâwltu rinawm tak hian engkim a hriattîr ang che u; #Tirh 20.4; 2 Tim 4.12 22hemi vâng tak hian amah chu in hnênah ka rawn tîr a ni, ka chanchin in hriat theihna tûr leh, ani hian in thinlung a tihthlamuan theihna tûrin. #Kol 4.7-8
23Pa, Pathian leh Lalpa Isua Krista hnên ata remna leh rinna tel hmangaihna chu unaute hnênah khân awm rawh se. 24Kan Lalpa Isua Krista chuai lova hmangaihtute zawng zawng hnênah khawngaihna awm rawh se.
Currently Selected:
EPHESI 6: MIZOVBSI
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.