खानिःत् 2
2
थाःक् थाःक्पा मनाहाॽ साःङ्गाहिम्हाॽओ युङ्मा तङ्गाम्
1यहवे दाङ्बे़ल्ले़ मोसान् नु हारुने़न् मे़त्तुसि, 2“इस्राइलिहाॽ के़रे़क्ले़ खुन्छिॽ आप्फेक् हिम्सयङ् कुइसिक् खुनिॽ आप्फेक् आप्फेक् निसाःल्ले़ कुसिगाङ् साःङ्गाहिम्हाॽ मे़घिङ्घुर॥ खे़ङ्हाॽरे़ तुम्मादे़न् साःङ्गाहिम् के़रे़क् पिसाङ् आजे़त् लाःत्लाःत् खुन्छिॽ आबाङे आबाङे साःङ्गाहिम्हाॽ मे़घिङ्घुर॥”
3नाङ्गे़न् ले़प्माङ् नाम् के़लिङ्बा पिसा ङ् यहुदाःल्ले़ कुसाःङ्गाहिम्हाॽओबा मनासुम्हाॽरे़ खुन्छिॽ निसाःल्ले़ कुसिगाङ् खे़ङ्हाॽरे़ साःङ्गाहिम्हाॽ मे़जोगुर॥ अम्मिनादाबरे़ कुस्सा नहसोने़न् यहुदाबा मनाहाॽरे़ खुन्छिॽ थाःक्लाम्लोबा पोङ्ल॥ 4खानिःत् कुइसिक् खे़ल्ले़ कुमना सुम् ७४,६०० मे़वाॽ॥
5खे़ल्ले़ कुबेसाङ् इस्साखाररे़ कुधाःक्हाॽरे़ साःङ्गाहिम्हाॽ मे़भोःक्खुर॥ इस्साखाररे़ कुधाःक् लाम्लोबा सुआररे़ कुस्सा नातानेले़न् पोङ्ल॥ 6खानिःत् कुइसिक् खे़ल्ले़ कुमना सुम् ५४,४०० मे़वाॽ॥
7खे़न् एगाङ् जबलुनरे़ कुधाःक्हाॽ मे़वाॽर॥ जबलुनरे़ कुधाःक् लाम्लोबा हे़लोने़ल्ले़ कुस्सा एलिआबे़न् पोङ्ल॥ 8खानिःत् कुइसिक् खे़ल्ले़ कुमना सुम् ५७,४०० मे़वाॽ॥
9यहुदाःल्ले़ कुसाःङ्गाहिम्हाॽ मे़निरुसिबाहाॽरे़ के़रे़क् खुनिॽ खानिःत्तिन् खुन्छिॽ आप्फेक् आप्फेक् ये़म्बित्छा मनासुम् कुइसिक् १,८६,४०० मे़वाॽ॥ कन्हाॽए तगि तगि लाङ्मे़घेःक्काङ् मे़बेःक्॥
10लाङ्गे़त् पिसाङ् रुबेनरे़ कुसाःङ्गाहिम्हाॽओबा मनासुम्हाॽ खे़ङ्हाॽरे़ खुन्छिॽ निसाःल्ले़ कुसिगाङ् मे़वाॽ॥ रुबेनरे़ कुमनाहाॽरे़ खुन्छिॽ थाःक्लाम्लोबा सदेउररे़ कुस्सा एलिसुरे़न् पोङ्ल॥ 11खानिःत् कुइसिक् खे़ल्ले़ कुमना सुम्हाॽ ४६,५०० मे़वाॽ॥
12खे़ल्ले़ कुबेसाङ् सिमियोनरे़ कुधाःक्हाॽरे़ साःङ्गाहिम् मे़जोगुर॥ सिमियोनरे़ कुमनाहाॽरे़ खुन्छिॽ थाःक्लाम्लोबा सुरिसद्दैरे़ कुस्सा सलुमिएले़न् पोङ्ल॥ 13खानिःत् कुइसिक् खे़ल्ले़ कुमना सुम्हाॽ ५९,३०० मे़वाॽ॥
14खे़न् एगाङ् गादरे़ कुधाःक्हाॽ मे़वाॽर॥ दुएलरे़ कुस्सा एल्यासापे़न् गादे़ल्ले़ कुमनाहाॽरे़ खुन्छिॽ थाःक्लाम्लोबा पोङ्ल॥ 15खानिःत् कुइसिक् खे़ल्ले़ कुमना सुम्हाॽ ४५,६५० मे़वाॽ॥
16रुबेनरे़ कुसाःङ्गाहिम्हाॽओ मे़निरुसिबा के़रे़क् खानिःत्ते़न् आप्फेक् आप्फेक् ये़म्बित्छा मनासुम् कुइसिक् १,५१,४५० मे़वाॽ॥ खे़ङ्हाॽ निसिगेक्पा तिःक्लाओ लाङ्मे़घेःक्॥
17खे़ब्याङ् थिक्सिगेक्पा ने़त्छि साःङ्गाहिम्हाॽ नु एगाङ्समा ने़त्छि साःङ्गाहिम्हाॽरे़ खुन्छिॽ लुम्मो ले़बिहाॽरे़ सेसे साःङ्गाहिम्मिन् मे़बक्खुआङ् लाङ्मे़घेःक्ल॥ खे़ङ्हाॽरे़ साःङ्गाहिम् मे़घिङ्घुबा कुइसिक् खुन्छिॽ आप्फेक् आप्फेक् निसा सिगाङ् के़रे़क् मनाहाॽ थिक्थिक् आप्फेक् आप्फेक् ते़न्नो लाङ्मे़घेःक्ल॥
18नाम्धा पिसाङ् एफ्राइमरे़ कुसाःङ्गाहिम्मोबा मनासुम्हाॽ खुन्छिॽ निसाःल्ले़ कुसिगाङ् मे़वाॽ॥ 19इफ्राइमबा मनाहाॽरे़ खुन्छिॽ थाःक्लाम्लोबा अम्मिहुदरे़ कुस्सा एलिसामान् पोङ्ल॥ खानिःत् कुइसिक् खे़ल्ले़ कुमनासुम्हाॽ ४०,५०० मे़वाॽ॥
20खे़ल्ले़ कुबेसाङ् मनस्सेःल्ले़ कुधाःक्हाॽ मे़वाॽर॥ मनस्सेःल्ले़ कुमनाहाॽरे़ खुन्छिॽ थाःक्लाम्लोबा पदासुररे़ कुस्सा गमलिएले़न् पोङ्॥ 21खानिःत् कुइसिक् खे़ल्ले़ कुमनासुम्हाॽ ३२,२०० मे़वाॽ॥
22खे़न् एगाङ् बेन्यामिनरे़ कुधाःक्कोबा मनाहाॽ मे़वाॽर॥ बेन्यामिनरे़ कुमनाहाॽरे़ खुन्छिॽ थाःक्लाम्लोबा गिदेओनिरे़ कुस्सा अबिदाने़न् पोङ्ल॥ 23खानिःत् कुइसिक् खे़ल्ले़ कुमनासुम्हाॽ ३५,४०० मे़वाॽ॥
24इफ्राइमरे़ कुसाःङ्गाहिम्हाॽओ मे़निरुसिबा के़रे़क् खानिःत्ते़न् खुन्छिॽ आप्फेक् आप्फेक् ये़म्बित्छा मनासुम्हाॽ कुइसिक् १,०८,१०० मे़वाॽ॥ कन्हाॽ सुम्सिगेक्पा तिःक्लाओ लाङ्मे़घेःक्॥
25थाङ्गे़त् ले़प्माङ् दानरे़ कुसाःङ्गाहिम्मोबा मनासुम्हाॽ खे़ङ्हाॽरे़ खुन्छिॽ निसा सिगाङ् मे़वाॽ॥ दानरे़ कुमनाहाॽरे़ खुन्छिॽ थाःक्लाम्लोबा अम्मिसद्दैरे़ कुस्सा अहिएजेरे़न् पोङ्ल॥ 26खानिःत् कुइसिक् खे़ल्ले़ कुमनासुम्हाॽ ६२,७०० मे़वाॽ॥
27खे़ल्ले़ कुनिःत्ताङ् आसेररे़ कुधाःक्कोबा मनाहाॽरे़ साःङ्गाहिम् मे़भोःक्खुर॥ आसेररे़ कुमनाहाॽरे़ खुन्छिॽ थाःक्लाम्लोबा ओक्रानरे़ कुस्सा पगिएले़न् पोङ्ल॥ 28खानिःत् कुइसिक् खे़ल्ले़ कुमनासुम्हाॽ ४१,५०० मे़वाॽ॥
29खे़न् एगाङ् नप्तालिरे़ कुधाःक्कोबा मनाहाॽ मे़वाॽर॥ नप्तालिरे़ कुमनाहाॽरे़ खुन्छिॽ थाःक्लाम्लोबा एनानरे़ कुस्सा अहिरे़न् पो ङ्॥ 30खानिःत् कुइसिक् खे़ल्ले़ कुमनासुम्हाॽ ५३,४०० मे़वाॽ॥
31दानरे़ कुसाःङ्गाहिम्हाॽओ मे़निरुसिबा के़रे़क् ये़म्बित्छा मनासुम् खानिःत्ते़न् १,५७,६०० मे़वाॽ॥ कन्हाॽग खुन्छिॽ आप्फेक् आप्फेक् निसाःल्ले़ कुसिगाङ् के़रे़क्नुःल्ले़ एगाङ् लाङ्मे़घेःक्॥
32इस्राइलिहाॽरे़ खुन्छिॽ आप्फेक् आप्फेक् हिम्सयङ् कुइसिक् मे़निरुसिबाहाॽ हाबा कन्हाॽएरो॥ खुन्छिॽ आप्फेक् आप्फेक् ये़म्बित्छा मनासुम् कुइसिक् के़रे़क् साःङ्गाहिम्हाॽओ मे़निरुसिबाहाॽ के़रे़क् ६,०३,५५० मे़वाॽ॥ 33यहवे दाङ्बे़ल्ले़ मोसान् पिरुबा इङ्जाङ् इसिःक् इस्राइलिहाॽनु सोरिक् ले़बिरे़ कुधाःक्हाॽ मे़निरुसिबा होःप्ते़॥
34यहवे दाङ्बे़ल्ले़ इङ्जाङ् पिरुसिबा हे़क्के इस्राइलिहाॽरे़ खुन्छिॽ आप्फेक् आप्फेक् निसाःल्ले़ कुनिःत्ताङ् साःङ्गाहिम् मे़घिङ्घु॥ हे़क्केलॽरिक्के आबाङे आबाङे थाःक् नु हिम्सयङ् कुइसिक् खे़ङ्हाॽ लाङ्मे़घेगे़रो॥
Currently Selected:
खानिःत् 2: LIF
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.