खाहुन् 3
3
नालिगे़न् थाङ्बे़न्हाॽरे़ लागि खाहुन्
1आस्साए, आङ्गाॽ पिने़बा निसाम्मिन् निङ्वाॽ मे़भेःत्छे़न्ने़ॽओ,
कर आङ्गाॽ मे़त्ने़बा इङ्जाङ्हाॽ के़निङ्वाॽओ कत्ते़ॽओ,
2थेआङ्भे़ल्ले़ खे़ल्ले़ खे़ने़ॽ कुधाःक् के़जाॽबा के़जोःक्लो,
हे़क्क्याङ् खे़ने़ॽ के़लागि खे़ल्ले़ नुॽमादामा तारुरो॥
3थधप् मे़ल्लॽमनाबा मिःम्जि नु नसाःन्साबा पोङ्मे़ल्ले़ आभे़ल्ले़आङ् के़ल्ले़त्ने़न्लरो,
खे़ङ्हाॽ खे़ने़ॽ के़निःङ्मो खेःक्खे़ फत्छे़ॽओ,
हे़क्क्याङ् खे़ने़ॽ के़सिक्लुङ्मो साप्ते़ फत्छे़ॽओ॥
4खे़ब्याङ् ख़ेऩेॽ निङ्वाॽफुमाङ्ङिन् नु मे़न्छाम् याप्मि निमो
लुङ्गुम् नु नुबा मिङ् के़घोसुरो॥
5खे़ने़ॽ के़रे़क् के़सिक्लुङ्मे़ल्ले़ यहवे दाङ्बे़न् नासाॽरे़ॽओ,
हे़क्क्याङ् आप्फेक् के़घासिङ्निःप्मो के़निङ्वाॽ मे़युक्खे़न्ने़ॽओ
6खे़ने़ॽ के़नाःत्तुबा के़रे़क् के़लाम्मो यहवे दाङ्बे़न् इःत्ते़ॽओ,
हे़क्क्याङ् खुने़ॽ के़लाम्हाॽ कुदोःप्मा चोगु के़बिरो॥
7खे़ने़ॽ आप्फेक् के़निमो सिक्कुम्साबा मे़बोःक्खे़न्ने़ॽओ,
यहवे दाङ्बे़न्नु किसे़ॽआङ् फे़न्याःम्बक्किन् ले़रे़ॽओ॥
8कल्ले़ खे़ने़ॽ के़धक्किन् चाङ्जाङ्बा चोगुरो,
हे़क्क्याङ् खे़ने़ॽ के़लुङ्सिहाॽ के़धुम्बा चोगुरो॥
9खे़ने़ॽ के़याङ्सा कुन्धे नु के़रे़क्नुःल्ले़ तगि के़दुम्बा
पोगुगे़न् के़जाःल्ले़ यहवे दाङ्बान् मिङ्सोइङ्धाःङ् पिरे़ॽओ,
10खे़ब्याङ् खे़ने़ॽ के़जा याङ्मा थाःङ्हाॽ वे़त्ल थारिक् तिम्लो
हे़क्क्याङ् के़घप्प्याहाॽ कुबोक् चे़ल्ले़क्सेॽ थिःल्ले़ तिम्माङ् वे़त्लो॥
11आस्साए, यहवे दाङ्बे़ल्ले़ कुहे़न्थिम्मिन् कुनामे़न्छाॽ मे़मे़त्ते़न्ने़ॽओ,
हे़क्क्याङ् खुने़ॽ के़भे़ःक्किल्ले़ ताप्फे़ःम्बा मे़लेःत्ते़न्ने़ॽओ॥
12थेआङ्भे़ल्ले़ यहवे दाङ्बे़ल्ले़ हात् लुङ्माॽ तुक्तुॽ
खुने़ॽ खे़न्ने हे़न्थिम् याक्तुरो॥
हे़क्केलॽरिक्के पानुदिङ् पाःल्ले़ लुङ्माॽ तुक्तुबा
आबाङे कुस्सान् हे़न्थिम् पिरुरो॥#अयुब ५:१७; हिब्रु १२:५-६; सुफो ३:१९
13सिक्कुम्दिङ् निङ्वाॽ के़घोबा मनान् नु
खासिङ्निःप्मा के़घोबान् मुॽइसाबारो,
14थेआङ्भे़ल्ले़ सिक्कुम्दिङ् निङ्वान्
युप्पानुःल्ले़आङ् यरिक् इन्धा आबिबिबा चोक्लो,
हे़क्क्याङ् साम्म्याङ्नुःल्ले़आङ् यरिक् कुभाॽ आबिरो॥
15सिक्कुम्दिङ् निङ्वान् मुधिङ् लुङ्हाॽनुःल्ले़आङ् इमे़ल्लुङ्बा चोक्लो,
हे़क्क्याङ् खे़ने़ॽ निङ्वाॽ के़जोगुबा आत्तिन् पाःन्निन्नाङ्
खे़न्नु तङ्मा सुक्मे़दे़त्ने़न्लो॥
16सिक्कुम्दिङ् निङ्वाःल्ले़ कुजुक्वा हुक्को थाःक् चाॽमान् नु
कुभे़ङ्वा हुक्को याङ्साकुन्धे नु मिङ्सो इङ्धाङ् पोङ्लो॥
17खे़ल्ले़ कुमाराम्हाॽ निङ्वाॽ के़दाबा पोङ्लो,
हे़क्क्याङ् खे़ल्ले़ कुलाम्हाॽ चिजि ये़म्ये़म्बा पोङ्लो॥
18सिक्कुम् निङ्वाॽ के़दिम्बा के़नाःप्पाहाॽरे़ लागि
खे़ङ्ग लत्छा हिङ्मन् के़बिबा सिङ्बुङ्लो,
खे़न् के़इःप्पा के़नाःप्पाहाॽरे़ मुॽइसाम् मे़घोसुरो॥
19सिक्कुम्दिङ् निङ्वाॽलाम्बाए यहवे दाङ्बे़ल्ले़
इक्सादिङ् खाम्बेःक्माल्ले़ कुयुक्नाहाॽ युक्खुरो,
खासिङ्निःप्पा मुक्साम्मिल्ले़ए तरःक्के़न्
ताङ्साङ्बान् कुबप्मादे़न्नो फत्छुरो॥
20खुने़ॽ कुने़हि कुनिङ्वाःल्ले़ए कुदिम्बे
केःम्बा वरःङ्हाॽ फक्ते़ लःन्दे़रो,
हे़क्क्याङ् खाॽमिःत्ते़ल्ले़ मु ले़प्माङ् सेःक्वान् थासुरो॥
21आस्साए, खे़ने़ॽ से़क्खाबा सिक्कुम्निङ्वान् नु
खासिङ्निःप्मा निङ्वाॽइन् से़ःप्ते़ कत्ते़ॽओ,
खे़न् खे़ने़ॽ के़मिक्साओलाम् पिम्मा पेःक्मा मे़बाङ्घे़न्ने़ॽओ॥
22खे़न् खे़ने़ॽ के़लागि हिङ्मन् के़बिबा नु
खे़ने़ॽ के़सित्लाओ के़घे़म्सिङ्मा सामापुमा हे़क्तङ्बा पोङ्लो॥
23खे़ब्याङ् खे़ने़ॽ के़लाम्मो के़नुॽ के़दाआङ् लाङ्गे़घेःक्लो,
हे़क्क्याङ् खे़ने़ॽ के़लाङ्हाॽ मे़दोःक्ने़न्लो॥
24खे़ने़ॽ के़जोःन्निल्ले़ खे़ने़ॽ के़ङ्गिने़न् के़न्यङ्ने़न्लो,
खे़ने़ॽ के़ने़सिङ्ङिल्ले़ कुजानुॽर के़मिक्युरो॥
25ताक्के़भे़ॽबाहाॽरे़ खुन्छिॽ सम्धाङ् थिक्ले़ङ्ले़
के़इबा के़दाबा तुक्खे लाक्खे इग्र मे़क्मा सिमे़न्नु खे़ने़ॽ मे़गिसे़न्ने़ॽओ॥
26थेआङ्भे़ल्ले़ यहवे दाङ्बे़न्ने खे़ने़ॽ के़आःन्छिङ्मा पोङ्लो,
हे़क्क्याङ् खुने़ॽ के़लाङ्हाॽ इजोओ थामालाम् के़से़ःप्लो॥
27आत्तिन् आत्तिन्हाॽ फाॽमासि के़बोङ्बा वाॽ,
खे़ने़ॽ के़हुक्को वाॽर थारिक् खे़न् मे़साक्ते़न्ने़ॽओ,
28खे़ने़ॽ आल्लो के़गत्तुबा पाःन्निन् पिमारे़ लागि
के़हिम्बेसाङ्बे़न् “आक्खो, ताःन्दिःक् त्ये़ॽ,” मे़मे़त्ते़न्ने़ॽओ॥
29खे़ने़ॽ के़हिम्बेसाङ्बे़ल्ले़ कुदक्ले़ङ्वाओ चे़म्भन् मे़न्जोःक्के़ॽओ,
खे़ल्ले़ खे़ने़ॽ के़बेसाङ् नसान् के़जोःक्काङ् युङ्लो॥
30हने़ थेनाधे खे़ने़ॽ आत्तिन् मनाःन्नाङ् पाःन्मे़धिक्ते़न्ने़ॽओ,
खे़ल्ले़ खे़ने़ॽ के़धेआङ् ताप्फे़ःम्बा चोगुबा होप्लो॥
31मना के़हिप्पा के़धक्पा याप्मिन् नामे़हे़त्ते़न्ने़ॽओ,
हे़क्क्याङ् खे़ल्ले़ आत्तिन् कुलाम्मिन्नाङ् मे़सेगे़न्ने़ॽओ॥
32थेआङ्भे़ल्ले़ यहवे दाङ्बे़ल्ले़ इङ्गे़ले़क्पा मनान् कुसिक्ले़ःङ्लो,
कर कुदोःप्मा मनाहाॽ कुनसाःन्सामो कत्तुसिरो॥
33फे़न्याःम्बक् के़जोःक्पाहाॽरे़ खुन्छिॽ हिम्मो
यहवे दाङ्बे़ल्ले़ कुसाक्मुरा कुमाङ्देन् थारो
कर साम्योबाहाॽरे़ खुनिॽ हिम्मो
खुने़ॽ हाङ्वागे़न् मुॽइसाम् थासु पिरुसिरो॥
34कुनामे़न्छाॽ के़मे़प्पा मनाहाॽ खुने़ॽ कुनामे़न्छाॽ मे़त्तुसिरो,
कर चुङ्जिगे़न् नःम्नःम्बाहाॽ लुङ्माॽ तुक्तुसिरो॥#याकु ४:६; १ पत्रु ५:५
35सिक्कुम्निबा मनाहाॽरे़ मिङ्सोइङ्धाःङ् मे़घोसुरो,
कर याक्तुप्पा अदङ्हाॽ खुने़ॽ सिरिङ्ममो थासुसिरो॥
Currently Selected:
खाहुन् 3: LIF
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.