मत्ति निसुम्
निसुम्
मत्तिरे़ साप्तुबा कन् साप्पन्निल्ले़ ये़सु ख्रिस्ते़न् तगिनुसा ता फाॽआङ् सेसे माङ्हे़क् चोःक्मनाबा से़न्लप्दाङ्बा लॽरिक् ओसेःन्दाङ् चोगुॽरो॥ तगिसमा माङ्हुप्पो निङ्वाॽफुमाङ्ङिल्ले़ आबाङे कुमना यहुदिहाॽ खिनिॽओ से़न्लप्दाङ्बा थिक् पाङ्घुङ् लॽरिक् माङ्हे़क् चोगुआङ् वये़रो॥ निङ्वाॽफुमाङ्ङिल्ले़ ये़सुन् इक्सादिङ् खाम्बेःक्मो पाङ्घुयुसुआङ् खे़न् माङ्हे़क्किन् के़त्तुरो॥ कन् सुनाइङ्ङिङ्ग यहुदिहाॽरे़ लागिरक् मेःन्, कर इक्सादिङ् खाम्बेःक्मोबा के़रे़क् मे़न्छाम् याप्मिहाॽरे़ खुनिॽ लागिआङ्लो॥
मत्तिरे़ कन् सुनाइङ्ङो पोःक्खे़बा के़रे़क् हिन्दोक्हाॽ थे़प्पे़त्ताङ् साप्तुआङ् पत्लो॥ खुने़ॽ कन् साप्पन्नो ये़सुन् सावाःन्छिङ्बा, बप्तिस्मा पोःक्खे़बा, कुनिङ्वाॽ साॽरे़बा हे़क्क्याङ् गालिल हे़ङ्घात्ति सुनाइङ् इङ्भोसुबा, निसाम् हुॽरुसिबा नु मनाहाॽ वेःन्दुसिबा पाःन्हाॽ चे़क्खुआङ् पत्लो॥ हे़क्केलॽरिक्के मत्तिरे़ ये़सुन् यरुसले़म पेबा, सिमानुःल्ले़ तगि खे़प्मो वये़बा पाःन्हाॽ हे़क्क्याङ् खुने़ॽ सिलाम्साक्मा सिङ्ङो मे़भोन्दु मे़से़रुबा नु सुम्ये़न् एगाङ् खुने़ॽ याम्मो हिङे़बा पाःन्निन्नाङ् साप्तुआङ् पत्लो॥
कन् सुनाइङ्ङिल्ले़ ये़सुन् साम्योथिम् नु निङ्वाॽफुहाङ्जुम्मिल्ले़न् सिबिॽ पाःन्हाॽ पोधक् चोःक्मा युक् के़गप्पा यम्बा सिक्साम्बा लॽरिक् ओसेःन्दाङ् आजोःक्लो॥
ताङ्बा थामिङ्
ये़सु ख्रिस्तरे़ कुमिङ्स्रा नु बप्तिस्मा पोःक्खे़बा १:१–२:२३
बप्तिस्मा के़बिबा युहुन्नाःल्ले़ कुमाङ्सेवा याःम्बक् ३:१-१२
ये़सुन् बप्तिस्मा पोःक्खे़बा नु माफे़न्साम्मिल्ले़ कुनिङ्वाॽ साॽरुबा ३:१३–४:११
गालिल थुम्मो ये़सुरे़ चोगुबा माङ्से़वा याःम्बक् ४:१२–१८:३५
गालिललाम् यरुसले़म थारिक् १९:१–२०:३४
खुने़ॽ यरुसले़म वये़बा कुनुप्मा ये़त्नाम् २१:१–२७:६६
ये़सुन् सिमे़न्लाम् याम्मो हिङे़आङ् कुहुॽसाम्बाहाॽओ ओसेःन्धाक्सिङ्बा २८:१-२०
Currently Selected:
मत्ति निसुम्: LIF
Highlight
Share
Compare
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.