मर्कुस 9
9
1ये़सुरे़ खे़ङ्हाॽ याम्मो मे़त्तुसि, “इङ्गाॽ से़क्खाए मे़त्निङ्, कप्मो के़ये़प्पा कुभा मनाहाॽ निङ्वाॽफु हाङ्जुम्मिन् मुक्साम्नु युःबा मे़न्निए थारिक् मे़न्छिःने़न्लो॥”
ये़सुरे़ कुधक्किन् ले़ङ्सिङ्
(मत्ति १७:१-१३; लुका ९:२८-३६)
2तुक्सि (६) ये़न् एगाङ् ये़सुरे़ पत्रुस, याकुब नु युहुन्नान् थो केःम्बा कोःक्माओ तेॽरुसि॥ खे़प्मो हाःत्ताङ् मे़होःप्ते़॥ हे़क्क्याङ् खे़ङ्हाॽरे़ ओमे़मे़त्तुर मे़बत्छे़ल्ले़ए ये़सुरे़ कुनाइबेक् ले़ङ्सिङ्ल पेआङ् 3कुदेःत्हाॽ मिक्किन् चे़मुर थारिक् फुत्त्रिःङ्ग्याःप्पा पोःक्खे़, खे़म्म्याक् साॽरिक् फ लॽर थारिक् इक्सादिङ् खाम्बेःक्मो हाःत्ले़आङ् चाङ्ङिन् वाहप्मा मे़सुक्तुन्लो॥ 4हे़क्क्याङ् माङ्निङ्वाॽपान् के़बाःप्पा एलियान् नु मोसान् थाःम्ने़त्छिआङ् ये़सुन् नु ताॽजे़क्खे़त्छिरो॥ 5पत्रुसरे़ ये़सुन् मे़त्तु, “सिक्साम्बे, आनिॽग कप्मोए आवाॽइल्ले़ नुबा पोङ्लो॥ आनिगे कप्मो सुम्सि याक्साहाॽ चोगुम्बे़बि? थिक् खे़ने़ॽइन् हे़क्क्याङ् मोसान् नु एलियारे़ खुन्छिॽ लागिआङ् थिक्थिक् चोगुम्बे़रो!” 6पत्रुसरे़ थे पाःप्माबे फाॽआङ् कुनिङ्वाॽइल्ले़ थेआङ् मे़धाप्तुन्, थेआङ्भे़ल्ले़ खे़ङ्हाॽ साॽरिक् मे़गिसे़आङ् मे़वये़रो॥ 7हे़क्क्याङ् खाप्मिःत्तिल्ले़ चिदे़प् ते़प्तुसिआङ् खाप्मिःत्तोलाम् अक्तङ्बा इक्ला मे़घे़प्सु, “कन् आमिःम् आस्सारो॥ खुने़ॽ पाःत्तुबा पाःन्निन् खे़प्से़म्मे़ॽओ॥” 8खे़ङ्हाॽ खिरि ओमे़मःये़ल्ले़ ये़सुन् लक् वये़, वेॽ हाःत्ताङ् मे़होःप्ते़रो॥ 9खे़ङ्हाॽ कोःक्मालाम् यो मे़ध्ये़र मे़बत्छे़ल्ले़ ये़सुरे़ खे़ङ्हाॽ कन् के़निसुम्बा पाःन्निन् इङ्गाॽ मे़न्छाम्सान् सिमे़न्लाम् याम्मो मे़न्हिङ्ङे थारिक् हाःत्ताङ् मे़जे़क्ते़म्मे़न्ने़ॽ फाॽआङ् इङ्जाङ् पिरुसिरो॥ 10खे़ङ्हाॽरे़आङ् कन् पाःन्निन् खुनिॽ लुम्मोए मे़युक्खु॥ खे़ङ्हाॽ कन् सिमे़न्लाम् हिङ्मा फाॽइन् थे़माने़बे फाॽआङ् पान् मे़धक्ते़रो॥
11हे़क्क्याङ् खे़ङ्हाॽरे़ खुने़ॽ सेःन्मे़दोसु, “थेआङ् साम्योथिम्साम्बाहाॽरे़ निङ्वाॽफुमाङ्ङिल्ले़ सेःन्दुबा ख्रिस्ते़न् तामानुःल्ले़ तगि एलियाःङ्ग युःमाए पोङ् फाॽआङ् मे़बाःत्तुबाबे?”
12हे़क्केःल्ले़ ये़सुरे़ अक्खे मे़त्तुसि, “से़क्खाएरो, एलियाःङ्ग युःॽआङ् निङ्वाॽफुमाङ्ङिल्ले़ सेःन्दुबा ख्रिस्तरे़ कुदामान् के़रे़क् यारिप् चोगुॽरो॥ आक्खेलॽरिक् मे़न्छाम्सान् तुक्खे चामाए पोङ्, हे़क्क्याङ् खुने़ॽ मनाहाॽरे़ मे़नाॽरु के़लॽबा साप्ते़आङ् मे़बत्ने़न्बि? 13कर एलियान् त्ये़ चुरे़आङ् वाॽ, हे़क्क्याङ् कुयाःम्बेओ साप्ते़आङ् पप्पा हे़क्के खे़ङ्हाॽरे़ खुने़ॽ निङ्वाॽ थाप्थाप् मे़मे़त्तुआङ् मे़वाॽरो॥”
फे़न्साम्मिल्ले़ तरुबा चुक्पे़न्
(मत्ति १७:१४-२१; लुका ९:३७-४३)
14हे़क्क्याङ् खे़ङ्हाॽ वेॽ हुॽसाम्बाहाॽ मे़वये़बा ते़न्नो मे़गे़रे़ल्ले़ खे़प्मो यरिक् मनाहाॽ मे़जुप्से़आङ् मे़वये़॥ खे़प्मो कुहुॽसाम्बाहाॽ नु साम्योथिम्साम्बाहाॽ पाःन्धक्नु मे़यागे़॥ 15ये़सुन् ये़बा मे़निसुआङ् खे़प्मो के़वाॽबा के़रे़क् मनाहाॽ साॽरिक् हाःप्मे़ले़क्ते़आङ् मे़लोःक्ते़र ये़सुन् से़वा मे़मे़त्तुरो॥ 16ये़सुरे़ कुहुॽसाम्बाहाॽ सेःन्दोसुसि, “खे़ङ्हाॽनु थे़मा पान् के़धक्तिबाबे?”
17हे़क्क्याङ् खे़न् मनाहाॽओ थिक्ले़ पाःत्तु, “सिक्साम्बे, आस्सान् कप्मो तारुङ्ङाङ् वाॽआ, थेआङ्भे़ल्ले़ फे़न्साम्मिल्ले़ तरुआङ् कुबाःन्नाङ् मये़बेआङ् वाॽरो॥ 18फे़न्साम्मिल्ले़ फत्तुल्ले़ खे़न् खाम्मो थाम्सिङ्ङाङ् कुध्यात्तिन् फुजुःक्-फुजुःक् लःन्नाङ् कुहाबोॽबान् इसिक्खुॽ, हे़क्क्याङ् खाक्तुॽरो॥ के़हुॽसाम्बाहाॽ ‘खे़न् फे़न्साम्मिन् आस्साःल्लोलाम् नाःत्ते़म् आबिरे़म्मे़ॽ’ मे़त्तुङ्सिङ्, कर मे़न्छुक्तुन्लो॥”
19ये़सुरे़ खे़ङ्हाॽ मे़त्तुसि, “नसान् के़होःप्पासे, आप्फाल्ले़ थारिक् इङ्गाॽ खिनिॽनु वाॽआर नासि थःत्निङ्बाबे? खे़न् चुक्पे़न् कत्ना फे़त्ते़म्मे़ॽ॥” 20खे़न् चुक्पे़न् ये़सुरो मे़दारु, हे़क्क्याङ् फे़न्साम्मिल्ले़ ये़सुन् निसुआङ् खे़न् चुक्पे़न् खाम्मो पिर्धाप् थाप्सु, हे़क्क्याङ् खे़न् चुक्पे़न् कुध्यात्तिन् फुजुःक्-फुजुःक् लःन्दे़र होःत्छिङ्मा हेःक्ते़रो॥ 21ये़सुरे़ खे़न् चुक्पे़ल्ले़ कुम्बान् सेःन्दोसु, “कन् चुक्पे़न् आप्फाल्ले़आङ्धो अक्खे पोःक्खे़बाबे?”
खे़ल्ले़ नोगप् पिरु, “कन् अङे़ःक्वा वये़आङ्धोए अक्खे पोःक्खे़बारो॥ 22कन् फे़न्साम्मिल्ले़ यरिक्ले़ङ् से़प्मा कोःत्तुल्ले़ चुक्पे़न् मिओ नु च्वाःत्तो से़प्मा फाॽआङ् लाप्फुसु याक्तुरो॥ आदाङ्बे, लुङ्माॽ आदुक्ते़ॽओ, के़सुक्तुने़ फाॽग्र आभाॽरे़ॽओ॥” 23ये़सुरे़ खे़न् मे़त्तु, “‘के़सुक्तुने़ फाॽग्र’ फाॽआङ् थेआङ् के़बाःत्तुबाबे? नसान् के़जोःक्पाल्ले़ कुलागिग थेसाङ् पोङ्मा सुक्लो॥” 24हे़क्केःल्ले़ खे़न् चुक्पे़ल्ले़ कुम्बारे़ खिमो यम्बा इक्लाओ मे़त्तु, “आदाङ्बे, इङ्गाॽ नसान् चोगुङ्, कर आल्लसाङ् यरिक् नसान् चोःक्मा फाॽराङ्ङे़ॽओ!” 25हे़क्क्याङ् ये़सुरे़ यरिक् मनाहाॽ खे़प्मो मे़लोःक्ते़र मे़भे़रे़बा निसुसिआङ् खे़न् फे़न्साम्मिन् फे़ःक्तु, “नाधाक्पा नु कुबान् मे़न्लःम्नाबा फे़न्साम्मे, खे़न् चुक्पे़ल्लोलाम् लःन्दे़ पेगे़ॽआङ् आप्फाल्ले़आङ् याम्मो मे़लासे़न्ने़ॽ!” 26खे़न् फे़न्साम्मिन् फिःक्ते़र खे़न् साॽरिक् थाप्सुधआङ् लःन्दे़ पेरो॥ खे़न् चुक्पे़न् खाक्तुआङ् के़सिबा कुइसिक् पोःक्खे़आङ् ने़स्से़॥ हे़क्केःल्ले़ कुभारे़ग खे़ङ्ग स्ये़ फाॽआङ् मे़बाःत्तुरो॥ 27कर ये़सुरे़ खे़ल्ले़ कुहुक्कोलाम् ते़म्सुर फोःक्खुआङ् ये़प्सु, हे़क्क्याङ् खे़न् ये़म्सिङ्लो॥ 28ये़सुन् हिम्मो लासे़आङ् कुहुॽसाम्बाहाॽरे़ स्वाःत्ताङ् सेःन्मे़दोसु, “थेआङ् आनिगे खे़न् फे़न्साम्मिन् नाःप्मा लःप्मा मे़सुक्तुम्बे़न्बाबे?”
29ये़सुरे़ नोगप् पिरुसि, “अक्तङ्बाङ्ग तुवाःल्ले़रक् नाःप्मा लःप्मा सुक्ते़त्लो॥”
ये़सुरे़ कुसिमे़ल्ले़ कुयाःम्बेओ पाःत्तुॽ
(मत्ति १७:२२-२३; लुका ९:४३-४५)
30हे़क्क्याङ् ये़सुन् नु कुहुॽसाम्बाहाॽरे़ खे़न् ते़न्निन् पक्मे़धःआङ् गालिल मे़लस्सुर मे़बे॥ खुनिॽ आत्तो मे़वाॽ फाॽआङ् वेॽहाॽरे़ निङ्वाॽ मे़ङ्घोसुन्ल के़लॽबा ये़सुरे़ निङ्वाॽ इतुआङ् वये़रो, 31थेआङ्भे़ल्ले़ खुने़ॽ कुहुॽसाम्बाहाॽ हुॽरुसिर वये़॥ खे़ङ्हाॽ अक्खे मे़त्तुसि, “आल्ल मे़न्छाम्सान् इङ्मे़ले़क्तुॽ हे़क्क्याङ् मनाहाॽरो हुक् मे़सुप्तु मे़बिरुॽआङ् खे़ङ्हाॽरे़ खुने़ॽ मे़से़रुॽ, कर सुम्ये़न् एगाङ् सिमे़न्लाम् याम्मो कुहिङ्वे़त् पोङ्लो॥” 32कर कुहुॽसाम्बाहाॽरे़ खुने़ॽ पाःत्तुबा पाःन्निन् कुसिङ् मे़न्निःत्तुन्, हे़क्क्याङ् खे़ङ्हाॽ याम्मो सेःन्दोमाआङ् मे़गिसे़रो॥
यम्लाबा हाःत्?
(मत्ति १८:१-५, १०:४२; लुका ९:४६-५०)
33खे़ङ्हाॽ कपर्नहुम्मो मे़द्ये़आङ् खे़प्मोबा हिम्मो मे़वये़ल्ले़ ये़सुरे़ कुहुॽसाम्बाहाॽ सेःन्दोसुसि, “आन्देन् लाम्मो खिनिॽ थे़माःन् पान् के़धक्तिर के़वयिबाबे?” 34कर खे़ङ्हाॽ मे़म्बारे़न्, थेआङ्भे़ल्ले़ खे़ङ्हाॽ आनिॽओ के़रे़क्नुःल्ले़ यम्बान् हाःप्पे फाॽआङ् पाःन्मे़धक्ते़आङ् मे़वये़रो॥ 35ये़सुन् युङ्सिङ्ङाङ् थिक्-ने़त् (१२) कुहुॽसाम्बाहाॽ उःत्तुसिआङ् मे़त्तुसि, “हाःत्ले़ तगि पोङ्मा निङ्वाॽ चोगुॽ, खे़न् के़रे़क्नुःल्ले़ एगाङ् पोङ्माआङ् के़रे़क्ले़ खुनिॽ से़वारोबा पोङ्मा पोङ्लो॥” 36हे़क्क्याङ् ये़सुरे़ खे़प्मो हिन्जाॽधिक् खुनिॽ लुम्मो ये़प्सु, हे़क्क्याङ् कुभक्तुङ्ङो युक्खुर मे़त्तुसि, 37“आत्तिल्ले़ आमिङ्ङो अक्तङ्बा चुक्सा हिन्जाॽइन् लाम्दाःक्तुॽ, खे़ल्ले़ इङ्गाॽ लाम्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाङ्दाःक्तुॽ॥” 38कुहुॽसाम्बाहाॽओ थिक्पा युहुन्ना मे़प्मनाबाल्ले़ खुने़ॽ मे़त्तु, “सिक्साम्बे, आनिगे लत्छा मनाधिक्ले़ के़मिङ्ङो फे़न्साम्हाॽ नाःत्तुसिर पत्छे़बा निसुम्बे़॥ हे़क्क्याङ् आनिगे खे़न् ‘हे़क्के मे़जोगे़न्ने़ॽ’ मे़त्तुम्बे़, थेआङ्भे़ल्ले़ खे़न् आनिॽनु सोरिक् लाङ्मे़घेःक्ने़न्लो॥” 39ये़सुरे़ खे़ङ्हाॽ मे़त्तुसि, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हाःत्ले़ इङ्गाॽ आमिङ्ङो निङ्वाॽ के़माबा याःम्बक् चोगुॽ, खे़न् आदक्ले़ङ्वाओ हारा मे़बोःक्ने़न्लो॥ 40आत्तिन् आनिॽ तक्ले़ङ्वाओ होप्, खे़न् आनिॽ ले़प्माङ् वाॽरो॥ 41इङ्गाॽ से़क्खाए मे़त्निङ्, आत्तिल्ले़ खिनिॽ निङ्वाॽफुमाङ्ङिल्ले़ सेःन्दुबा ख्रिस्तरे़ कुमना फाॽआङ् फङ्नाधिक् च्वाःत् के़बिरिॽ, खे़ल्ले़ से़क्खासाङ् थुम्घोन् खोसुॽएरो॥”
लायो चोःक्मा के़बाङ्बान् साम्दिङ्
(मत्ति १८:६-९; लुका १७:१-२)
42“हे़क्क्याङ् आत्तिल्ले़ इङ्गाॽ याप्मि नसान् के़जोःक्पा चुक्सा हिन्जाॽधिक् लायो चोःक्मा पाङ्घुॽ, खे़ल्ले़ कुनिःङ्मो लुम्सुम्मिन्#९:४२ लुम्सुम्मिन्—कन् चा युःप्मा यम्बा पे़ःप्पे़त्ता लुङ् वये़॥ फोःम्माआङ् वरक्को लाप्फुमाल्ले़ए नुबा पोङ्लो॥ 43खे़ने़ॽ के़हुक्किल्ले़ लायो चोःक्मा के़बाङ्ने़ फाॽग्र खक्ते़देसे़ॽओ॥ ने़त्छि हुक्नु आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेःक्मानुःल्ले़ग हुक्थिक् मेःन्ने मे़न्नुप्मनाबा हिङ्मन् खोमाए नुबारो॥ 44(खे़मायङ्सङ्ङोग फेॽबात् नु मिन् मे़सिने़न्लो॥) 45के़लाङ्ङिल्ले़ लायो चोःक्मा के़बाङ्ने़ फाॽग्र खक्ते़देसे़ॽ॥ ने़त्छि लाङ्नु खे़मायङ्सङ्ङो पेःक्मानुःल्ले़ग लाङ्धिक् मेःन्ने मे़न्नुप्मनाबा हिङ्मन् खोमाए नुबारो॥ 46(खे़मायङ्सङ्ङोग फेॽबात् नु मिन् मे़सिने़न्लो॥) 47के़मिक्किल्ले़ लायो चोःक्मा के़बाङ्ने़ फाॽग्र यगे़लःत्ते़ॽ॥ ने़त्छि मिक्किन्नु खे़मायङ्सङ्ङो पेःक्मानुःल्ले़ग मिक्थिक्नु निङ्वाॽफुहाङ्जुम्मो लाःप्मा नुबारो॥ 48खे़मायङ्सङ्ङोग फेॽबात् नु मिन् मे़सिने़न्लो॥#यसै ६६:२४ 49युम्मिल्ले़ सिदुङ्जभान् सुत्थो चोगुबा हे़क्केए मिःल्ले़ के़रे़क् मनाहाॽ सुत्थो चोगुसिॽरो॥ 50युम्मिन् नुबा चोक्, कर युम्मिल्ले़ कुलिम्मे़न् माःने़ फाॽग्र आक्खेआङ् खे़न् के़लिम्बा के़जोगुम्बे? खिनिॽ हिङ्मन्नो युम्मिन् कत्ते़म्मे़ॽआङ् के़रे़क्नु सनारुङ्ङो वये़म्मे़ॽओ॥”
Currently Selected:
मर्कुस 9: LIF
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
मर्कुस 9
9
1ये़सुरे़ खे़ङ्हाॽ याम्मो मे़त्तुसि, “इङ्गाॽ से़क्खाए मे़त्निङ्, कप्मो के़ये़प्पा कुभा मनाहाॽ निङ्वाॽफु हाङ्जुम्मिन् मुक्साम्नु युःबा मे़न्निए थारिक् मे़न्छिःने़न्लो॥”
ये़सुरे़ कुधक्किन् ले़ङ्सिङ्
(मत्ति १७:१-१३; लुका ९:२८-३६)
2तुक्सि (६) ये़न् एगाङ् ये़सुरे़ पत्रुस, याकुब नु युहुन्नान् थो केःम्बा कोःक्माओ तेॽरुसि॥ खे़प्मो हाःत्ताङ् मे़होःप्ते़॥ हे़क्क्याङ् खे़ङ्हाॽरे़ ओमे़मे़त्तुर मे़बत्छे़ल्ले़ए ये़सुरे़ कुनाइबेक् ले़ङ्सिङ्ल पेआङ् 3कुदेःत्हाॽ मिक्किन् चे़मुर थारिक् फुत्त्रिःङ्ग्याःप्पा पोःक्खे़, खे़म्म्याक् साॽरिक् फ लॽर थारिक् इक्सादिङ् खाम्बेःक्मो हाःत्ले़आङ् चाङ्ङिन् वाहप्मा मे़सुक्तुन्लो॥ 4हे़क्क्याङ् माङ्निङ्वाॽपान् के़बाःप्पा एलियान् नु मोसान् थाःम्ने़त्छिआङ् ये़सुन् नु ताॽजे़क्खे़त्छिरो॥ 5पत्रुसरे़ ये़सुन् मे़त्तु, “सिक्साम्बे, आनिॽग कप्मोए आवाॽइल्ले़ नुबा पोङ्लो॥ आनिगे कप्मो सुम्सि याक्साहाॽ चोगुम्बे़बि? थिक् खे़ने़ॽइन् हे़क्क्याङ् मोसान् नु एलियारे़ खुन्छिॽ लागिआङ् थिक्थिक् चोगुम्बे़रो!” 6पत्रुसरे़ थे पाःप्माबे फाॽआङ् कुनिङ्वाॽइल्ले़ थेआङ् मे़धाप्तुन्, थेआङ्भे़ल्ले़ खे़ङ्हाॽ साॽरिक् मे़गिसे़आङ् मे़वये़रो॥ 7हे़क्क्याङ् खाप्मिःत्तिल्ले़ चिदे़प् ते़प्तुसिआङ् खाप्मिःत्तोलाम् अक्तङ्बा इक्ला मे़घे़प्सु, “कन् आमिःम् आस्सारो॥ खुने़ॽ पाःत्तुबा पाःन्निन् खे़प्से़म्मे़ॽओ॥” 8खे़ङ्हाॽ खिरि ओमे़मःये़ल्ले़ ये़सुन् लक् वये़, वेॽ हाःत्ताङ् मे़होःप्ते़रो॥ 9खे़ङ्हाॽ कोःक्मालाम् यो मे़ध्ये़र मे़बत्छे़ल्ले़ ये़सुरे़ खे़ङ्हाॽ कन् के़निसुम्बा पाःन्निन् इङ्गाॽ मे़न्छाम्सान् सिमे़न्लाम् याम्मो मे़न्हिङ्ङे थारिक् हाःत्ताङ् मे़जे़क्ते़म्मे़न्ने़ॽ फाॽआङ् इङ्जाङ् पिरुसिरो॥ 10खे़ङ्हाॽरे़आङ् कन् पाःन्निन् खुनिॽ लुम्मोए मे़युक्खु॥ खे़ङ्हाॽ कन् सिमे़न्लाम् हिङ्मा फाॽइन् थे़माने़बे फाॽआङ् पान् मे़धक्ते़रो॥
11हे़क्क्याङ् खे़ङ्हाॽरे़ खुने़ॽ सेःन्मे़दोसु, “थेआङ् साम्योथिम्साम्बाहाॽरे़ निङ्वाॽफुमाङ्ङिल्ले़ सेःन्दुबा ख्रिस्ते़न् तामानुःल्ले़ तगि एलियाःङ्ग युःमाए पोङ् फाॽआङ् मे़बाःत्तुबाबे?”
12हे़क्केःल्ले़ ये़सुरे़ अक्खे मे़त्तुसि, “से़क्खाएरो, एलियाःङ्ग युःॽआङ् निङ्वाॽफुमाङ्ङिल्ले़ सेःन्दुबा ख्रिस्तरे़ कुदामान् के़रे़क् यारिप् चोगुॽरो॥ आक्खेलॽरिक् मे़न्छाम्सान् तुक्खे चामाए पोङ्, हे़क्क्याङ् खुने़ॽ मनाहाॽरे़ मे़नाॽरु के़लॽबा साप्ते़आङ् मे़बत्ने़न्बि? 13कर एलियान् त्ये़ चुरे़आङ् वाॽ, हे़क्क्याङ् कुयाःम्बेओ साप्ते़आङ् पप्पा हे़क्के खे़ङ्हाॽरे़ खुने़ॽ निङ्वाॽ थाप्थाप् मे़मे़त्तुआङ् मे़वाॽरो॥”
फे़न्साम्मिल्ले़ तरुबा चुक्पे़न्
(मत्ति १७:१४-२१; लुका ९:३७-४३)
14हे़क्क्याङ् खे़ङ्हाॽ वेॽ हुॽसाम्बाहाॽ मे़वये़बा ते़न्नो मे़गे़रे़ल्ले़ खे़प्मो यरिक् मनाहाॽ मे़जुप्से़आङ् मे़वये़॥ खे़प्मो कुहुॽसाम्बाहाॽ नु साम्योथिम्साम्बाहाॽ पाःन्धक्नु मे़यागे़॥ 15ये़सुन् ये़बा मे़निसुआङ् खे़प्मो के़वाॽबा के़रे़क् मनाहाॽ साॽरिक् हाःप्मे़ले़क्ते़आङ् मे़लोःक्ते़र ये़सुन् से़वा मे़मे़त्तुरो॥ 16ये़सुरे़ कुहुॽसाम्बाहाॽ सेःन्दोसुसि, “खे़ङ्हाॽनु थे़मा पान् के़धक्तिबाबे?”
17हे़क्क्याङ् खे़न् मनाहाॽओ थिक्ले़ पाःत्तु, “सिक्साम्बे, आस्सान् कप्मो तारुङ्ङाङ् वाॽआ, थेआङ्भे़ल्ले़ फे़न्साम्मिल्ले़ तरुआङ् कुबाःन्नाङ् मये़बेआङ् वाॽरो॥ 18फे़न्साम्मिल्ले़ फत्तुल्ले़ खे़न् खाम्मो थाम्सिङ्ङाङ् कुध्यात्तिन् फुजुःक्-फुजुःक् लःन्नाङ् कुहाबोॽबान् इसिक्खुॽ, हे़क्क्याङ् खाक्तुॽरो॥ के़हुॽसाम्बाहाॽ ‘खे़न् फे़न्साम्मिन् आस्साःल्लोलाम् नाःत्ते़म् आबिरे़म्मे़ॽ’ मे़त्तुङ्सिङ्, कर मे़न्छुक्तुन्लो॥”
19ये़सुरे़ खे़ङ्हाॽ मे़त्तुसि, “नसान् के़होःप्पासे, आप्फाल्ले़ थारिक् इङ्गाॽ खिनिॽनु वाॽआर नासि थःत्निङ्बाबे? खे़न् चुक्पे़न् कत्ना फे़त्ते़म्मे़ॽ॥” 20खे़न् चुक्पे़न् ये़सुरो मे़दारु, हे़क्क्याङ् फे़न्साम्मिल्ले़ ये़सुन् निसुआङ् खे़न् चुक्पे़न् खाम्मो पिर्धाप् थाप्सु, हे़क्क्याङ् खे़न् चुक्पे़न् कुध्यात्तिन् फुजुःक्-फुजुःक् लःन्दे़र होःत्छिङ्मा हेःक्ते़रो॥ 21ये़सुरे़ खे़न् चुक्पे़ल्ले़ कुम्बान् सेःन्दोसु, “कन् चुक्पे़न् आप्फाल्ले़आङ्धो अक्खे पोःक्खे़बाबे?”
खे़ल्ले़ नोगप् पिरु, “कन् अङे़ःक्वा वये़आङ्धोए अक्खे पोःक्खे़बारो॥ 22कन् फे़न्साम्मिल्ले़ यरिक्ले़ङ् से़प्मा कोःत्तुल्ले़ चुक्पे़न् मिओ नु च्वाःत्तो से़प्मा फाॽआङ् लाप्फुसु याक्तुरो॥ आदाङ्बे, लुङ्माॽ आदुक्ते़ॽओ, के़सुक्तुने़ फाॽग्र आभाॽरे़ॽओ॥” 23ये़सुरे़ खे़न् मे़त्तु, “‘के़सुक्तुने़ फाॽग्र’ फाॽआङ् थेआङ् के़बाःत्तुबाबे? नसान् के़जोःक्पाल्ले़ कुलागिग थेसाङ् पोङ्मा सुक्लो॥” 24हे़क्केःल्ले़ खे़न् चुक्पे़ल्ले़ कुम्बारे़ खिमो यम्बा इक्लाओ मे़त्तु, “आदाङ्बे, इङ्गाॽ नसान् चोगुङ्, कर आल्लसाङ् यरिक् नसान् चोःक्मा फाॽराङ्ङे़ॽओ!” 25हे़क्क्याङ् ये़सुरे़ यरिक् मनाहाॽ खे़प्मो मे़लोःक्ते़र मे़भे़रे़बा निसुसिआङ् खे़न् फे़न्साम्मिन् फे़ःक्तु, “नाधाक्पा नु कुबान् मे़न्लःम्नाबा फे़न्साम्मे, खे़न् चुक्पे़ल्लोलाम् लःन्दे़ पेगे़ॽआङ् आप्फाल्ले़आङ् याम्मो मे़लासे़न्ने़ॽ!” 26खे़न् फे़न्साम्मिन् फिःक्ते़र खे़न् साॽरिक् थाप्सुधआङ् लःन्दे़ पेरो॥ खे़न् चुक्पे़न् खाक्तुआङ् के़सिबा कुइसिक् पोःक्खे़आङ् ने़स्से़॥ हे़क्केःल्ले़ कुभारे़ग खे़ङ्ग स्ये़ फाॽआङ् मे़बाःत्तुरो॥ 27कर ये़सुरे़ खे़ल्ले़ कुहुक्कोलाम् ते़म्सुर फोःक्खुआङ् ये़प्सु, हे़क्क्याङ् खे़न् ये़म्सिङ्लो॥ 28ये़सुन् हिम्मो लासे़आङ् कुहुॽसाम्बाहाॽरे़ स्वाःत्ताङ् सेःन्मे़दोसु, “थेआङ् आनिगे खे़न् फे़न्साम्मिन् नाःप्मा लःप्मा मे़सुक्तुम्बे़न्बाबे?”
29ये़सुरे़ नोगप् पिरुसि, “अक्तङ्बाङ्ग तुवाःल्ले़रक् नाःप्मा लःप्मा सुक्ते़त्लो॥”
ये़सुरे़ कुसिमे़ल्ले़ कुयाःम्बेओ पाःत्तुॽ
(मत्ति १७:२२-२३; लुका ९:४३-४५)
30हे़क्क्याङ् ये़सुन् नु कुहुॽसाम्बाहाॽरे़ खे़न् ते़न्निन् पक्मे़धःआङ् गालिल मे़लस्सुर मे़बे॥ खुनिॽ आत्तो मे़वाॽ फाॽआङ् वेॽहाॽरे़ निङ्वाॽ मे़ङ्घोसुन्ल के़लॽबा ये़सुरे़ निङ्वाॽ इतुआङ् वये़रो, 31थेआङ्भे़ल्ले़ खुने़ॽ कुहुॽसाम्बाहाॽ हुॽरुसिर वये़॥ खे़ङ्हाॽ अक्खे मे़त्तुसि, “आल्ल मे़न्छाम्सान् इङ्मे़ले़क्तुॽ हे़क्क्याङ् मनाहाॽरो हुक् मे़सुप्तु मे़बिरुॽआङ् खे़ङ्हाॽरे़ खुने़ॽ मे़से़रुॽ, कर सुम्ये़न् एगाङ् सिमे़न्लाम् याम्मो कुहिङ्वे़त् पोङ्लो॥” 32कर कुहुॽसाम्बाहाॽरे़ खुने़ॽ पाःत्तुबा पाःन्निन् कुसिङ् मे़न्निःत्तुन्, हे़क्क्याङ् खे़ङ्हाॽ याम्मो सेःन्दोमाआङ् मे़गिसे़रो॥
यम्लाबा हाःत्?
(मत्ति १८:१-५, १०:४२; लुका ९:४६-५०)
33खे़ङ्हाॽ कपर्नहुम्मो मे़द्ये़आङ् खे़प्मोबा हिम्मो मे़वये़ल्ले़ ये़सुरे़ कुहुॽसाम्बाहाॽ सेःन्दोसुसि, “आन्देन् लाम्मो खिनिॽ थे़माःन् पान् के़धक्तिर के़वयिबाबे?” 34कर खे़ङ्हाॽ मे़म्बारे़न्, थेआङ्भे़ल्ले़ खे़ङ्हाॽ आनिॽओ के़रे़क्नुःल्ले़ यम्बान् हाःप्पे फाॽआङ् पाःन्मे़धक्ते़आङ् मे़वये़रो॥ 35ये़सुन् युङ्सिङ्ङाङ् थिक्-ने़त् (१२) कुहुॽसाम्बाहाॽ उःत्तुसिआङ् मे़त्तुसि, “हाःत्ले़ तगि पोङ्मा निङ्वाॽ चोगुॽ, खे़न् के़रे़क्नुःल्ले़ एगाङ् पोङ्माआङ् के़रे़क्ले़ खुनिॽ से़वारोबा पोङ्मा पोङ्लो॥” 36हे़क्क्याङ् ये़सुरे़ खे़प्मो हिन्जाॽधिक् खुनिॽ लुम्मो ये़प्सु, हे़क्क्याङ् कुभक्तुङ्ङो युक्खुर मे़त्तुसि, 37“आत्तिल्ले़ आमिङ्ङो अक्तङ्बा चुक्सा हिन्जाॽइन् लाम्दाःक्तुॽ, खे़ल्ले़ इङ्गाॽ लाम्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाङ्दाःक्तुॽ॥” 38कुहुॽसाम्बाहाॽओ थिक्पा युहुन्ना मे़प्मनाबाल्ले़ खुने़ॽ मे़त्तु, “सिक्साम्बे, आनिगे लत्छा मनाधिक्ले़ के़मिङ्ङो फे़न्साम्हाॽ नाःत्तुसिर पत्छे़बा निसुम्बे़॥ हे़क्क्याङ् आनिगे खे़न् ‘हे़क्के मे़जोगे़न्ने़ॽ’ मे़त्तुम्बे़, थेआङ्भे़ल्ले़ खे़न् आनिॽनु सोरिक् लाङ्मे़घेःक्ने़न्लो॥” 39ये़सुरे़ खे़ङ्हाॽ मे़त्तुसि, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हाःत्ले़ इङ्गाॽ आमिङ्ङो निङ्वाॽ के़माबा याःम्बक् चोगुॽ, खे़न् आदक्ले़ङ्वाओ हारा मे़बोःक्ने़न्लो॥ 40आत्तिन् आनिॽ तक्ले़ङ्वाओ होप्, खे़न् आनिॽ ले़प्माङ् वाॽरो॥ 41इङ्गाॽ से़क्खाए मे़त्निङ्, आत्तिल्ले़ खिनिॽ निङ्वाॽफुमाङ्ङिल्ले़ सेःन्दुबा ख्रिस्तरे़ कुमना फाॽआङ् फङ्नाधिक् च्वाःत् के़बिरिॽ, खे़ल्ले़ से़क्खासाङ् थुम्घोन् खोसुॽएरो॥”
लायो चोःक्मा के़बाङ्बान् साम्दिङ्
(मत्ति १८:६-९; लुका १७:१-२)
42“हे़क्क्याङ् आत्तिल्ले़ इङ्गाॽ याप्मि नसान् के़जोःक्पा चुक्सा हिन्जाॽधिक् लायो चोःक्मा पाङ्घुॽ, खे़ल्ले़ कुनिःङ्मो लुम्सुम्मिन्#९:४२ लुम्सुम्मिन्—कन् चा युःप्मा यम्बा पे़ःप्पे़त्ता लुङ् वये़॥ फोःम्माआङ् वरक्को लाप्फुमाल्ले़ए नुबा पोङ्लो॥ 43खे़ने़ॽ के़हुक्किल्ले़ लायो चोःक्मा के़बाङ्ने़ फाॽग्र खक्ते़देसे़ॽओ॥ ने़त्छि हुक्नु आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेःक्मानुःल्ले़ग हुक्थिक् मेःन्ने मे़न्नुप्मनाबा हिङ्मन् खोमाए नुबारो॥ 44(खे़मायङ्सङ्ङोग फेॽबात् नु मिन् मे़सिने़न्लो॥) 45के़लाङ्ङिल्ले़ लायो चोःक्मा के़बाङ्ने़ फाॽग्र खक्ते़देसे़ॽ॥ ने़त्छि लाङ्नु खे़मायङ्सङ्ङो पेःक्मानुःल्ले़ग लाङ्धिक् मेःन्ने मे़न्नुप्मनाबा हिङ्मन् खोमाए नुबारो॥ 46(खे़मायङ्सङ्ङोग फेॽबात् नु मिन् मे़सिने़न्लो॥) 47के़मिक्किल्ले़ लायो चोःक्मा के़बाङ्ने़ फाॽग्र यगे़लःत्ते़ॽ॥ ने़त्छि मिक्किन्नु खे़मायङ्सङ्ङो पेःक्मानुःल्ले़ग मिक्थिक्नु निङ्वाॽफुहाङ्जुम्मो लाःप्मा नुबारो॥ 48खे़मायङ्सङ्ङोग फेॽबात् नु मिन् मे़सिने़न्लो॥#यसै ६६:२४ 49युम्मिल्ले़ सिदुङ्जभान् सुत्थो चोगुबा हे़क्केए मिःल्ले़ के़रे़क् मनाहाॽ सुत्थो चोगुसिॽरो॥ 50युम्मिन् नुबा चोक्, कर युम्मिल्ले़ कुलिम्मे़न् माःने़ फाॽग्र आक्खेआङ् खे़न् के़लिम्बा के़जोगुम्बे? खिनिॽ हिङ्मन्नो युम्मिन् कत्ते़म्मे़ॽआङ् के़रे़क्नु सनारुङ्ङो वये़म्मे़ॽओ॥”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.